သူ့မျက်နှာပေါ်ပေသွားသော လက်ဖက်ရည်များကို ဂရုပင်မစိုက်ဘဲ Nie Songping က မျက်နှာပြင်ကို ကြည့်လိုက်သည်။
Qing Yun က အမေ ကို ဝမ်းနည်းပြီး နားလည်ပေးသော မျက်လုံးများဖြင့် ကြည့်နေသော်လည်း သူ၏ ကျောက်စိမ်းကဲ့သို့ လက်က Lin Yuhao ၏ ဒန်တျန်းထဲသို့ အကြင်နာမဲ့စွာ ထိုးစိုက်ထားသည်။
" ဒါ....သူ မသန်မစွမ်း ဖြစ်သွားပြီလား။ " Wang မိသားစု အကြီးအကဲက နှုတ်ခမ်းပြန်စေ့လိုက်သည်။
" ဒါတင် မကသေးဘူး။ " အကြီးအကဲ က မျက်နှာပြင်ကို ကြည့်လိုက်သည်။ " သူ့ရဲ့ လက်ဖဝါးက ဝိညာဉ်စွမ်းအားတွေနဲ့ပြည့်နေတယ်။ သူက ရှင်းရှင်းလင်းလင်းပဲ Lin Yuhao ရဲ့ သွေးကြောအဆက်တွေကိုလည်း ဖျက်ဆီးထားတယ်။ သူက ကျင့်ကြံဆင့် ဖျက်ဆီးခံရရုံသာမက မသန်မစွမ်းတစ်ယောက်ပဲ ဖြစ်နိုင်တော့မယ်။ "
ဤ စကားသံများထွက်လာသောအခါ သချိုင်းကို ခြေတစ်ဖက်လှမ်းနေသော မြေခွေးအိုကြီးများက Qing Yun ကိုကြည့်လိုက်ကြသည်။ Qing Yun က ညှင်သာသည့် အမူအရာရှိသော်လည်း သူတို့၏ နှလုံးသားထဲမှ ကြက်သီးထသွားစေခဲ့သည်။ အရမ်းငယ်တယ်။ ကျင့်ကြံဆင့်ကလည်းမြင့်တယ်။ အရမ်းလည်း ရက်စက်သေးတယ်။
ဒီကလေး Qing Yun က သူတို့ကိုယ်သူတို့ အရှက်ပြန်ရစေသည်။
Nie Chenyuan က အောက်ဘက်ဆီမှ မရပ်မနား အံ့အားသင့်သံများကို ကြားနေရသော်လည်း ပျော်ရွှင်စွာ ရယ်မောနေသည်။ Qing Yun က ကိစ္စ များကို ထွင်းထွင်းဖောက်ဖောက် သိမြင်နိုင်တာပဲ။ သဘာဝကျစွာပင် သူက စကားလုံးအနည်းငယ်ကြောင့် တစ်စုံတစ်ယောက်ကို သက်ညှာပေးမယ့်သူမျိုး မဟုတ်ပေ။
ပြိုင်ပွဲ ပြီးသွားသည်ကို တွေ့သောအခါ သူက ဖုန်းကို ကောက်ကိုင်လိုက်ပြီး ဖုန်းတစ်ချက် ဆက်လိုက်သည်။
" အမေ ကျွန်တော် ခင်ဗျားကိုလည်း စိတ်ပျက်မိတယ်။ "
Qing Yun က ကြေကွဲဝမ်းနည်းနေသော အမေ Lin ကိုလည်း ကြည့်လိုက်ကာ သနားစွာ ပြောသည်။
အမေ Lin က သတိမေ့တော့မလို ခံစားရသည်။ သူမက နောက်ဆုံးတွင်တော့ ယခု Qing Yun သည် သူမကို သနားခဲ့ဖူးသော Qing Yun မဟုတ်တော့ကြောင်း သဘောပေါက်သွားသည်။ Lin Yuhao က မသန်မစွမ်း ဖြစ်သွားပြီ ဖြစ်သဖြင့် သူမ၊ သူမ၏ မိသားစုကို ဒုတိယကြိမ် စွန့်ပစ်ခဲ့ရသည့် အကြောင်းပြချက် ပျက်ပြယ်သွားသည်။ ပထမဦးဆုံးကတည်းကသခင်မ Qing နေရာမှာသာ နေခဲ့သင့်သည်။
CZYTASZ
ချစ်စရာကောင်လေးအဖြစ် ကမ္ဘာကူးပြောင်းမယ့် အရှင်သခင်ကြီး
Romansဤမျှ ဆိုးရွားစွာခံစားရသောဗီလိန်သည် သူတစ်ယောက်သာရှိမည်ဟု ချင်းယွင်ထင်သည်။ နှစ်ရာချီအောင်ပင် ဇာတ်လိုက်တစ်ယောက်က သူ့ကိုဟောင်နေပြီး အန္တရာယ်ပေးဖို့ရန်ကြိုးစားနေသည်။ သူ့ကိုမသတ်နိုင်သေးခြင်းသာ။ မကျန်းမာ၍အိပ်ရာထဲတွင် လူသေကောင်ကဲ့သို့လှဲနေစဉ်က သူ့ဘဝသည် သေသည...