ကျွမ်းကျင်စားဖိုမှူးစနစ် အပိုင်း(၇၂)
"ထပ်မတီးကြပါနဲ့တော့" ယွမ်ကျိုးက ကူကယ်ရာမဲ့သော လေသံဖြင့် အော်ဟစ်ဆူညံနေသော အဖွဲ့ကို အော်ပြောသည်။
“နောက်ဆုံးတော့ သူဌေးယွမ် ဆိုင်ဖွင့်ပြီပေါ့" လင်းဟုန်က ယွမ်ကျိုးကို နှုတ်ဆက်သည်။
“အေး" ယွမ်ကျိုးက ခေါင်းညိတ်သည်။
“အိုကေ မင်းတို့တွေ ပြန်လို့ရပြီ" လင်းဟုန်က လက်ခုပ်တီးပြီး ဂီတအဖွဲ့ကို ချက်ချင်း ရပ်တန့်ခိုင်းသည်။
တစ်လောကလုံး ချက်ချင်း တိတ်ဆိတ်သွားသည်။
"လူငယ်လေး အိပ်ရာက နိုးလို့ တော်သေးတယ်။ ဒါပေမဲ့ အခုလို အခြေအနေမျိုးမှာတောင် အိပ်ပျော်နိုင်သေးတယ်နော်။ ငါ့နားနှစ်ဖက် ကန်းတော့မလိုပဲ"
နောက်ဖက်မှာ မတ်တတ်ရပ်နေသော အဘိုးအိုက သူ့နားနှစ်ဖက်ကို လက်ဖြင့် ပွတ်သပ်ပြီး သက်ပြင်းချသည်။
“သူဌေးယွမ်၊ ဒီနေ့ရော ရှောင်လုံပေါင်း ပြင်ဆင်ထားလား" လင်းဟုန်က အသံကျယ်ကျယ်ဖြင့် မေးမြန်းသည်။
“မရဘူး။ နောက်ကျနေပြီ။ လုပ်ဖို့ အချိန်မလောက်ဘူး" ဂီတအဖွဲ့၏အသံ ရပ်တန့်သွားမှ ယွမ်ကျိုးက သက်ပြင်းချကာ စားသောက်ဆိုင်ထဲ ပြန်ဝင်သွားသည်။
ဆူညံသံကို ခဏပဲ နားထောင်ခဲ့ရ၍ ကံကောင်းသွားသည်။ စားသောက်ဆိုင်အတွင်းမှာ ဆူညံသံကို မကြားရ၍ ကံကောင်းသွားသည်။ သို့တည်းမဟုတ်လျှင် နားကန်းသွားနိုင်သည်။
"သူဌေးယွမ်၊ ခင်ဗျား အခုပြင်ဆင်ပေးလို့ မရဘူးလား။ ကျွန်တော် စောင့်နိုင်ပါတယ်" လင်းဟုန်က အော်ဟစ်ပြောသည်။
"အသံတိုးတိုးပြောလို့ မရဘူး။ ငါ့နား ကန်းတော့မယ်"
လူသန်ကြီးTankက တိတ်ဆိတ်ငြိမ်သက်မှုကို သဘောကျသည်။
"ကောင်းပြီလေ။ မင်းက တိတ်တိတ်ဆိတ်ဆိတ်နေရတာကို သဘောကျပေမဲ့ ငါက ဆူညံတဲ့ ပတ်ဝန်းကျင်နဲ့ ကျင့်သားရနေပြီ"
Tank၏သတိပေးချက်ကြောင့် လင်းဟုန်၏အသံက ပုံမှန်ပြောင်းလဲသွားသည်။
"အချိန် မလုံလောက်ဘူး" ယွမ်ကျိုးက သူ့နေရာသူ ပြန်သွားပြီး ချိုသာစွာပြောသည်။
“ကောင်းပြီလေ အဆင်ပြေတယ်။။ဒါဆိုရင်လည်း ဒီမနက်ခင်းမှာ ခေါက်ဆွဲပြုတ်စားလို့လား" လင်းဟုန်က သူ့အကြိုက်ဆုံး ရှောင်လုံပေါင်းကို လွယ်လင့်တကူ စွန့်လွှတ်လိုက်သည်။
YOU ARE READING
ကျွမ်းကျင်စားဖိုမှူးစနစ် (ယွမ်ကျိုး)
HumorMale Lead pr ဇာတ်လမ်းအကျဥ်း အရှေ့ဘက်နဲ့ဝေးတဲ့မြေမှာ မီချယ်လင် ကြယ်သုံးပွင့်အဆင့်သတ်မှတ်ချက်ကို အကြိမ်ကြိမ်ငြင်းဆိုထားတဲ့ ထူးဆန်းတဲ့စတိုးဆိုင်တစ်ခုရှိတယ်။ ဈေးတွေက ဈေးကြီးတယ်။ ဟင်းချို နှင့် ကြက်ဥကြော် ပေါင်းစပ် အစုံ သည် 288 RMB ဖြစ်သည်။ အရံဟင်းလည်း ပ...
