“Kaya mo 'yan, Lovie! Ikaw pa ba?”
Pinalalakas ko ang loob ni Lovie ngayon dahil siya na ang magrereport ng bagong business proposal na ginawa namin. Katatapos ko lang at mas confident naman ako kumpara noong nakaraan, napag-aralan ko kasi ito ng mabuti at wala ng masyadong gumugulo sa isip ko.
I am the leader of the team so I figured that I should be more organized and have time management. Dapat hindi ko hinahayaan na pangunahan ako ng mga emosyon ko kasi makakasira lang iyon sa mga projects ko, susubukan kong itabi ang mga personal na problema ko sa susunod kasi pati ang mga ka-grupo ko ay maapektuhan pa.
“Kinakabahan talaga ako, mahina ako sa question and answer!”
“Binasa mo naman 'yung sinend ko sa'yo 'di ba? You should be good.” Paninigurado ko.
“Oonga, binasa ko lang 'yong sinend niya kaya nasagot ko ang mga tanong tungkol sa proposal natin.” Sabi naman noong isa kong ka-grupo.
I felt proud, lalo na noong sumabak na nga si Lovie. Maayos rin niyang nagawa iyon at napuri pa ang grupo namin, nag-thank you sila sa akin at kakaibang satisfaction ang naramdaman ko.
“Ang galing mo manager!” biro nang isa sa mga ka-grupo ko, 'yon kasi ang nilagay na position ko doon sa proposal.
“It's because of our team work and effort kaya napuri tayo.” Tugon ko naman.
“And that is because you're a great leader! Magaling ka mag-lead ng mga members mo.”
Ngumiti na lamang ako.
“Celebrate tayo after class? KKB naman.” Si Vicky, kagrupo rin namin.
Napagkasunduan nalang namin na kumain sa isang fastfood chain, kasma rin naman si Lovie kaya pumayag na ako. Anim kaming lahat, tatlong lalaki at tatlong babae.We are now having fun while waiting for the orders, palabiro rin kasi si Joseph at maraming baon na kuwento.
Nasa kalagitnaan ako ng pagtawa nang biglang nag-vibrate ang phone ko na nakalagay sa bulsa ng palda ko, inilabas ko iyon at binasa kaagad ang text message. Galing ito sa boyfriend ko.
Mark:
Nasaan ka? Akala ko sabay tayong mag-luch ngayon?
Napawi ang ngiti ko at halos masapo ang noo ko. Nakalimutan ko na nangako nga pala ako sa kaniya na sabay kami!
Ako:
Sorry, nagkayayaan kasi kami ng mga kagrupo ko sa business proposal. Napuri kasi ang team namin and we had the highest score.
Mark:
Ah, ganon ba? Saan ba kayo? Pupunta nalang ako diyan.
Ayos lang ba na pumunta siya dito? Baka kasi nakakahiya sa mga kagrupo ko. I mean... kami-kami kasi ang nagkayayaan dito. Maiintindihan naman siguro niya iyon?
Ako:
Huwag na Mark, may gagawin pa rin naman yata kami. Sige na, eatwell. I love you. Babawi ako.
Pagkatapos naman naming kumain ay naghiwa-hiwalay na rin kami, si Lovie nalang ang kasama ko ngayon pabalik sa school. Kikitain na rin namin sila Sam at Margaux.
“Ka-text mo si Mark kanina?” tanong ni Lovie.
“Oo, bakit?”
“Pinicturan ka na naman ng mga tsismosa kanina.” Ipinakita niya sa akin ang isang picture sa cellphone niya.
The post was one hour ago pero marami na agad ang reactions. Tingin ko kanina lang ito kuha noong kumakain kami sa fastfood.
