درت علية شفتة اجة وگعد بصفي
- بلقيس : البنطرون راح يتبلل سرفنة واگعد .
سرفن البنطرون ومد رجلي بالمي انة ضليت ساكتة واباوع على الموج .
- حمد: بلقيس ابوي شنو سوة لعمي سلطان ليش انتي واخوانچ حاقدين علية ؟
- بلقيس : انا ومطية وعد للوالد ما اضايقك بأي شي فلا تفتح على روحك بوابة الجحيم .
- حمد: حسبتچ تغير اسلوبچ تقبل الي .
- بلقيس: لا طبعاً لا اصدگ احد يتقبلك بيتنة وانت ابن عزام .
- حمد: اوعدچ اذا حچيتيلي السالفة مراح اوضح شي لعمي سلطان وراح اسافر اذا ما تردوني وما راح اجي عدكم مرة ثانية اذا هذا الشي ايريحكم.
- بلقيس: انت شنو تعرف عن ابوي شنو سبب طلعتة من العمارة شنو الشي الي گالة الك ابوك او اهلة.
- حمد : الي اعرف عمي سلطان راد يزوچ امچ واهلة ما قبلو .
- وبعد؟
- بعد اهلة اتبرو منة وطردو.
- ههههههه واتلومني من اكره ابوك واكرهك لان انت ابنة.
- ما فهمت!
- يا محفوض السلامة هذا الحچي كلة چذب عزام سوة هاي الجذبة والحيلة علمود ايطلع ابوي بالوجه الاسود گدام الشيخ حمد .
- وشنو راح يستفاد ابوي وهو ايشوه صورة عمي وهمة چانو اكثر من خوان حسب ما سمعت .
- لان عزام واحد اناني وحقير قبل لا اتگلي لا اتغلطين راح احچيلك السالفة .. ابوي وعزام ربو سوة بس كل واحد كانت شخصيتة شكل عزام من البداية چان ميولة للشيخة وايريد ايصير شيخ چان ايسوي اي شي بس علمود يثبت نفسة گدام الشيخ حمد لله ايرحمة عاف المدرسة ورجع للعمارة علمود يبقة گبال ابو ويثبتلة انو احق من غير بالشيخة ...
- لحضة ومنو يگدر ياخذ الشيخة من ابوي؟
- اهواي لان الشيخ حمد گال الشيخة مو وراث للبن بس حتة لولد اخو واكيد انت تعرف بهذا الشي .
- اي سمعت من ابوي هذا الشي وبعدهة اختار ابوي.
- لا ما اختار ابوك الي اختارة هو سلطان بوقتهة ومحد چان يعرف بهذا الشي حتة ابوي ومن الاساس چان ما رايد الشيخة كل الي رادة هوة ايخلص دراستة لهذا السبب ابوك ماشاه من بين كل ولد عمة وابوي امن بعزام وگالة على سرة بعشگ امي وكل ضنة راح ايساعدة انو يزوجهة ورجع بعد ما خلص امتحاناتة وفاتح عزام بالموضوع وطلب منة ايساعدة بأقناع ابو وشيخ حمد لان باب چان كلش ايقدرة ابوك راح علمود يفتح الموضوع وية ابو بالاول بس انصدم عزام بالي سمعة من ابوه وهو اختيارة لسلطان انو ايكون شيخ ما عرف شنو ايسوي فقرر ايخرب علاقتة بينة وبين الشيخ وحتة ابو فحرضهم قبل لا ايسلموالشيخة لازم ايزوجو بنت عمة وهذا الشي عكس الي چان ايريدة سلطان طلبو سلطان للاديوان وگالو الة انو انت لازم تزوج بنت عمك بس هو رفض وانصدم برد فعل عزام بيوم ساند ابو وگالهم انو
"افضل شي الة يزوج بنت عمة على الاقل يعرف اصلهة وفصلهة"
بيومهة اتعاركو ولد العم بس سلطان طلب وافق يزوج بنت عمة وگالهم انا اوافق بس مو على الي تردوهة ارد ازوج سعدة وهو يعرف بعزام رايدهة وهاوية اتعاركو الاثنين بديوان وما بقة بينهم اي شي من الاخوة ولا الصداقة سلطان من سوة هل حركة راد يثبت لعزام ام المعشوگ صعب ينسي والاصعب من اشوفة ينوخذ گدام عينك بس للاسف عزام ما چان هذا حسابة وخاصة انو يدري بسعدة هاوية سلطان وتتمنى تزوجة وچانت ترفض عزام امتانية بالكي سلطان يختارهة.
- انتي اجاي تهذرين ( تحجين) امي هاوية ابوچ؟!
- اذا انة امچذبة من اتروح لبيتكم جرب افتح طاري ابوي اگبال امك وشوف شنو ردت فعلهة من الاساس ابوك يدري امك ما تحبة ورادت ابوي واخر واحد درة هو ابوي من راد يطلع من العمارة بعد ما سلطان كشف كلشي وگالهم هو هايم بوحدة مو زينة ومو شريفة وطلع على امي انواع الحچي امك طلبت من ابوي اشوفة بستانهم بدون محد يدري وگالتة انو هية اتحبة وتتمنة اصيرة مرة ومستعدة اسوي كلشي ايريدة بس لا تزوج عزام وسولفتة على عزام وليش سوة بي هيج وگالته شيخ حمد راد ينطيك الشيخة بس عزام خرب كلشي بلاخير وهية ما اتريدة تعرف شنو رد ابوي بيومهة.
- ما جاي اصدگچ.
- گالهة ردي يبت عمي عزام مثل اخوي وهاويچ من چنة صغار يوم حچيت ورتچ بديوان چان بس لجل ارد عزام لوعية لچن الحقيقة صعبة اخذ المرة الهاويه اخوي اذا هو غدر بية فأنا صعبة علية هل عملة وامانة الله عليچ اتگولية سلطان عمرة ما شاف شيخ للعشيرة غير عزام وخلص كل الوقت وهوة ايسد اغلاط الشيخ وصليلة لو ايشوف سلطان ايجدي بالشارع يعبر وما ايسلم علي .. انا طالع من هل ديرة مالي مكان بيهة لا ابو ناصفني ولا اخ ساندني ولا صديچ وگفلي وكلهة طعنتني ويجي يوم وتنكشف الحقايق وربچ فوگ الراس .
- مستحيل هذا الحجي.
- الشيخ حمد من مات راد ايشوف سلطان ويتبارى ويا الذمة لان عرف بسوايت ولدة ومات مقهور وما باي ابوك الذمة ها نسيت اگلك مو بس ابوك الي عاده حتة اخوتة وگفو بوجه اخوهم علمود الحلال والگيعان وطردو بطرق اهدومة وكل الخير الي بي ابوي هسة ترة من تعبج وشغلة ورث امي من جدي الله ايرحمة الي اشترة الذهب الي ذبيتو انتو چان ايگول كل ما نلتم انة ربي رزقني بولد وعوضني ..
وهاي القصة كلهة يا محفوظ السلامة لو انت مكاني راح تكره عزام لو لا ؟
- معقولة ابوي ايسوي كل هذا علمود ياخذ الشيخة!؟
- هذا الي گدرت اعرفة من امي والله يستر شنو ضامة ابوي بگلبة وما قبل يحچي والي خلاني اكره عزام اكثر هو موقف صار وية وسام من چان بلاول متوسط اتعارك وية ولد وفشخ راسة وكسرلة ضلع اهل الولد هدو علينة بيومهة ابوي طلع للناس وحدة الي اجو هو رجل خالتي هديل واصدقاءة بالسوق چان فصل من اجت الشيوخ عرفة واحد من الحاضرين و گالة
مو انت سلطان بن الشيخ صگبان
ابوي گالة اي انة
يا هلة وميت هلة بوية لو ندري ابنك الي طاك ولا جينة احنة اهل بشرني اشلون ابوك وعمامك انة من زمان ما رايح
بساعتهة رد علي واحد من الحاضرين
انت ابن عم الشيخ عزام ابو حمد الي اتبرو منه اهلة وطردو علمود مرة مو ؟
ابوي استهضم وبوقتهة من اهلة الي شاعو علي هاي السالفة وقرر ما يدخل ديوان بعدهة وبيومهة اول مرة اشوف دمعت ابوي الي خلتني اكرهكم كلكم واتمنة ادمركم واحد واحد .
سكتنة اثنينة وكلمن صفن على جهة الى ان اج مجيد
- بوية حلتكم الگعدة الدنية غربت خالونة نرد لهنة.
- بلقيس: حمد يلة گوم ترك لو تصفن مرتح اسوي شي ولا راح اطيب اجروح الماضي اتمنى اتكون عند وعدك وما اتگول لبوي انو انة حجيتلك شي .
- حمد : يالله بوية مشينة .
صعدنة بالسيارة وهديل بصفي اشترتي بستغراب شنو بي حمد!
انا سكتت واشرتلهة ما ادري وصلنة لبيت هديل وصلانهة هية ومجيد ورجعنة لبينة بدون اي صوت دخلنة فتحت الباب مامة
- اهلاً وسهلاً اتفضل خالة ادخل صلي علمود تتعشون.
- مامة ما اشتهي انا بس خطية شوفي حمد
حمد دخل وكانو بيغر عالم وانا وامي واكفين ضحكت بستهزاء على شكلة .
- شنو بي ليش هيج ولج لو ابوچ ايشوف شكلة ايسولچ مشكلة .
- لا اتختفين مراح يحچي .
- بلقيس ما اريد مشاكل ابوچ مالة خالگ.
- وداعتچ يمة اذا خليت هذا حمد يكسر شوكت ابو ويفضح عزام ما اطلع انا بلقيس.
- لا انتي مو صاحية .
دخلت بدلت واتمددت اشوي واسمع صوت وسام اجة نزلت جوة ركض صحت لوسام ولحسام وصعدو وراي دخلت لغرفتي وسديت الباب
- وسام: ها شكو بس لا حطيتي سم لحمد وفضحتينة انا نصحتچ اتحطين مسهل مو سم.
- بلقيس: ومرض اسكت خالي احجي.
- وسام: خفت شكو اكو شي صاير ؟
- بلقيس: اليوم حچيت لحمد عن سالفة ابو...
- حسام ليش هو ما يدري؟!
- بلقيس: لا ما يدري والي جذب انتباهي ردت فعلة على الموضوع ومن خلال ردت فعلة فكرت ليش ما انخلي حمد هو الشخص الي ايدمر عزام وايعيد نفس القصة .
- وسام: اشلون ؟!
- بلقيس : اول شي هوة احتمال لم اهدومة وراح ايسافر احنة راح انعطلة وانغير اسلوبنة ويا وانضل طول ما اصحلنة الفرصة انترس راسة على ابوي وخاصة بسالفة امة هية هاي الورقة الرابحة .
- حسام: وبعدين ترة مراح ايقدم ولا ايأخر.
- بلقيس: صدگني حمد راح ايضل ينبش بالماضي وما ايخلي دفتر عتيك مراح ايفتحة وطبعاً هذا الشي بعد ما احنة انوجهة من بعيد .
- حسام: وشنو المطلوب منة.
- هسة هوة صعد للسطح اينام احنة اروح اتلاثتنة ونحجي ويا انو احنة ضالمي ومن هل خرابيط بس ما اريد ادخلون بالموضوع من البداية خالوهة على نار هادية.
- وسام: شنو نار هادية ترة امل بسرعة وانسة واروح اچطهة اگبالة.
- بلقيس: لهذا السبب جبت وسام وانا ادري بي راح يعترض.
- وسام: احس الحجي مو منطقي واهاف ينگلب علينة ويطلع حمذ ثعلب مثل ابو.
- بلقيس: ثعلب او حية تره بلاخير راح يگوص اهلة مو احنة وبكلتة الاحوار مراح ايأثر شي علينة.
- وسام: موافق.
- حسام: ما ادري ؟
- وسام : امشي بلقيس ايولي هذا.
صعدنة انا وسام اشوي واجة حسام ورانة
- حسام: ترة ما موافق بس اخاف لا ايصير شي فأحاول اسدة.
- بلقيس: كفو منك.
صعدنة لگيناه ايدخن وايدندن وحدة
- وسام وحسام: السلام عليكم اشلونك حمد؟
حمد رفعت واسي واعاين اولاد عمي واگفين فوك راسي وايسلمون وياهم بلقيس الدنية ليل الوجوه ما واضحة لجن عطرهة كفخني اعرفنة من اول ما دخلت لبيتهم هو نفسة گمت
- وعليكم السلام هلة بولد عمي مساع ما شفتكم همزين اجيتو انا باجر امشي ابروني الذمة اذا اثقلت عليكم.
- بلقيس: لا حمد ما تمشي صح انا گتلك تطلع من حياتنة واحنة نكره اهلك بس انت تختلف و من سولف وية اخواني هم گالو نفس الشي .
وسام: اي والله انت بن عمي وانت الوحيد الي اجيت سألت علينة من اهلنة وهذا الشي وحدة يكفي ونتمنة تبقى دوم هيچ وهذا البيت تره بيتك ياخوي عيب عليك اتگول اطلع لان ضايقتكم .
- حمد: هذا من زود اخلاكم والله انكم فرحتوني والله شاهد علي وعلى اخواي البقية محد يدري بسالفة عمي سلطان اهناك وانا اليوم انصدمت .
- بلقيس :ربك ياخذ حقنة.
صعد ابوي وهوة ايحمحم وانسام ورى علامات الاستغراب واضحة على وجوهم من گعدتنة احنة الاربعة
- سلطان: ها بوية ملتمين چا عليش ما صحتولي لو بس بالمشاكل تردوني.
- حمد: عمي الخير اغلب الاوكات ( الوقت) ينشاف بالمشاكل .
- وسام: هههههههه اي والله بوية نسيت اگلك اليوم حسام اتعارك وية العمال اصدگون يا ناس سمعو وسام سوة مشكلة.
- بلقيس: احلف !!
- وسام: بالعباس .
- سلطان: بلة تمسلت احچي شنو الموضوع.
- حسام: بوية انا احچي انت تدري اليوم عدنة طلب من المدنية وجاي ايحملون واحنة واگفين چان اثنين عمال گالو احنة تعبنة وما نشتغل بعد انتو كملو .
يابة هذا شغلكم يابة ما بقة شي خلصو شغلكم وروحو ..
ماكو گتلهم اذا اطلعون من المخازن بعد لا ترجعون .
ايگلولي مو بكيفك بكيف عمي ابو وسام.
- وسام: گتلهم همزين عرفتو انو انا ابنة شوفو اتشيلون الگواني كلهن لو اتبطلون .
اشو هذول هزو اديهم وگالو ما عدنة شغل وية المزعطة وحسام زنگلة واحد وطگة كله والولد اتكوم بالگاع والثاني اتملخ بين ادي و ورح جدي ردت بس اطگ واحد بس بربدهم اتبربد هههههههه.
- سلطان: زين اسوي بيهم هذول كلش تعبوني چا انة ليش اوديكم بوكت التحميل .
- حسام : بوية اعذرني والله هوة الي عال .
- حمد: ليش تعتذر زين اسوي بيهم .
- بلقيس : وبعد من طگيتهم شنو صار اكيد مراح ايعدوهة سلامات .
- حسام : گالو حضرو روحكم احنة اگوامة .
- بلقيس: هذول شنو من ناس كلشي گوامة.
- سلطان : انة احلهة اعوضهم واسكتهم احلهة ودي بدون عشاير لو حاچين من وكت چان رحتلهم.
- حمد : عمي انت تحچي من عگلك شني تراضيهم همة الغلطانين وعلي لو انا مكانهم نفس الشي اسوي .
- سلطان: بوية انت تعرف شي وانا اعرف شي انتم تسامرو وانا اروح امد طولي بلقيس بوية تعالي فرچي راسي .
- بلقيس : تدلل بوية
احنة فارشين كل مجموعة وحد انا وانسام سوة و ابوي وامي سوة ووسام و حسام وحمد بحد على صفحة .
رحت يم فراش ابوي اتمدد وگعدت يم راسة غمض عيونة وضليت امرخ براسة
- بابة لا تنطيهم افلوس واسكتهم الله ايخليك ليش دائماً هيچ السوي؟!
- احسن ما ايسمعوني كلام ايسم البدن .
- حسبي الله ونعم الوكيل واتلومني اذا اكره اهي والقهر من اتگلي اهلك لا تهلك محد هلكنة بس اهلنة .
- اوووف الي امعجبني امي الهل يوم ما طلبت اشوفني معگولة گلبهة ما رف علية بيوم اكثر من مرة وديت عليهة ما تقبل اشوفني .
- يجي يوم وتجيك هية لا اتخاف صدگني بابة الدنية ادور ولابد يوم اخوتك يعتازوك ويجوك وهمة ايبوسون الايادي مو للاخوة ولا احتراماً ولا تقدير بس للعازة .
- لا بوية لا اتگولين هيج هذول اخوتي ما اتمنالهم الشر .
- اگول بابة اليوم اخذنة حمد لجزيرة السندباد وعاملتة عدل وصالحتة هو واخواني.
- كلة هذا علمود اتروحين للعرس.
-لا يابة علمودك غير على الاقل يضل بس حمد ايوطوط عليك احسك ترتاح من تحجي ويا فتفقت وية اخواني ما نحجي او انضوجة بس عزام اعذرنة مراح نتقبلة .
- الله كريم .
حمد: من طلعنة من بيت عمي وانا نيتي احچي وية بلقيس على موضوع ابوي ...
شفتهة بجزيرة گاعدة بصوب بروحة گلت فرصة احجي وياهة الواضح چانت تحجي بموضوع وية بنت خالتهة من هذا جابر ما عرف ظل اسمة بعگلي لچن انا جاي على موضوع ابوي وعمي اعيوني خذني على رجليهة اباع على رجليهة بالماي مثل الحلقوم و رفعت راسي وباوعت على وجهة حستهة مختنگة مهمومة دنجت وسألتهة بدت بلقيس تحچيلي على ماضي ابوي ..
معگولة شيخ عزام العادل هيچ يعمل ببن عمة اعلى اشيخة لا ما هيس حچيهة صحيح چانت تحچة وانا ما مصدگ الى ان چابت طاري امي انهضمت حيل من امي وابوي وگالت لازم اعرف هذا الحچي صحيح لو لا ...
بقيت وية عمي سلطان وحلينة مشكلة اولادة ما خليت عمي يدفع الهم وگتلهم بوية انتو الغلطانين لا اتخلونة انجيب عمامنة من العمارة وانسوي گعدة وتاليهة انتو التخسرون.. وفضيناهة ودي
رجعت للعمارةً مهدود الحيل والبال دخلت للقصر
شفت اختي فاطمة بالمطبخ سلمت
- السلام عليكم .
- وعليكم السلام هلة خوية حمدلله على سلامتك طولت السفر.
- الله ايسلمچ خلصت شغلتي ورديت.
- اصبلك غدة؟
- اي يا بعد اخوچ امي وين؟
- بالدارهة.
رحت على امي لگيتهة متمددة على القريولة ( الجرباية) بست راسهة وگعدت جارهة
- الله ايساعدچ يمة اشلونچ اشلون كيفچ ..
- الله ايگويك يا بعد امك انا بخير دامك بخير شنهي حلتلك المدينة.
- اي والله يمة وخاصة وية بيت عمي ولدة.
- يا عمك ؟!
- عمي سلطان .
انا حچيت هيچ علشان اشوف رد فعلهة
سحبت حسرة( نفس طويل ) وگالت
- اشلونة سلطان ؟
——————-
النت كلش مقرف نشرت بارت وطلع ما منشور اسفة
واذا اتگدرون اتنشرون القصة بالكروبات اصير ممنونة🥰
En.Zahraa