မြေပြန့်သူလေး
~~~~~~~~~~~
Part - 53
~~~~~~~
" ကိုကို အမျိုးသမီးတွေမှာ အိမ်ထောင်ရေးကံက တကယ်အရေးကြီးတယ်နော် "" ဟုတ်တာပေါ့ ကလေးရဲ့ "
" တစ်ချို့တွေကျတော့လည်း ကလေးတွေမွေးပြီးမှ နောက်မီးလင်းကြတာတွေက တကယ်မကောင်းဘူးနော် ကြားထဲက ကလေးတွေကမြေစာပင်တွေဖြစ်သွားကြရော "
" ဒါတွေက လူတွေရဲ့စိတ်ပေါ့....အသိတရားရှိတဲ့လူတိုင်း တွေးတောတတ်တယ် ဆင်ခြင်တတ်တယ် အဲ့လိုပြုမူကြတဲ့လူတွေကတော့ အသိတရားမရှိကြလို့ပဲ "
" ကိုကိုကရော အဲ့လိုလုပ်မှာလားဟင် "
" ဒီမှာကလေး ကိုကိုပြောပြမယ် "
ခွန်းလည်း ရင်ခွင်ထဲမှာရှိနေတဲ့ ကလေးကို သူနဲ့မျက်နှာချင်းဆိုင်ရှိစေပြီး ပခုံးနှစ်ဖက်ကိုလည်း ကြင်နာစွာကိုင်ထားပြီး ကလေးရဲ့မျက်လုံးတည့်တည့်ကိုကြည့်ပြီး
" ကိုကိုက ကလေးကိုချစ်လို့ယူထားတာ ကလေးနဲ့ပဲ ကိုကို့ရဲ့ဘဝကိုဖြတ်သန်းသွားချင်လို့ ကလေးမိဘတွေဆီကနေ မြတ်မြတ်နိုးနိုးတောင်းထားခဲ့ရတာ အခုလည်းအဲ့လိုကိစ္စတွေကရှိမှာမဟုတ်သလို နောင်လည်းရှိလာမှာမဟုတ်ဘူးကလေး "
" ဟုတ်ကိုကို.....ကိုကို့ကိုချစ်တယ် "
" ကိုကိုလည်း ချစ်ပါ့ဗျာ "
" ဒါဆိုကြေးအိုးသွားဝယ်စားကြမယ် ကိုကို "
" အဟွန်း....အစားသရဲလေး "
" ကလေးကမစားချင်ပါဘူး ဗိုက်ထဲက ဘေဘီလေးကတောင်းဆိုနေလို့ "
" အဟွန်း.....အတတ်လေး "
" အဟီး "
" အပြင်ထွက်မှာဆိုတော့ အပေါ်ကနေ အနွေးထည်လေးဝတ်ရမယ်နော် "
" ဟုတ် "
ခွန်းလည်း သူကိုယ်တိုင်ပဲအပေါ်ထပ်လေးဝတ်ပေးလိုက်သည်
ဆိုင်ရောက်တော့ ထောင့်ကျတဲ့ဝိုင်းမှာပဲထိုင်ပြီး ကလေးအတွက်ကကြေးအိုးမှာလိုက်ပြီး သူကတော့ coffee တစ်ခွက်ပင်မှာလိုက်သည်
" ကိုကို ဟ "
ခွန်းလည်းပါးစပ်ဟလိုက်ရော ကြက်သားဖတ်လေးလာကျွေးတဲ့ကလေးကြောင့် ပြုံးမိလိုက်သည်