မြေပြန့်သူလေး
--------------------
Part - 23
-------------
" Game ကစားနည်းလေးကတော့ ဟိုဘက်မှာ စိုက်ထားတဲ့အလံကို ရအောင်ယူရမှာဖြစ်ပါတယ်ခင်ဗျ "
အသင်းတစ်သင်းစီမှာ အလံကိုယ်စီရှိကြတာမို့ သူမတို့လုပ်ရမှာက ကြိုးကိုပါအောင်ဆွဲဖို့ပင်
ဒါပေမဲ့လည်း ဒါကတော့တကယ်ကိုမလွယ်တဲ့ပြိုင်ပွဲတစ်ခု
ကစားသမားများလည်း ကြိုးကိုကိုင်လိုက်ကြသည်
နိုင်လွန်ကြိုးကို တင်းနေအောင်ကိုင်ထားပြီး
ဂျာကြီးဆီမှ ဝီစီမှုတ်တာနဲ့ ဆွဲဖို့အသင့်ဖြစ်နေကြသည်
အကုန်လုံးရဲ့မျက်နှာတွေကလည်း စိတ်အားထက်သန်မှုများနဲ့ပြည့်နေသလို ပွဲကြည့်နေတဲ့လူတွေကလည်း ဘယ်သူနိုင်မလဲဆိုတာ သိချင်နေကြသည်
" ပီ...... "
ဂျာကြီးဆီမှ ဝီစီမှုတ်သံကြားလိုက်တာနဲ့ အသင်းတိုင်းကလူတွေက ရှိသမျှအားအကုန်သုံးပြီးဆွဲကြသည်
" ရား....ရား....ရား.... "
" ဆွဲ....ဆွဲ....ဆွဲ..... "
အော်သံတွေကလည်း တစ်ကွင်းလုံးပြည့်နေလျက်
ဝဠာလည်း အားပေးကြမ်းတဲ့ ခွန်းရဲ့ကောင်မလေး သူငယ်ချင်းတွေကိုကြည့်ပြီး ခွီနေရတာ မပြီးတော့ပေ
သူ့အချစ်လေး ချစ်စုရတီကလည်း အားမလိုအားမရနဲ့ ရေဘူးတွေကို တီးနေတာ
ရေဘူးတွေမှာလည်း ပိန်လှီနေလျက်
သွေးကတော့ ဘေးကကောင်လေးကြောင့်စိတ်ရှုပ်ရမဲ့အစား သူမပါသူတို့ဆီကတက်ကြွမှုတွေခံစားနေရသည်
ကွင်းထဲက ကလေးမကလည်း အရမ်းကိုချစ်ဖို့ကောင်းလှသည် ဒီလောက်ချွေးတွေထွက်နေတာတောင် သူ့ရဲ့မျက်နှာလေးက တစ်ခြားသူတွေလိုရုပ်ပျက်သွားခြင်းမရှိ ပကတိပုလဲရောင်ခနေတဲ့ မျက်နှာလေးကြောင့် ခွန်းက ကြိုက်မည်ဆိုလည်း ကြိုက်ချင်စရာလေးပင်
ဘေးက ကောင်လေးကြောင့် ထိုကလေးမနဲ့ခွန်းက တွဲနေတာ သူမမှာသိရှိသွားရသည်
" ကဲ ကဲ ပြိုင်ပွဲတွေဝင်အတွက် လက်ခုပ်လေးတွေတီးပေးကြပါဦး "
" ဖြောင်း....ဖြောင်း.....ဖြောင်း.... "
အရှေ့ကဂျာကြီးကအော်လိုက်တော့ အနောက်ကနေလက်ခုပ်သံများကလည်း ကွင်းထဲမှာ ကျားဟိန်းသံလို တစ်ခဲနက်ထွက်ပေါ်လို့လာခဲ့သည်
