ادهم : نحبك و هاذي وحدها تكفي
الكلمة هاذي قاعدة تتعاود في وذنها ؛ مامنتش لي سمعتو للحظة جاها ضحك
ادهم : و المرة الجاية كي يهدر معاك كاش واحد على هاذ السوجي قوليلو اهدر مع ادهم و .... ( طلعلها راسها بيدو ) .... و مكلاه تبكي على حاجات جايحين يقولهملك
Rosline ******
مقدرتش نامن لي قاله لدرجة جاني ضحك بارسكو اخر حاجة ستنيتها يقولها ولا مستنيتهاش كامل منو هي كلمة نحبك ؛ حسيت بالفرحة كيما جامي حسيتها بصح تمتم قلت بلاك قصد نحبك بمعنى نعزك و نحبك كي ختي ميهمنيش لي يقولوه لخرين و اخر حاجة نخمم فيها هي هدرة ناس حتى لوكان كانوا هاذ الناس يما ، يما على عيني و راسي بصح حياتي واحد مراح يعيشها فبلاصتي على هاذي واحد ميدخل روحو فيها
روسلين: ادهم ؛ البروبلام هو انه البنادم لي راهم يهدرولي عليه وليد عمي معايا فنفس الدار ماشي واحد نعرفو برا منقدرش نفسد العائلة و نفسد بينك و بين يماك فهمني
***** .......
فجاة جا اشرف يجري و غير شافهم واقفين مع بعضهم حبس و حس روحو حشم ، روسلين شافته ذابت مالحشمة خافت يفهمها حاجة واحد اخرى ؛ ادهم دور راسو شافو قالو
ادهم : اشرف !! كشما كاين
اشرف : ... ادهم جدي ..........
وصلو للشمبرة لي كان فيها ؛ كان طايح فالارض و فاطمة شادة فيدو و تبكي
ادهم : واش صرالو
اشرف : مفهمنا والو ؛ طلع قالنا نروح نهدر مع ماني فاطمة غلى العشاء منبعد سمعنا عياطها و وقت جينا لقيناه طايح فالارضوصلت الاومبيلونص ؛ خرجو جاسم ، راحت معاه فاطمة و ادهم و اشرف و الباقي سيفو عليهم يروحو للدار
فالدار ؛ صفية رايحة جاية و تليفون فيدها
صفية : يعني انا مفهمتش واش صرا الصباح كان مليح و نتي ... كيفاش حتى صراتلو هكذا
رهف : معلباليش صفية قتلك جا عندنا حتى لقيناه يشد فصدرو و توير حتى لقيناه طاح
صفية : و هكذا برك
ريحان : تكون une crise cardiaque
صفية : و راكي تقولي فيها نورمال
ريحان : بصح واش قلت يعني انا ...صونا تليفون صفية
صفية : الو اشرف كيفاش راه بابا .... راك سوور ... ايا صحا
رهف : كيفاش راهو
صفية : قالي راهو مليح دوكا جاتو crise cardiaque بصح على حساب واش قال اشرف الحمد لله راهو مليح و لازملو يريح شوية فسبيطار
قمر : الحمد لله كي جدو راهو مليحاماني مسكينة كانت شادة بلاصتها مشوكية ملي صرا ؛ حتى عرسها متكملش
رهف : اماني بنتي ارواحي نوريلك شمبرتك سوور تكوني عيانة
ناضت اماني مع رهف و كل واحد طلع لشمبرته
.....
قاعدة تغسل فوجهها و تهدر
روسلين : مفهمتش كيفاش حتى صراتلو هكذا يعني جدي دايمن يتبع صحته عند طبيب و فوق هذا كان مليح
خرجت تنشف فوجهها و نطقت نهال لي كانت قاعدة فالبونك
نهال : تكتبتلو روسلين
روسلين : عندك الحق؛ اسمعي ارقدي معايا اليوم
نهال : داكوورسقمت فراشها و تكسلو
نهال : روسلين كي جيتي مقبيل جيتي مع ادهم ؛ واش كنتي ديري معاه ؟؟
روسلين : اممم ... كي رحت نبدل حوايجي و خرجت لقيته تما
نهال : ايهيه
روسلين : ... علبالك واش قاليناضت نهال تقعدت و قالتلها
نهال : واش قال
روسلين : سمع بلي هدرتهولي يماه و ايماجين قالي نحبك
نهال : صححح .... هههه هرمنا من اجل لحظة كيما هاذي بصح يخرج منو ادهوم
روسلين : مرانيش نتقعد نهال
نهال : ههه خلاص و منين عرف
روسلين : معلباليش
نهال : سوور تكون هذيك زهرة هي لي تهدر برك بصح يخرج منها دارت زينة العقل
روسلين : وشمن زينة العقل ؛ ايماجين كشما يصرا بينو و بين يماه
نهال : اييه دبر راسها هي دارتها ..... بصح وشبيك مشنفة لازم تكوني فرحانة
روسلين : فرحانة بصح ....
نهال : بصح واش
روسلين : يعني وين علبالي هدرتنا مكملناهاش كي جا اشرف بلاك كي قال نحبك مقصدش لي في بالي
نهال : لي فبالك لي فبالك وشبيك تتبهللي لوكان عينو ميقولهاش
روسلين : بصح ستنيت يقولها ب façon خيير
نهال : و كيفاش حابتيها مثلا
روسلين : يعني قالي نحبك و هاذي وحدها تكفي ؛ معلباليش اوموان لوكان قالي واش يحس قبل يعني كيفاش نفهمك محبيتهاش تكون ناشفة هكذا
نهال : علميه يعبر مالا ... يا رورو راح تهبليني واش يهمك يعبر ما يعبرش كلش يجي مع الوقت و هو اصلا على حساب واش تقولي ميتفهم ما يفهم يعني ماشي النوع لي يعبر على مشاعره المهم علبالك بلي يحبك و خلاص .... بصح مادام الهدرة متكملتش لازم تكملوها
روسلين : معلباليش راكي شايفة حالتنا من بروبلام لبروبلام و فوق هذا هو يجي يكمل ماشي انا
نهال : كي سيدي كي لالة
روسلين : ههه خلاص خلينا نرقدو عيييت
نهال : امممم تصبحي بخيير
روسلين : و نتي بخير.......
صباح جديد و احداث جديدة :
فاطمة كانت قاعدة مع اشرف فصالون ؛ حتى دخل ادهم
فاطمة : كيفاش راهو
ادهم : متقلقيش هداوين شفتو و الطبيب قال بلي راهو مليح لازم برك يريح شوية
فاطمة : ايه معليشدخلت صفية ، لقاتهم قاعدين
صفية : ياك بابا راهو مليح
اشرف : راهو مليح يما متتقلقيش
صفية : كيفاش حابني منتقلقش و بابا فسبيطار و حتى مفهمتش سبة لي وصلاتو تما كان لباس عليه حتى رهف راهي تقول مصرا والو
فاطمة : انا وجعتولي راسي صباح ربيناضت فاطمة باش تخرج حبستها صفية
صفية : وعلاش راني حاسة بلي صرات حاحة و راكم مخبيينها
فاطمة : اقعدي حسي ملا خير
صفية : عمتي متتمسخريش بيا بارسكو مراهوش وقت التمسخير سقسيت حاجة و راني نستنى فيك جاوبي
فاطمة : كي يخرج باباك تعرفي
صفية : لالا نتي قولي من دوك خير
فاطمة : صفية خطيني راني عيانة
صفية : هااا غير نتي عيانة .... قولييي واش هي الحاجة لي وصلاتو لهاذ الحاالة
فاطمة : حابة بزااف تعرفي ... باباك عرف بلي نهال هي بنت منصف على هاذي مرض ، ريحتي دوكايتبع 💚💚💚 ......
YOU ARE READING
ابن عمي { ادهم و روسلين } _ باللهجة الجزائرية
Romanceالقصة دور في دار وحدة بين اولاد العم و باقي التفاصيل تعرفوهم فالكرونيك ملاحظة : الرواية من نسج خيالي لا علاقة لها بالواقع