طلعو كلهم بقيت گاعدة وعلامت الثقة على امينة بشكلي بس انا بداخلي قلق شنو ايريد هذا يحجي وياي
- اسمعيني ابنيتي ولو هية كلمت ابنيتي مو صحيح لان انة ازغير بالعمر انتي سويتي شي غلط من سولفتي لحمد وخليتي الولد ينبش بالماضي وسوايتچ هايخربت چثير بينة وبين ابو عبن حمد چان اذراع ابو يمين الي لولا عزام ما صار شيخ والكل اتهابة لجل حمد بس من رد منكم وهوة مكدر ومهموم ويدخل الديوان كل اسبوع مرة وبالغصب والكل انتبه ولاشارك ابو بزاد ترضيهة من غير مريتة شني ذنبهة ابوهة حاتم صح ابوهة غلط بس مو صحيح حمد ايحملهة المسؤولية شهر زعلانة ما قبل يردهة .
- عمو انا شكو بمواضيعكم الحقيقة من اجة حمد لبيتنة هو وعزام احنة ما طايقهم وما سلمنة على عزام فصارت بينة مشاكل واكيد تعرف الاسباب هو ظل ايلح ايريد يعرف السبب انا گتلة وهاي كل القصة بعد انا شكو .
- شوفي بلقيس انا مراح ابرر الج بس انا من صارت مشاكل عزام وابوج چنت صغير من كبرت ياله ادخلت ومن ادخلت بسبتي مات الشيخ حمد الله ايرحمة وازيدچ من الشعر بيت ترة ماهو بس ابوچ المكروه حتة انا لان انا يعتبروني تبيعة .
- انا ما اعرف تفاصيل الموضوع بابة ما يقبل ايسولف بي بس الي اعرفة احنة ما عدنة اهل وربينة على هذا الشي.
- اشلون ما عدكم اهل بوية انا عمچ وحمد وابن عمچ وحتى عزام ترة حجة وية عمامچ لجل ايرد سلطان للديرة .
- هذا الشي مراح ايسوي شي لا تيقدم ولا ايأخر وانت تعرف كلش زين يا عمي عزام مراح ايگول انا الغلطان راح ايگول اتعاطفت وية سلطان ورجعتة ومن سابع المستحيلات يرجع ابوي .
- امم زين عوفچ من هل المواضيع وارد اسألج شي خاص اتمنى اجاوبي واعتبري الجواب سر حتى لبوچ مراح اگول وهذا الحجي الي بينة ما اريد سلطان يعرف بي .
- گول عمو؟
- اكو شي بينچ وبين حمد؟
- مثل شنو بينة؟
- بنيتي تدرين بحمدعاشگچ وانتي سبب نفورة من مرتة واليوم شفت نضارتة وتأكدت .
- ههههههه اكيد تشاقة عمو اشبيك انا وحمد يمكن بس ٣ مرات گعدنة وحچينة والباقي بس حرايك وحرب ليمتة لحك ايحبني اطمن ماكو شي بينة وانا معتبرتة بس صديق هههههه وانا اگول هاي مرتة ليش تخزني اثاني طلعت اتغار خرب ههههههههههه.
- حقهة اتغار يابعد عمچ اشو انتي مثل الگمر بس شعرچ وعيونچ يسون كل نسوان الديرة.
- لا هيچ راح اصير مغرورة 😂.
- حزرتچ چنهة خزت ابوچ سبحان الله.
- هوة انا ماخذه اعيون بابة .
- بس سلطان مو حقود يا بعد عمچ .
- ولا انا بس يا عمي مازرعتهة بالامس تحصده اليوم وهذا نتيجة زرعكم ورسالتك وصلت اولهة سالفة حمد بعد عرف وصار الي صار وثانيهة ما كو اي شي بينة وهسة اترخص عندي شغل .
- اتمنى ماكو شي بينكم لان مرتة مالهة ذنب اتمنى الحجي الي صار بينة محد يدر بي .
- لا اتخاف ما احجي .
عفتة وطلعت رحت للمطبخ لگيت امي جاي اسوي شيخ محشي اتربعت واخذت سجينة و ضليت اكشر باوعتلي بستغراب
- شنو راد منچ عمچ؟
- وين بابة والبقية؟
- طلعو برة بالحديقة ما گتيلي شنو ايريد منچ عمچ؟؟
- گلي ليش گلتي لحمد على موضوع ابو.
- شنو وانتي ليش گلتيلة !؟
- هو سألني وانا جابوتة گلي ليش اتكروهني انا وابوي گتلة ليش اتحسسوني ضلمنة عزام ترة همة الي ضلمونة.
- بس ابوچ متفق وية عزام حمد ما يعرف عن شي .
- ما ادري انا بموضوع الاتفاق هذا على العموم عزام ما يدري بحمد يعرف خلس انكمل العشة بسرعة اريد اروح لبيت خالتي ضايجة .
- بس لا اتباتين ؟
- لا شالقصة اعوفچ وحدچ وية هاي النسرة خولة اتبلعچ غير.
- اي عفية ترة انا مو مال مشاكل تعرفيني .
- افة خالي المشاكل الي ولوسام على طاري وينهم شو اختفو؟!
- خالتچ عدهة بضاعة واليوم ايجبوهة فراح وسام وحسام وحمد ورة الغدة .
- اها خاليني اروح اخذلي كم شغلة.
- بعدين تجين وياي ؟
- اذا انتي رحتي ما اگدر اروح انة.
- روحي انتي وانا باجر اروح اصلاً خالتي تعزلي
خلصنة الشيخ محشي گلت لمي روحي انتي انا وانسام انخلص البقية خلصنة العشة وصبينة بالهول وصحنا الهم لان جانو بالدوانية گلت لانسام اسوي جاي وانا راح اصعد ارش السطح وافرش ما جنت اشتهي اكل او بالحرة ما اريد اكل وياهم امتانية اخواني يرجعون واكل وياهم خلصت رش نزلت انگل فرشات احنة بيتنة طابقين والثالث السطح والفراشات بالموزع مال غرف من عجزي حطيت اربع فراشات على راسي فغطة وجهي بس اندل الطريق صعدت اول باية حسيت الفراشات انسحبت اختل توازني وطحت على ضهري بس راسي ما اعرف بشنو انطگ حسيتة انفشخ الفراشات كلهة اتكومت فوگ راسي عيوني غوشن من الطيحة
حسيت على احد ايوخر الفراشات وايصيح بلقيس طاحتوخر الفراشات شفتة حمد اباوع علية برعب اشرتلة ما بية شي راد ايگومني گتلة مابية شي اجت امي وانسام وابوي هم خطية كلش خافو دست على وجعي وگمت احس الگاع تفتر بية
- يابة ما بية شي ترة هية طيحة حمد ليش عضمت السالفة .
- يا طيحة بوية شوفي الدم الي ينگط من راسچ اوديچ للمستشفى
- بابة : بلقيس بابة امشي اوديچ للمستشفى انا وحمد .
- مامة: يمة شوفي الدم اشلون طحتي
انتبهت على خوف حمد عرفت حچي عمي محسن چان صح ومرتة واگفة تخزني بحقد اتريد تاكلني.
- بلقيس: ما يحتاج هسة اروح اغسل واصير زينة لا تخافون
اخذت خاولي حطيتة على راسي اوگف الدم رحت للحمام اجت امي وراي
- يمة شوفي الجرح چبير يحتاج اخياط على بس اضمدة ؟
- دنگي بللة بس فهميني اشلون طحتي؟
- اكيد خولة طيحتني لا واحد سحبني وطيحني.
- اشلون يعني واله اطردهة من بيتي هاي من اجت ولهل ساع بس مشاكل وياچ وجه البومة .
- اتولي اروح للدكتور لا.
- ما يحتاج بس لفي بشاش روحي ارتاحي انا افرش .
- مابية شي لا اتخافين علي .
- ولج يمة بلقيس روحي اتمددي ولا اشلعين گلبي .
- رايحة.
طلعت من الحمام وانا حاطة ايدي على راسي خطية انسام لگيتهة ناگلة الفراشات
- بلقيس: سباعية والله ابحدچ صعتيهم؟
- انسام : بلقيس اشلون صرتي ؟
- لا اتخافين مابية شي خالي افرش وياچ..
- لا ميحتاچ اصلاً حمد صعد الفراشات وحدة وانا جاي افرش تدرين خولة هية الي طيحتچ.
- حسيت احد سحبتي بس ما عرفت منو انتي اشلون عرفتي ؟
- ولچ حمزة ما يدري بية واگفة سمعتة ايگل لبو من خلص نگل الفراشات امي طيحت عمة بلقيس وحالين هية تحت التعذيب .
- خرب خالي انزل خطية هاي .
- اتولي لا تنزلين .
- ولج انتي ما فاهمة شي
نزلت خطية انسام وياي خاف اطيح سمعت صوت طگ دگيت الباب
- بلقيس : حمد افتح الباب الله ايخليك ..
ما حسيت الة الباب انفتح وطلع حمد وهوة ايناهد
- ها بلقيس بيچ شي
- خولة : بواگت الزلم شتريدين جاية .
- بلقيس : انتي ليش ما تحترمين نفسچ شنو هل حچي بعدين انة بايگة رجلچ؟
- خولة : اي .
دخلت وأشرت لانسام اتروح وسديت الباب
- بلقيس : شوفي صدگتي او لا ماكو شي بيني وبين حمد واضح وعمري ما فكرت بي اصلاً بس اد اگلچ تصرفچ راح اسامحچ علية هل مرة اگول بدافع الغيرة وانتي ما مفتهمة شي بس قسم برب العباد اذا تدنيلي مرة ثانية ليكون صبح ما ايصبح عليچ .
- حمد: بلقيس مسحيهة بوجهي .
- خولة: شنهي اتهدديني ولچ
وهية طفرت علية بس حمد لزمهة ورگعهة بالگاع
- بلقيس : اذا اتريدين رجلچ ما اياوع على غيرچ عدلي شكلچ مو چنچ وحدة اتبيع روبة
هزيت ايدي وطلعت اباوع على حمد الضحكة مرسومة على وجهة
حمد : من وديت خولة زعلانة لبيت اهلهة التهيت بالگيعان وعفت الدواوين لان ما اگدر اشوف ابوي وما اذكر عمي سلطان كلش طاح من عيني وما اگدر اگلة انة اعرف بالسالفة خفت لا اطيح براس بلقيس
بقت خولة شهر بيت اهلهة الى ان صارت مشاكل بين ابوي وعمي حاتم واخوان خولة عليهة وگالو طلگهة بوقتهة ردت اطلگهة بس حمزة ابني اجة وگالي
-بوية لا اطلگ امي واتخليهة اتعوفنة لخاطري رجعهة
حچايات حمزة كسرت ضهري وخلتني ارجعهة بشروطهم للاسف من ردت اجي للبصرة ما قبلت گالت انت اتريد اتروح لان شايفلك شوفة ولهل سبب ما تريدني ومتغير ورجعت على نفس الموضوع فأبوي ما راد مشاكل گال اخذهة وياك وگلت لعمي محسن رايح واجة وياي
بس هاي اشو من شافت بلقيس چلبت انت علشان هاي المفرعة تجي هنا وانت حاط عينك عليهة وما بقت سالفة ما حچتهة عليهة ساعة اتگلي اتعدل بروحهة علمودك وساعة اتگلي امطلعة رجليهة اتراويك خو من شافتنة بدوانية انة وياهة وحمزة اكلت راسي
اتگلي ما تستحي تتلاوة وياك وانت فاتح حلگك اتباوعلهة
هية مالت الله انة بساعتهة لو ما الناس چان شبگتهة وظليت اشم بعطرهة الي خالني اكره خولة حتة من اتعدل بروحهة بوية انوب الگصيبة البت هاي تنگرط بوية مو مرة غير تكتل ..
بعدهة اتعشينة بلقيس مارادت صعدت تفرش انتبهت على خولة صعدت ورة ما خلصت العشة خفت لا اسوي شي وديت حمزة وراهة اشوية وجة حمزة ايأشر الي صعدت وشفت بلقيس بالگاع مكومة عليهة المنادر ( الفراشات)
وخرتهم شفتهة فاتحة اعيونهة صحت بصوت عالي بلقيس طاحت تعالو طلعت خولة من الغرفة اشرتلي هية مابيهة شي
اشو هية گامت واباوع على الدم الي مكوم الگاع اتگول مابيهة شي وراحت اتغسل استغربت ما اتوقعتهة قوية وجسرهة هيچ
من راحت گلت لانسام انا اصعد لفراشات بس طلعيهم اهنا لا انوب اطيحين انتي وصعدتهم خولة دخلت لغرفتهة اجة حمزة يمي گتلة
- اشلون طاحت بلقيس ماشفتهة؟!
- اخاف اگلك واطلگ امي.
- يعني امك طيحتهة؟
- بوية لا طلگهة عليك بروح جدي .
ساعتهة فقدت معقولة غيرتهة اتخليهة هيچ اسوي دخلت للغرفة وطگيتهة بالعگال وين اليوجعك واسمع صوت بلقيس بالباب خفت لا صاير عليهة شي فتحت الباب بسرعة باوعتلهة لافة الباندج على راسهة وعيونهة ذابلة من الالم بس اتكابر الواضح عرفت بخولة هية ابي دافعتهة
ظلت تحجي هية وخولة منا كلمة وما كلمة رادت خولة اطگهة دفعتة وطيحتة بالگاع وانة افور منهة بس من گالت بلقيس
اذا اتريدين رجلچ ما اياوع على غيرچ عدلي شكلچ مو چنچ وحدة اتبيع روبة
ظلت الضحكة مكتومة ما اگدر اطلعة
- بلقيس: رحت لغرفة الولد اجتي امي گالت
-انتي روحي لبيت خالتچ باتي هناك گلت استوني لبوچ وگال خالي اتروح بس اخذي السيارة وخلي حسام ايرجعهة واضح .
- ماشي .
- بيچ اتسوقين ؟
- اي بس خلي بابة ايوصلني لان منا هذول وخاف يحچون علية اذا سقت.
- اي هم صحيح.
نزلت انا ومامة لگيت عمو محسن وبابة وحمد واگفين من شافني حمد ركض علي خرب هذا والله فاضح روحة هسة شنو ذنبي راسي مفشوخ بسبب غبائة گايلتة تعال حبني
عفتة و رحت يم بابة
- بلقيس ليش ضايجة
- حمد يا ريت تنتبه على تصرفاتك ترة مرتاك ما تنلام ياله بابة امشي اريد انام.
- محسن : وين رايحة اكو احد يطلع من بيتة.
- بلقيس : عمو تعبانة ومابية اتناقش عن اذنكم
طلعت وبابة اجة وراي صعدت ...بابة مثل كل من ايصير الموضوع يم اهلة .. بنتي ميخاف بت عمچ واتحملية انتي وياهة ربيتو على الحقد واحد يكره الثاني
انة بس ساكتة اذا احجي اصير مشكلة بيني وبينة وصلت لبيت خالتي من ردت انزل گتلة
- ترة خولة سحبتني لان ابن عزام حاط عينة عليةوالمرة انتبهت واذا ما اصدگ روح اسأل اخوك محسن مكان ما ادافع على اهلك گبالي روح حاسبهم حاطين عينهم على عرضك
ما خليتة ايكمل نزلت گبل
بس هية نزلة والة انصدم بوجهي بالرفيق البعثي هوة والضابط الي تنطي خالة فلوس علمود يسكت عم التهريب ..
شافني لان ضوة السيارة صار بوجهي مباشرة صعدت بالسيارة وگلت لبابة حرك هذا جاي علينة
خطية بابة من شافة نسة كل المشاكل وحرك السيارة ورجعنة للبيت
( طبعاً هسة اكو بعض يسأل اگيول ليش هذا الخوف من الرفيق احب اگول الكم اسألو اهلكم قبل اذا ارفيق حط عينة على بنية ياخذهة حتلو مزوجة ولحسن حظ بلقيس باول محاولة خاف من عزام ولة چان هية تحت رحمتة )
الخوف مفول عندي وجهي صاير اصفر وبابة نفس حالتي لان بهذا الموضوع ماكو حل نزلنة من السيارة انا وبابة مباشرة على البيت
گلي حضري غراضچ باجر اوديچ عند صديقي هذا اكيد مراح يسكت عزام گالة راح تزوج خلال هذا السبوع
حچي بابة زاد الخوف عندي دخلت للبيت چان فارغ الكل على السطح انة بقيت بغرفت الولد ما صعدت اشوي چان اچان نسمع دگت الباب حيل گلبي وگف نزل بابة وحمد وعمي محسن وانة هم نزلت بس وگفت باب المطبخ اباوع
واجة الخايفة منة احس گلبي طاح بين رجلي من الخوف
اسمعك ايگل لبوي ..
- الرفيق: انت مو گلت بلقيس راح تزوج وهية مخطوبة لبن عمهة اشو بتك بعدهة عندك ؟
- حمد : وعمي ما مچذب ولا ابوي بلقيس مزوجة مو مخطوبة وعيب عليك اتباوع على اعرض الناس.
- الرفيق: انت منو؟
- حمد: انا ابن عمهة ورجلهة وبلقيس مرتي .
- الرفيق : اذا مرتك صدگ جيب عقد زواجكم باجر والله ثم والله اذا طلع حچيك چذب ليكون اخفيك ورة الشمس .
حمد : صعد عمي وهوة مكدر وبين علية القلق رحت عندة انا وعمي محسن وگال شاف الرفيق بيت اخت مرتة و هذا اجة على بلقيس واحتمال ايظل ايدور وراهة وخاف يجي اهنا عمي محسن اقترح علية اقتاح گالة اذا اجة اهنا گولهم حمد رجل بلقيس وفضهة وفعلاً صار الي صار بس صدمنة من راد العقد اشلون انحل هذا الموضوع.
بلقيس : اذني بيهة خلل لو الي اسمعة صح شنو حمد شنو مرتة يارب ليش مكتوبلي اعيش بس بالتعب ......
—————
متابعيني عند مشكلة بالتدقيق الاملائي انا بية طبيعة اكره اراجع البارت فأنزلة وبي هواي اخطاء ومحد ايدقق وراي فعادي اتغلسون 😢
En.Zahraa