تمت ريماس متنحه ف الي تحق فيها ومعش عرفت شن تدير ولا تتحرك ، سكرت التليفون وقعمزت ع سريرها مش مستوعبه الي قراته والي شافاته ، معش عرفت تبكي ولا تنوض ريهام ، مافهمتش تقول لموده ولا تسكت ، فكرت وفكرت وفكرت مالقتش حل تمت تبكي حطت راسها ع المخده وتمت سارحه ف الصقف ودموعها تنزل ع مخدتها
اما موده ورنده فهدرزن لين رقدن
ثاني يوم ..
سلوى:عمتي خلي مروان يشيللي دبشي عند سلوى
نجيه:باهي توا انقولله
موده:صباح الخير
نجيه:صح النوم ياحنه
ميسون :وين محمود مش كان هنا توا
سلوى:حقيته طلع من هنا توا
نجيه:عدي يا موده شوفيه برا
طلعت موده برا لقت محمود في المربوعه ماسك التليفون وكارس في تركينه
محمود:الو بابا ،بابا كنك ماترد ، انا نبيك والله رايفت عليك ، كلهم عندهم بابا الا انا ،انت وين عديت ، كل يوم انراجي فيك ماتجيش ، الو بابا تسمع فيا ، الو
تمت موده تسمع فيه وتبكي لين فطنلها محمود
محمود:ياموده هو مايبيش يرد عليا كل يوم انقول الو مايردش
مسكت موده التليفون منه واضبطاته ، بحتت في التليفون لقاته مسكر اصلا ، بس هو يحسابه يقول الو يرد عليه
موده:حبيبي بابا عدا عند ربي معش يقدر يدويلك ولا تسمعه ولا تشوفه ، بس هو يسمع فيك ،هو يحبك ويبيك تقعد كويس تسمع كلام ماما وماتضربش حمادي وخواتك ، حبيبي قول ربي يرحم بابا بيش ربي يحطه ف الجنه
محمود:ربي يرحم بابا
موده:ايوا شاطر ،توا هيا خلينا نعدو نشيلو التليفون لماما ونخشو نفطرو باهي
محمود:باه
طلعت موده ومعاها محمود خشت جوا عطت التليفون لميسون وخشت بتفطر
موده:رنده امتى ناضت
نجيه:من بدري وعدت لحوشهم
موده:كنها
نجيه:ماندري عليها
سلوى :عمتي خاطري في محشي
نجيه:باه ساهل توا انقول لمروان يجيبلنا خضرة ونديروه
ميسون:في خضره واجد جوا
نجيه:قصدي بيش نديرو معاه حاجه امبوخه
سلوى:حتى بروحه ومعاه شربه حمرا
نجيه:خلاص توا انصبي انديره
ميسون:توا انجي معاك
خشن نجيه وميسون يديرن ف الغذا ،وموده اتضم ف الحوش وسلوى اتترقد مدايره روحها تعبانه
شويه وجا مروان
مروان:امي
نجيه:شوفيه ياموده
موده:ها
مروان:هوا انشالله
موده:كنك
مروان:نبي داري
موده:ياميسون وسلوى مروان بيخش داره ادرقن
نجيه:خليه يخش
خش مروان داره وطلع
نجيه:ارجى يامروان
مروان:كنكن
ارجى نغسل يدي ونجيك
غسلت نجيه يدها وطلعت
نجيه:اسمع سلوى بتقعد عند انتصار شيللها دبشها غادي
مروان:باهي عطيه ليا
نجيه:سلوى وين ادبشك الي بتشيليه عند انتصار
موده:هو ياامي
نجيه:جيبيه باهي
جابت موده الدبش لسلوى ،خذاه مروان وطلع
عدا مروان لحوش انتصار دق الباب
فتحتله انتصار
مروان:😒هاكي هضا
انتصار:خش باهي انجيبلك حاجه تعطيها لها
مروان:باهي بسرعه
خش مروان ف الصاله
ريماس:خير
مروان:هلا
ريماس:رايفت عليكم
مروان:وكنك ماتدورينا كان رايفتي
ريماس:امي ماتخلينيش
مروان:ربي يهديها وخلاص
انتصار:هاك الشكاره هذي عطيها لسلوى
مروان:باه ، سلام
طلع مروان رد للحوش
مروان:مودده
موده:نعم
مروان:هاكي هذي عطيها لسلوى فيها دبش
موده:دبش شن دوته
مروان:وين نندري عليهن انا، بنعدي انا
موده:ماشي للمحل
مروان:اها
موده:باهي جيبلي معاك اي شوكلاطه
مروان:انشالله خير
موده:باهي باهي
مروان:تي باهي الزح خلاص
طلع مروان وخشت موده لسلوى
موده:سلوى
سلوى:نعم
موده:هاكي هذي دزتها لكي انتصار
سلوى:اها هضا دبش بنلبسه اليوم وشلته ف الساكو قلتلها اتدزه ليا
موده:باه
عدت موده كملت حوستها بعدها حطو الغدا تغدو وضمت موده المطبخ ،
ف العشيه جن خواتها منى ومرام وكلثوم وبناتها
قعمزن في الدار يهدرزن
كلثوم:ماحد جا اليوم
منى:اها خلاص يبدا يخف المشاي والجياي
نجيه:نحس في راسي صداع بكل
موده:خديتي دواك
نجيه:لا والله جيبيه ليا
مرام:عمران اركح ياماما بهدلتني
كلثوم:اليوم الحاج ماشفنشي بكل
نجيه:حتى نحنا ماشفناه من اول امس
منى:رايح مكبد ع انتصار
نجيه:من هذك العركه لما قتله انتصار معش تلزمني وهو حرجان معش يجينا
وجدان:لعبت بعقله العطيبه
سلوى:حي ماصليتش العصر انا والمغرب يأذن
موده:من بدري وانتي اترقدي هضا وين خطرت عليك الصلاه
سلوى:😏بيني وبين ربي
صبت سلوى ع أساس تبي تصلي 😱
وقعدن البنات يهدرزن ، لين ف الليل كل واحد روح
كلثوم:هيا بنروحو نحنا تبن حاجه
نجيه:سلامتك
كلثوم:ميسون تبي حاجه ناقصتك حاجه للعيال
ميسون:بارك الله فيك والله عمتي مامقصره معانا ، وهلي حتى هما
كلثوم:باهي الحمدلله
سلوى:توصلوني معاكم لحوش انتصار
كلثوم:مش مكروه الرابط تطلع ف الليل
سلوى:لا سألت قالولي عادي لو كنتي مضطره وبعدين نحنا في نفس المكان
موده:هابا ايحللو ويحرمو من عندهم ، اول مره نسمعها
سلوى لا سألت حد لا شي ، بس سكرت راسها انها تمشي لانتصار
طلع كلثوم وبناتها وسلوى ، وقعدن موده ونجيه وميسون ، مسكت موده حمادي قعدت تلعب فيه ونجيه صبت تصلي العشاء وميسون اتغير لمحمود وخواته
قريب ساعتين هك وصوت الباب انفتح
موده:باتي جاي اليوم هو
نجيه:مش عارفه
محمود:نجيه
نجيه:نعم ياحاج
محمود:الكلب الحقير الي ماعرفتيش اتربيه هضا وين
نجيه:كنك اسمالله ، مروان من القايله طلع معش جا
محمود:مش حيجي من عملته السوده
نجيه:شن داير قوللي
محمود:ولدك ياابله سارق ذهب سلوى لما شال دبشها امبدري ....