OFFICERS SERIES #1: Detaining Him [COMPLETED]

Kabanata 50

50

----

"Pa..." Tawag ko ulit sa Papa ko na nakangangang nakatitig kay Chrispher.

Hindi ko masiyadong mabasa kung ano man ang emosyong pinupukol niya pero sigurado ako sa isa. Ang hindi makapaniwala. Iyong tipong isang panaginip lang si Chrispher na ayaw niyang paniwalaan. Kabado tuloy ako.

"A-anong ibig sabihin nito, Ren?" Si Papa na ngayon ay nakatingin na sa akin. Galit ang ekspresyon sa mga mata.

Hinigpitan ko ang hawak ko sa kamay ni Chrispher na siya naman niyang pinapantayan.

"G-good afternoon po, T-tito..." Si Chrispher na halatang kinakabahan. Gusto ko mang matawa dahil sa itsura niya ay pinigilan ko na lang. Pawis na pawis ang kaniyang noo at parang hihimatayin na ano mang oras.

"Tito? How dare you call me that, Magno?!"

Bumilis ang hininga ko dahil sa sigaw na iyon ni Papa. "Pa!"

Pakiramdam ko kasi eh handa na niyang sugurin si Chrispher ano mang segundo.

"What is this Phoebe?!" Si Papa na ngayon ay humahangos na.

"B-boyfriend ko si Chrispher... Pa." I gulped hard after saying those. Mas lalo lamang na namilog ang kaniyang mga mata. Palipat-lipat na rin ngayon ang tingin niya sa amin ni Chrispher.

"Tito... I'm here to ask for your approval." Si Chrispher.

"My approval?" Singhal ni Papa.

"Yes, Tito—"

"What if I say no?" Si Papa na may paninimbang sa titig. Napalunok ako.

Malakas akong napasinghap. "Papa!"

"What's your relationship with my daughter, again?" Papa's eyes squinted a bit.

Akala ko ay umayos na ang pakiramdam niya at cool na iyon sa akin pero parang nawala iyon ng panandalian.

"I'm her boyfriend, Tito. Girlfriend ko si Ren." Si Chrispher na matiim na nakatitig kay Papa.

"Ren?" Papa's scoffed. "At kailan mo naman siya tinatawag sa pangalang 'yan?!"

Jusko. Hindi ko na alam kung ano ang gagawin o sasabihin ko ngayon. Alam kong parehas lang rin kami ni Chrispher na kinakabahan pero paniguradong mas grabe ang nararamdaman niya kesa sa akin. Bakit ba naman kasi ganito si Papa sa kaniya? Parang mainit ang dugo noon pa!

"Papa... huwag ka naman pong ganiyan," mahinang maktol ko. Eh sa hindi naman talaga makatarungan itong ipinapakita niya. Ni hindi ko alam kung bakit ganito siya kung mag-init kay Chrispher eh wala namang ginagawang masama ang tao.

Hindi ako pinakinggan ni Papa bagkus ang nakapamewang niyang tinitigan ng malalim si Chrispher. Hayst. Naaawa tuloy ako kay Chrispher.

"Anong magagawa mo sa anak ko kung sakaling papayagan kita sa kaniya?" Aniya sa napaka-striktong tono.

Napabaling ako kay Chrispher na may nag-aalalang mga mata. Pati tuloy ako ay nangati marinig ang tanong na 'yon pero kasi naho-hotseat na si Chrispher.

"I can give her everything. I will do everything for her, Tito."

Sabay sabay na sumabog ang nakakakiliting bagay sa kaloob-looban ko nang sabihin niya iyon gamit ang kaniyang seryosong mukha. Habang nakatingala ako sa kaniya ay nagsisimula na naman akong ma-inggit sa mataas at perpektong hugis ng kaniyang ilong lalo na ang taas ng pungay ng kaniyang mga pilikmata. Ang kulay ng kutis niyang parang hindi pa nasisinagan ng araw.