گعدت يمهة
- شلونج يروحتي ؟
- مادام انت يمي انه بخير .
- ليش ما ترضين تاكلين ؟
- علمود تجي تاكل وياي اكيد انت ما ماكل شي .
- اكلت وياهم مساع.
- بلة باوع بعيوني .
- بلقيس اكلي وداعتج ما اشتهي .
- حمد باوع بعيوني مشتاقهة لعيونك .
درت عليهة بس مدنگ
- اگلك انه مجاي اخطبك ومستحي مني ذكرتني بوحدة بخطوبته دايرة على الباب وخطية خطيبهة يريد بس يباوع عليهة وهية مستحية
- وبعدين شصار؟
- لا بعدين صارت هواي سوالف چا هية موش ما تريدة بالبداية .
- ههههههههههه موش!!
- اي هيج واضحك من اروح فدوة لضحتك .
- اسم الله عليج .
- يلة خل اوكلك والله اذا ما تاكل هذا الاكل كلة ..
- اي شراح اسوين .
- شسوي تسألني شسوي ؟
- اي شسوين ؟
- هم انه ما اكل .
- ههههههههههههههههه.
- لا تضحك بعد صدگ ما اكل .
- اذا انتي توكلني اكل .
- هاي سهلة بس دني الصينية علي لان عمليتي ما اگدر اتحرك .
شلت الينية وخليتهة على مخاد وگبالهة وهية توكلني واشوي اوكلهة بس هية العناد محد يغلبهة لحد ما خلصت الصينية كلهة صاحوني برة گالو ناصر برة يريدك گتلهة بلقيس ناصر يريد يسلم عليج بس لبسي حجاب .
انه جذب ردته يدخل يشوف انسام بدون محد يحس من طلعت شفت انسام
- خوية روحي يم بلقيس
وطلعتلة
- هاك خوية المفاتيح .
- تعال سلم على بلقيس.
- ها خاف فشلة.
- هسة صارت فشلة من رحتلهة بيتي بتوالي ليل وبحدك مو فشلة .
- ذاك الوضع يختلف.
- امشي امشي
حمم ناصر ودخل وبوجهة صير انسام وهاذ تنحر طگيته
- حمد لله على السلامه خوية والله موتينه من الخوف عليج.
- الله يسلمك حبيبي ناصر تفضل اگعد انسام روحي حضري غراضكم لا اضلين واگفة هنا .
- ناصر : لا خليهة صالينه هواية ماشايفكم .
بلقيس : من دخل ناصر وهذول تنحرو واحد گبال الثاني وانوب گعد انه ناصر اشوفة صغير من سلمت علي لا ارادياً گتله حبيبي اشو حمد خنزر ضحكت على سوالفة بس ناصر عينه على انسام الى ان شحوتتهة خاف يفضحونة بس هاذ ايگلي خليهة ما اعرف شود علي.
- لا ناصر يردون يروحن لازم تلم الغراض وبعدين مرت عمو محسن بحدهة خطية منو يمهة .
انوب دخل وسام وحسام وابوي وامي شوفت لمتهم تونس ومنا سالفة ومنا حجاية تغير الجو بس ناصر خوش رجعلي شحتت انسام.
- بلقيس انتي من جنتي بالعملية تعرفين الممرضات بالمستشفى سون مو شافنج دخلتي وهنة التمن على حمد مو شافن الدم وحدة تگلة خاف بيك جرح وحدة تتلمس بي وصايرتلك علية دائرة .
- وسام : انه اشهد .
- حسام : انت وين تشهد ما جنت موجود .
- بلقيس : صدگ حمد ؟
- حمد : والله ما اذكر بس من دخلتج للعمليات وبعدهة لحد ما طلعوني اخواني من المستشفى .
- بلقيس : يعني صدگ ؟
- وسام: حمد راح بيهة.
- بلقيس : لا راح بيهة ولا شي ناصر هم دكتور واكيد يعرف الممرضات شلون لزگه يلزگن بالزلم وتلگا هم 24 ساعة هوة وياهن.
حمد: اي صح حته مرة تذكر من سولفتلي على هاي الي اعترفتلك وگالتك ارد ازوجك.
- وسام : هاي صدگ؟
- ناصر : لا جذب والله جذب انه ما عند اختلاط باي ممرظة .
- بلقيس وحمد بضحكة وحدة: هههههههههههههههههه
سلطان : بوية الله يديم ضحكتكم بس لازم نرجع للبصرة عندي شغل موگفة من اسبوعين يلة گومو .
طلعو الكل بقيت بس انه وامي خطية بدلتلي ملابسي واخذتني للحمام غسلت چان الوجع ايموت من الوجع احس عيوني تريد تطلع ليبرة وخلص عندي مسكن الالم طلعت من الحمام لبستني امي عبايتي وبديت امشي للباب ما گدرت امشي بالعباية فوخرة ابوي گال انتي بيا حال وحال العباية من وصلت للباب فتح حمد باب السيارة سيارته مو عالية ما گدرت اصعد فشالني وسام وصعدني ودعوني وامي صعدت بصفي ورحنه لبيتي بس كمية الوجع الي شفتهة خلت دموعي بحدهة تنزل
- ناصر: خوية بلقيس موجوعة؟
- امهة : اي كلش لان خلصو علاجاتهة وما لگينه بالمستشفى.
- حمد : عمه غير تحجين ؟
- ناصر : هسة اوصلكم واجيب الهة علاج بسرعة .
- امهة : بعد خالتك خاف نتعبك.
- ناصر : افه عليج خاله وهم اشوف جرحة خاف ملتهب نعقمه الهة ونبدل الضماد بس اوصلكم واجي.
وصلنه نزلني حمد هوة وامي لگيت عمي ومحضر ذبيحة ذبحة جوة رجلي قبل ما ادخل هوة انه بالگوة واگفة وهمة يذبحون دخلتني امي البيت نظيف مبين منظيفة مددتني امي على الجرباية وبدت الناس تتوافد علي عمتي وفاطمة وحته خولة هم اجت فاطمه شاورتني
-خية انه الي نضفت بيتج ما خليت احد يدخل عبن انتي ما ترضين .
-مشكور تعبتج وياي .
- يا خية تعبيش بالعباس گلبنه راد يوگف عليج .
- ام حمد : حمد لله على السلامة يمة بلغيس ما تشوفين شر .
- الله يسلمج عمة
- خولة : خية حمدلله على سلامتج .
- الله يسلمج ام حمزة مشكورة على جيتج.
- خولة : شلون ما اجي عبن انه موش حسبالج فرحت بالحسين خية ما نمت لحد ما گالولي صارت زينة.
- ادري بيج ام حمزة .
- خولة : اترخص
ام حمد : خلوهة ترتاح تعيبانه وبعدين نجي الهة .
طلعو وعاف امي الي بس تصفن بالوجوه من طلعت ضحكت
- هههههه هاي خوش شريجة .
- خولة فقيرة بس هبشة .
- لا والله .
- يمه ارد اموت من الوجع .
- راح ناصر بالكي يجيب علاج الج خوش ناصر ترة مبين مؤدب .
- اي كلش خوش ولد وحباب وحته قاسم يجوز مشايفته هذاك مهندس .
- ادري منصور على منو طالع ؟
- والله ما ادري بس هو اعوج بالعائلة .
- بس تردين الصدگ حمد احسن واحد بيهم .
- اي لان نسيبج.
- اي طبعاً النسيب عزيز .
- واحلة واحد بيهم واطيب واحد بيهم و..
- كافي كافي هاي السوالف گوليهة اله مو الي .
- يمه شايفة هذا الوجع الي احس بي مو مثل وجع قهرتي على موتت بتي حسيت هاي البنية الي يتمناة حمد .
- يمه ربج يعوضج بعدكم صغار وانشالله يرزقج بولد وبنية .
- يمه احس حمد يشرد مني .
- لا يمه مو يشرد بس حمد مثل ابوج محمل روحة مسأولية الي صار بيج انتي شفتي حالته وجهة مصفر وعيونه سود وحيل ضعفان وبس يدخن.
- اي نتبهتلة المشكلة ما اگدر اگوم واطبخلة.
- شنو ايحب گليلي وانه اسويلكم.
حم حم حمد ودخل
- شلون صرتي بعدج موجوعة؟
- لا صرت احسن .
يمه اريد مي
- انه اجيبلج
- امهة: ابقة يمه انه اروح .
طلعت امي اشرتلة يگعد يمي على الجرباية انه متمدد هوة خاف لا يلچمني .
كعد بالطرف
- حمد لخاطري لا تشوب جگاير بعد انه اضوج منهة خربت شفايفك وترة شفايفك ما يصير تخربهم لان هذن مالاتي .
- صار بعد ما ادخن بس اشوي .
- عادي انزع حجابي ؟
- لا خاف يجي ناصر وبعد انتي شلون تگلين لناصر حبيبي بلقيس ياريت تنتبهين لحجيچ.
- والله بدون قصد وناصر اصعر مني وحماي يعني عادي.
- لا مو عادي مو عادي وممنوع دخلين واحد من خواني للبيت وانه ما موجود ..
- حمد انت تلاحظ انو انه مو بوضع يسمح بي بالمشاكل !
- الله يجيرنه من المشاكل بس انبهج .
- انشاء الله
اشوي وجة ناصر جايب علاگه علاجات ويا ممرضه گال هاي علمود تشوف جرح بلقيس وتنضفة طلعو بقت بس امي والممرضة گالت الجرح ملتهب حيل انتي شلون متحمله هذا الالم نضفت وعقمته بس انه ردت اموت من الوجع علگتلي مغذي وبي مسكن الم وراهة طفو الضو ونمت
حمد : اسمع بلقيس تون بعدهة طلعت امهة والممرضة.
- حمد : خوية ليش متأذية ؟
- الممرضة : الله يساعدهة شلون چانت متحملة جرحة مخزن وملتهب هسة نضفته الهة وانطيتهة وعلگتلهة مغذي راح تنام وباجر خل دكتور ناصر هوة يبدل المغذي مثل ما فهمته من رخصتكم .
طلع ناصر والممرضة بقيت بس انه وعمتي الي خطية تستحي گتلهة
- عمه انه راح اتمدد هنا اذا تردين شي صيحيلي واي تحتاجي بالمطبخ ناصر اسوگ .
- روح تمدد على چربايتك واذا تريد تنام نام انه كل شوي اشوف بلقيس علمود المغذي هية مراح تگعد منا لليل .
- خوش انه رايح يمهة وعمة انتي اخذي راحتج
ام بلقيس : مبين من شكل حمد تعبان ومنايم خيطة راح هوة وانه رحت للمطبخ عزلت الغراض ورجعت گعدت شفت المغذي اشوي ويخلص انتضرته يخلص سديته وطلعت تمددت اشوي على القنفة للغروب واندگ الباب محد موجود طلعت انه الي اجت يمكن فاطمه اخت حمد تسأل علي گتلهة نايم فراحت وحت للمطبخ ارد اسوي العشة هم اندگ الباب رحت افتحة بس هل مرة ام حمد نفسهة جاية وجايبه وياهة اكل
- مسة الخير خية .
- مساء النور ام حمد تفضلي
- دخلي يمه الاكل وروحي گعدي اخوج
- خطية مبين تعبان ومنايم .
- بس اريدة بشغيلة ويرد بشريني بلغيس شلون صارت .
- والله من طلعت منهة المضمدة وهية على نومتهة گالت لا تگعدوهة وناصر هم هيج گال وانه منتضرتهة خاف تگعد وجاي اسوي العشة والله وانتم دخلتو.
- ياعع عليش اسوين اچل موش يمچ اله اذا ما يعجبچ اچلنه .
- هوة اكلنه واكلكم واحد بس خاف اتعبكم.
- شني تعبينه احنه متعبينج
اجة حمد يفرك بعيونه
- سلام عليكم ... امري يمه.
- يمرة رايتك بشغيلة ورد تعشة وية عمتك.
طلعت وطلع وراهة حمد انه رحت للمطبخ احضر الصينه خاف يجي حمد
حمد : امري يمه!
- خايب شأمر چا انت رحت نمت وعفت المرة وحدة لا گلت شني تعتاز شنهي ناقصة وهية بحدة وبتهة نايمه ما گلت شتاكل خاف تريد فراش وشلون تنام يم بتهة بالليل وانت نايم بالغرفة يم بلغيس خايب اول مره تجيب عندك مرة.
- يمه سهيت عن هذا الموضوع عبن حيل تعبان وردت انام اشوي ولو ما مگعدتني لا بقيت للصبح همزين گعتيني .
- اي يمه انت روح اتعشة وافرشلك بالهول وشوف عمتك وين تنام يلة يمه روح.
رجعت لگيت عمه صابة ومنتضرتني رحت غسلت وجهي ورجعت اتعشة وياهة مبينه تستحي مني فگعدت اسأله عن الولد وشعجب وسام وحسام ما مزوجين
- حسام يگول بعدني صغير وميصير زوجوني قبل وسام وسام معند ما يرضة يزوج.
- لازم شايفلة وحدة.
- انت تعرف عمك سلطان ما يقبل بهاي السوالف.
- عمي سلطان ما يقبل ؟!!!
- اي لا تشوفة طلع برة العمارة بس هوة معند على كم شغله.
- مو قصدي باصلة لو فد شي بس هوة يعني الي اعرف اتزوجچ عن حب المفروض يحس بأبنه اذا حب .
- بعد معند بلقيس على اساس تحجي وياك وانت تقنعة بس اتوقع ما لحگتو.
- اي والله يا عمه اني ما عندي حظ بهل الدنيا من گلت فرجت يا حمد وبلقيس ردت ورادتك تحسن الوضع صار الي صار .
- الحمد لله من طلعت سالمه منهة .
- هاي نعمه من الكريم .
- ذكرتني بعمك سلطان من اهلك من زوجني بس عمك سلطان چان هاي وغيرني بدون مشاكل لا مو هو الي غيرني انه تغيرت علمودة شلون هسة بلقيس متغيرة علمودك.
- عمه انتي ليش چنتي واگفة وياي بزواج من بلقيس مع العلم انه رجال مزوج مره ثانيه ومن العمارة وهواي عيوب بالزوج .
- علمود بلقيس لان بلقيس محد يتحمل شمخرتهة بس انت ومحد يغير اطباعه بس انت چنت متاكدة راح تحبك والمرة اذا تحب الرجال تتغير علمودة .
- يعني بلقيس من البداية هيج اطباعهة؟
- اي من البداية حته وية خوانه انه ما چنت ارضة على تصرفاته بس عمك الله يهدي حيل دللهة وخلة اطباعة هيج بحيث قوة شوكتهة حته على خوانه وفنه احد يحچي وياهة تنگلب الدنيه عود بلقيس تغلط ويه احد وتعتذر لا قبل ما تعتذر يجونهة وهمة يعذرون منهة يخافون من ابوهم ما چنت ارضة بتصرفاتهة بس شسوي اسكت لان حسبالله معديتهة واكيد انتبهت على علاقتنه بدايت العرس شلون متوتره .
- بس بلقيس طيبة وتحبكم مو قصدهة تضوجكم
- وتحبك انت هم بس چانت اتضوجك بالبداية بسبب شمخرتهة ورفضهة فكرت تعلق بيك بس هسة شتگول بعدهي خشمه يابس.
- عمه تردين الصدگ؟
- اي .
- انه ما عشگتهة بس من ورة شمخرتهة وخشمهة اليابس .
- هههههههههههههه . ما اعرف شگلك بعد .
- چا انه اچذب بس چان الي معذبني احسنه ما تريدني ما ترغبني رجل الهة ما تغار من مرتي لو اهجرهة اسبوع ما تهتم واذا تعاركنه ما تكلف روحة تسأل سبب العركة.
- لان تدري راح اصالحة انت ...بس من ما اصالحة ما تجي الك ولا راح تعاتبك وضل تاكل بروحة لحد ما تنسل سل .
- اي تگطع الزاد انتبهتلهة.
- عمك مجان يتحمل زعلهة حتلو هيه غلطانه وهيه مستغله هذا الشي وانت مثل عمك؟
- سأليهة هية .
اتوقع انت ازيد من عمك لان گدرت تتحملهة كل هاي الفترة وساكت عاميك عشگهة الجماعة عدهم ساس بالعشگ ... وين حمد رجعني لايام زواجي بسلطان هم هيج چنت عنوديه مثل بلقيس وهم گلب كياني سلطان ...
اووف سلطان اول مرة ابات برة البيت مو وياك ...
- عمه وين صافنه؟
- لا هيج ماكو شي الحمد لله اگوم اغسل واشوف بلقيس .
گامت تغسل شلت الصينيه وديته للمطبخ وغسلت ورحت للغرفة غطتهة وطلعت
- ليش عمه شلت الصينه انه اشيلة .
- هية صينه همزين عمه انتي موجودة چا بقيت بحيتي هيج اگعد اسولف وياج .
- اگوم اسوي چاي ونگعد نسولف شورانه
گعدنه اشوي انه وحمد انوب نعست گال نامي انتي بالغرفة يم بلقيس وانه بالهول عندي طلعة من الصبح ما ارد افززكموصار هيج
بلقيس : ورة ما علگولي المغذي نمت بس حسيت على ايد حمد تلعب بشعري يمكن اتحلم گعدت ارد اروح للحمام گمت بدون ما اگعد امي لان احس روحي احسن شوي وخاصة من نضفو الجرح بس گمت من الجرباية امي فزت
- مامه شنو تردين ؟
- ردت اروح للحمام رجعي نامي اروح وحدي.
- هسة اخذج
يمكن چانت الساعة ب4 هيج من طلعت اسمع حمد جاي يصلي بالهول گلت لامي ما اود انام شبعانه نوم غسلت مشيت للهول امي راحت تتوضة اصلي خلص حمد گاعد على المصلاية يسبح دار علي وتبسم
- صباح الخير.
- صباح النور .. شلون صرتي الحمد لله احسن بهواي ناصر نقذني من جابلي الممرضة .
- چا انتي غير تحجين تگولين باقية ساكته والوجع ماكلج .
- مو هوة اكو وجع ثاني چان مغطي على هذا الوجع .
- وشنو هذا الوجع اسم الله؟
- المشاكل الي صارت وانت ماكو ردت اشوفك بالي يمك خفت ابتعد عنك.. الم عن الم يختلف بس من شفتك واطمنت اذكرت مسوية عملية.
- هههههههههههه والله يا بلقيس
گام گعد بصفي
- وين نمت البارحة؟
- على هاي القنفة.
- ليش ما فرشت فراش تكسر ضهرك.
- وداعتك حته ما حسيت بروحي
- تعالي اشوي يمي
تقرب مني لفيت ادي علي وشبگته هوة حيل تعبان ومبين علي.. ضمني لصدرة بسته من صدرة
- ويردوني اعوفك ما يدرون صرت معلگ وية الهوة انت.
- چا انتي اذا صدگ وجبروج وعفتيني لا صدگ تنحجي حجايتي ولو هية انحجت وگالو الشيخ تخبل من بعد مرته
- بعد هوة هذا العشگ ما سامع بعشگ مجنون ليلى.
- وانه صرت مجنون بلقيس.
- اي ههههههههههه
حمحمت امي ....