فاطمة : فرحتيني صفية يا بنت خويا ... اذا معندكش هدرة مسقمة تقوليها روحي و خلينا هكذا
قلبت عينيها و ناضت
صفية : كل دورة تبانلكم صفية هي الغالطة اقعدو ملا كولو بعضكم
راحت صفية و خلاتهم ؛ لي تما كامل تقلقو ملي صرا و هكذا جازت ليلة صعيبة على كل واحد فيهم
صباح جديد :
فخرية راحت للباب كي سمعت الباب
فخرية : اهه مدام بلقيس صباح الخير جوزي
دخلت بلقيس و موراها طفلة قاعدة تقلب فعينيها فدار تالمون عجبتها ؛ جات ريحان كي شافت بلقيس راحت عنقتها
ريحان : بلقيس ختي راكي مليحة
بلقيس : لباس و نتيا
ريحان : شوية
بلقيس : تعرفي كي عيطتيلي تبكي لبارح هكذا شوكيتيني جيت نجري
ريحان : خير ما درتي كنت مستحقاتك جوزي
جاسم كان خارج شافهم ؛ راح عند ريحان لي عينيها كانو منفخين و باينة عليها عيانة
جاسم : ريحان ريحتي شوية
بلقيس : اهه يا جدي كيفاش حابتها تريح مور واش صرا
ريحان : راني خير ملبارح بابا جاسم و نسيت مقتلكش بلي ختي راح جي عندي ليوم عيطتلها لبارح
جاسم : معليش ديري لي ريحك
بلقيس : هاا جدي اذا مكانش عندكم بروبلام هاذي زهرة مسكينة طلقت غير كيف و معندهاش قيسها قيس روحها حتى ريحان و تعرفها كانت تسكن قريبة لينا و انا قلت مدام تعرف طيب و فخرية كيما حكاتلي ختي وحدها مسؤولة على الكوزينة جي تخدم عندكم اذا حبيت
جاسم : .... مدام تعرفوها معليش خليها تبدا
بلقيس : يعطيك صحة جدي ... و نتي ادخلي عند فخرية توريلك خدمتك
خليني نعرفكم بالشخصيات معرفة خفيفة نفضل تعرفوهم كثر مع الاحداث
بلقيس : اخت ريحان عمرها 30 سنة تزوجت عندها عامين
زهرة : 24 سنة كيما شفته مطلقة و لسانها دايمن سابقها مي شخصية راح تحبوها نورمالمون
ريحان : بلقيس هيا نطلعو لشمبرتي
بلقيس : ايه هيا
طلعو للشمبرة و مور ما دخلو قعدو فوق البونك
بلقيس : انا مزال مفهمت وليدك كيفاش عرف بالحكاية
ريحان : معلباليش و ميهمنيش هه المهم لي صرا صرا
بلقيس : كيفاش ميهمكش مدام عرف سور لحق لمرتو الدوزيام ولا بنته
ريحان : ... مشكيتش اصلا الطفلة معلبالهمش وين راهي
بلقيس : شكي و زيدي شكي ختي كل متوقع دوكا ... شوفي ديري فبالك حاجة هاذي الطفلة ملازمش يلقاوها راكي تفهمي
ريحان : شوفي بلقيس صعيب بزاف لي جاز عليا و علبالي لوكان تخرج بنتو مراحش نتقبلها بصح فالاخر ماشي غلطتها و من حقها ترجع لعائلتها
خبطتها بلقيس لكتفها
بلقيس : فحياتي ما شفت وحدة جايحة كيما نتي ... لوكان يلقاوها طفلة ديري فراسك هي راح تولي محط الاهتمام هنا ديري فراسك راح تتقاسم ورث منصف مع ولادك ديري فراسك يماها راح ترجع و بسيف عليكم كامل تقبلو ضرتك ديري فراسك بلي راح يصراو مشاكل بين ولادك لا ادهم ولا جاد ولا قمر راح يقعدو متحدين كيما دوكا راح ترجع دمر كلش هذا اذا ما نتقمتش منكم على لكذب لي عيشتوها فيه
YOU ARE READING
ابن عمي { ادهم و روسلين } _ باللهجة الجزائرية
Romanceالقصة دور في دار وحدة بين اولاد العم و باقي التفاصيل تعرفوهم فالكرونيك ملاحظة : الرواية من نسج خيالي لا علاقة لها بالواقع
