- هذا اخر حل عندج؟
- اكو حل ثاني .
- گولي مستعد اسوي كلشي يرظيج.
- تشتريلي بيت بالبصرة ونشيل هناك انه وياك... اذا عاجبك هذا ساعتة اتناقش وياك واذا ما جبك كيفك وها مو حسبالك تجيني يومين وتشمرني شهر لا تبقة يمي وتمرهم يومين .
- واعوف اهلي هذا الحل يرضيچ .
- كلش يرضيني انه انطيت كلش هواي بزواجي منك وانت شنو انطيت اذا تريد علاقتي تستمر وياك مرة ورجال عندك بس هل حل روح فكر على راحتك وانه انتضرك منا لباجر ترجعلي خبر واذا ما قبلت انت الي توديني لبيت اهلي .
- بلقيس هذا مو حل..
- حمد روح فكر وعود تعالي باجر ناقشني صراحة ما اطيق اشوفك بعد الي سويتة الي البارحة فاحسن ابتعد عني.. وقبل ما تطلع روح لامك وصلهة عن لساني گلهة الي رتي صار وابنچ راح اخلي الج..
بلقيس: طلع بس قفل الباب علي خاف اطلع رجعت لغرفتي لميت غراضي بجنطة اخذت كل الشياء المهمة اندگ الباب سويت روحي ما اسمعه لان من الاساس مقفول رجعت لغرفتي بهدوء ونمت
حسيت على ادين تعلب بشعري گمزت من النوم من شفته حمد لفلفت روحي بالبطانيه وكانو غريب لان قسمت على روحي بعد ما يطخ جسمي
- شعندك هنا؟!
- ردت اشوفچ قبل ما ترحين..
- وين اروح ؟
- لاهلج انتي محضره غراضچ صعدتهن بالسيارة عندج شي بعد؟
- لا بس ابدل واروح .
گمت فتحت كنتوري طلعت ملابس عزلتهم گلت خاف اروح گلبي ايگلي مراح يقبل بالشيلة من الاساس انه متاكدة مراح يقبل بس خليته شرط تعجيزي عافني وطلع گال من تخلصين لحگيني للسيارة رتبت الجرباية قبل ما اطلع طفيت الاضوية وطلعت لگيته برة يدخن
- يله..
- مستعجلة على هجري.
مارديت لان يريد يفتح باب عتب وما اريد اعاتب .. ذب چكارته ومشينه للسيارة صعدنه چانت الدنيه ليلي ما انتبهت على الساعة يمكن ب8 حركنه للبصرة انه طبيعتي ادوخ بالسيارة وانام لان تلعب نفسي انتجيت على الجامة وغمضت هوة بس ساكت لحد ما وصلنه لبيتنه فتحت عيوني من ضوة الشمس هوة گاعد ويباوعلي وعيونه مدمعه
- يمته وصلنه ليش ما گعدتني.
- ب12 وصلنه ومن 12 لهسة ارد اشبع عيوني من شوفچ اخخ يا بلقيس شراح سوين بيه .
فتحت الباب ارد انزل ... لزمني من اجتافي وجرني لحضنه حاولت اوخرة ماكو فايدة لحد ما گال خليني اخر مرة احضنچ وانتي حلالي ..
بلقيس: ما رديت علي لان هاي الحقيقة وهوة فهمة مجرد دخولي لبيت اهلي راح ينتهي كلشي بينه ما چانت عندي اي عاطفة تجاهة چنت اذكر نظراته من چان يطگني بكل عنف حتلو عدوته مو هيج كانو يطلع حقد سنين ضامهم واهلة اويلي شگد اذوني .. قطع سلسلة افكار من وخر من حضني ونزل من السيارة نزلت ورة جاي ينزل بغراضي دگيت الباب چان استوة الصبح طالع اكيد اهلي راح يگمزون من الصبح لفلفت روحي بعبايتي وطلع ابوي يصيح
- تفضل منو
- حمد: عمي انه حمد.
فتح ابوي الباب شافني بوجهة انه وحمد دار وشاف جنط وغراض .. سلمت على ابوي وحمد دخل الغراض انه عفتهم ودخلت للبيت وكانوا حمد ما موجود
سلطان: ادخل بوي .
- حمد : لا عمي عندي شغل...
- سلطان: ولك بوة صاير شي بينك وبين بلقيس ؟
- عمي يمك بتك واسالهة خلهة ترتاح يمكم فترة وانه اجي اشرحلك كلشي..
- بوية حتلو متعارك أنت وبلقيس بيتي ليش ما دخلة .
- عمي انه مو غريب لجن عندي شغل لازم ارد .. رادت اتخابرك تجي عليهة ما رضيت .. جبتهة انه حتلو زعلانه مني انه اجيبهة الكم.. اترخص .
- مرخوص بوية .
سلطان: الف حسبة اجت بالي الله اليستر بلقيس شمسوية وهيج شمرهة وراح دخلت للبيت والگة امهة گاعدة وتستفسر منه وهية ساكته وصافنه
-فاتن سويلنه ريوگ ..
- بلقيس: من رخصتكم.
- سلطان: گعدي سولفلي شصاير..
- بابة تعبانه والله خليني ارتاح ولا تخاف مراح اروح لاي مكان..
- گتلج گعدي وسولفيلي منو الي عايل بمنو..
- وداعدتك كلهة عالت بتك وكلهة داست عليهة ولا تخاف ما نزلت راسك بشي بس بعد ما اتحمل عيشت الذل ..
عفتهم واخذت جنطتي اعت بيهة بيد وحدة لان الثانيه مورمة علي دخلتهة لغرفت امي نزعت دشداشتي جاي اطلعلي دشداشة ثانية دخلت امي سويت روحي ما اشوفهة وهية شهگت من شافت جسمي كله ازرگ ومطبع ويدي لافتهة طلعتلي دشداشة ولبستهة
- بلقيس منو الي طگج .
- يمه ارد ارتاح حبابة عوفيني راح انام بالدوانيه
- يمه بلقيس تردين اشعبين گلبي ولج يمه سولفيلي منو الي طگج ويمته .
- يمه السالفة طويلة والله واذا احجي منا للضهر وحمد بعد ما يجي اعرفه شرد خليني ارتاح وانه واسولفلج كلشي انتي وابوي
- متاذية اكو بجسمج كسر ناخذج للدكتور ؟
- لا ما بية شي
عفته ورحت للدوانية طفيت الاضوية واخذت بطانية ونمت اجة ابوي فتح الباب ورجع سدة غفيت واحس على ايد تلعب بشعري گمزت هاي حركة حمد واشوف بابة يم راسي
-اسم الله .. بنيتي ما تتغدين؟
- ما اشتهي .
- تعالي ويانه على الواهس .
- اخواني اجو ؟
- كلهة منتضرتج على الغدة .
- گايمه
چنت اجنب اباوع بعين ابوي لان ما اريدة ايشوف وجعي طلع گبلي وانه ورة امشي للهول گامو اخواني سلمو جان يشبگوني بس انه عيوني من وحدهم دمعو احس روحي مهضومة انسام سلمت علي هم
گعدت وانه مدنگة الكل يسولف بس انه ساكته
اذكر حچايته الي من طگني ابوي
- بلقيس هل خد مو للطگ هذا الجمار ربي خلقة بس علمود ينباس ..اخ لو ما عمي چان ندمته على الساعة الي مد ايدة ..
- حمد خاف انت بعدين اطگني؟
- افه شلون اكتلج ولج انتي لو شما اسوين ما امد ايدي عليج ادبج بطرق ثانيه .. بوية اشوف اثر بجسمچ وانه سببه اموت
قطعت سلسلة افكاري ايد امي
- هاي يمة ؟
- مو جاي نحجي وياج
- وسام: صارلي ساعة احجي وياج بلقيس هنيال الماخذ بالج.
- بلقيس: اعذرني .
- حسام: بلقيس حمد ليش ما بقة وشعجب اجيتو من الصبح.
- خلصو اكل واسولفلكم .. سفرة دايمة.
عفت الاكل وگمت من الاساس انه ما حطيت شي بحلگي رحت سويت چاي الهم وگاعدة بالمطبخ اشوي اجت انسام وبيدهة غراض
- بلقيس ابوي يريدج بالدوانية
- سويت الجاي صبي وجيبي
- تمام.
رحت للدوانية خواني وامي گاعدين منتضريني
- بابة : تعالي بوية سولفيلي شنو سبب زعلتج .
- تريدني اختصرلك..
- بوي سولفي من البداية .
- اسولف ليش لا .. المشكلة بدت من رجعت منكم اخر مرة امي شافت اسلوب حمد وياي وبابة انت هم شفته چان دايخ ومالة خلگ.
- امي : اي چان ايصيح ومنفعل .
- من رجعنه زاد صياحة علي وشمرني بيتي وكل ما يشوفني وكانو شايف جني المهم ذبني اسبوع لا يسأل ولا يطيق شوفتي .. صار عدهم عرس قرايبهم ام حمد لحت علي اروح بدلت ورحت يمهم ... جانو يردون يطلعون من شافني حمد تهستر شجابهة وما اخذهة وياي خل تروح وية ابوي .. گتله ما ارد اروح وياكم ورجعت .. ما سوة اي شي
اهلة ضلو يحجون علي لان فشلني گبال الكل وهوة ايصيح ما اطيقهة ولا ارد اشوفهة خل اتروح لاهلهة
- وسام: خوية ليش ما وديتي علينه كل هذا صاير...
- بلقيس: وسام تجيك السالفة انطينه مجال .. وديت على عمي محسن لان ما ايخلوني اخابر من تليفون بيتهم .. عمي محسن ما جان موجود اجتي مرته ومن سولفتلهة گالت هاي مسوين سحر لرجلج خل اندورة وصدگ دورنا ولگيت بيتي كلهة هل تعويذات ومن هاي سوالف السحر اخذتهن مرت عمي ودتهن لواحد گال هذا سحر تفريق وكره وهيج سوالف بيني وبين حمد ... اجت عمتي علمود راويتهة هاي سوالف عافتني وراحت وايگون النسوان فتشت بغرفت خولة ولگت هم سحر محبة وطاعة ومسوية لحمد هم واخذو لسيد هناك يقرة علي حمد يوم كامل ما يدري بادنية طشت لو رشت وانه چنت يمة ما عفته الليل كله گاعدة يم راسة بيت اهلة ومن فتح عيونه عافني وطلع اتعرك وية اهلة وابنه وطلع من البيت وما اجة عندي كانو انه الي مسويتله السحر .. مرت عمي تگول مو بس خولة انو فتنه اخت حمد هية عدهة سوالف السحر وعدهة سوابق اجة حمد وگعد يعتذر لان عافني وانو اتعارك وية حمزة انة على اساس هوة الي مخلي السحر وهيج بس انه كتله مو حمزة لان ما داخل للبيت وعلمود تتاكد صيحة وسالة وين مكان السحر من صاحلة ما عرف شنو يجاوب ابو ..
بنفس اللحضة اجت ام حمد گالت حمزة وين
كتلهة يم ابو .. خافت لا يكتله كتلهة اطمني مراح ايسويلة شي بس جاي ايسولفون بس چان اسلوب عمتي مو حلو وكانو ضايجة مني اكثر من خولة .. ها حمد چان مقرر يعوف خولة ويطلگة انه ما دخلت ولا حجيت ويا مثل كل مرة .. سولفت لعمتي الي صار بين حمزة وابو گالتي شدراج مو حمزة.. كتلهة هاي سوالف نسوان وحمزة ما يدخل روحة بهيج مواضيع وحته ما اندل وين مخلين السحر وبعدين خولة مو بحدة مسوية السحر لان ما تعرف انه اشك بفتنه هية الي دخلت لابيتي..
- ابوي : ليش جبتي طاري حماتج؟!
- بابة لان بس هية وفاطمة دخلو لبيتي وفاطمة صراحة ما اشك بيهة بس هية گعدت اتفرفر بيومهة وضعهة مو مريح.
- بابة: كملي.
- اي انوب گتلهة ..اشك بفتنه لان بس هية الي دخلت لبيتي هية وفاطمة وفاطمة اعرفة ما اعدهة شي وياي علمود اتاذيني ولا تعرف بهاي السوالف بس فتنه دخلت وفرفرت بالبيت
گالت ..گلتي لرجلج ؟
- لا ما گتله لان ما لحگت..
- لا تگليله..
- اعذريني عمه راح اگلة لان اريد حقي منهة اكثر من مرة اذتني وسكتت علمودچ وما سويتيلي شي
- شنهي الي تردي تهجمين البيوت؟
- لا والله الي ايداعي بحقة صار هجام بيوت يعني لو بس بلقيس اذا حجت صارت هجامت بيوت ..
- وشنهو حقچ اشو كلشي ما صارلج ابني الي تضرر.
- حقي اندخل على بيتي واسوالي سحر وردت اطلگ انه ورجلي كل هذا ما صارلي شي مشاكل حمد واهانته الي ما صارلي شي؟!
معقولة ما عدكم حظ وبخت.
- شنهي هل تمسلت مالتج .. واشوف حميد شايط على مرته اثاري انتي اتوزينه صح غلطت خولة بس موش معناهة يطلگهة ويشمر ولدة منا ومنا
لو عندچ ضنة ما حچيتي هيچ.
- اي والله عساهة بحضة وبخته الي چان السبب .
- شنهي گابلة وبزة بعينه .
- اي والله عمة صدگ گابلة وبزة بعينة
- انه اعرف اخلي رجلج ايأدبچ ..
وراهة راحت هية وحمد وابنه لبيتهم عافنوني اشوي اجة حمد يرعد ويصيح دفر الباب وصاح بعلو صوته بلقيس گمزت گتله شصاير گالي شگايلة لامي
گتله ما گتلهة شي گلي انتي گايلة لامي ماعندج حظ وبخت
گتلة اي هية داست بطني .. بعدني ما مخلصة حچي ورگعني براجدي .. حمد اول مرة يطگني گتله
حمد ليش طگيتني ؟!!
- لانچ ماعندج تربيه ...
- وانت اتربيني يعني؟
- اذا اهلج ما ربوج ارجع ابيچ..
گتله .. اهلي ربوني احسن تربيه لو نسيت روحك شلون حفيت علمود تاخني اذا ما عندي تربية ليش لزگتلي وبعدين مكان مجاي تربيني روح ربي مرتك و اختك امهات السحورة الي يفترن عند الصبة الله يعلم شنو ينطن بالمقابل.
هنا حمد انگلب مو حمد گم موتني راجديات ورفس چان يرفسني يشمرني من مكاني احس خواصري نمردو و ما بقة شي بالهول ما رگعة بيه بالعگال اخر شي استسلمت وتكرفصت وهوة بقة يطك لحد ما تعب ..هاي كل السالفة ردت اروح لبيت عمي محسن بس اول يوم ما اگدر اتحرك وثاني يوم ما خلاني ..اخر شي هوة جابني
- ابوي: اهلة ما ادخلو ؟
- بابة اهلة بدهم حمد يطلگني او يعوفني مرة صارت بينه مشكلة حبسني شهر بالبيت والله محد اجة ودگ بابي او ادخل بالخير عمرهم ما ادخلو بس من اصير عدهم مصيبة يعرفوني بلقيس قنعي حمد... ام حمد ضاجت لان ما قبلت اقنع حمد ما ايطلگ خولة راحت حرضته علي لو عشتو شيخ عزام اذا قالت سعدة قال عزام مايكسرهة حجاية حتلو باطل وانحيازهم لخولة واضح واهم شي خولة ولدهة حتلو هية غلطانه يدخل حمزة ويدافع لامة وينتهي كلشي وانه المديوس علي بكل مشكلة .. حمد حته من حجيت ويا بموضع العملية گتله اسويهة ويصير عندي خلفة ما قبل لان انه مجرد ونسة اله ما ايريد مني جهال..
- وسام : من رخصتكم
- حسام: وياك..
- ابوي: گعدو محد يطلع لاي مكان
- وسام: بوية ما اگد اسمع بعد .
- ابوي: يعني انه المتونس بس مو بالكتل ورگع ناخذ حقنه انطو مجال .
- حسام: بوية داسو علينه احنه ما نعرف انربي لو همة اله انراويهم تربيتك شنو.
- ابوي: اي تربيتي تهدون على الناس وتكتلون ابنهم بص بويتهم وانتم اثنين وتطلعلكم الزلم من كل كتر وتنكتلون وترجعون مو هيج بوية انتم اثنين وهمة عشيرة عركة خسرانه ولو ما العدد والله ما الزمكم بس قبل كلشي خل انشوف اختكم شنو تگول بوة بلقيس رجلج تردي ؟ لو انخرب؟
- بلقيس: بوية انه من طلعت من بيته نهيت كلشي ويا وحته هوة گلي بروحتج معناهة طلاگچ گتلة ادري واجيتكم بس على الطلاگ توسل راد گتله ابقة وياك بس شرطت ننتقل انه ويا للبصرة وبقة هنا ما قبل .. انه ادري بي ما يقبل بس ردت ابري روحي وانطي اخر امل .
- امي : كله من وراي انه الي قنعتج چنتي ما قابلة ..
- بلقيس: يمه لا تلومين روحچ الصوج صوچي انه رحت حبيته وظليت اتنازل لحد ما تمادة.
- وسام : بوية شراح اسوي هسة.
- ابوي : سهلة حمد ارويك شلون اتمد ايدك على بلقيس.. خو هوة بحد يجي وحق الحق اذا ما اخلي يحفة وما يشوف خيالهة .
- بلقيس: هاي المشكله كلهة سولفته الكم واذا اجو وگالو انو انه مسوية شي غير الي گلته فا اريدك يا ابوي گبالهم مكرم السامع بانعال على راسي ... بس اتمنة محد كل اشوي ايعيد علي السالفة.. وغراضي ما اريد ارجعهم بغرفت انسام راح ارتب المخزن واخلي بي غراضي منا لحد ما تعرس انسام.
- وسام: بوية انشاء الله تريد تنطيهم انسام؟!
- سلطان: شوفي بوية انسام هاي اگبال الكل اذا تردين ناصر لا انتي بنتي ولا اعرفج انه واخوتج نتبرة منج طول العمر
- بلقيس: بابة ناصر ماله علاقة بمشكلتي.. ولا جان موجود.
- حسام: خل يتبره من اهلة ونطي مرة .
- انسام: بكيفكم.
- ابوي : اذا بكيفي من يجون نفسخ الخطوبة ونسد موضوع ناصر.
- بلقيس: بوية لا تستعجل بموضوع ناصر وناصر يختلف وضع عن وضع حمد هوة من الاساس لا ناوي يبقة يم اهله ولا يستقر بالعمارة .. انه العلي بريت ذمتي من ناصر انتم بكيفكم هسة من رخصتكم اصعد ارتب المخزن.
- انسام: بلقيس رجعي لغرفتج ..
- بلقيس: تسلمين بعد مو غرفتي هاي غرفتج .
- امي : يمه هسة انت بيا حال وكت التنضيف وانتي جسمج متكسر.
- بلقيس: يمه خليني بحالي.
عفتهم وصعدت للمخزن امي مرتبته بس مخلية بي بوفية ونضدة وجنط رتبت الملابسي بالبوفية وسام صعدلي جنطي امي خطية يمي ما عافتني لحد ما رتبت كل غرفتي خطية حسام وحسام نزلو جربايتي من البيتونه واشترولي دوشگ جديد...
ورة فترة اجة حمد ابو وجايبين وياهم ناس علمود يرجعني ابوي رفض رفض تام وچان بس الطلاگ على لسانه الي ولانسام مو بس هيج طرد حمد من البيت گله وتعارك حمد وسام وحسام وبلگوة فكوهم
- ممنوع تلفيلي ولا ارد اشوف رگعت وجهك اعتبرتك زلمه وانطيتك مرة طلعت مو كفو الواضح انطيتك قدر اكبر من حجمك.
- عزام: سلطان تراك جاي تجاوز..
- سلطان: لا عزام ما مجاوز على احد لا انت ولا ابنك الك احترام عندي وانت هم عزام گلبي حيل شايل منك بس فهمني شنو چان دورك بكل المشاكل الي صارت چنت متفرج على الشيخة سعدة شتگول وانت اتنفذ من ابنك حبس بتي شهر انت شسويت گلي بقت متفرج ما تعرف تگلة البنيه امانه عندي ما تعرف تگلة واعي ربك بيهة حتلو بنتي غلطانه ويا چان انت ادخلت وحليت مو يحبسهة يكتلهة الجوع والبرد ولكم وين ترحون من ربكم انت لا وانوب جايني بلة مستحة بالقران لو ما الدم البينه ما اخلي بيكم احد عايش مو علمود بتي بس انتم ما خليتو حشمة لاحد عاملته انت يا حمد من بت ليل انت واهلك .
- حمد : عمي الي تريدة اسوي بس طلاگ ما تطلگ.
- سلطان: مو انت خوش. زلمه اطلگهة وغصبن على شواربك مو بس هيج واله ازوجهة الي يسوة راسك وعينك اتشوف .
- احد الحاضرين: صلو على محمد يا جامعة مو هيج الحجي ابو وسام هدي اشوي صح الك الحق بس كل رجال يطگ مرته ..
- سلطان: مع احترامي للحاضرين بس انه الرجال الي يطگ مرته عمري ما اعتبرة رجال .. شنو يطلع مراجلة على حرمة ضعيفة ما تگدر ادافع على روحة اذا يريد يأدبة يجيبه لاي وانه اعرف شلون احجي وياهة هاي اذا غلطانه اقسم بالله عندي مرة عمري ما طاگهة راجدي وصح مرات يصير بينه مشاحنات بس ما نوصل للطگ المرة ما عدهة بس لسانه تفرغ همة وبعدهة تهدة وهية تعتذرالرسول محمد صلى الله عليه واله وسلم اوصة بالمرآة وقال((استوصوا بالنساء خيراً فانهن عندكم عوانٍ))
انت تجي تكسر بتي هيج مكان ما اجيب حقهة من .. استغفر الله المهم اخر حجاية الي اطلگ واذا ما تقبل اطلگ ما عندي مشكلة اسويهة بالمحاكم .
- عزام: سلطان معذور هسة لانك زعلان واحنه الغلطانين وياك وية بلقيس هم بس خوية عوف الطلاگ احنه راح انخليك تهدة والله كريم. ربك يحلهة ...
———————————————
En.Zahraa