မြေပြန့်သူလေး
~~~~~~~~~~~
Part - 28
~~~~~~~
"သမီးလေးက ဒီအဝတ်အစားလေးနဲ့လိုက်သားပဲ"
" အဟီး ကျေးဇူးပါရှင့် "
အမ အမရာရဲ့သူငယ်ချင်းက သူမဖို့ဆိုပြီး အကျီလက်ဆောင်လာပေးတာမို့ မျက်ဝန်းလည်းဝတ်ကြည့်တော့ အနည်းငယ်ပွနေပေမဲ့ အဆင်ပြေပါသည်
ချည်သားစစ်စစ်ဖြစ်တာမို့ ဝတ်ရတာလည်း သက်သောင့်သက်သာရှိသည် ကြာနဲ့ရက်ထားတာမို့ ကြာနံ့လေးကလည်းသင်းနေလျက်
" တီတီလေး အရမ်းအရမ်းလှတယ် "
" ချယ်လေးလည်း လှတယ်နော် ဒီဝတ်စုံလေးနဲ့ "
" အဟီးဟီး "
အချင်းချင်းအမွှန်းတင်နေကြတဲ့ ကလေး၂ယောက်ကို လူကြီးတွေလည်း ဓာတ်ပုံရိုက်ပေးလိုက်ကြသည်
" မျက်ဝန်းရေ အမတို့သွားကြရအောင် "
" ဟုတ် အမ "
မျက်ဝန်းနဲ့အမရာလည်း လှေတစ်စီးနဲ့ အမရာ့သူငယ်ချင်းအိမ်ကိုထွက်လာခဲ့သည်
အိမ်ရောက်တော့ လူတွေကအများသား
မျက်ဝန်းလည်း ကိုကို့ကိုတွေ့လိုက်ရတာမို့ ကိုကို့အနားကိုသွားလိုက်သည်
မနေ့က သူမကိုလူပျိုလာလှည့်တဲ့အင်းသားများကိုလည်းတွေ့ရသေးသည်
ဒါပေမဲ့ ထူးဆန်းစွာ ကိုကိုနဲ့ခင်ခင်မင်မင်ပါပဲ
" ကလေး အရမ်းလှနေတယ် "
" အဟီး ဒါပေါ့ ကိုကို့ရဲ့ကလေးလေးပဲလေ "
" အဟား တတ်လိုက်တာကွာ "
" ဒါနဲ့ကိုကိုက ဂစ်တာဘာလို့လွယ်ထားတာလဲ "
" ကိုကိုက တီးမယ့်အဖွဲ့ကဗျ "
" ကဲကဲ မျက်ဝန်းရေ ဒီဘက်ကိုလာခဲ့တော့နော် "
မျက်ဝန်းလည်း ကိုကို့ကိုနှုတ်ဆက်ပြီး အမ
အမရာအနားကိုသွားလိုက်သည်
ယောက်ျားလေးတစ်ဖက်စီ မိန်းကလေးတစ်ဖက်စီခွဲထားပြီး အကုန်လုံးကလည်းတက်တက်ကြွကြွနှင့်
မျက်ဝန်းတို့ဘက်မှာ အန်တီအရွယ်တွေလည်းပါပြီး ဟိုဘက်မှာလည်း သက်ကြီးပိုင်းတွေပါသည်
