OFFICERS SERIES #1: Detaining Him [COMPLETED]

Kabanata 45

(I'm so sorry for the delay🤧 I thought I could update at June 18 huhu inatake ako ng migraine kaya ilang araw akong hindi nakapagsulat😭 I hope you enjoy this chapter😍. Love you all~ stay safe tayo lagi!❤️)

45

----
"Inspector!" Sinalubong ako nang humahangos na si Martin sa hallway papuntang elevator.

Pagkalapit niya ay agad kong inabot ang sniper ko pati na rin ang vest kong suot.

"Pakidala ito, Martin. Kailangan kong makabalik agad kay Mr. Magno. Ikaw na ang bahala sa mga tatapusin doon."

Mabilis siyang tumango at kinuha ang mga gamit na nasa kamay ko. Sabay kaming dalawa na pumasok sa elevator at habang nasa loob ay inaayos ko na rin ang pagkakalugay ng buhok ko at ang suot kong leather jacket.

"Grabe ka talaga, Inspector. Parang segundo lang ata ang binilang ko natumba mo na agad ang dalawa!" Tumatawang aniya.

"Hindi ko 'yon pwedeng patagalin. Hinihintay ako ni Mr. Magno sa baba."

"Ah, oo. Balita ko rin Inspector, kanina ka pa no'n hinahanap. Nag-aalala na ata sa'yo," ani pa niya habang mahinang humahagikhik.

Mahina akong napatikhim para baguhin ang nakakahiyang mood sa pagitan namin. Paniguradong uulanin ako ng usapan ng mga kasamahan pagkatapos nito. Kailangan kong makagawa ng paraan para hindi sila hayaang gawin iyon sa akin.

Mabilis kaming nakababa gamit ang elevator. Sumalubong agad sa amin ang napaka-raming tao na sigurado akong mga reporters na nagkukupulan naman sa harap ng stage. Blangko pa ang stage at paminsan-minsan ay may mga staff na pumapasok upang ayusin ang mga bagay na dapat ayusin.

"Martin, ilang minuto na lang ba bago magsimula ang conference?" Nagmamadali kong tanong sa kaniya habang nilalakad ang daan patungo sa private room ni Chrispher.

"Ten minutes na lang, Inspector." Sagot niya.

Mabilis akong tumango at halos patakbo nang tinungo ang kwarto. Pagkapasok ko doon ay si Chrispher na kausap ang isang kilalang politiko ang agad kong nakita. Nang pareho silang napabaling sa akin ay agad akong nagbigay ng paumanhin sa biglaang pagpasok.

"Oh? Inspector Phoebe Valerino ng Laguna Police Department?" Bakas ang gulat at galak sa itsura ni Senator Eldedro Labatan habang nakatitig sa akin. Pansamantala akong napangiwi ng banggitin niya ang buo kong pangalan.

Isa siya sa mga opisyal na minsan ko naring in-escortan sa isang press conference noon. Naging magkalapit din kami dahil sa koneksyon na meron sila ni Papa noon hanggang ngayon.

Nakangiti akong napatango. "Opo, Senator."

"Aba'y parang kailan lang no'ng huli tayong nagkita, ah? Ikaw ba ang naatasang mag-escort kay Mr. Magno ngayon?" Tanong niya.

"Opo, hawak po siya ng team namin ngayon."

"Well, nandito rin ako para suportahan itong batang minsan naring tumulong sa akin sa mga problema ko," nakangiti niyang inakbayan si Chrispher dahilan para pareho kaming nagpakawala ng tawa.

"Iho, kung sakaling mahirapan ka sa mga sasabihin, isipin mo agad ang mga hirap na dinanas mo para lang maibalik ang lahat ng nawala sa'yo. This is for your sister and your mother. Don't let your guard down. Fight as a man, Chrispher. May tiwala ako sa'yo."

"Thanks, Tito." Chrispher's smile made me stilled. Lalo na nang bumaling siya sa akin.

"Tito..." Mahinang tawag ni Chrisphet kay Senator Labatan habang hindi pa rin ako pinapakawalan ng titig.