عذريتي مقابل براءتي

البارت الخامس عشر

                    ألما همه أهتمامي سقط حقه     بعد يحلم دقيقه أبالي يبقى

                     أريد اليسهر ويتعبلي ويذوب     عندي الحب على كد المشقه   
                
                     لتسجل حضور براسي وتغيب     تكتبلك حرف وتروح طلقه

                      وتجي بعد الظهر تكتب كلمتين     أرد اهلآ حبيبي ترد تغلقه  

                   وجديده مال اوكي نحجي بعدين      مع كل الأسف ظنيتك أرقى

يارين :- بعد ما انطاني فلوس وراح دخلت منهاره  أحس روحي رخيصة يعني هم يريد خدامه

اله ولمرته ولبناته واني شنو حياتي ادمرت ما اعرف وين أروح وش راح يصير بيه

ظليت ابجي اجتي أمي كعدت يمي  اول مره احس اريد أمي أشعر بحنانها خليت

راسي بحضنها وظليت اشهك وأحس الشهكه تطلع من روحي

وكتلها اريد اعرف شوكت يخلص عمري وارتاح ليش العالم كاعد حظها وهن مو حلوات مثلي

واني أطلع من مستنقع واطب بمستنقع وحظي وين ما اخلي ما يكعد ليش

ردت أشتغل واعيشكم ليش لازم أصير مو زينه حتى اعيشكم

خلت ايدها بشعري تلعب بي وتكول والله لو أدري راح الله يعاقبني بيكم جان موتت روحي

ولا هذا كله صار بس شكول الله يعدل حياتكم وأدعي من ربي اني ادفع ثمن اخطائي

ورفعت راسي وخلته على المخده وكامت أشوف جاهل معتز ما رحت إلى أي مكان

والفلوس انطيتها لأمي وظليت بفراشي ذاك اليوم كله والليل حتى أمي شكد حاولت

بس تريدني آكل بس منو اله واهس كمت

إذا أشرب مي أحسه مر علقم بحلكي ظليت

حتى آذان الفجر سمعت أمي أصلي وتبجي وتدعي بس حسيت روحي شبعت من القهر

حتى كام كل شي ما يأثر بيه بين النايمه والكاعده سمعت أمي تصيح بأسمي

جاوبتها اني كاعده كالت كومي نقيب عمار يريدج

دارين : قررت انهزم من فرقد بس بقى تفكير يأكل ويشرب ويايه شلون انهزم منه واني

ما عندي فلوس كلت أبقى كم شهر يمه اطلب منه فلوس وأجمعهن وبعدين انهزم حتى

أروح يم أهلي وما اخلي ياخذ ابني وينطي لمرته وقررت اجاهله ومعليه بي

ومن هاي الأفكار نمت وما حسيت غير الصبح الساعه ب 9 كمت تريكت ونظفت

وسبحت انتظرته يجي دخل للشقه حدود 4

جنت كاعده  بالصاله واتفرج على التلفزيون دخل شافني ما درتله بال وهو راح سبح ورجع

كعد يمي شو نام وخله رأسه على رجلي ردت ادفعه واكوم

كال -وين اني جاي يم ابني ما ميت عليج

كتله ابنك منو

خله ايده على بطني وكال هنا ابني ويبوس بطني

كتله ترى انت تبوس بطني من يجي ابنك وبوس بي 

كال لا يمعوده اني اهم شي ابني وبس انتي اهم وعيونج حبيبتي تردين اجيبلج شي مشتهيه

شي

كتله لا ما اريد شي بس عندي وياك موضوع

كال آمري

كتله أني وياك متفقين بس اجيب الطفل تاخذه وتعوفني صحيح

كام من حضني وصار مقابيلي ،كال اذا انتي تردين تروحين ما راح اكلج لا ما أكدر أبقيج

هنا أكثر من هيجي وانتي ماتريدني بس ابني اخذه

كتله زين يعني متفقين بس انت اني من جبتني هنا احنا اتفقنا بس ليله وحده وتعوفني

وهاي صار أشهر يمك اني وانت حتى بالجذب ما تنطيني مصرف ألي

باوع عليه بشك وكال شسوين بالمصرف وانتي هنا لا طبين ولا اطلعين وشتردين اني اجيب

كتله على كولتك تعويض الي يعني انت ازوجتني والليله الوحده صارت ليالي

ويوميا تريد حقك ومارست حقك وحتى طفل تريد بدليل حبلت منك مرتين

كال أي تعويض اني حاضر معنوي مادي اني أعوض بس ياريت معنوي لأن أموت على المعاني

والمعنى في قلب الشاعر

كتله خوش اتفاق انت من ازوجتني ما انطيتني لا مقدم ولا مؤخر ولا اي شي

كال خوش حجي  حددي اي مبلغ انتي تردي واني حاضر

كتله اريد خمسه مقدم مثلهم مؤخر واريد تعويض عن الحمل الأولي وهذ الحمل تنطيني

عليه مبلغ محترم لأن الحمل مو من ضمن اتفاقنا واريد ذهب  نيشان الي

جان يباوع عليه بنظرات غريبه وكال بعيني شتردين اني حاضر باجر كل الي طلبتي

أجيبه

كتله بقه المصرف مال كل شهر لو مألي مصرف

كال كولي شكد تردين واني انطي

كتله اريد مليون كل شهر

اني كلت هيجي لو مات من الضحك   

كال ليش حبيبي اداومين بسوات وانطيج مليون لا انطيج على الليله 25 الف بس بشرط

كتله شنو شرطك

كال من أجي يمج مو كالبه خلقتج  اريد تتجاوبين ويايه

اني أبالي انهزم منه وافقت على كلام يكوله 
 
 

يارين - كعدت بعد ما كظيت ليله متعبه تلفت بيها أعصابي رحت يمه جان واكف وناطيني ظهره

كتله -تفضل رايد شي كال بسرعه بدلي وتعالي ويايه اني بالسياره اتنتظرج وطلع

رجعت طبيت للبيت بدلت وطلعت صعدت يمه بالسياره أخذني لبيتهم وطول الطريق

السكوت جان سيد الموقف من وصلني نزلت وخله وراح عرفته يريد يهيني حتى ادخل

للبيت ادخل وحدي مذلوله كخدامه وبس فتحت الباب الخارجي  وصلت يم باب المطبخ

عزت عليه نفسي ظليت متردده ادخل لو لا انفتحت باب المطبخ وصارت كدامي ام عمار

سلمت عليها وبوستها

كالت والله من كالي عمار رجعت يارين ما صدكت كتله ماكو ما شفتها كالي شوفيها

هسه وصلتها كمت ادور عليج من ما شفتج بالبيت طلعت من باب المطبخ وشفتج

تفضلي يمه هسه فاتن كعدت

طبينا جوه ورحنا على غرفة فاتن اول ما شافتني اجتها نوبه هستيرية وظلت تغلط

وصيح وما خلت شي يمها على السرير من تحف ومزهريات والنشرات الضوئيه

كله شمرته علينا وسب بينا

هنا كبت ام عمار وياها وصار الفشار مو طبيعي وحده تغلط على الثانيه

هجمت ام عمار على فاتن وضربتها وصار المكافش دخلت دا افاككهن شبعت ضرب

بالكوه سحبت ام عمار وطلعتها

وفاتن اجيت اساعدها لو تخبلت تغلط وصيح عفتها وهي حركت الجو على عمار بالاتصالات

ماكو أقل الساعه دخل عمار

هو كال شكو

ام عمار لعبت طوبه بعمار على هاي المعوقه واحنا متحمليها وجايب وحده تخدمها تسوه

راسها وشلون تغلط على أمك وانت شكو مبقيها حتى أي حق ما تكدر تنطيك وهذني بناتك

منو يربيهن لو اني متت واصيح بأعلى صوتها حتى اسمع فاتن

تكله لعمار ازوج يارين حتى تقوم بواجباتك وتربي بناتك  ولا هاي المعوقه  وروح ذبها

بدار العجزه بعد ما اتحملها

رجع عمار هم كام يصيح ويكول يعني شلون ما أرتاح ابد والله يا عالم راح اموت ناقص عمر

بس كلولي شوكت

أرتاح اطب أطلع المشاكل فوك راسي منين ألكاها من الدوام لو من البيت

وين أروح بس كلولي ترى اني بشر مثلكم أحس وتأثر كون الله ياخذني وأخلص

بصراحه من دعى على نفسه بكلبي كلت آمين

وخله وراح على فاتن جانت اضرب من ام عمار بس هاي فرقها عن ام عمار

عافت ام عمار وركزت عليه وظلت تحجي على اني ضربتها وغلطت عليها وكتلها راح

أخذ عمار منج

ظليت صافنه على التأليف مال الحجي شويه وصاح عمار عليه بعلو صوته

رحت يمه

كال انتي شلون ضاربه فاتن وخنكي وضربني على راسي وظل يغلط ويفشر عليه

ظليت متفاجئه بتصرفه وخر ايده من على ركبتي وطردني من طلعت خارج الغرفه

اسمعه شلون يتوسل بيها حتى ترضى عليه

رحت للمطبخ ابجي عرفت عمار يريد مربيه لبناته وخدامه لزوجته  ويريدني لرغبته

ويريدني مكفخه اله ويعلك أخطائهم بيه لأن لا يكدر يحجي ويا امه ولا زوجته

ورا شويه اجى للمطبخ إجى قريب عليه ولزمني من فكي حيل

وكال اني أدري انتي الي تحرضين أمي على فاتن عبالج اتزوجج لو تموتين ازوج وحده

كح..... تربيلي بناتي هو انت متربايه حتى تربين أطفال غيرج ربي روحج بالبداية

هنا دفعته وكتله وخر نوبه ثانيه اذا تمد إيدك عليه والله اشهرك واكول على كل سوالفك

شلون سوي روحك محترم ومؤدب بعدين تظهر سفالتك

ضحك وكال الله يا شريفه وعفيفه خطيه اغتصبتج ولج شحال مو انتي جنتي تتحارشين بيه

جنتي ميته بس تردين اطخ بيج      شنو نسيتي بس تردين اباوع عليج اصحي يلا اليوم

اخليج ترتاحين غمزلي وطلع والله العظيم بدون مبالغه لعب نفسي منه وكرهته أكثر

دارين -بعد اتفاقي ويا فرقد صحيح ثاني يوم نفذ اتفاقه جاب ويا خمس ملايين

كال هذا مقدمج اخذته وكتله بعد النيشان شوكت أجيبه

تقرب عليه وظل يباوع بوجهي وخله أصبعه على شفتي ويحرك إصبعه بهدوء

وكال شو اني كل شي اسوي وشتكولين اكول تدللين وتنفذ بس انتي كل شي ما قدمتي

كتله وش تريد أسوي ما كافي راح انطيك طفل

كال لا هذا شكد ما تردين انطيج بس بقى أبو للطفل شوكت تحنين عليه

كتله غير من تنفذ أتفاقك ويايه وتنطيني على كل ليله كظيتها ويايه 25 الف مثل ما كلت

حاوط خصري بيده وخله حلكه يم أذني ويهمس

كال يعني 750 الف بالشهر ويا مصرفج يصير مليون ونص ليش حبيبي انتي اداومين برئاسة

الوزراء حتى انطيج هلكد بس انتي كلفتني هلكد بس حبيبي يستاهل بس انصحج اي فكره

أشيليها من راسج وابتعد عني

وكال راح أنام والعصر اخذج للصايغ تشترين نيشان  

نام فرقد واني ضميت الفلوس بجنطه وخليته بكنتوري كلت وبعد أجر منه فلوس وذهب

حتى من انهزم اني محظره نفسي أروح على أهلي وخليهم يسفروني لأيران على خوالي

حتى فرقد ما يأخذ ابني مني وبنفس الوقت  فرحانه ابد ما يوم شايفه هلكد فلوس

وبنفس الوقت حايره شلون اعوف فرقد بعد ما اتعلقت بي  واريد انهزم منه شلون

ما اعرف مشاعر تعصف بروحي شريد ما اعرف بين هاي كل الأفكار صار العصر

طبيت اريد اكعده لكيته يكلب بالموبايل شافني

كال يلا حضري نفسج وهو كام راح للحمام بدلت وحضرت نفسي حبيت اغيضه خليت

مكياج صارخ اجى يريد يبدل بس باوع عليه

كال هاي شنو

كتله شكو

كال  -  ابويه روحي خففي مكياج ما رايحين على عرس

كتله -يعني شلون ما اخلي مكياج 

كال  -انتي ما سمعين كلت خففي مو مسحي يلا على السريع

ظليت واكفه كال يلا مره عليج ومره عليه لو بس عليه لازم أنفذ كل طلابتج

كلت بكلبي خاف يغير رأيه وما يشتريلي ذهب وابقى  خلي  اخفف جبت كلينكس وظليت

أمسح خوف شويه ورتبت وجهي وهو هم بدل وطلعنا  أخذني يم صايغ

وكال شيعجبج اخذي أخذت كلاده ومحبس وتراجي اجيت أخذ بعد بس استحيت من الصايغ

كلت هسه يكول ما شايفه على اساس جنت بيت أهلي كل شي عندي وذكرت من جنا اني

ويارين بالكوه يشترولنا ملابس جنا نتحسر

اجى وكف يمي وكال اخذي بعد

كتله لا هذا هو

بس هو رجع أخذ كلاده كال هاي بمناسبة الحمل وأخذ خلخال وسوار

كال هذني بياض وصباحيت عرسج  دفع الحساب وطلعنا

واخذني للمول من ركن السياره ونزلنا من دا ندخل انبهرت والله اول مره بحياتي أشوف مول

كما أمشي وانضرب بالناس بس هو بسرعه اجى ولزم أيدي

وكال هاي شبيج ما شايفه أمشي عدل تمشين ودعمين بالناس

كتله -اي ما شايفه وين أشوف اني أهلي ما عدهم بالكوه يشترولنا من التنزيلات

دار وجهه وكام يضحك وكال اووف منج  ام لسان واخذني يم الملابس النسائيه

وكال طبي اي شي تردي و شمحتاجه اخذي والله العظيم طبيت عبالك طابه للجنه مبهوره

من كل شي أمشي واتفرج اجتي البائعه

كالت حبيبتي محتاجه شي معين ضحكت بداخلي هي ما تعرف اني ما أفهم بأي شي

كتلها اريد أجهز نفسي بس ما اعرف كالت هسه اني اساعدج

وبالفعل ساعدتني واختارتلي ملابس تجنن مال بيت وطلعه

كتلها تعالي ويايه اريد مكياج وعطور

كالت حبيبتي هناك هم يساعدوج اجى هو دفع الحساب وداني

على قسم العطور والمكياج قبل ما اطب لزم أيدي

كال - اكلج جيبي الج عطور مال  أثاره

باوعت عليه بطرف عيني  وكتله وانت ناقص أثاره حتى اجيب عطر 

كال يلا لج اذا ما جبتي شوفي شراح يصير ألج

هزيت أيدي وهو يتوعدلي دخلت صدك ما خليت شي بنفسي كلت خلي أجيب عطور أثاره

قابل راح أدفع من جيبي بس استحي من هاي البنيه الي واكفه تبيع في حين هي هواي

ساعدتني بالكوه  كتلها بلا  زحمه عليج اريد عطور أثاره ضحكت كالت ها الرجال يريد

كتلها اي وانطتني تشكيله حلوه طلعت كلش غاليات وهو تكربس بيهن

وهم دفع بس تعجب على السعر من طلعنا كال ليش هيجي السعر عالي

كتله انت مو كلت جيبي عطور مال أثاره وذني سعرهن غالي

كال -ها جبتي عاشت ايدج

كلت بنفسي شوف شلون على راحته يدفع كومة فلوس وما يهتم

يارين -بعد ما عافني بالمطبخ وراح إجت امه تعتذر مني على الي صار وبدينا نظف ونسوي

غده صاح عليه حتى اساعد فاتن حتى تروح للحمام ورحت وياها بس شنو اني عندي

خدمة فاتن جهاد الأكبر بين ما اخلصها من رجعتها للغرفه وساعدتها اجى عمار شالها

وخلاها على السرير  وهي عناد بيه ظلت معلكه بركبته وهو يبوس بخدودها 

شكد كرهتهم اثنينهم طلعت من غرفتهم رجعت للمطبخ اجتي ام عمار سولف على بناتها

وشلون جان أخو فاتن مأخذ بنتها وعذبها وبعدين طلكها على اساس أنه ما تخلف وأنه الله

على حق ازوجت بنتها وخلفت وصار عدها أطفال وهو ازوج ولحد الأن ما عنده خلفه

هنا عرفت كره ام عمار وبناتها لفاتن  كملنا كل شي وسمعنا الآذان  راحت ام عمار اصلي

واني بديت أحضر الأكل من خلصت ام عمار صبيت وكلهم انجمعوا على الأكل بس فاتن

نخلي كدامها الأكل لأن هي كاعده على كرسي متحرك صامتين ام عمار تعالي اكلي

بعدني ما كاعده رجعت فاتن كامت اصيح

على شلون اتغده وياهم ورجعت مثل عركة الصبح بس هاي المره عفتهن ورجعت للمطبخ

كلت لا عمار يرجع يذب الصوج بيه بس نفس الوضع صاح عليه عمار رحت يمه

كام يغلط على انتي مسمومه عفتيهن يتعاركن  بس اريد اعرف شسوي  ابقى يمهن   

ابتلي اعوفهن ابتلي وين أروح يا ربي ادعي عليمن كظيت عمري الي ادعي عليه كل

الخير يصيبه واني بالحضيض شوكت أرتاح وديت فاتن لغرفتها بعد ما شبعت ضرب منها

مسبه على انتي ميته على عمار وتردين تاخذي

كتلها عمار الج بس عوفوني ما أدري منين طلع وصاح بيه

وكال طلعي بره

عفتهم وطلعت رحت أعزل بالآكل الي محد آكل منه لأن تعاركوا ام عمار أخذت بنات

عمار وطبت لغرفتها لأن همه متعلمين  ينامون الظهر واكفه اجلف بالمواعين وحسيت

واحد ورايه سحبني عليه ظهري صار على صدره

عرفته عمار كال يلا بعد ما أتحمل تعالي ويايه للغرفه اني البارحه مو كتلج حضري نفسج

ليش كل شي ما مسويه

ابتعد عني جرني من أيدي وصعدنا لغرفه فوك بيها فرش وشكو مواد زايده  يخلصوها بيها

فرش فراش  ونام عليه

وكال تعالي يمي رحت يمه جرني عليه وخلاني بحضنه  وكام يبوس وحركاته  صارت

جريئه والله صعبت عليه نفسي كمت ابجي هو ظل يباوع عليه مستغرب

كال شبيج

كمت اتوسل بي كتله والله حرام هذا زنى حتى لو تزوجني بعقد سيد ولا هذا الحرام

عافني وكعد وكال شوفي اني اتزوجج بس أي حقوق شرعيه مالج كل شي ما انطيج

يعني زواج بس بيناتنا حتى أمي ما تدري فهمتي وإذا اي واحد  درى انتي المسؤوله

كدامي

دارين -بعد ما دفع الحساب مال العطور وهو ممنون كعدنا بمطعم وكال ها شتحبين تاكلين

كتله بكيفك طلب أكل  على مزاجه أكلنا شافني أكلت بس شويه

كال اطلب غير شي

كتله ما اريد ظلينا كاعدين ورا العشى شفت بنيه كل ساع تأشرله نار وشبت بيه

كتله  -شوف عيب عليك لمن اني وياك وانت عينك فارغه تباوع على النسوان لو أبو

طبع ما يجوز من طبعه

كال -اني ما باوعت هي تباوع  اني شسويلها هو إني وين ما أروح أصير محط أنظار البنات

كتله -بسيطه هسه أعلمها الأدب الظاهر ما متربايه

كمت بسرعه ورحت عليها

وكتلها انتي ما تستحين صار ساعه عينج عليه ما  تكولين زوجته يمه إجى يمي يريد

يجرني من يمها وهي تغلط عليه وهو يتعذر منها واني اغلط واكول إلها ام زلم

ما تستحين عينج على رجال مزوج

وهو كل ساع يخلي ايده على حلكي يريد يسكتني  بس ماكو اني مستمره

واجى زوج هاي البنيه وصارت هوسه بعدين فرقد طلع هويته وعرفوه ضابط وتعذر منهم

وطلعنا للشقه وهو بالسياره بطريق الرجعه استلمني مربع

وكال    والله إذا ما اربيج وما خله غلط وفشار ما سمعته منه نبش عشيرتي كلها ما

خله شي يعتب عليه وصلنا صرت أسرع من الفهد الأسود اريد بس اطب للشقه حتى

أروح للحمام واحبس روحي بس هو جان أسرع مني جرني من شعري ودفعني بكل قوته

من قوة الدفعه وكعت بالكاع بس شنو ورا شويه من الوكعه كام ينزل عليه دم  ونزل

على ملابسي لأن جنت لابسه ملابس مال محجبات وردي فاتح

فتح عيونه متفاجئ وكال ها هم راح يصير عندج إسقاط

يتبع

النشر بين يوم ويوم الساعه 10 ليلآ

وهذا البارت لعيون احلى متابعين الي سعدوني بتعليقاتهم

دمتم في آمان الله وحفظه

تعليقاتكم و تصويتكم تسعدني 

ورحمه لاهلكم غلسوا على السحك 

أعتقد أنك ستحب هذه القصة: " عذريتي مقابل براءتي  بقلم user32644929 على واتباد https://my.w.tt/aB1lPIl5W8