بلقيس: نعسانة حيل فزيت على ايد حمد يلعب بشعري
- حمد عوفي ارد انام نعسانة.
- ورانة روحة للعمارة.
- ما اروح ارد انام.
- ارد اسبح گومي سويلي طريق.
- حمد تعال تعال نام يمي احسن لك؟
- ولج گومي.
كعدت وانة معصبة وضايجة
- بسيطة حمد عود گول بعد تعالي نامي يمي .
- ولج باعي بيش الساعة صارت وانتي ما تقبلين تگعدين.
- گايمة 😒.
بدلت وانة ضايجة طلعت من الدوانية ماكو صوت احد الساعة ٩ اكيد بابة واخواني طالعين
مديت راسي للدوانية
- محد هنا ادخل للحمام اجيبلك ملابس هسة.
- بوية شمالچ كلهة لان گعدتچ😂.
- گتلك نعسانة😑.
- رجعي نامي.
- طارت النومة بعد حمد راح اسبح بالحمام الفوگ بسرعة واسويلك ريوگ.
-شنهي رايج اسبحچ بيدي؟
- ممنونة وخدماتك واصالة مشكور.
- قافلة رويحتي.
- هههههههه يلة حمد.
- خيبة چنچ حرامية تبسبسين عليش خايفة؟
- ما ادري المهم گوم.
- الله يهديچ.
حضرت الحمام الة وصعدت لغرفتي طلعتلي ملابس ودخلت اسبح نزلت لگيت حمد وامي بالمطبخ خطية صابة ريوگ وسولف هية وحمد
- بلقيس :صباح الخير.
- امي : صباح النور يا عمري تعالي تريگي.
- بلقيس : ليش تعبتي روحچ انة اسوي الريوگ.
- امي : ماعندي شي گعدت وية اخوانچ وابوچ طلع قبلهم للسوگ گال اشوي وارجع.
- حمد : حتة انة عندي حوايج بالسوگ اريد اجيبهم قبل ما نتوكل...
- بلقيس وانة اكل بدون ما ابوعلة: ما انروح للعمارة اليوم ولا باجر.
- حمد : عليش بوية؟
- بلقيس : لازم الناس اهنا اشوف رجلي ازوجنة ورحنة للعمارة اجيت ورة خمس خمس اشهر وفات ٢٠ يوم ومحد شايفك.
- امي : صح كلهة تسأل على نسيبنة وخالتج سليمة هسة اول وحدة تعزمكم.
- حمد : تتدللين وين ما تردين اروح وياج من عيوني.
- بلقيس : تسلم عيونك😊.
حمد : اباوع عليهة تباوع بعيوني ومبتسمة
نادية :اححخ ... انة راح اروح اعزل الفوك من يجي ابوچ صيحي علي.
بلقيس: اروح اشيل الفراشات.
- نادية : لا يمة مو زين عليج انة اشيلهم.
- حمد : عمة انة اصعدهم لانتي ولا بلقيس.
- نادية : انت ومرتك دبرو اموركم... من يجي ابوج صيحيني.
عافتنة امي وصعدت
حمد: عليش عافتنة .
-بلقيش : عليش! هههههههه ترة دخت بحچيك كل اشوي شكل... اتوقع استحت امي حيل خجولة فستحت من وجودهة ويانة انسام طالعة عليهة.
- حمد : چا وانتي ما طالعة على امچ؟
- بلقيس : لا انة بس شكل على امي اطباعي على ابوي.
- حمد : اي نسيت بيوم عرسچ وانتي تكتلين بالنسوان وامچ واگفة هية واختچ على صفحة واوجوهم صفر.
- بلقيس ى انة حوصلتي صغيرة ما اتحمل احد ايأذيني يعني شكلي ما يناسب هذا طبع.
- شو گبالي مالج صوت.
- هذا قبل منا ورايح راح تشوف بلقيس ثانية عود هم اعبر مرة ثانية وسوي روحك ما مهتملي.
- بوية يمتة؟!
- تذكر قبل لا اجي للبصرة عود مسوي روحك زعلان علي لا تجي يمي و من اتشوفني كانو ماشايفني.
- چا غير زعلان عليج وانتي غلطانة وياي غير تجين تراضيني مو دورين وجهچ مني.
- مو گتلي اتحبني و على اساس ما تتحمل فراگي اشو هذا الحچي راح قبل اول ما ازوجنة اذا اخطف منك رگبتك تنكسر وراي هسة ولا كأنو اشوفني معناهة مليت مني و ما تحبني صدگ انة اشلون نسيت هذا الموضوع.
- بوية علكيفچ وياي...
- اتخلي خولة تشمت بية ونسوان الفلاليح هم صرت مضحكة الهم.
- هههههههههههه
- ترة ماكو شي ايضحك والله حمد حيل انقهرت انت شلون تگدر تجفي وياي هيج ترة انة مو قصدي بوقته ما اريدن قربك الي بس چنت مستحية من اخواني ...
- خوش يعني انتي تردن قربي الج؟
- راح اشيل الفراشات..
-وين بوية تعالي مو جاي احچي وياچ .
عفتة ودخلت للدوانية دخل وسد الباب
- ها؟
- تعبان ارد انام لا تشيلين الفراش.
- لا والله بس گعدتني وانة ما نايمة .
- اي هسة متندم ولهذا السبب راح ارجع انيمج.
-اهاا حسبالي خير تسلم اروح انام بغرفتي .
- مو محد يعرف اينومج بس انة
دنة وفتح شعري چنت لافته بدون ظفر رفعت عيوني وابتسمت اله
گتلة
- حمد حليان فراگي محليك.
- فراگج سلني سل بعادچ ماينحمل .
- حتة انة .
-شبيچ انتي اشو چنچ الگمر شعوطيتني شعوط
- حمد لا تعوفني بعد والله اتأذة احس روحي طلعت انة متعودة عليك على حضنك صوتك حنيتك علي انة كلشي بية ايريدك .
-من اشتعلو صفحت اهلك حميد ترة گلبي رهيف ما يحمل كل هذا الحچي .
- لا منا ورايح لازم تتحمل بعد اكو هواي حجي ما گايلنه
گعد على القنفة وگعدني بحضنة يحجي كلمة ابوسة على الطاير واوخر
- ولج لا تتحرشين بية.
- رجلي وبكيفي انت شكو .
-هم حقچ بس ترة اذيج .
- انة احب هاي الاذية .
ما حچيت هاي الحجاية وهوة گلبتي واخذ اشفايفي ارد اجاري ما الحگ نزل على رگبتي انة بس اون جوا وهوة اندگ الباب محد بينة مهتملة چنة ما نسمع الى ان صاحت امي
- بلقيس خالتج هنا تريد اسلم عليكم وتريد حمد
بعد حمد وهوة اينافخ ضحكت وگمت اعدل ملابسي طلعت وشفت امي بوجهي ارد اروح ولزمتني
- وين ؟
-اشوف خالة سليمة!
- يمة روحي للحمام غسلي عيب .
عافتني وراحت رحت للحمام والگة وجهي احمر ورگبتي هم ضحكت وغسلت طلعت الهم وهناك الگة حمد سلمت هية تباوعلي وتضحك
- غداكم يمنة اجيت بس اگلكم من الصبح كملتة .
- حمد : تسلمين ام حميد وما انريد انكلفكم.
- سليمة : يا بالعباس اذا ما تجون الة ما احجي وياكم طول العمر شنو كلفة شنو هل السوالف ما عولنة نشوف نسيبنة رجل بلقيس .
- بلقيس: خالة اجي مالج علاقة بحمد انة جوعانة شنو مسوين اكل .
- امهة :ههههههههههه ترة هية هيج علاقتهة وية خالتهة
-بلقيس:خلة لازم اتحسبين حساب انة وطفل يعني وجبتين .
- سليمة : اشو رجعت الضحكة بوجهج هذا كلة علمود شوفت رجلج.
- بلقيس : خلة شنو جنت مثلاً گاعدة وابجي
- امي: لا مطنگرة والوجه يلطم .
- حمد :هههههههههههههههه.
- بلقيس: ترة ماكو شي ايضحك هية الحامل اصير مزاجية.
امي وخاتي ضلو ايضحكون علي وانة لامة وجهي من حمد رحنة للغدة گاعدة بصف حمد انة ما منتبهة علي هوة ايسولف وايفلس اللحم وايحط بماعوني وانة مندمجة بالحجي والاكل شهيتي من حبلت انفتحت فد مرة ...فخالة سليمة گال لحمد
- سليمة : يابعد خالتك اكل عوفهة هية تآكل جاهل هية .
انتبهت علي وابتسمت
- بلقيس : خالة شتريدين من رجلي خلي ايوكلني
- سليمة:يمة ترة المرة اتوكل رجلهة مو العكس 😅.
- بلقيس : شوفي خالتي يعني انة وحمد ماكو فرق بينة لهذا السبب عادي
- وسام : والله ما تتعاند عوفيهة.
- حمد : ام حميد انة مو حباً بيهة بس لان حامل اخاف على ابني الي بطنهة😂.
- وسام : بالعباس راح بيهة النسيب انت گد احجايتك؟
- بلقيس : عادي اتقبلهة من حمودي
حمد اعاين على بلقيس من تحجي علي واتوصفني لهلهة بكل فخر واتسولفلهم على اهلي بس بالخير لجن هية ما متراهمة وية العيشة هناك بس ما بينت لهم ريحني هذا الشي من حچت خالتهة ورديت والكل ضل يضحك وحتة بلقيس بس من حچت "عادي اتقبلهة من حمودي " دارت علي وعاينت بعيني ورفعت حاجبهة بعدم الرضه ضحكت صاير عدهة سوالف راح اتخبلني هل بلقيس خلصنة الغدة بقينة اشوي ورجعنة لبيت عمي سلطان فگلت لعمي لازم ارجع للعمارة هناك عدنة طلابة ولازم اروح انطيت لبلقيس خبر اتحضر روحة على ما اروح بشغلة بالبصرة افضهة وارد
بلقيس : من رحنة لبيت خالة سليمة حمد ما حب المكان مو من طبيعتة ايحب الشقة والضحك وية الغربة ومجيد الله يهدي ما يستعوب هذا الشي وداس وية حمد بالشقة حيل لو ما وسام وحسام لا جان صارت مشكلة ..
مجيد ما داس بس بشقة حمد لا حتة وياي اهلي متعودين على هذا الشي بس تعال اقنع حمد الي ابوعلة ما عاجبة الوضع كلش گمت وصحت لوسام علمود يحجي وية مجيد وايفهمة طبع حمد والحمد عد الغدة على خير
حمد من طبيعتة ايحب يتملكني بالبداية چنت اضوج من هذا الشي بعدين اتعودت رجعنة للبيت بس حمد طلع مستعجل حتة ما گال وين بس بابة گلي رجلج ايگول
-خل اتحضر روحه راح اترجعون للعمارة.
- وين حمد وليش ما گالي مو گتلة راح نبقة يومين !!
- صارت عندة سالفة گال اگضيهة ورجع انتي حضري روحج ومن يرجع استفسري منة .
بلقيس : شنو حمد يضحك علي مو گلي يومين ابقة صعدت لميت غراضي ورحت لانسام من شافتني عرفتني على شنو جاية گعدت يمهة
جان گالت
- ادري تردين تحجين وياي علمود ناصر انة حجيت ويا البارحة وگتلة الي گلتي گال بهل اسبوع ارجع من بغداد واحجي وية ابوي علمود انخطبج .
- انتي مقتنعة ترة مو اكيد ناصر يبقة بغداد لان انتي ما شايفة اهلة وبالاخص امة عود اذا گالت لا ناصر يعاند هاي من سابع المستحيلات فانتي خلي بالج هذا الشي ولا تنسين حتلو هوة متحضر مثل ما گلج يبقة ذبت عمارة حالة حال حمد .
- هسة انتي تردين حمد لو ما تردي ما فهمنة؟
- ومنو الي گال انة ما اريدة بس اطباعهم ما احبة وصعب اتاقلم وياهة وانتي هم احنة ما متعودين على عيشة الريف جاي اتفهميني .
-افتهمج بلقيس بس انة جاي اگلج ناصر يختلف عن حمد والبقية هوة من الاساس ما عاجبتة حياة اهلة .
- إنشاء الله خير ديري بالج على روحج وعلى امي وابوي
- انتي هم ديري بالج على روحج وعلى بيتج لا اتخلين الناس تشمت برجلج ترة حمد نص هيبتة ضاعت عند اهلة وانتي السبب .
- يلة خل اشوف شنو ناسية گومي وياي انگطع نفسي ولج ما اگدر بطني ثگلت .
- هههههههههههه بس والله لايگلج الحمل موردة بس مدري شوفت حمد گلبت حالج .
- انجبي ام لسان انة من الاساس حلوة 😌
- بهاي محد يگدر ايگلج لا لان انتي خامطة جمال امي كلة وامبقيتلي الوشالة .
-😂😂😂😂
نزلت جوة لگيت امي خطية مسويتلة متاع ومحضرة الاكل وبابة جايبلي كارتونات مال بسكت وكيك و جايب صوغات لعمو عزام ولعمة ولفاطمة جايب على گد البيت انة بقيت مصفنة على الغراض هاي وين راح احطهم اشوي واندگ الباب دخل حمد سلم و گال
- يلة بوية ما نمشي
- بابة : ليش مستعجل يابعد عمك باتو وباجر طلعو الصبح.
- حمد : ما اگدر صايرة طلابة وية عمامنة من بيت شرهد ولازم اروح ...
بلقيس :عرفت السالفة مليوصة فاروح ابدل احسن بقة حمد يشرح لبابة السالفة وانة لبست حجاب وعباية و حسام وسام ظلو اينقلون بالغراض حمد بقة متفاجئ شني كل هذا
بلقيس : صوغات وغراضي.
سلمت على اهلي وطلعنة فسالني
- هوة انتم هيج عدكم عادي الشقة وية الغربة؟
- يا غربة؟!
- مجيد اشو الميانة كلش طايحة.
- مجيد مو غريب ابن خالتي ورابين سوة .
- حتلو ابن خالتج ....
- حمد هاي جانت هيج حياتي وحياة اهلي وهيج جنة متعودين ومجيد وبيت خالة سليمة ربينة سوة مثل يعني حسبت اخوي بس رغم كل هذا انة علمود شفتك مضايق من هذا الشي گلت لوسام ايحاجي وما يشاقة وياي .
- هاي امريتي المعدلة تلگفة وهية طايرة شوفي يا روحيتي انة مو اضوج من مجيد بس انة اكره اي رجال يدنة صوبج حتة اخوتج من اضحكين وياهم انة گلبي يحترگ مو انوب ابن خالتج.
- يعني حتة اخوانك؟
- وليش همة فوگ راسهم ريشه بوية انة عربي واغار على مهرتي وهية موش اي مهرة.
- حمد صدگ هناك محد سأل علي؟
- كلهة تسأل وخاصة فاطمة كل يوم واجتني يمتة ترد بلقيس يمتة ترد بلقيس وابوي هم هواي ينشد عليج.
- وامك وخولة.
-هههههههههههههه اشمعنة امي حطيتيهة وية خولة .
- لان الاثنين ايضوجن مني هسة خولة شريجتي امك شبيهة وياي؟!
- امي اذا شافتني مكدر مو بس وياج اصير هيج حتة وية خولة هية اتگلي انة اعرفه ما تريدك لو تريدگ ما كرهتهة.
- والله يا عمة عليهة سوالف زين حمد .
- عيون حمد.
- اليوم وين تبات ؟
- انتي شتگولين ؟
- يمي ترة صارلك هواي يم خولة والله ما ايصير .
- بهاي صدگتي عبن من باجر ابات يم خولة اليوم لازم يمج.
- ليش باجر خلهة اكثر .
- ها بوية صايرة ترديني يمج .
- مو انة الة انام يمك والله عند اهلي فد اتبهذلت وبطلاع الروح كل يوم يلة انام چا انت اتعلمني عليك وبعدين تروح يم خولة .
-اشعل ابيك حميد ولج گلبي ارهيف وياج وما اتحمل.
-يعني تبقة يمي ؟
- انة لو بيدي تعرفيني ما ودي ابات الة يمج وليلة كلة ألوج عليج مثل الجاهل الي مضيع امة بس ما ايصير عبن خولة هم مرتي بالشرع ولازم انطيهة ولو اشوي من حقهة فشلة علي انة شيخ ويحكموني علمود اعدل بين الناس وانة بيتي ما اعدل .
- انة هم صوجي لو مخليتك اطلگ خولة من اجتني الفرصة چان صفيت بس الي.
- ههههههههههههههههه بعد راحت من ايدج زين عندي سؤال محيرني ؟
- اسأل؟!
- عليش هسة ضليتي اتضوجين من روحتي يم خولة بالبداية ما اضوجين..
- ترة ما ضايجة مو حسبالك اغار بس علمودك لان انت ما ترتاح بس يمي😌.
- متوهمة انة كلش ارتاح يم خولة المرة اطير بية طير حسرة اريد شي والگاهة جايبتة مثل الطلقة.
- ما اطول هيج بعد لا تجيني خليك مرتاح يمهة .
- على راحتج ما دامج ما تعرضين انة ابات يمهة .
- حمد ترة مو حلو هذا الشقة كافي .
- بوية شحاجي مو انتي ما تغارين علي ليش مقهورة .
- اي ما اغار عليك وما مقهورة وسد الموضوع يمتة نوصل للعمارة تعبت من الگعدة .
-هههههههههههه فد ساعة زذا تردين نامي اشوي .
- ما اريد .
- بكيفج
حمد : العناد الي بلقيس چذب شايفة بمرة ما شايف هيچ مرة اتكابر وتعاند ارد اشوف نهاية اعنادهة انوب طنگرت ودارت وجهة على الجامه عود ما تريد اتحاچيني انةغير ارد اصبر روحي من الضحك ماكو ماكو رجال ما يفرح من مرتة اتغار علي وخاصة اذا عاشگهة ... بقينة على هل سكته ردت اكسر الجو گعدت اغني
إه ...إه. إه إه..... لو عينك تصل كلبي وتارا...
سيوفك كطعت منه وتارا...
إه إه تارا كتمت حسباتي وتارا..
يهل دمعي ويورج الناس بيه
إه أف هله يا ريع روحي مرداهه بطيت وطول هجرك...
————————————-
لا تبخلون علي بتعليقاتكم
اسفة على الانگطاع لظروف خاصة
En-Zahraa