" Morning မ ..... "
မနက်ခင်းအလင်းရောင်ဖျဖျလေး အခန်းထဲသို့ဝင်ရောက်လာတဲ့အချိန်၌ မိုး ကဦးစွာနိုးထလာပြီးဘေးကသူ့မမနိုးတဲ့အထိစောင့်ကာကြည့်နေခဲ့ခြင်းဖြစ်သည်။ သူ့ကိုဘေးက လက်လေးထောက်ကာ ပြုံးပြုံးလေးဘေးစောင်းကြည့်နေသည့်ကလေးလေးရဲ့ကြည်လင်ဝင်းပတဲ့အပြုံးကို မြင်ပြီး လင်း နိုးနိုးချင်းပဲ ပြုံးရောင်သမ်းသွားရသည်။
" ကလေး အစောကြီးနိုးနေပါလား .... "
လင်း လက်ကလေးနှစ်ဖက်ကို ဆန့်ထုတ်လိုက်ပြီးဘေးကသူ့ကလေးလေးအား လည်ပင်းကနေ သွယ်ယှက်လိုက်၏ ။
" ummm .... မ နိုးတာလေးစောင့်ကြည့်ချင်လို့ ..... "
" ဒီကလေးလေးကတော့ ..... "
မျက်နှာမသစ်ပဲနဲ့တော့ အိစက်ညက်ညောလှတဲ့ မိုး ရဲ့ပါးပြင်နုနုလေးကို လင်း နမ်းလိုက်ပြီး
" ထကြစို့ .... အတူတူမျက်နှာသစ်ကြမယ်.... "
" ဟုတ်..... "
နှစ်ယောက်သား အတူတူမျက်နှာသစ်သွားတိုက်ကြပြီးတဲ့နောက်အဝတ်အစားလဲကာ breakfast ဆင်းစားကြသည်။ ဒီနေ့မှာတော့ မ ကကျစ်ဆံမြီးလေးကျစ်ထားကာ မြန်မာဆန်ဆန်ချိတ်ထဘီ အဝါလေးနဲ့ရင်စိအဝါချိုင်းပြတ်ကလေးအား ဆင်မြန်းထားပြီး မ ရဲ့အလှကကျတ်သရေရှိလွန်းလှပါသည်။
မိုး ကတော့ထုံးစံအတိုင်းပဲ ဂျင်းပန်အနက်လေးကိုမှ အပေါ်ကရှပ်အကျီင်္မိုးပြာရောင်လက်ရှည်လေးနှင့်လက်ကိုခေါက်တင်ထားပါသည်။ ပြီးတော့ sun glasses ကိုလဲခေါင်းပေါ်ချိတ်တင်ထားသေးသည်။ မသိလျှင်တရုတ်မလေးတစ်ယောက်နဲ့တောင်တူနေ၏ ။
Breakfast စားသောက်လို့အပြီးမှာတော့ Hotel နဲ့လဲမနီးမဝေးလွန်းလှတဲ့ ကမ်းခြေမှာပဲတည်ထားပါသောစေတီတော်လေးတစ်ဆူအား ၂ယောက်အတူသွားရောက်ဖူးမြော်ခဲ့ကြပါသည်။ ပြီးတော့ ထိုအနီးနားတစ်ဝိုက်ကကျောက်ဆောင်လေးတွေနားမှာပဲ မိုး ကသူ့မမအား အလှဓာတ်ပုံလေးတွေ ရိုက်ပေးခဲ့သည်။ post မပေးတတ်တဲ့ သူ့မမကို သူကိုယ်တိုင်postတွေသင်ပေးရတာလဲ သူ့မှာအမော ။ သူကိုယ်တိုင်photographer ကြီးလုပ်ကာ မသိလျှင်professional photographer တစ်ယောက်အသွင်ပင်ပေါက်လို့နေပါသည်။ လင်း ကတော့ရှက်ရှက်နဲ့ပဲ သူ့ကလေးသင်ပေးတဲ့အတိုင်း postလေးတွေ ကြိုးစားပမ်းစားပေးနေရရှာသည်။
ထိုကနေမှတစ်ဆင့်အနီးနားကဈေးလေးသို့ လမ်းလျှောက်သွားကြသည်။ ပြီးတော့ကမ်းခြေက အမှတ်တရပစ္စည်းတွေဝယ်တဲ့ဆိုင်မှာ ခရုနဲ့လုပ်ထားတဲ့ ချစ်စရာအရပ်လေးတွေ ဝယ်ကြရင်းခရုသော့ချိတ်လေး ၂ ခုဝယ်ခဲ့၏ ။ တစ်ခုရဲ့အပေါ်မှာ လင်း လို့စာတန်းရေးထိုးထားပြီးနောက်တစ်ခုကတော့ မိုး လို့စာတန်းရေးထိုးထားပါသည်။ လင်း ဆိုတဲ့သော့ချိတ်လေးကို မိုး ကယူပြီး မိုး ဆိုတဲ့ခရုခွံသော့ချိတ်လေးကိုတော့ လင်း ကယူထား၏ ။
ပြီးတော့ဟော်တည်သို့ပြန်ကာခဏတဖြုတ်နားရေမိုးချိုးပြီးနေ့လည်စာ စားကြ၏ ။နေ့လည်စာရဲ့ special menu ကတော့ ပင်လယ်စာတွေဖြစ်ခဲ့သည်။ ပင်လယ်ဂဏန်းနဲ့ ပင်လယ်ကျောက်ပုစွန်ကင်များဖြစ်၏ ။
" အ ..... "
ကျောက်ပုစွန်ကင်ရဲ့ လက်ချောင်းတွေကိုချိုးပြီး အခွံတွေခွာနေသည့်မိုး ရဲ့မမတစ်ယောက်လက်စူးသွားကာ ထွက်လာသည့်အသံပင်ဖြစ်သည်။
လင်း ရဲ့လက်ဖျားထိပ်ကလေးမှာ စို့တက်လာတဲ့သွေးစလေးကို မိုး လှမ်းကိုင်လိုက်ပြီး သူ့ပါးစပ်ထဲသို့ထည့်ကာ စုပ်ပေးနေသဖြင့်
" ဟယ်ကလေးရယ်.... မလုပ်ပါနဲ့ ....တော်ကြာ မ လက်မှာပိုးမွှားတွေရှိရင်ကူးကုန်ပါ့မယ်..... "
" မကူးပါဘူး မရယ်... အဲ့ဒါတွေက လက်နဲ့မခွာရဘူး မ ရဲ့ ... ဒီမှာလေ သူတို့ပေးထားတဲ့ တူသေးသေးလေးက အဲ့ဒါတွေ ခွာဖို့ထားထားပေးတာ ... ဒီမှာ မိုး ပြမယ်..... "
မိုး ပုစွန်ခွံမာမာတွေကို တူသေးသေးလးနဲ့ ၂ ချက်၃ ချက်ထုလိုက်တဲ့အခါ မီးကင်ခံထားရတဲ့ ပုစွန်ခွံများအက်ကွဲ ကွာကျလာပါတော့သည်။
သူ့ကိုလူကြီးလေးတစ်ယောက်သဖွယ်တည်ငြိမ်စွာပြုလုပ်ပေးနေတဲ့ မိုး ရဲ့မျက်နှာကို လင်း လက်ကလေးစားပွဲပေါ်ထောက်တင်ကာ မျက်တောင်လေးပုတ်ခတ်ပုတ်ခတ်ဖြင့်ကြည့်နေခဲ့သည်။
အော်တခါတလေတော့လဲ သူလေးက ငါ့ထက်တောင်ရင့်ကျတ်ပြီး လူကြီးဆန်တဲ့ပုံစံပေါက်နေပါလားနော်.....
အခွံတွေအကုန်ခွာပေးပြီး အသားလေးတွေချည်းနွှာကာ လင်းရှေ့ကပန်းကန်ပြားထဲသို့ ထည့်ပေးလိုက်၏ ။
" မ စား ...... "
" ဟုတ်ကဲ့ပါရှင့်..... "
သူ့ကလေးနွှာပေးလို့လားတော့မသိကျောက်ပုစွန်က သူနွှာတုန်းကထက်ပိုအရသာရှိပြီး ပိုချိုနေသလိုလိုပင်။
"အော်ဒါနဲ့လေ မ .... "
" အင်း ကလေး ? "
" ဒီလကုန်ခါနီးတစ်ပတ်လောက်အလိုကျ Daddy ဂျပန်ကို အလုပ်ကိစ္စနဲ့သွားစရာရှိတယ်တဲ့ .... အဲ့ဒါ မိုး ပါလိုက်သွားမလို့ ....ဟိုမှာ အခုထိမေမေ့ဘက်က အဖွားကသက်ရှိထင်ရှားရှိနေတုန်းပဲလေ ..... ပြီးတော့ အန်တီလဲ ရှိတယ်....ကျောင်းတွေပြန်ဖွင့်မှဆိုရင်သွားလည်ဖို့က သိပ်ပြီးလွယ်တော့မယ်မထင်ဘူး .... အဲ့ဒါကြောင့်အခုထဲကသွားလည်ထားမလားလို့ .... "
"ဟုတ်တာပေါ့ ....ကောင်းတာပေါ့ ကလေးရဲ့ .... ဒါနဲ့ ဘယ်လောက်ကြာကြာသွားမှာလဲဟင်? "
" ၂ ပတ်ကျော်ကျော်လောက်တော့ ကြာလိမ့်မယ်ထင်တယ်..... စာမေးပွဲအောင်စာရင်း ကပ်ခါနီးတစ်ပတ်အလိုလောက်တော့ ပြန်ရောက်မှာပါ မ ရဲ့ .... "
" ဒါဆိုတော်တော်ကြာမှာပဲ .... "
မျက်နှာလေးညှိုးနွမ်းသွားတဲ့ မ ရဲ့မျက်နှာကို မိုး စိုက်ကြည့်ရင်း
" အာ့ဆို မသွားတော့ဘူးနော်မ ... "
မိုး သွားလေးဖြဲကာပြောလိုက်တော့လဲ
" ဟယ်အဲ့လိုမလုပ်ပါနဲ့ .... လိုက်သွားပါ ကလေးရဲ့ .... ဟိုကအဖွားတို့ကလဲ ကလေးကို မြင်ချင်တွေ့ချင်မှာပေါ့ .... မ တို့ ၂ယောက်gmail ကနေစကားပြောလို့ရတာပဲလေ .... "
" အဲ့ဒါဆို မ ကအင်တာနက်ဆိုင်သွားထိုင်နေရမှာပေါ့လို့ ... စိတ်မချပါဘူး မရယ်.... အခုအင်တာနက်ဆိုင်ထိုင်တဲ့ ခေတ်လူငယ်တွေက ဗရုတ်သုတ်ခတွေများတယ်မ တစ်ယောက်ထဲသွားမှ စိတ်မချပါဘူး .... "
လူကြီးလေသံအတုခိုးပြောနေတဲ့ သူ့ကလေးကို လင်း ကြည့်ပြီး ရယ်လိုက်မိ၏ ။ သူလေးနဲ့အတူရှိချိန်ဆို ကိုယ့်မှာလူငယ်ပြန်ဖြစ်ပြီး သူကလူကြီးလေးကိုဖြစ်လို့နေတော့တာပါပဲ ။
X X X X X X X X
ညနေခင်းလေးတစ်ခု၌ မိုး ခြံထဲကဒန်းလေးမှာထိုင်ရင်း ဝတ္ထုစာအုပ်ဖတ်နေသည်။
" ဘာစာအုပ်ဖတ်နေတာလဲ ? "
"အော်ဇွဲ ... လာ ထိုင်လေ .... ဆရာချစ်ဦးညိုရဲ့ ဗုဒ္ဓယဉ်ကျေးမှုဝတ္ထုတိုများဆိုတဲ့ စာအုပ်ဖတ်နေတာလေ ..... "
ဇွဲ ကိုသူ့ဘေးမှာထိုင်ခွင့်ပေးပေမဲ့ ဇွဲ ကဒန်းပေါ်မှာမထိုင်ပဲ ဒန်းနဲ့မျက်နှာချင်းဆိုင်က ခုံဝိုင်းလေးပေါ်မှာသာ ထိုင်လိုက်ပြီး
" ဆရာမဆီကဌားထားတာလား ? "
"အေး ဟုတ်တယ်မအိမ်ကယူလာတာလေ .... မ ဆီမှာစာအုပ်တွေ အများကြီးပဲဟ .... "
သူ့တူနဲ့ မိုး ခြံထဲစကားထိုင်ပြောနေတာကို အိမ်ထဲမလှမ်းမကမ်းကနေဒေါ်မူယာသွယ်ကြည့်နေ၏ ။
" ဟုတ်လား ... ဒါဆို ဆရာမဆီမှာ လင်္ကာဒီပချစ်သူဆိုတဲ့စာအုပ်များ ရှိမလားမသိဘူး .... ဆရာချစ်ဦးညိုရေးထားတာပဲလေ ..... "
" မပြောတတ်ဘူးဟ ... ငါမေးကြည့်ပေးမယ်လေ ... မ ဆီမှာဆရာချစ်ဦးညိုရဲ့စာအုပ်တော်တော်များများရှိပါတယ်.... ဒါပေမဲ့ ဘုရားတရားစာပေတွေ ပိုများတယ်ဟ ..... "
"ငါတို့ဆရာမက အရွယ်နဲ့မလိုက်အောင်ဘုရားတရားသိပ်လုပ်တယ်နော်.... ငါတို့သာ ဆရာမအရွယ်ရောက်ရင်ဘယ်လိုနေကြမလဲ မပြောတတ်သေးဘူး .... "
ဇွဲ ရယ်ရယ်မောမောနဲ့ပြောလိုက်တော့ မိုး ကလဲပြုံးပြီး
" ၂၄ - ၂၅ ဆိုရင်နင်ဒုရဲအုပ်လောက်တော့ဖြစ်နေလောက်ရောပေါ့ ... "
" ဟာ နင်ကလည်း ..... "
ဇွဲ ရှက်ကိုးရှက်ကန်းနဲ့ခေါင်းကုပ်နေစဉ်ခြံပေါက်ဝဆီမှခေါ်သံတစ်သံကြားလိုက်ရ၏ ။
"ကလေးရေ ... မိုး .... "
အသံက သိပ်မကျယ်ပေမဲ့ ခြံထဲမှာထိုင်နေကြတဲ့ သူတို့ ၂ယောက်ကတော့ကောင်းကောင်းကြားရပါသည်။ လင်း အသံဖြစ်နေတာမို့ မိုးပျော်ရွှင်ကာ အပြေးအလွှားထသွားလေသည်။ ဇွဲ လဲအနောက်ကနေ လိုက်လျှောက်သွားမိ၏ ။
" မ .... အကြောင်းမကြား ဘာမကြားနဲ့ ရုတ်တရက်ကြီးပါလား ... "
" အခုလေးတင်ဖုန်းဆက်သေးတယ်ကလေးရဲ့ .... "
" ဟုတ်လား ... မိုး ခြံထဲရောက်နေလုိ့ မ ရဲ့ .... လာ ဝင်မ ..... "
သူ့မမလက်ကို ကိုင်ဆွဲရင်း ခြံထဲကဒန်းလေးရှိရာသို့ ပြန်ရောက်လာခဲ့သည်။
" ဆရာမကျောင်းကနေလာတာလား ? "
"အေး ဟုတ်တယ်သားရေ .... "
လင်း နဲ့ မိုး ကဒန်းလေးပေါ်တွင်ထိုင်လိုက်ကြပြီး ဇွဲ ကတော့ရှေ့ကခုံလေး၌သာ ထိုင်လေသည်။
" လက်ထဲက ဘာအထုတ်တွေလဲ မ ရဲ့ ? "
"အော်ကျောင်းရှေ့ကဆိုင်က ကလေးကြိုက်တဲ့ Milk Shake နဲ့ ပူတင်းလေးတွေ ဝယ်လာပေးတာ .... ကလေးတို့ ၂ယောက်အတူတူစားကနော်... "
ဝယ်လာတုန်းကတော့ မိုး တစ်ယောက်ထဲအတွက်ဆိုပေမဲ့ ဇွဲ ပါရှိနေတော့ လင်း အားနာမိစွာဖြင့်၂ယောက်စလုံးအတူစားကြလို့ပြောရသေးသည်။
ဒါပေမဲ့ အလိုက်သိတတ်တဲ့ ဇွဲ ကတော့ခေါင်းခါပြကာ
" ကျွန်တော်အဲ့ဒါမျိုးတွေ မစားတတ်ပါဘူး ဆရာမ .... မိုး တစ်ယောက်ထဲစားနော်.... "
"အေးပေါ့လေ အဲ့တော့လဲ စိတ်မကောင်းစွာနဲ့ပဲ တစ်ယောက်တည်းစားရတော့မှာပေါ့ .... "
ဖြီးတီးတီးမျက်နှာလေးနဲ့ မိုးပြောတော့ လင်း နဲ့ ဇွဲ ရယ်လိုက်မိကြသည်။
" ဒါနဲ့ဆရာမ .... "
" အင်းပြော သား ... "
" ဆရာမဆီမှာ ဆရာချစ်ဦးညိုရဲ့ ဝတ္ထုတော်တော်များများရှိတယ်ဆို ... "
" အင်း ဟုတ်တယ်သား ဆရာမက ဆရာချစ်ဦးညိုရဲ့ fanလေ .... "
" ahh အဲ့ဒါဆိုလေ .... လင်္ကာဒီပချစ်သူ ဆိုတဲ့ စာအုပ်ရှိလားဟင်ဆရာမ ? "
" ရှိတာပေါ့ သားရဲ့ ... အဲ့စာအုပ်ဆရာမ သိပ်သဘောကျတာ .... ဒသဂီရိအကြောင်းကို main characterနေရာထားရေးထားတာ သိပ်ဖတ်လို့ကောင်းတာပဲ ..... ဘာလဲ သားဖတ်ချင်လို့လား ? "
" ဟုတ်ကဲ့ ကျွန်တော့သူငယ်ချင်းပြောပြထဲကသိပ်ဖတ်ချင်နေတာ ဆရာမရဲ့ .... ကျွန်တော့ကို ခဏဌားပါနော်.... ဖတ်ပြီးတာနဲ့ ဆရာမကိုပြန်ပေးပါ့မယ်.... "
ဇွဲပြောတော့ မိုး ကပါ
" မိုး လဲဖတ်ကြည့်ချင်တယ်... ဇွဲ နင်ပြီးမှ ငါ့ကိုဌားနော်....လောလောဆယ်ဒီတစ်အုပ်တောင်မပြီးသေးဘူး ဟီး ..... "
စောစောကသူဖတ်နေတဲ့ စာအုပ်လေးထောင်ပြပြီးပြောလိုက်တော့ လင်း သူ့ကလေးခေါင်းလေးကိုပုတ်လိုက်ရင်း
" စာဂျပိုးလေး စာတွေချည်းဖတ်နေတယ်ပေါ့ ဟုတ်လား ? "
" ဒါပဲလုပ်စရာရှိတာကို မ ရဲ့ ..... "
" တခါတလေလေး ကလေးရဲ့ဖေဖေနဲ့ အလုပ်ကိုလိုက်သွားပြီးဖေဖေ့အလုပ်တွေကို ဝိုင်းကူလုပ်ပေးပေါ့ ကလေးရဲ့ ..... "
အိမ်ထဲက ဧည့်ခန်းမှာ ထိုင်နေသည့်ဒေါ်မူယာသွယ်မှာ လင်း ခြံထဲဝင်လာကတည်းက မျက်နှာကသုန်မှုန်နေရာ အခု လင်း ကထိုကဲ့သို့ မိုး ကိုအဖေလုပ်ငန်းတွေကူလုပ်ပေးဖို့ပြောတော့ မျက်နှာက ဘီလူးမမျက်နှာလိုမျိုး ခတ်ထန်မာကြောနေပါတော့သည်။ သူက အစထဲက ဦးကောင်းထက်ရဲ့ လုပ်ငန်းမှန်သမျှအပိုင်စီးချင်နေတဲ့လူဆိုတော့ မိုး ကလုပ်ငန်းကိစ္စတွေကို စိတ်ဝင်စားလာမှာကို မလိုလားသူတစ်ယောက်မဟုတ်ပါလား ။
"Daddy မှာက လုပ်ငန်းတွေက အများကြီးပဲ မ ရဲ့ .... စက်ရုံတွေကော တခြားလုပ်ငန်းတွေပါရှိတာ .... မိုး ကူလုပ်ပေးမယ်ဆိုရင်Daddy ရဲ့လုပ်ငန်းတွေအကြောင်း အရင်လိုက်လေ့လာမှ ရမယ်.... "
" အခုလဲ အိမ်မှာနားနေရမဲ့အတူတူဖေဖေနဲ့လိုက်လိုက်သွားပြီးလေ့လာကြည့်ပေါ့ ကလေးရဲ့ ..... ကလေးရဲ့ဖေဖေက တစ်ယောက်ထဲလုပ်နေရတာဆိုတော့ ပင်ပန်းမှာပဲလေ ..... ကလေးကနည်းနည်းပါးပါးလေး ဝိုင်းကူညီပေးတယ်ဆိုရင်ပဲ uncle ကဝမ်းသာရှာမှာပါကွယ်..... "
လင်း ကဘာရယ်လို့တော့မဟုတ်ဒီတိုင်းကလေးသာ စိတ်ဝင်တစားနဲ့သူ့ဖေဖေအလုပ်တွေကို ကူပေးလျှင်မိဘဖြစ်တဲ့ ကလေးဖေဖေလဲ စိတ်ချမ်းသာပြီး သူ့သမီးလေးကို ပိုချစ်လာအောင်အဖေနဲ့သမီး ပို close ဖြစ်လာပါစေဆိုသည့်စိတ်နဲ့ပြောမိလိုက်ချင်းသာ ။
သို့ပေမဲ့ အထဲမှာရှိတဲ့ မိန်းမကတော့ လင်း ရဲ့စကားများကိုတော်တော်လေးမှ သဘောမကျဖြစ်နေ၏ ။ ဒါဟာ သူ့လိုမိထွေးလက်ထဲကို သူ့အဖေလုပ်ငန်းတွေ မရောက်စေချင်လို့ အခုထဲက မိုး ကိုသွေးထိုးပေးနေတယ်ဆိုပြီး ကိစ္စအကြီးကြီးအထိ ဆွဲသွင်းလိုက်ပြီး လင်း ကိုအခဲမကြေဖြစ်နေပါတော့သည်။ ဒါကို လင်း ကတော့မသိခဲ့ရှာ ။
X X X X X X X X
တစ်မနက်မှာတော့ မနက်စာ စားပွဲဝိုင်းတွင်
" Daddy ဒီနေ့ဘယ်သွားမှာလဲဟင်? "
" လှိုင်သာယာဘက်က စက္ကူစက်ရုံကို တစ်ချက်သွားကြည့်ရမယ်သမီး .... "
" ဟုတ်လား ဒါဆို သမီးလိုက်ခဲ့လို့ရမလား Daddy ..... "
အဖေ့ရဲ့လုပ်ငန်းကိစ္စတွေကို ငယ်ငယ်လေးထဲက စိတ်မဝင်စားဖူးတဲ့ သမီးက အခုလိုပြောတော့ ဦးကောင်းထက်တအံ့တသြဖြစ်သွား၏ ။ဘေးကဒေါ်မူယာသွယ်ကတော့ မျက်မှောင်တစ်ချက်ကြုတ်ကာ စိတ်ထဲက
ကောင်မ မနေ့က ဟိုဟာမကသွေးထိုးပေးခဲ့တာနဲ့ အခုငါ့ကိုစပြီးတိုက်ခိုက်တော့မယ်ပေါ့ .... ဟက်.....
" သမီးက Daddy နဲ့လိုက်ချင်လုိ့ ဟုတ်လား ? Daddy နားကြားလွဲတာတော့ မဟုတ်ပါဘူးနော်.... "
ဦးကောင်းထက် သူ့သမီးလေးကို စနောက်ပြီးပြောတော့ မိုး ကရယ်ရင်း
" တခြားတော့မဟုတ်ပါဘူး Daddy ရယ်.... သမီးလဲ အိမ်မှာနေရတာပျင်းလို့ပါ။ အဲ့တော့ ဒီလိုအိမ်မှာထိုင်ပြီးပျင်းနေမဲ့အစား Daddy ရဲ့လုပ်ငန်းတွေကို လိုက်လေ့လာရင်ကောင်းမလားလို့ပါ။ အဲ့ဒါမှ တစ်ချိန်ချိန်ကျရင်သမီးက Daddy ကိုကူညီပေးနိုင်မှာပေါ့ ..... "
သမီးဖြစ်သူရဲ့စကားကြားတော့ ဦးကောင်းထက်ဝမ်းသာအားရဖြင့်ပီတိဖြစ်မိတော့သည်။
" ကြည့်စမ်းပါဦးကွာ ...လိမ္မာလိုက်တဲ့ Daddy သမီးလေး ... အဖေကိုအခုထဲက ကူညီပေးချင်လို့တဲ့ ..... သမီးဆီက ဒီလိုစကားကြားရတာ Daddyတအားဝမ်းသာတယ်ဟေ့ ..... okay ဒါဆို အခု breakfast စားပြီးရင်အဝတ်အစားသွားလဲလိုက်နော်သမီးကို Daddy ရဲ့စက်ရုံကိုခေါ်သွားပြမယ်ဟုတ်ပြီလား ..... "
ဦးကောင်းထက်က ဝမ်းသာအားရနဲ့ပြောလိုက်တော့ဘေးကအဖျက်သမားက မျက်နှာချိုသွေးကာ
" လုပ်ငန်းအကြောင်းတွေလေ့လာချင်တယ်ဆိုရင်နောက်တော့မှ company ကိုသွားတဲ့အခါမျိုးမှ လိုက်ပါလား သမီးရဲ့ .... ဟို တခြားတော့မဟုတ်ပါဘူး စက်ရုံကတအားကြီးပြီး ဂိုထောင်ကြီးတွေထဲမှာလဲ စက္ကူဖြတ်စတို့ ဖုန်မှုန့်တို့ကရှိနေမှာလေနောက်ပြီး ရာသီကလဲ ပူတယ်ဆိုတော့ သမီးလေးဒဏ်မခံနိုင်မှာ စိုးရိမ်လို့ပါ ကိုကြီးရဲ့ ..... "
ဒေါ်မူယာသွယ်ရဲ့အပြောမှာ ဦးကောင်းထက်စဉ်းစားနေမိသော်လည်း မိုး ကအထာပေါက်တဲ့လူမို့ ဟက်ခနဲရယ်ချင်သွားမိပါသည်။
ဟက်...ဒေါ်မူယာသွယ်.... ရှင့်ခေါင်းထဲကအကြံတွေ ကျွန်မမသိဘူးများ မှတ်နေသလား .... Daddyရှေ့မှာတော့ ကျွန်မကိုစိုးရိမ်တဲ့ပုံစံတွေ လာလုပ်ပြနေပြီး တကယ့်တကယ်တမ်းမှာတော့ ကျွန်မကလုပ်ငန်းကိစ္စတွေမှာ စိတ်ဝင်စားလာပြီးDaddy အနားမှာ အားကိုးအားထားဖြစ်ရလောက်မဲ့ အနီးကပ်လူယုံတစ်ယောက်ဖြစ်လာမှာကိုကြောက်နေတာမဟုတ်လား .... ကျွန်မသာ အဲ့လိုဖြစ်သွားခဲ့ရင်ရှင့်အတွက်နေရာမကျန်တော့မှာကို သိပ်ကိုကြောက်နေတယ်ပေါ့ ......
" အဲ့ဒါတော့ဟုတ်တယ်ရာသီကနည်းနည်းလဲပူတော့ သမီးလေးဒဏ်ခံနိုင်ပါ့မလား .... "
" Daddy ရယ်သမီးက Daddy ရဲ့သမီးပါ ... ပင်ပင်ပန်းပန်းလိုက်လုပ်ရမှာမှ မဟုတ်ပဲ ဒီတိုင်း Daddyဘေးမှာပဲ ဟိုလိုက်ကြည့်ဒီလိုက်ကြည့်လုပ်မဲ့ဟာ ဘာကိုပင်ပန်းရမှာလဲလို့ ...... "
"အေးပါကွယ်..... Daddy နဲ့သမီးအန်တီက သမီးလေးနေမကောင်းမှာ စိုးရိမ်တာတစ်ခုတည်းပါ .... ကဲ ဒါဆို Daddy အဝတ်အစားသွားလဲဦးမယ်... သမီးလဲစားပြီးသွားလဲထားတော့နော်.... သွားခါနီး Daddyခေါ်လိုက်မယ်ဟုတ်ပြီလား .... "
" ဟုတ်Daddy ..... "
ဦးကောင်းထက်စားပွဲကနေအရင်ထထွက်သွားကာ သူ့အခန်းထဲသို့ဝင်သွားလေသည်။ထိုအခါ မိုးသူ့ရှေ့မှာထိုင်နေတဲ့ဒေါ်မူယာသွယ်၏မျက်မှာကို မချိုမချဉ်ကြည့်လိုက်ပြီးနောက်
"စောစောက ရှင့်ကိုကြည့်ရတာ ရှင့်ရဲ့နေရာကို ကျွန်မလုယူသွားမှာ သိပ်စိုးရိမ်နေတဲ့ပုံပဲနော်ဒေါ်မူယာသွယ်..... "
မိုးစကားစလိုက်တော့ထိုမိန်းမကလဲ မချေမငံပြန်ပြုံးပြကာ
" ဟက်.... နင့်လိုလူက ငါ့ရဲ့ပြိုက်ဘက်ဘယ်တော့မှ ဖြစ်လာမှာမဟုတ်တဲ့အတွက်ငါ့မှာဘာစိုးရိမ်စရာမှ မရှိဘူး .... "
" ဟုတ်လို့လား ....စောင့်ကြည့်နေလိုက်ပါနောက်ဆုံးကျရင်ဘယ်သူကဘယ်လိုကျရှုံးပြီး ဘယ်လိုထွက်သွားရမယ်ဆိုတာကို ..... ကျွန်မ Daddy က သမီးဖြစ်သူကိုကျော်ပြီး မယားငယ်ကို သူ့ပိုင်ဆိုင်သမျှအားလုံး လွှဲခဲ့မယ်ထင်နေတာလား ??? အဲ့လိုဆိုရင်တော့ ရှင်သိပ်ကိုလောဘကြီးလွန်းသွားပြီး .... ဟက်.... "
ထမထွက်ခင်မိုးထိုမိန်းမမျက်နှာကိုကြည့်ကာ မထီမဲ့မြင်ပြုံးပြမိခဲ့ပါသေးသည်။ တကယ်တမ်းတော့ မိုး သူ့ဖေဖေရဲ့လုပ်ငန်းတွေနဲ့ ပစ္စည်းဥစ္စာမှန်မျှကို နည်းနည်းလေးမှ မက်မောတဲ့စိတ်မရှိပါ ။ ဒါပေမဲ့ ထိုမိန်းမကို ခနဲ့ချင်တာကြောင့်ထိုစကားကိုပြောခဲ့မိခြင်းသာ ။ သို့ပေမဲ့ မိုး ရဲ့လုပ်ရပ်ဟာ အိပ်ပျော်နေတဲ့မြေခွေးအိုရဲ့အမြီးကို လက်နဲ့ဆွဲခါလိုက်သလိုဖြစ်သွားခဲ့သည်။
'တောက်....ကောင်မ ရာရာစစ ဒင်းလိုမဖြစ်စလောက်ဟာကများ ငါ့ကိုစိန်ခေါ်သွားရဲတယ်။ ဟက်စောင့်ကြည့်လိုက်စမ်းပါ .... နင်ပဲကရှုံးမလား ငါပဲကျရှုံးမလားဆိုတာ။ အရင်ဆုံး နင့်ကိုခွန်အားတွေ သိပ်ပေးလွန်းနေပါတယ်ဆိုတဲ့ ဟိုကောင်မကို နင့်ဘေးနားကနေ ငါအရင်ဆွဲထုတ်ပြမယ်။ စောင့်ကြည့်နေလိုက်စမ်းပါ နင်သွက်သွက်ခါအောင်တောင်ရူးသွားစေရမယ် ..... ´
လွန်ခဲ့တဲ့ ရက်သတ်တစ်ပတ်လောက်တုန်းက မိုး လင်း နဲ့အတူတူငပလီကို ခရီးထွက်သွားစဉ်အချိန်တုန်းကပေါ့ဒေါ်မူယာသွယ်မှာ မိုး အတွက်ဦးကောင်းထက်က လျှိုဝှက်ပြီးသီးသန့်ဘဏ်စာအုပ်လုပ်ပေးထားပေးသည်ဆိုတဲ့ သတင်းကိုကြားပြီး မိုး ရဲ့အခန်းထဲကို ခိုးဝင်ကာမွှေနှောက်ခဲ့သည်။ အဲ့ဒီမှာ ဘဏ်စာအုပ်တော့ မတွေ့ပဲ မိုး ရဲ့ဒိုင်ယာရီစာအုပ်ကိုသာ စားပွဲအံဆွဲထဲကနေ ရှာတွေ့ခဲ့သည်။ အဲ့ဒီမှာဒေါ်မူယာသွယ်တစ်ယောက်စာအုပ်ကိုတစ်လုံးမကျန်လှန်ဖတ်ခဲ့တာမို့ မိုး ရဲ့အားနည်းချက်ကို သူပိုင်ပိုင်နိုင်နိုင်ရှာတွေ့ခဲ့ပါတော့သည်။
X X X X X X
ဒီနေ့ည ၂ နာရီလောက်ဆိုခရီးထွက်ရတော့မည်။ မ ကဒီရက်ပိုင်းအတွင်း သူ့ဆီရောက်မလာခဲ့သေး ။ ဟိုတစ်နေ့ကတော့ ဖုန်းပြောဖြစ်သေးသည်။ မ ရဲ့မေမေနေသိပ်မကောင်းဘူးလို့တော့ပြောခဲ့သည်။
အန်တီနေမကောင်းလို့ မလာဖြစ်ဘူးထင်တယ်... ဘယ်လိုလုပ်ရမလဲ ခရီးမထွက်ခင်လေးတော့ မ နဲ့တစ်ခါလောက်တွေ့ချင်သေးတယ်....
ဖုန်းဆက်လိုက်ပေမဲ့ တစ်ဖက်မှ ပြန်လည်ဖြေကြားခြင်းမရှိတာမို့ မိုး ဖုန်းကို ကုတင်ပေါ်ပစ်တင်ကာ laggage အတွင်းသို့ အဝတ်အစားတွေနဲ့ လိုအပ်တဲ့ပစ္စည်းလေးတွေ ဆက်ထည့်နေမိသည်။ စိတ်ထဲမှာတော့ ညနေစောင်းလို့မှ သူ့မမ မရောက်လာရင်တော့ အိမ်ဖြစ်ဖြစ်ခဏလိုက်သွားမည်ပေါ့ ။
သို့ပေမဲ့ သူနဲ့ သူ့မမတို့ စိတ်ချင်းဆက်သွယ်နေတယ်ပဲပြောရမလားမသိ ။ သူတောင့်တောင့်တတလွမ်းနေမိချိန်မှာပဲ
"ဒေါက်ဒေါက်..... "
" အင်း ဝင်ခဲ့ပါ .... "
" ကလေး ..... "
" ဟင်! မ ..... အခုပဲ မ အကြောင်းတွေးနေတာ ..... မ .... မျက်နှာလဲ မကောင်းပါလား .... ဘာဖြစ်လာတာလဲ ? "
ညိုးနွမ်းနေတဲ့ သူ့မမမျက်နှာလေးကိုကြည့်ပြီး မိုး လက်ချောင်းလေးများက သူ့မမ ပါးပြင်ထက်သို့ရောက်ရှိသွား၏ ။
"မေမေ မနေ့ညက ရုတ်တရက်အမောဖောက်လာလို့ဆေးရုံတင်ထားရတယ်ကလေး .... "
မိုး မျက်လုံးပြူးသွားပြီး
" ဟင်! ဟုတ်လား .... အခုဘယ်လိုနေသေးလဲ မ ? "
" အခုတော့အောက်ဆီဂျင်ပေးထားလို့နည်းနည်းပြန်သက်သာလာပါပြီ ... "
" အခုကော ? အန်တီ့အနား ဘယ်သူရှိနေလဲ မ ? "
" မမမြတ်ရှိတယ်ကလေး ....မနက်က မမမြတ်ကိုဖုန်းဆက်ပြီး ခွင့်တိုင်ရင်းနဲ့ မမမြတ်သိသွားတယ်လေ .... အဲ့ဒါနေ့လည်လောက်ကတည်းကရောက်နေတာ ..... "
"အော်တော်သေးတာပေါ့ ..... "
" ကလေး ဒီညသွားရမှာမဟုတ်လား ? "
" ဟုတ်တယ်မ .... မနက်၂ နာရီကြီးလေ .... ဘယ်လိုလုပ်ရမလဲ မ ရယ်.... မ အခက်အခဲဖြစ်နေတဲ့အချိန်မိုး အနားရှိပေးရမှာ ..... မိုး ခရီးစဉ်cancel လုပ်လိုက်မယ်လေ .... "
" ဟာ မလုပ်ပါနဲ့ ကလေးကလဲ .... ဟိုက အဖွားနဲ့ အဒေါ်တို့လဲမျှော်နေကြမှာပေါ့ .... လိုက်သွားပါ ကလေးရယ်.... မ ကဒီမှာ မမမြတ်လဲရှိနေတာပဲဟာ ..... "
" ဒါပေမဲ့လဲ ..... "
သူ့ကလေးလေးရဲ့ခေါင်းလေးကို လင်း ဖွဖွလေးပွတ်သပ်ပေးလိုက်ပြီး
" ကလေးရယ်.... စိတ်ချလက်ချသွားပါနော်.... မ တို့တွေ G talk ကနေလဲ ဖုန်းခေါ်ပြီးစကားပြောလို့ ရတာပဲ ..... စိတ်မပူနဲ့နော်မေမေလဲ အရမ်းကြီးဖြစ်တာမှ မဟုတ်တာပဲ .... အခုသက်သာနေပြီဆိုတော့နောက်၂ ရက်လောက်နေရင်ဆေးရုံဆင်းရမှာပါ ...... "
သူ့ကိုစိတ်မပူဖို့ပြောနေပေမဲ့ လင်း ရဲ့မျက်နှာမှာတော်တော်လေးနွမ်းလျနေတာမို့ မိုး ခရီးသွားဖုိ့နောက်ဆံတင်းပြီး စိတ်လေးနေမိတာတော့အမှန်ပင်။
"အော်ဒါနဲ့ .... မ ဒီဟာလေး လာပေးတာ .... "
" ဘာလေးများလဲ မ ရဲ့ ..... "
အိတ်ကလေးထဲကနေ ထုတ်ကြည့်လိုက်တော့ အဖြူနဲ့ ခရမ်းဖျော့ရောင်လေးရောစပ်ထားတဲ့ သိုးမွှေးမာဖလာလေးတစ်ထည်။ ဟိုတစ်ခါ ငပလီကပြန်ရောက်ကတည်းက မိုး ခရီးသွားရင်အသုံးများတည့်မလားဆိုပြီး မာဖလာလေးတစ်ထည်ကို မအားမလပ်သည့်ကြားက အချိန်ပေးပြီး လင်း ထိုးပေးခဲ့ခြင်းသာ ။
" ဟိုမှာဆိုအေးများအေးမလားလို့လေ .... အဲ့ဒါကြောင့်ဒီမာဖလာလေးထိုးပေးခဲ့တာ .... "
" မ ရယ်... အပင်ပန်းခံလို့ ..... "
မိုး လင်း ကိုသူ့ရင်ခွင်ထဲဆွဲသွင်းလိုက်ပြီး
" အရမ်းချစ်တယ်မ ရယ်..... "
လင်း မိုး ရဲ့ပုခုံးလေးကို လက်နဲ့ ပြန်ဖက်ပေးလိုက်ရင်း
" အတူတူပဲ အရမ်းချစ်တယ်မိုး ..... "
အချိန်အတန်ကြာ တစ်ယောက်ကိုတစ်ယောက်ပွေ့ဖက်ထားကြပြီးတဲ့နောက်တော့
" အနွေးထည်တွေကော ထည့်ထားရဲ့လား ကလေး .... "
" ဟုတ်ထည့်ထားတယ်မ .... "
"ဆေးတွေကော ?ခေါင်းကိုက်ဖျားနာရင်သောက်ဖို့ဆေးလေးတွေလောက်တော့ဆောင်သွားနော်.... "
" အကုန်ပါတယ်မ ....ဆေးတွေလဲပါတယ်.... "
" ဟိုဟာကော .... မိန်းကလေးသုံးပစ္စည်း .... အဲ့ဒါလဲ လိုရမယ်ရ ထည့်သွားနော်ကလေး .... "
တခုပြီးတခု တရစပ်ပြောနေတဲ့ သူ့မမကို မိုး ပြုံးကြည့်ကာ
" ဟုတ်ကဲ့ပါရှင့်..... မ ရယ်.... ဖြစ်နိုင်ရင်လေ မိုး သွားလေရာနေရာတိုင်းကို မ ကိုခေါ်သွားချင်လိုက်တာ ..... "
လင်း သူ့ကလေးကို ပြုံးပြုံးလေး ရယ်ပြလိုက်ကာ
"နောက်ဆိုခေါ်လေ ...နော်..... အခုတော့မေမေ့ကို အရင်ကျန်းမာအောင်ပြုစုပေးလိုက်ဦးမယ်နော်..... "
" ဟုတ်ကဲ့ပါ မ ရယ်..... "
"လေယာဉ်ပေါ် ရောက်ရင် သီချင်းချည်းနားမထောင်နဲ့နော်ကလေး။ ဘုရားစာလေးရွတ်ပြီးရင်မ ဝယ်ပေးထားတဲ့ စိပ်ပုတီးလေရှိတယ်မဟုတ်လား ... အဲ့ ပုတီးလေးနဲ့ သရဏဂုံ ၃ ပါးစိတ်သွားနော်.... "
" ဟုတ်ကဲ့ပါ မ ရယ်..... မိုး ကိုစိတ်မပူနဲ့နော်.... မိုး က မ ကိုစိတ်ပူတာ ..... မ လဲကျန်းမာရေးဂရုစိုက်နော်.... အစာကိုလဲ အချိန်မှန်မှန်စားနော်မ ...... "
" အင်း ကလေး .... မ ကိုယ်မ လဲဂရုစိုက်ပါ့မယ်နော်..... ကဲ ဒါဆို မ ပြန်ဦးမယ်..... "
"အောက်မှာ ဘကြီးဖြိုးကား ရှိတယ်မ .... မ ကိုဆေးရုံအထိ လိုက်ပို့ပေးခိုင်းမယ်.... "
" မလုပ်ပါနဲ့ ကလေးရယ်.... မ ဘာသာပြန်ပါ့မယ်..... "
" အို မ ရယ်.... ဒီတစ်ခါတော့ မငြင်းပါနဲ့ ..... "
" ဟုတ်ပါပြီကွယ်.... "
အခန်းထဲကထွက်ခါနီးကျမှ မိုး အနောက်ကနေ လင်းရဲ့လက်ကို ဖမ်းဆွဲလိုက်ကာ
" မ ........ "
လင်း ရဲ့ပါးလေးနှစ်ဖက်ကို လက်ဖဝါနုနုလေးနဲ့ သွယ်လျက်ကာ နှုတ်ခမ်းပါးတစ်စုံနဲ့ လင်း ရဲ့နဖူးပြင်လေးအား မြတ်မြတ်နိုးနိုးကြင်ကြင်နာနာ နမ်းလိုက်၏ ။
" မိုး ကိုစောင့်နေနော်...... မိုး သိပ်မကြာခင်ပြန်လာခဲ့ပါ့မယ်...... "
လင်းခေါင်းလေးညိမ့်ကာ ပြုံးပြလိုက်ပါတော့သည်။
" အင်းပါ ကလေးရယ်.... "
X X X X X X X X
"ဒေါက်ဒေါက်..... ဇွဲ ငါပါ ..... "
မိုး အသံကြားလိုက်တော့ ဇွဲ အပြေးအလွှာ အခန်းတံခါးကို ဖွင့်လိုက်၏ ။
" မိုး ..... သွားရတော့မှာလား ? "
" ၁၁ နာရီလောက်မှသွားမှာပါ .... ငါနင့်ကို မှာစရာရှိလို့ဟ .... "
" အင်းပြောလေ ..... "
" မ ရဲ့မေမေဆေးရုံတင်ထားရတယ်ဟ ... "
"ဟေ ဟုတ်လား .... ဘယ်လိုဖြစ်လို့တုန်းဟ .... "
" အန်တီကအရင်ကတည်းက နှလုံးရောဂါသည်ဟ။ မနေ့ညက အမောဖောက်လာလို့တဲ့။ အဲ့ဒါနင်မနက်ဖြန်မ ဆီလိုက်သွားပြီး ကူညီပေးလိုက်ပါဟာ .... သူ့မှာ တစ်ယောက်ထဲဆိုတော့ အကူအညီတော့ လိုမှာပဲလေ ..... "
"အေးပါအေးပါ။ နင်စိတ်ချလက်ချသာသွား။ ငါ ဆရာမဆီသွားလိုက်ပါ့မယ်.... "
မိုး သူ့ကိုစာရွက်အပိုင်းအစလေးတစ်ခု လှမ်းပေးပြီး
" ဒါက မ ရဲ့ဖုန်းနံပါတ်... မသွားခင်ဆေးရုံနဲ့ အဆောင်အခန်းနံပါတ်သေချာမေးပြီးမှ သွားနော်.... ပြီးတော့ ဒီအောက်က ငါ့ရဲ့ G talk account name ... ငါ့ဆီနေ့တိုင်းစာပို့ပို့ပေးပါနော်။ တခုခုထူးခြားတာရှိတာနဲ့ ငါ့ကို gtalk ကနေ ဖုန်းဆက်လိုက်ငါလိုင်းပေါ်မှာ အမြဲရှိနေမယ်.... "
" ahhh okok ..... စိတ်ချနော်.... "
" အင်း ကျေးဇူးပဲ ဇွဲ ..... "
🌧️ 🌧️ 🌧️