طلعوا يجريو على عيطة فخرية ؛ لقاوها هابطة فدروج
رهف : واشبيك تعيطي ؛ روسلين وين راهي
فخرية : مدام ، روسلين روسلين ....طلعت رهف تجري ؛ فخرية شافتها طايحة و الدم سايح من راسها خافت و بدات تعيط ؛ دخلت رهف و لحقوها لوخرين عيطت باسمها وقت شافتها طايحة و الدم فالارض ؛ طاحت فالارض تمسحلها على راسها
رهف : روسلين نوضي واش صرالك يا بنتي
ادهم دخل لقاها طايحة و رهف طايحة فوقها ميس تبكي ، دخل جاسم و فاطمة و موراهم ريحان و امجد ، فاطمة شهقت كي شافتها ، ادهم راح رفدها حطها فوق البونك تاعها و امجد عيط للطبيب تاعهم باش يجي ، جاسم كان حاط يدو على الحيط شاد بيها روحو ؛ فاطمة قعدت فالبونك و رهف واقفة فوقها
ادهم مور ماحطها ، شاف الجرح لي فراسها عرف الدم هذاك لي ساح كي قاست راسها ، غزر فالكوافوز تاعها لقا البارفان راح جابها و دارها فيدو و حطلها تشمها .... بدات تتفاطن بشوية حلت عينيها لي كانو منفخين و حمورا و شفارتيها مزال مشمخين بالدموع ، رهف غير شافتها تفاطنت هبطت عندها
رهف : روسلين ماما راكي مليحة واش صرالك بنتي
فاطمة : رهف خلي الطفلة مزالها دايخة ؛ روسلين بنتي دوك يجي طبيب و يشوفكراسها كانت حاساتو رزين غمضت و فتحت عينيها شحال باش بدات تروحلها الدوخة غزرت فيدها لي لقاتها عند ادهم جبدتها قعدت شوية لقات الطبيب دخل تافافت
روسلين : مكانش لازم تعيطولوا
فاطمة : هيا نخرجو خليو معاها يماها برك ؛ رهف رانا برادارتلها براسها ايه خرجوا كامل فاطمة لحقت قدام الباب دورت راسها لادهم لقاتو ناض حسبتو جاي بصح هو وقف قدامها ، خرجت فاطمة و قعدو يستناو برا ، جوزلها طبيب منبعد قالتلو رهف
رهف : دكتور واشبيها
طبيب : طاحلها سكر مدام ... راح نمدلها des vitamines تشريهم و تولي تاكل مليح ؛ بالشفاء عليك مدموزال ( لا علاقة لي بالطب 😁 )
رهف : مارسي دكتور ... روسلين انا نوصل طبيب و نجيبلك العشاء و نجي هكذاباستها من راسها و خرجت مع الطبيب لي زاد طمن لي واقفين برا ، روسلين حست بادهم لي مزالوا واقف قدامها و مخرجش ، دورت راسها للتاقة حتى سمعتو هدر
ادهم : كيفاش راكي دوكا
روسلين : راني مليحة
ادهم : اممخرج و خلاها تائهة فافكارها ، فالاخر خسر عليها كلمة واش كانت تستنى منه زعما يقعد معاها و يحللها و يطلب سماح قاطعتها نهال وقت دخلت جرات عنقتها
نهال : روسلين هذاوين قاتلي ماما .... كيفاش راكي دوكا
حطت روسلين راسها على صدرها و قالتلها
روسلين : راني عيانة و مخلطة بزاف
نهال : واشبيك ، وجهك راهو عيان و عينيك منفخين قوليلي سراج كشما دارلك ؟تبسمت روسلين و غمضت عينيها
روسلين : مدارلي والو .... البروبلام فيا .... مرانيش فاهمة روحي كامل
نهال : معليش دوكا ريحي شوية و كي تحسي روحك مليحة نقسرودارتلها براسها ايه و دخلت رهف و سنيوة فيدها ؛ خزرت فيها نهال و دارتلها براسها خليها عليا تبسمت رهف و خرجت
نهال : رورو هيا ختي تاكلي شوية
روسلين : معينيش نهال
نهال : وووه لازم تاكلي هيا نوضينوضتها بسيف كلات شوية و حبست
روسلين : نهال شبعت حابة نرقد دوكا
نهال : معليشرفدت سنيوة حتى لقات فاطمة دخلت خرجت نهال مع سنيوة و فاطمة قعدت مع روسلين
فاطمة : كيفاش راهي شابة تاعي
روسلين : راني مليحة ماني
فاطمة : ممم غير اتفششي و زيدي يا يا لالة اليوم كامل كنا راح نموتوا مالخوف عليك
روسلين: بعيد شر عليكم ؛ و زيد ماني مكانش لازم تكبروها كامل هكا و جيبو طبيب يعني دخت برك درتو هكذا هه و لوكان مت ولا كاش حاجة
فاطمة : اللطف عليك ، متعرفيش كامل تهدري زيد حنا عندنا روسلين وحدة
روسلين : ايه بصح هيا غير شوية عيا و نقص ماكلة يعني ماشي حاجة كبيرة فطوم
فاطمة : ايه ماشي حاجة .... الطفلة لقيناها طايحة و الدم يسيل من راسها و تقولي نورمال .... ديجا وعلاش عينيك راهم منفخين و حمورا هكذا كنتي تبكي ؟؟
روسلين : اههه ... لالا مكنتش نبكي ياك قتلك لعيا و الستراس تاع القرايا بركروسلين كانت مكسلة و فاطمة قاعدة قدامها
فاطمة : اممم الستراس تاع لقرايا ولا ....
روسلين : ولا !!
فاطمة : ولا ادهمهذا هو البارت لبنات سمحولي على الاكالة مي الله غالب البارت لي تقراوها فدقائق انا نقعد نخمم فالاحداث تاعهم و نظمهم فوقت طويل المهم اذا راكم ساهمرين حتى 2 ولا كثر نقعد نكتب و كي يوجد البارت نحطه و اذا ترقده نتلقاو غدوة ان شاء الله 💚💛💛💚
YOU ARE READING
ابن عمي { ادهم و روسلين } _ باللهجة الجزائرية
Romanceالقصة دور في دار وحدة بين اولاد العم و باقي التفاصيل تعرفوهم فالكرونيك ملاحظة : الرواية من نسج خيالي لا علاقة لها بالواقع