بلقيس: ابوي وعزام راحو للعمارة والكل عرف بية مخطوبة لحمد طبعاً خالتي سليمة وبناتهة وخاصة هديل وحميد كانو مصدومين ومحد يرضة يقتنع انة موافقة بس امي خبرتهم بلقيس موافقة وحذرتني ما احچي شي اصلاً هو شكلي ايسولف عني وعن رفضي ..
مجاي اصدگ راح ازوج لا انوب بالعمارة ولحمد بن عزام يعني ناس حاقدة عليهم من چنت جاهلة .
صعدت هديل لغرفتي لان ما ردت انزل جوة خاف احچي لخالتي شي بدون قصد بس هديل تختلف اول ما دخلت
گالت
- ولچ اشصاير اشلون اقتنعتي بحمد فهميني ؟
- تعالي گعدي وانة راح اسولفلچ كلشي .
- اي گعدت سولفي !
- اول شي هذا الرفيق الحقير شافني و اجة لبيتنة وظل ايهدد وگال انتو مو گلتولي راح تزوج ابوي حمد متفقين انو انة مرتة ورحنة مهرنة ثاني يوم بتاريخ قديم وگلنة ورة فترة نفصخ المهر بدون علم اي شخص..
ورة اسبوع اجة ابو حمد وامة وصالحو وية ابوي وابو حمد طلب ايدي لبنة گبال الكل .....
وگعدت اسولفهة الي ايصار بكل تفصيل وانة ميتة قهر
- وهيچ اتورط بعد ما قبل هوة بكل بشروطي .
- معقولة يقبل بهذي الشروط ولج هذول اشروط تعجيزية خطية حمد اشگد ايحبچ .
- شوف هاي انة وين وهية محتارة بحب حمد كون حبتة الگرادة وكيلة بحبة انة .
- بلقيس انطي لنفسچ فرصة ايجوز اتحبي .
- انتي اشبيچ انة اكرهم كلهم اشلون ترضيهة اعيش اهناك يمهم ها ما جاي ترهم اعرف روحي راح ارجع مطلگة .
- ترة ما جاي اشوفة رجال مو زين والله خوش رجال وهم ترة طول بعرض و ما مخربط وعلى حچيچ مستعد ايسوي اي شي علمود رضاچ بعد ليش اتحكمين على الرجال وانتي بعد ما عندچ خيارات بقبولچ او عدمة راح ايتم هذا الزواج.
- والله اذا ماشتت شملهم ما اطلع انة بلقيس.
- وشنو راح اتحصلين من اشتتيهم تطلگين وترجعين لبيت اهلچ مطلگة علمود الناس تاكل وجه ابوچ ترة بلقيس اشوي فكري بخوانچ وابوچ شنو ذنبهم ... اگول ترضين بقسمتچ وتحمد ربچ وشكري والله حمد خوش رجال.
- بالعافية اخذي الچ.
- بلقيس لازم تنسين جابر كم مرة اعيدهة انسي الى متى اتعيشين بهذا الوهم مراح يرجع افهمي مات مات يعمي اتخلصين كل عمرچ تنتضرين شخص ميت؟
- استغفر الله انتي مو صوچچ صوچي انة اشكيلچ واريدچ تلگيلي حل هل مشكلة رجعتي عتي حجي امي.
- اي لان هذا واقع وانتي مجاي ترضين بالواقع .
ولج انة اصغر منچ بهواي وراح اعرس وانتي بعدچ شنو اتريدين اصيرين احچياة بحلگ العالم؟
- مشكورة هاي عود انتي بت خالتي وهيچ تحچين.
- حبيبتي انة جاي احچيلچ عن لسان الناس الى متى مثلاً اضلين اطنشين بعدين ايفوتچ العمر وتتحسفين.
حمد : دخلنة للديوان وعلامات الاستغراب من بعض عمامي وبعضهم ضايجين والقليل فرحانين بجود عمي سلطان طبعاً اولادهم محد عرفة ابوي گعد وگعدت انة وعمي سلطان جارة وگال
- عزام : مساكم الله بالخير .
- الكل : مساك الله بالخير يا شيخ .
- عزام : اليوم عندي الكم سالفة قديمة اود احچيهة وابري ذمتي وقبل ما احچيهة لازم اذكر انة الانسان مهو بعمعصوم من الغط واتمنة من الحاضرين ما يگطعون السالفة.
- الكل : تكلم يا شيخ!؟
- عزام : الكل يعرف انة سلطان انطرد من العشيرة عبنة اخذ بنت الولاية وعصة ابو والشيخ حمد الله يرحمة لچن الحقيقة هية مو مثل ما تعرفون ..
قبل ٢٤ سنة رد سلطان بن عمي من العلام واهو متخرج والكل فرح بردتة الة اثنين ما فرحو بردتة اولهم انة عبن الشيخ حمد راد ينطي الشيخة وثانيهم حاتم من خوفة لا سلطان ياخذ مكانة وياخذ الحلال منة . ..
بعضكم راح يستغرب اشلون اضوج من سلطان وهو رفيچي واخوي الي ماجبتة امي انة چنت شاب اصغير واشوف ابوي يمدح بسلطان وبعگلانيتة ودوم ايگول ..
سلطان يعرف يوزن الامور احسن منك تعلم يا حمد من ابن عمك لا تضن الشيخة اتصير لبني انة اعطي الشيخة للأحسن والاحسن هوة سلطان حاولت اثبت لبوي انة احسن من سلطان لچن سلطان يجي شهر بالسنة ايخرب علي الاولي وتالي بدت الغيرة تنزرع بداخلي الى ان ابوي قرر ينطي الشيخة لسلطان بوكتهة علم عمي ابو سلطان وانة چنت موجود ..
اغتاضيت بداخلي لجن ما بيدي حيلة على ابوي اجاني بليلتهة سلطان ايريدني اتدخل بينة وبين ابوي وابو واقنعهم يتزوج بنت الولاية انة گتلة خلهة علية وبداخلي گلت اختك فرصة يا عزام اترد الشيخة لا اضيعهة .
رحت لبوي وعمي چان موجود گتلهم بوية قبل ما تخبر الكل على موضوع سلطان لازم اتزوجة وحدة من بنات عمامي عبن اذا تزوج وحدة من بنات عمامي راح ايقل علية الضغط من طرف ابو مرتة والبقية يرضون عبن ما بيدهم حيلة ...
ابوي اقتنع بحچي وهم عمي وگالو هذة زين العقل ارسل على سلطان نفتح ويا الموضوع وخلة يختار وحدة من بنات عمامة..
اشوي واجة سلطان وكل ضنة انة فاتحتهم بوضوع زواجة من بنت الولاية لچن انصدم من عرف ابوي وعمي يردون ايزوجو وحدة من بنات عمي ..
بوكتهة سلطان عرف انة غدرتة وضاج وگال
اريد انة موافق بشرط اخذ سعدة بت عمي ..
الكل بوكتهة يعرفني انة رايد سعدة و اولهم سلطان زاد غيضي منة لانة رادهة وصارت بينة مشاكل وكبرت هل مشاكل الى ان سلطان گال انة رايد بنت الولاية
سألني ابوي انت تعرفهة اذا خوش بت نخطبهة لسلطان .
انة ردت اخرب كلشي رديت على ابوي لا يا بوي مهاي من ثوبنة والبت ضحكت على سلطان وانة نصحتة وگتلة ابتعد عنهة لچن هوة اصر علية
ومو بس انة الي ظل يحفر لسلطان حتة حاتم اخو ظل يملي راس ابوهم علية الى ان گالو لو تزوج بت عمك لو انت مو ابنة
وبساعتهة سلطان قرر ايعوف العمارة من عاف ارسالي ابوي انة وحاتم انردة ونقنعة برجعة لچن احنة ما رحنة على سلطان بقينة چك يوم وردينة وگالت لبوي سلطان تزوج وهذا الخبر چذب سلطان چان يشتغل علمود ايوفر عيشتة
بساعتهة قررو عمامي ايطردونة من العشيرة وهذا الي حصل وانة اليوم گبال الكل ارد الشيخة الراعيهة واتمنى منة ايسامحني ويبريني الذمة عبن الماضي جاي ايعاقبي وايعيد الي صار بسلطان بولادي حمد ومنصور .
حمد : عمامي چانو مصدومين بأبوي وحتة انة هم انصدمت ما چنت اعرف كل هل تفاصيل اشلون عمي سلطان رجع سلم على ابوي من جديد وقبل ايدخلة لبيتة وكل هاي العمايل مسويهن بي گطع تفكيري وتفكير الحاضرين صوت عمي سلطان
- سلطان : يا خوي يا عزام الفات مات وانت اجيتني واعتذرت مني قبل كم سنة واحد شرح للثاني موقفة انت عرفت بية ما جنت رايد الشيخة وانة عرفت بيك مملي راسك علية واحنة اخوان وبينة زاد وملح لچن الهضمني اهو ابن امي وابوي عليش تحفر علي انة شسويت لخوتي رحت درست كل هل سنين طلبت من ابوي فلوس لو ردت منة شي خاليت الكم كل شي وانتم بالمقابل تكرهوني على الگيعان اتخاف يا حاتم اخذهم الك يا خوي والحلال هم ما اريد بي حصة انة الي رتة اهل من اطيح انتچي عليهم عليش بكل ديوان ما يحقلي اگعد الكل ايعيرني الهلك تبرو منك ..
اود اوضح شي انة ما تزوچت الة بعد سنيتين يعني خبر زواجي من بنت الولاية چان چذب .
- حاتم :جنك يا عزام طلعت منهة وانة صرت الطرف الوحيد النذل .
- سلطان : لانك ابن اخوي ابن امي وابوي شني شي الي سويتة خلاك تكرهني وتحقد علية وخلصت كل العمر تترس راس امي علي الى ان كرهتني وانة ابنهة جاوبني شني الاسباب؟
- حاتم : لانك حقير وشايف روحك كلشي تريدة لنفسك .
- سلطان : الحچي وياك يا خوي ضايع والكل يعرف منهو انت ومنهو انة .
بعدهة طلع عمي حاتم من الديوان وهوة يسب ويغلط والكل گامو ايسلمون على عمي سلطان و گعدو ايسولفون الى ان حل الضلام وصار وكت العشة و ابوي رفض احد يطلع گال الكل يبقى على العشة خلونة ملتمين ..
انتبهت على عمي سلطان الفرحة بجمعتة بهلة واضحة للي شايفة قبل ما يجي هنا حتة ضحكتة تغيرت گتلة
- عمي اذا تريد ترتاح انت تعبان من الصبح طالع.
- سلطان : انة مرتاح بين اهلي خليني يابوي.
- محسن : لگن اشلون ما يدور راحتك وانت ابو مريتة لو بيد حمد ايشيلك على راسة .
الكل ظل يضحك حتة انة والله صحيح چا غير هو ابوهة ظلت تاخذني الحسبات اي باچر لازم اطلع من غبشة اشوفلي عمال وخلفات يبنولي بيت صغير بصف القصر و بعدهة اطلع اشوف البساتين والفلاليح صاير مدة ما رايح
اگوم ارتاح وراي گعدة من غبشة الجماعة شكلهم مطولين
گمت
- حمد: من رخصتكم اروح ارتاح باچبر وراي طلعة من غبشة.
- عزام : مرخوص بوية.
رحت لغرفتي چا العين اريدهة تغفة ماكو اتگلب يمنة يسرة ما فاد اشوي واسمع صوت دگ الباب صحت ادخل
دخل حمزة مدنگ راسة بوياي والله مشتاقلة كل ضني رايح يم خولة..
- تعال يا بعد ابوك ما ادري بيك انت اهنا حسبالي رحت لمك .
شبگي وگال.
- لا ما عوف عمتي فاطمة وحديتهة خطية اضوج عبن عمي منصور دوم طالع .
- عفية بالسبع اوليدي اشلون الوضع بهل الاسبوع؟
- مو زين يا بوي انت من طلعت بيبتي من درت بيك مختفي گلبت القصر گلاب على جدي اشلون خلاك تطلع ما بقة مكان بالديرة ما دورو..
- وامك شخبارهة؟
- امي كل ضنهة جدي حاتم راح ايخوف جدي عزام من تزعل واتخليك ما تزوج عمتي بلقيس لچن جدي عزام رد علية وگالة
الشرع حلل اربعة وابني من حقة ايتزوج والي رادهة ماهي بغريبة بت عمة .
وكتهة جدي ضاج وگالة
اذا تزوج حمد من بت سلطان اطلگ خولة .
گالة جدي
اذا تگدر اطلگ طلگ احنة ما اطلگ .
-لا اتخاف يا حمزة امك ما اطلگهة بس لجل اعيونك ولة انت تعرفهة وتعرف اطباعهة ما تنحمل .
- اعرف امي ما تنحمل لچن لخاطري يا بوي تحملهة .
- تامر يا بعد ابوك تعال نام يمي وباجر اخذك وياي عندي من اطلع الصبح .
نمت انة ويا وگعدنة وية اذان الفجر صليت لگيت امي گاعدة هية وفاطمة
- حمد : صبحكم الله بالخير .
- فاطمة: صباح النور هلة خوية.
- حمد : صباح الخير يمة .
- ام حمد : فاطمة صبي ريوگ لخوچ .
- حمد : لا يا ام حمد هيچ صارت حتة الصباح ما تردي .
- ام حمد: فاطمة روحي سوي اريوگ لخوچ .
- فاطمة : انشالله .
- حمد : خوية طالع ما يحتاچ حمزة بوية اتريگ و اشوي اجي عليك في امن الله .
بست راس امي وطلعت رحت لخلفة اعرفة بيتة اشوي بعيد بس مضبوط اتفقت ويا على بناء بيت اصغير وهوة ايجيب العمال وية
اتفقنة على بناء غرفة وحمام ومطبخ وهول ورجعت للقصر ارسالت واحد من الزلم على حمزة ايجبة واشوي اجة
وفتح الباب وگال
- بوية جدتي اتصيحك .
- اصعد بوية عدنة شغل ..
- بوية جدتي اتريدك لا تقهرهة من طلعت لهسة كلش مقهورة.
نزلت وگتلة
-امشينة انشوفهة
دخلت لگيتهة صابة صينية اكل وگاعدة
- حمد : السلام عليكم.
- ام حمد : وعليكم السلام اگعد اكل قبل ما تطلع.
- حمد : ايطول عمرچ يالغالية چنچ تدرين بية جوعان.
گعدت اگال وهية اتهز بيهة
- ها يمة اشمالچ اتهزين بيدچ؟!
- ليمتة اترد مرتك ؟
- تقصدين خولة ؟
- اي چا منهي مرتك بعد؟
- شني نسيتي بلقيس هم انة ماهر عليهة.
- عود من تعرس عليهة اصير مرتك وعساهة ما صارت .
- علمود انط واموت اذا ما اصير الي.
- لو ما اعرفهة ما تريدگ چا گلت امسويتلك سحر لچن البت ما اطيق تگعد جارك .
- اشلون ما اكل هههههه .
- اي اضحك يمصخم تاليتك اثنين نسوان وتنام جاري واذكر احچايتي .
- چا هية اشوية النومة يمچ بس ابوي كون يقبل مو ايشحوتني .
- مصخم ما اصيرلك چارة .
- عمي سلطان وينة؟
- راح ايسلم على امة لان البارحة ما قبلت اتشوفة حاتم تارس راسهة علية واليوم راح هوة وابوك علمود ايشوفونهة.
- ايصير خير يللة يمة لازم اروح عندي شغل بالبساتين وين حمزة؟
- تألگاه برة.
سلطان : احلة شي بالدنية هية لمت الاهل الما عندة اهل ايعيش غريب اخذتنة السوالف وانة بالي يم امي اتمنى اشوفهة امي الي كل ما اروح الهة تطردني ربي ايسامحچ يا يمة شني السويتة الچ من صغري وانتي ما تريدني يمكن لهل سبب رحت درت بالبصرة لان چنت احس بظلم من امي وتفرقة بيني وبين حاتم ..
ندست محسن وگتلة وديني لمي ارد اشوفهة .
ورحنة انة ويا من وصلنة لبيت ابوي لگيت حاتم اهناك گال
- شتريد جاي انت اصالحت وية عزام وية العشيرة لچن ويانة مالك صلح .
- حاتم اريد اسلم على امي .
- امك ما تريد اتشوفك رد لبيت عزام .
- حاتم يا خوي ...
- انت مو اخوي ما عندي اخو مثلك.
- محسن : اتخسة سلطان احسن منك انت ولدك الي كل يوم امسوين النة طلابة كل من وراك ابوي صار مسبة للناس .
- حاتم : ها ولك محيسن صار الك صوت وتحچي من شفت سلطان لا يالردي يا خسيس.
- سلطان : محسن اسكت لا تجاوز هذا اخوك الچبير.
- محسن : چا هوة خله بيهة كبارة انت تعرف يا سلطان نص گيعان ابوي باهم ما صفالنة الة چم بستان ومن اريد حقي بالورث امي اضل تثغب وتلطم واتگلي
اشلون اتريد تعوف اخوك
على اساس اخوي امعبرني ظليت اشتغل عند الوادم وگيعان وحلال ابوي ماكلهم اخوي.
- حاتم: ولك انچب لا احط چيلة بنص راسك هاي گيعاني ماهي گيعان ابوك انة التعبت وزرعتهم موش انت.
- محسن : امشي سلطان لا تحلم اشوف امك ما دام هذا واگف .
رحت لبيت اخوي محسن چان بيتة كلش تعبان ومن طين وحتة اخوي امبين علية الفقر استقبلتنة مرتة خطية طارت بية حسبالك تعرفني من اسنين الواضح محسن امسولفهة علي گعدنة بدوانية گتلة
-محسن خوية چاي راسي يوجعني .
- تدلل .
راح ورجع گعد جاي
- ويامن تشتغل انت؟
- يا خوي اشتغل فلاح بگيعان الوادم والي ينطوني انعمالله.
- عليش وگاك ما انطوك؟
- خوية شتحچي هو انت رحت وحاتم اخذ الگيعان كلهة وخلة ابوي ايسويلة وكالة وحول كل الگيعان بسمة صفيت انة المفلس.
- افة عليك يا خوي اشلون مفلس وانة اخوك انت بس اختارلك اي گاع واشر عليهة وانة اشتريهة الك واذا اتريد اسويلك محل اتبيع .
- لا يا خوي ما اويد اكلف عليك .
- اشو انت ما تستحي شني اتكلف علي اشلون ارضاهة انة انام مرتاح وخوي اينام تعبان دورلك گاع والباقي علي لا تحسب احساب الفلوس .
- ما اتقصر .
- باچر امر على عزام و بلكي ايروح وياي ويقنع امي اشوفني.
- اگول يا خوي اشلون بتك قبلت تزوج حمد ؟
- لا اذكرني خايب چا غير شرط عليهم اشروط تكسر الضهر.
- شرطت ام اللسان.
- ما تلام صدگ ام اللسان .. رادت بيت بحدهة وبعد ما تلبس لبس اهل العمارة .. وحمد ما ايروح يم مرتة الة يوم بالاسبوع .
- اشلون اشلون !!
-ورح ابوي الفشلة كاتلتني من وراهة لچن حمد وافق على كل اشروطهة وسد الباب بوجه رفضهة .
- الله ايساعدك عليهة .
- خوية دير بالك عليهة من تجي هنا.
- لا تخاف حمد راح ايشيلهة بعيونة انت ما تعرف ...
- ما اعرف شني اشو سكتت؟!
- لا تزعل من بس حمد عاشگ بلقيس من اول ما دخل لبيتكم و من رد منكم صارت المشاكل والطلاب بينة وبين خولة والسبب عشگة لبلقيس ما ظل ايشوف بعيونة مرة غيرهة و من فترة ما سافر بيهة للبصرة ظل يمشي و ايهجز بين البساتين .
- هوة مبين عاشگلهة عبن الي ايوافق بكل هل شروط الة لجل عشگ.
شربنة چاينة وبقينة انسولف وبعدهة فرشاي ونمت ..
گعدت ثاني يوم ورحت لديوان عزام وسولفتلة وگال امشي ويا نحچي وياهة ورحنة ....
—————
اسفة اذا مجاي انزل بارت بالموعد بس والله نفسيتي كلش تعبانة اعذروني
En.Zahraa