" Morning Daddy ... "
မိုး ခါတိုင်းနဲ့မတူ မနက်စောစောထကာအောက်ထပ်ဆင်းလာသဖြင့်သူ့အဖေ တအံ့တသြဖြစ်နေလေသည်။
" Morning သမီးလေး Hanna ..... ဒီနေ့ကျောင်းပိတ်ရက်မဟုတ်လား သမီး ... "
မိုး မနက်စာပြင်ဆင်ထားတဲ့ စားပွဲဝိုင်းမှာ ဝင်ထိုင်လိုက်ကာ
" ဟုတ်တယ်လေ Daddy ရဲ့ ... "
" မသိပါဘူး ထူးထူးခြားခြား အဖေ့သမီးလေးက စနေနေ့လိုကျောင်းပိတ်ရက်မှာတောင်အစောကြီးအိပ်ရာထနေလို့လေ .... ခါတိုင်းဆို သမီးလေးကကျောင်ပိတ်ရက်တွေမှာ ၁၁ နာရီလောက်မှ နိုးတာမဟုတ်လား .... "
အဖေကတပြုံးပြုံးနဲ့ပြောတော့
" ဒီနေ့နေ့လည်လောက်ဆို ဆရာမ စာလာသင်မှာ Daddy ရဲ့ ...နောက်ပြီး မနက်ပိုင်းလေး အိမ်ရှေ့မှာဒေါ်ကြီးနဲ့တူတူ နှင်းဆီပန်းပင်လေးတွေ စိုက်မလို့လေ အဲ့ဒါကြောင့်စောစောစီးစီးထလာတာ Daddy .... "
" ဟာ ! Daddy သမီးကတော့ကွာ ပန်းပင်တွေဘာတွေတောင်ပြန်စိုက်တော့မယ်ပေါ့ ....ကောင်းတယ်ကောင်းတယ်သမီးရေ .... "
" ဟီး ...... "
ထုံးစံအတိုင်း သားအဖနှစ်ယောက်ပျော်ပျော်ရွှင်ရွှင်စကားပြောနေကြပြီဆိုပါလျှင်အဖျက်သမားဖြစ်တဲ့ဒေါ်မူယာသွယ်က အမြဲရောက်ရှိလာစမြဲပင်။
ဒေါ်မူယာသွယ်စားပွဲမှာဝင်ထိုင်လိုက်တာနဲ့ မိုး ဇတ်ခနဲထရပ်လိုက်ကာကော်ဖီခွက်ကလေးကိုကောက်ယူလိုက်သည်။
" Have a nice day ... Daddy .... သမီးအပေါ်ပြန်တက်တော့မယ်.... "
သမီးဖြစ်သူရဲ့စိတ်ကိုသိပြီးသားမို့ ဦးကောင်းထက်ဘာမှဆက်ပြောမနေတော့ခေါင်းညိမ့်၍သာ
"အေးအေး သမီး .... Have a nice day too .. Hanna .... "
မိုး အိမ်ပေါ်ထပ်သို့တက်သွားပြီးနောက်ထမင်းစားခန်းထဲသို့ အဒေါ်ကြီးဝင်လာပြီး
" ဘာများလိုအပ်သေးလဲ ဆရာ ? "
" မလိုအပ်ပါဘူးဒေါ်လေးရယ်.... သမီးလေးအတွက်သာ မုန့်တခုခုစီစဉ်ပေးပြီး အပေါ်ထပ်ကိုသွားပို့ပေးလိုက်ပါဦး ... "
" ဟုတ်ကဲ့ပါ ဆရာ ...... "
အဒေါ်ကြီးလဲပေါင်မုန့်ကိုထောပတ်သုတ်ကာ ပန်းကန်ထဲထည့်ပြီး အပေါ်ထပ်သို့ တက်သွား၏ ။
" ကိုကြီး မနက်စာ စားလို့ကောင်းရဲ့လား ..... ? "
"ကောင်းပါတယ်မူယာ .... ဒါနဲ့ မူယာ့ရဲ့တူလေးမောင်ဇွဲကိုကိုဇော်ကိုလဲခုတလော သိပ်မတွေ့မိသလိုပဲနော်.. "
" ဟုတ်တယ်ကိုကြီးရေ အဲ့ကလေးလဲ ၁၀ တန်းရောက်မှ အကျင့်ပျက်လာတယ်... အိမ်ကပ်တယ်လို့ကိုမရှိပါဘူး .... တခါတလေလဲ အိမ်တောင်ပြန်မအိပ်ဘူး ...ပြောတာတော့ သူ့သူငယ်ချင်းအိမ်မှာ စာစုလုပ်ရင်းအိပ်မယ်ချည်းပါပဲ ..... "
" ကျူရှင်တွေဘာတွေကော မူယာ ထားပေးရဲ့လား မူယာ ? "
" စီစဉ်ပေးပါတယ်သူကမတက်ချင်ဘူးချည်း ဇွတ်ငြင်းနေတော့တာပဲ ကိုကြီးရေ .... "
" အဲ့လိုလုပ်လို့ဘယ်ဖြစ်ပါ့မလဲ ၁၀ တန်းဆိုတာ အရေးကြီးတာပဲ .... သမီးလေး Hanna ကိုလာသင်ပေးမယ်ဆရာမလေးနဲ့ အတူတူပေးသင်ရင်မကောင်းဘူးလား ? "
ဦးကောင်းထက်ပြောလိုက်တော့ဒေါ်မူယာသွယ်က ရွဲ့တဲ့တဲ့ပြုံးရင်း
" ကိုကြီးသမီးက လက်ခံမယ်တဲ့လား ... သူက မာယာတို့တူရီး ၂ယောက်ကိုဆို မျက်နှာချင်းတောင်မဆိုင်ချင်တဲ့ဟာကို .... "
" သမီးလေးက သူ့အမေနေရာမှာ မာယာ့ကို အစားထိုးလိုက်တယ်ဆိုပြီး စိတ်ခံစားချက်ဝင်သွားတာ အစကဆို ကိုယ့်ကိုတောင်မှ စကားကောင်းကောင်းမပြောတာ မာယာလဲအသိပဲလေ ..... မာယာက အကြီးပဲကို နားလည်ပေးလိုက်ပါကွာ ..... "
" နာလည်ပေးပါတယ်ဒါပေမဲ့တခါတခါကိုကြီးသမီးက မာယာ့ကိုဆို အမြဲရန်သူတစ်ယောက်လိုဆက်ဆံနေတော့ မာယာလဲ ဘယ်လိုမှ မလုပ်တတ်တော့ဘူး .... "
ဦးကောင်းထက်လဲဘာမှဆက်မပြောတော့ပဲ သက်ပြင်းတစ်ချက်သာ ချလိုက်မိလေတာ့သည်။
X X X X X X X X X
လင်း . မိုး တို့အိမ်ရှေ့ရောက်တော့ ခြံတံခါးပေါက်ဖွင့်ပေးထားတာမို့ ခြံထဲသို့ဝင်လာခဲ့လေသည်။ ခြံထဲရောက်တော့ နှင်းဆီပန်းပင်တွေစိုက်နေတဲ့ အဒေါ်ကြီးနဲ့အတူ မိုး အားမြင်တွေ့လိုက်ရတာမို့ လင်း အံ့သြသင့်သွားခဲ့သည်။
" ဟိတ်..... "
အနောက်ကခေါ်သံကြောင့်မိုး လှည့်ကြည့်လိုက်တော့
" ဟင်ဆရာမ..... "
လင်း . မိုး ရဲ့ဘေး၌ ထိုင်လိုက်ပြီး
"နှင်းဆီပင်တွေပါလား ...... "
" ဟုတ်တယ်...ရေမွှေးနှင်းဆီပင်တွေလေ .... စုစုပေါင်း ၅ ပင်စိုက်ထားတယ်..... ပန်းတွေပွင့်လာတာနဲ့ ဆရာမကို အရင်ဆုံးပန်ဖို့ပေးမယ်နော်..... "
မိုး ရဲ့စကားကြောင့်ဘေးနားကအဒေါ်ကြီးကော လင်း ပါပြုံးရယ်မိလိုက်ကြလေသည်။
" ဟင့်ဒီကဒေါ်ဒေါ်လေး ကိုကျတော့ မပေးဘူးလား ?ဒေါ်ဒေါ်လေးက ကူညီပေးထားရပြီး ဆရာမ ကကျတော့ ဘာမှ မကူပေးထားရဘူးလေ ..... "
လင်းပြောလိုက်တော့မှ အဒေါ်ကြီးက ပိုရယ်တော့သည်။ ထိုအခါ စကားတတ်တဲ့ ကလေးမက
"ပေးမှာပေါ့လို့ ... ဒီဘက်လေးပင်က ပန်းတွေပွင့်လာရင်အန်တီလဲ ခူးပြီးပန်လို့ရတယ်နော်.... ဒါပေမဲ့ ဒီဘက်အစွန်ဆုံးအပင်ကပန်းတွေကိုတော့ ဆရာမ တစ်ယောက်ထဲကိုပဲပေးမှာ ..... ဒီအပင်က ဆရာမအတွက်သီးသန့်.... "
မျက်လုံးလေးကွေးတက်အောင်ရယ်ပြီးပြောနေရှာသော သူ့တပည့်လေးရဲ့ခေါင်းကို လင်း ပွတ်ပေးလိုက်ရင်း ရယ်နေမိတော့သည်။ ထိုအခါဘေးနားကအဒေါ်ကြီးက
" သမီးလေး လက်သွားဆေးပြီး ဆရာမနဲ့အတူ စာသင်တော့နော်.... ကျန်တာဒေါ်လေးပဲဆက်လုပ်ပေးမယ်နော်..... "
" ဟုတ်....ကျေးဇူးပါအန်တီ ..... "
" မလိုပါဘူး သမီးလေးရယ်..... "
မိုး ထရပ်လိုက်တော့ လင်း ပါပြန်ထရပ်လိုက်၏ ။
" ဆရာမ လာ အထဲဝင်ကြမယ်.... "
အိမ်ထဲသို့ရောက်သောအခါ သူ့ဆရာမကို ဧည့်ခန်း၌ ခဏထိုင်ခိုင်းပြီး
" ခဏလေးထိုင်ပါဦးနော်ဆရာမ .... သမီးလက်သွားဆေးလိုက်ဦးမယ်.... "
ပြောပြီး မိုး အနောက်ဘက်ထမင်းစားခန်းဆီသို့ပြေးဝင်သွားလေသည်။ လင်း လဲဧည့်ခန်းက ဆိုဖာခုံပေါ်၌ ဝင်ထိုင်နေလိုက်သည်။ ထိုစဉ်ဧည့်ခန်းနှင့်မျက်နှာချင်းဆိုင်အခန်းဆီမှဒေါ်မာယာသွယ်ထွက်လာတာကို လင်းတွေ့လိုက်ရသည်။
အစကတော့ မိုး ရဲ့အိမ်က အိမ်သားပဲဆိုပြီး လင်း ဘက်ကစပြုံးပြမလို့ စိတ်ကူးမိပေမဲ့ဒေါ်မူယာသွယ်ကသူ့ကိုစိမ်းကားပြီး မနှစ်မြို့သည့်အကြည့်ဖြင့်ပေစောင်းစောင်းကြည့်ပြီး အိမ်ရှေ့သို့ထွက်သွားတာကြောင့်လင်း တအံ့တသြဖြစ်သွားရလေသည်။
ဘာ့ကြောင့်များ အခုမှစတွေ့ဖူးတဲ့လူက သူ့ကိုဒီလိုအကြည့်နဲ့ကြည့်သွားတာပါလိမ့်ဘာကြောင့်များပါလိမ့်ဆိုပြီး လင်းတွေးနေမိသည်။နောက်တော့မှ အိမ်မှာမိထွေးဆိုတဲ့မိန်းမလဲ အတူနေတယ်ဆိုသည့်မိုး ရဲ့စကားကို ပြန်ကြားယောင်ပြီးမှ အဖြေကို သဘောပေါက်သွားခဲ့သည်။
"အော်မိုးနဲ့ သူနဲ့မတည့်ကြဘူးထင်တယ်" ဟု လင်း စိတ်ထဲမှရေရွတ်မိခဲ့သည်။
" ဆရာမ အပေါ်ထပ်တက်ကြရအောင်... မိုး ရဲ့အခန်းက အပေါ်ထပ်မှာမို့လို့ပါ ..... "
"အော်အင်း အင်း ကလေး ..... "
X X X X X X X X X
ပန်းနုရောင်တစ်ခြမ်း အပြာနုရောင်တစ်ခြမ်းသုတ်လိမ်းထားတဲ့အခန်းလေးတစ်ခန်း ဆိုပေမဲ့ အကျယ်အဝန်းကတော့ လင်း တို့တစ်အိမ်လုံးစာလောက်ပင်ရှိပေမည်။ အခန်းရဲ့မျက်နှာကျက်မှာလဲ ကြယ်လေးတွေ အမြောက်အမြားကပ်၍ အလှဆင်ထားပြီး နံရံတွေပေါ်မှာလဲ ပန်းချီကားေတွချိတ်ဆွဲထားပါသေးသည်။ လင်း အခန်းထဲက ပန်းချီကားတွေကို တစ်ခုချင်းစီသေချာကြည့်နေမိသည်။
ရေဆေးပန်းချီက ၂ ချပ်၊ တစ်ပုံမှာတောင်ကုန်းလေးပေါ်က ခုံလေးတစ်ခုံ ထိုခုံလေးပေါ်မှာတော့ တယောလေးတစ်လုံးတင်ထားပြီးဘေးနားမှာတော့ စန္ဒာယားကြီးတစ်လုံး သည်နေဝင်ဆည်းဆာချိန်ကိုနောက်ခံပြုနေသည့်ပုံဖြစ်သည်။နောက်တစ်ပုံကတော့ လမ်ဘေးပလတ်ဖောင်းတစ်လျှောက်ချယ်ရီပန်းပင်လေးတွေ စီရီနေသည့်ပုံဖြစ်ပေသည်။
ထို့နောက်ခဲဖြင့်ရေးဆွဲထားသည့်ခဲပန်းချီလေး တစ်ပုံ ။ ဆံပင်ဂုတ်ဝဲလောက်ဝဲကျလျက်ရှိတဲ့ ခပ်ချောချောအမျိုးသမီးရဲ့ပုံနှင့်သူ့ရဲ့ဘေးနားမှာတော့ ချစ်စရာ ကလေးငယ်လေးတစ်ဦး ပုံပင်ဖြစ်ပေသည်။
ထိုပုံတွေကို လင်း စိတ်ဝင်တစားကြည့်နေတော့ဘေးတွင်မိုး လာရပ်ပြီး
" အကုန်မိုး ကိုယ်တိုင်ဆွဲထားတာလေ .... ဒါမေမေ့ပုံ .....ဘေးက သမီးပေါ့ ..... "
"တော်လိုက်တာ .... ဆွဲထားတဲ့ပုံလေးတွေက သိပ်ကိုလက်ရာမြောက်တယ်ကလေးရယ်.... တကယ့်ပန်းချီဆရာကြီးတွေဆွဲထားတဲ့အတိုင်းပဲ ..... "
" ဒီဘက်ကတောင်ကုန်းနဲ့ပုံလေးထဲက တယောလေးက မိုး ကိုကိုယ်စားပြုတယ်လေ ခုံကတော့ Daddyပေါ့ ....ဘေးနားက စန္ဒာယားခုံကြီးကမေမေ ......မေမေကစန္ဒာယားတီးတာ သိပ်တော်တာ ...... မိုး တယောတီးချိန်တိုင်းမေမေကဘေးကနေ စန္ဒာယားလိုက်တီးပေးနေကျပေါ့ .....Daddy ကတော့ဘေးကနေ အမြဲထိုင်ပြီး နားထောင်နေကျလေ ........ "
မိုးပြောနေရင်းလေသံလေက တဖြည်းဖြည်းတိမ်တိမ်ဝင်နေသည်။ လင်း ကတော့ မိုး ရဲ့ဘေးမှာ မိုး မျက်နှာလေးကို ဂရုဏာသက်စွာဖြင့်ငေးကြည့်နေခဲ့သည်။
" ဒီဘက်က လမ်းဘေးပလတ်ဖောင်းနဲ့ ချယ်ရီပန်းပင်လေးတွေပုံကတော့ မနက်တိုင်းမေမေနဲ့ လမ်းလျှောက်ထွက်နေကျ မြင်ကွင်းလေးတစ်ခုပုံကို ဆွဲထားတာလေ ဆရာမ ....... "
ပြောလို့အပြီး မိုး လင်းဘက်သို့လှည့်ကာ ပြုံးပြလေသည်။ မျက်ဝန်းအိမ်ထဲဝေ့တက်နေတဲ့ မျည်ရည်စလေးတွေတွေ့လိုက်တာမို့ လင်း မိုး ကိုလှမ်းဆွဲကာ ဖက်ပေးထားလိုက်တော့သည်။
" အရမ်းတော်တယ်..... ကလေးလောက်တော်တဲ့ တပည့်မျိုး ဆရာမမှာ မရှိခဲ့ဖူးသေးဘူး ..... "
ခေါင်းလေးကိုလဲ ဖွဖွလေး ပွတ်ပေးနေမိပြန်သည်။ မိုး ကတော့ လင်းရဲ့ရင်ခွင်ထဲရောက်ရှိသွားတာမို့ ရင်တွေတဒိတ်ဒိတ်ခုန်ကာ သူ့ရင်ခုန်သံပင်သူပြန်ကြားနေရလေသည်။
" အရမ်း .... အရမ်းနွေးထွေးလွန်းတယ်..... အမြဲ ... အမြဲ မိုး ရဲ့ဘေးနား ရှိနေပေးနိုင်မလားဟင်????? မ ........... "
မိုး ဆီမှ 'မ' ဟုအခေါ်ခံလိုက်ရတာမို့ လင်း ရဲ့မျက်လုံးလေးတွေ ဝိုင်းစက်သွားလေတော့သည်။ သူ့ကို အမတစ်ယောက်လို အားကိုးတကြီးစိတ်မျိုးနဲ့ 'မ' လို့ခေါ်လိုက်ခြင်းဟု လင်း စိတ်ထဲကနေယူဆလိုက်မိသည်။
" မ လို့ခေါ်လို့ရမလားဟင်ဆရာမ ? "
လင်း မိုး ကိုဖက်ထားပေးရာမှ ခွာလိုက်ပြီး မိုး ရဲ့မျက်နှာလေးကို လင်းသေသေချာချာကြည့်လိုက်ရင်း
" ရတာပေါ့ ကလေးရဲ့ ...... ဒါပေမဲ့ အတန်းထဲမှာတော့ မခေါ်နဲ့ပေါ့ .... အတန်းထဲမှာဆိုရင်ဆရာမက မိုး ရဲ့ ဆရာမဖြစ်ပေးမယ်.... အပြင်မှာဆိုရင်တော့ မိုးရဲ့ မမ ဖြစ်ပေးမယ်နော်....... "
' အစ်မ တစ်ယောက်လိုလား ? ဒါမှ မဟုတ်မိုး 'မ' ကို .... ချစ်ရသူတစ်ယောက်လို မြတ်နိုးမိသွားပြီလား ? ´
မိုး ရင်ထဲမှာ သူ့ကိုယ်သူအကြိမ်ကြိမ်ပြန်မေးမိနေရင်း
"ကျေးဇူးပါပဲ ..... မိုး ကိုစောင့်ရှောက်ပေးလို့ ......ကျေးဇူးပါ မ ...... "
ဒီတခါမှာတော့ မိုး က လင်း အားတင်းကျပ်စွာပွေ့ဖက်လိုက်လေတော့သည်။ လင်း ကလဲ မိုး ကိုပြန်ဖက်ပေးထားရင်းကျောပြင်လေးကို ပွတ်ပေးနေလေတော့သည်။
🌧️ 🌧️ 🌧️