မြေပြန့်သူလေး
~~~~~~~~~~~
Part - 45
~~~~~~~
အကုန်လုံးရဲ့ခွင့်ပြုချက်နဲ့ပဲ မျက်ဝန်း ရှမ်းပြည်ကိုထွက်လာခဲ့သည်
အရင်တစ်ခါက ကိုကိုနဲ့အတူတူသွားတာမို့ ပျော်ရွှင်နေပေမယ့် အခုတစ်ခါလည်းကိုကို့ကိုတွေ့ရမှာမို့ ပျော်ရွှင်နေမိသည်
တစ်ယောက်တည်းခရီးသွားရတာ ခြောက်ကပ်ကပ်နိုင်ပေမယ့်လည်း အဆင်ပြေပါတယ်
တောင်ကြီးလေဆိပ်ကိုရောက်တော့ အဲ့ကနေ ကားငှားပြီး နန်းမြိုင်ဝင်္ကပါသို့ထွက်လာခဲ့သည်
တောင်ကြီးကအေးပေမယ့် သူမရင်ထဲမှာတော့ နွေးနေသည် ဒါဟာအချစ်ရဲ့စွမ်းအားများလား
" မယ်မယ်ကြီး တံခါးအပြင်ဘက်မှာ အကိုလေးရဲ့ ကောင်မလေးရောက်နေပါတယ်ဗျ ဖွင့်ပေးရမလား "
" မေးနေစရာလိုသေးလို့လား ဖွင့်ပေးရမှာပေါ့
သွားသွား မြန်မြန် "
ဒေဝီနဲ့အမရာလည်း ချက်ချင်းဆိုသလိုအောက်ထပ်ကိုဆင်းလာခဲ့ပြီး စောင့်နေလိုက်သည်
ခဏနေတော့ ပုလဲရောင်ခနေတဲ့ မျက်နှာလှလှလေးတစ်ခုကို တွေ့လိုက်ရသည်
" သမီး လာ ဒီမှာထိုင် "
" ဟုတ် "
အိမ်ထဲကိုစဝင်ကတည်းက ကိုကို့ကိုရှာနေပေ
မယ့် အခုထိမတွေ့သေးပါ မနက်ခင်းစောစောပဲရှိသေးတာမို့ အလုပ်မသွားသေးတာက သေချာသည်
" ဘယ်သူ့ကိုရှာနေတာလဲ သမီး "
သူမပုံစံကသိသာလို့ထင်ပါရဲ့ ကိုကို့မေမေကတောင် မေးယူနေရသည်
" ဟို ကိုကို့ကိုပါ "
" ဟင် မျက်ဝန်းမသိဘူးလား ခွန်းက ဒီမှာမဟုတ်ဘူး "
" ဒါ ဒါဆို ကိုကိုက ဘယ်မှာလဲဟင် "
" သားက နမ့်စန်မှာကွဲ့ သမီးကိုမပြောပြဘူးလား"
" ဟုတ် မပြောပြဘူး အန်တီ
ကိုကိုနဲ့အဆက်အသွယ်မရတာ တော်တော်ကြာနေပြီ "
" ဟင် သမီးတို့ဘာဖြစ်ထားကြတာလဲ "
မျက်ဝန်းလည်း အဖြစ်မှန်တွေအကုန်လုံးကို အစကနေ အဆုံးထိရှင်းပြလိုက်သည်
