كانت روسلين قاعدة مع نهال ؛ روسلين تاكل فشوكولا و نهال تشرب فجو و يقسرو حتى سمعت صوت ماشي غريب عليها
**** : روسلين
طلعت روسلين راسها و غير شافتو ضحكت ضحكة عريضة حتى بانو سنانها 😒
روسلين : سراج سراج : واش سافا هاذي غيبة روسلين : الحمد لله و نتا سراج : سافا و نتيا نهال واشراكي نهال : لاباس روسلين : ايهيه واش جابك سراج : راني نقرا هنا بارسكو كي رحلنا جينا لهنا على جال خدمة بابا روسلين : اهه مليح سراج : و نتوما كيفاش حتى راكم هنا بدلتو لافاك ؟؟؟ روسلين : ايه بارسكو جينا نعيشو عند جدي سراج : ههه شفتي كيفاش صدفة جمعتنا المهم انا نخليكم
راح سراج و نهال خبطت روسلين بكتفها
نهال : اوهوه واحد ناس راهم فرحانين روسلين : حبسي نهال نهال : امم زعما روسلين : ههه خلاص ايه فرحت و راح نطير بسعادة نهال : ههه و اخيرا جا حبيب القلب روسلين : قتلك يعجبني و بلاك نحبو ماشي راني معاه ولا حبيب القلب و منعرف واش نهال : اممم معلبالناش واش كاين غدوة
تبسمتلها و روسلين كملوا يادلوا فسكات
نعرفكم بسراج 25 سنة ؛ هذا عامه الاخر فلفاك ( معاود ) كان يقرا فلفاك لي تقرا فيها روسلين ؛ عرفته بارسكو كان فشلة تاعهم كان يعجبها بزاف مالغري مكانوش يتلقاو بزاف منبعد هو رحل و جازت هاذ الحكاية عندها عام و دوكا كيما شفتو ولا
في الليل كامل :
كانوا كامل قاعدين يتعشاو حتى نطق جاسم
جاسم : سمحولي ولادي دقيقة من وقتكم
كامل حبسوا و داروا لعندوا يشوفوا واش حاب يهدر
جاسم : كيما علبالكم الزواج نصف الدين و اليوم اشرف فرحني بزاف اليوم اشرف قرر يكمل نصف دين تاعو صفية : اههه كيفاش هاذي و انا معلباليش اشرف : يما حبيت نخبر جدي قبل صفية : عندك الحق وليدي بصح يعني كي مقتليش لي جاتني بيزار امجد : بصحتك خوو لعقوبة لينا
و خزر فروسلين و غمزها و هي قلبت خليقتها فيه
ريحان : ايه شكون هاذي اشرف نرجس : اشرف وريلنا نشوفو تصويرة مرت خويا رهف : وعلاش تحوسي على تصويرة يا بنتي نتي راح تتزوجي المهم طفلة عجبته صفية : المهم كامل تعجب يماه .... واش دايرة طفلة فحياتها شكون هي عائلتها مدام حاب جيبلي عروسة للدار نحب نعرفها مليح جاسم : ندمتو طفل لي حوس يتزوج كليتوه و بلعتوه ... طفلة شفتها انا عجبتني و مدام اشرف عجباتو نتكلوا على ربي و نروحو نخطبوها هاذ السمانة صفية : مدام عجباتك بابا خلاص اشرف : بصح جدي ماشي كشغل تقلقنا يعني بزاف هاذ سمانة لوكان تزيدو نستناو شوية جاسم : اشرف وليدي مكان لاه نستناو ؛ منحبش الناس يقولوا شوفوا راهو يروح يشوفها و يتلاقاها و مابيناتهم والو اشرف : خلاص كيما تحب جدي
كملوا تعشاو و كل واحد راح لشمبرته
روسلين كانت قاعدة تكونيكتي بالتيليفون تاعها حتى لقات انفيتاسيون من عند سراج باعتهالها صباح دخلت تجري للبروفيل باش تكونفيرمي غير لقاتو هو فرحت بزاف و اكسيبتاتو ؛ تمتم هو بعتلها ميساج و ردت عليه و قعدوا يقسرو ليل كامل و عرض عليها يفطرو كيفكيف و هي بيانسور قبلت
صباح جديد :
ناضت روسلين صباح فرحانة راحت دوشت و راحت تخير واش تلبس بحكم متقراش صباح و لي كانت تخمم فيه غير خرجتها مع سراج
لبست هكذا
Oops! This image does not follow our content guidelines. To continue publishing, please remove it or upload a different image.