بلقيس : احس بادين حمد تلعب بشعري فتحت عيني واشوفه متعوب وحالته حاله ارد اگعد بس صعبة علي ساعدني وحضنته وهوة هم شبگني
-بلقيس مشتاقلج ارد اموت على فراگج بلقيس صدگ تطلگين وتعوفيني.
- حمد لا تعوفني ما اگدر بعد على ابعادك والله شوفلي حل انه بين حيرتين بين اهلي وبين گلبي گلي شنو اسوي حمد ما اعرف شوي وانت من البارحة وديت عليك ماكو گالو محد يدري وين انت
- چنت نايم يم بيت عمي محسن بلكي اشوفچ اخر شي طگت روحي ودگيت عليهم ما اردي بيهم يدورون علي
- شصاير بيك ؟
- بلقيس چنت فاقد ما عندي امل اشوفچ
-انت مو حمد الي حبيتهة انه رجلي شيخ حمد الي مايهزة احد .
- اله انتي ..
-لازم ترجع مثل قبل علمود ترجعني لحضنك
- لا تخافين ما اعوفچ
- بس حمد اكو شرط لرجعتي واعتقد هذا من حقي بعد الي الي صار وياي .
- شنو شرطتچ؟
- لو انه لو منصور بيت اهلك ما ننجمع بيت واحد واذا تگلي هوة بالقصر وانه بيتي معنى باب القصر بعد ما اعتبة ولا بخير ولا بشر واذا شفته بالصدفة انت الي تتحمل المسؤولية منصور اذاني هواي ومنصور تمد يطگني على بطني علمود اطيح الجاهل منصور حرمني من ابني وراوني الموت بعيوني .
- بس بلقيس معناهة راح جبريني اطلع بيج ؟
- ما اعرف شنو اسوي شي يخصك واتوقع طلعتي من منطتكم اريح الي لان كل اهاك اتهموني بيومه اني الي وزيتك وبس الله يعلم شگد تحملت من منصور وسكتت وحته من اهلك حمد انه احاول ارضي كل الناس وجاي ادوس على روحي بس علمودك صح احبك وانت يجوز ما صدگ بحبي الك بس حمد ما استاهل الوضع الي جاي تحطوني بي اهلك ولازم اجامل الناس ومن غير سالفت الشرچ الي تمردني مرد ياريتني ما حبيتك چان استغليت هاي الفرصة وعفتك واخلص من كلشي حمد تعبت حيل تعبت .
-بلقيس انتي السبب الي ايضوچ ليش ما تگليلي .
- علمود يصير مثل ما صار ذاك اليوم حمد اقتنع انه اختلف عن اهلك وعمرهم ما راح بتقبلوني يحسون انه غيرتك عليهم وبالاخص امك الي تحملني مسؤوليه كلشي .
- الله كريم
-ترة ابوي امبقيني بس علمود احجي وياك شوفلك حل سريع لان احتمال باجر عگبة نرجع للبصرة حمد ما ارد ازودهة عليك بس لازم اگلك بهاي اذا گدرت تلگه حل اكيد بابة اقنعة انه .
- اووف يا بلقيس تعبان مدري من وين احصلهة ...
ندگ الباب ودخلت امي
- شلونك ابو حمزة .
- على الله عمه انتي شلونچ
- حالك مو احسن من حالي يمه يردوك بالدوانية
بست راسهة وگمت
رحت يم عمي سلطان جابو ماي والوجوه كلهة متكدرة وحقهم
- سلطان : الله بالخير حمد.
- حمد : الله بالخير عمي .
- سلطان: عمي انه عرفت السالفة كلهة ومن اهلك شنهي حلك انت .
- حمد : عمي بلقيس مرتي وانه مستعد افديهة بروحي لجن كلشي بالعقل شرطكم الي تردون بي منصور مهو صحيح يعني منصور اولهة ما كتل ولا نهب بس تجاوز وصح تجاوزة مو هين بس هوة من تجاوز وتمادة تمادة علي اذا لحد حق فهو حقي اليوم خل روحك مكاني تروح تكتل اخوك ما ترهم..
-وسام : لا حمد لا تكتله ولا تحجي ويا وخلي يگول على مرتك انواع الحچي وانت اتفرج لان هوة اخوك احنه لان انت مو گد تسوي حل احنه نسويلك حل..
- سلطان: وسام اسكت خل حمد يحجي ارد اسمعة
- وسام : بوية الحچي مبين من بدايته.
-حمد : نعم الله عليك خوية بس بعدني ما مكمل حجي اسمعني بالاول .
-سلطان:كمل حمد.
- حمد : عمي مثل ما گتلك سالفت كتل انتم انسوهة محد يرضاهة كل شي وله حل مو كلشي بالدم يا عمي .
- سلطان : وشنهو حلك ؟
- حمد: بلقيس ترجع معززة مكرمه ولك حق اذا احد تمادة او تجاوز عليهة ومنصور گبالكم يجي ويعتذر منهة ومنكم هاي لحق بلقيس بس حقي يختلف لان حتلو اخوي لچن تجاوزني واذة مرتي وتسمعون انشاء الله اخبار تسركم.
- سلطان: ما فهمتك يعني تصفة بس باعتذار وبتي والي صر بيهة .
- حمد: عمي حق بتك يجيهة بس انتضرني منا لباجر وانه اجي وية ابوي لان هو مو فصل واجيب شيوخ احنه اهل وما ترضاهة اجيب وياي ناس ونكبر السالفة راصير علج بحلگ العالم بس انتضرني منا الباچر واذا مسويت شي يعجبك الي تريدة سوي .
- سلطان:انتضرك.
- حمد : من رخصتكم .
طلعت من ورجعت لبيتي سبحت وبدلت ورحت لبوي لازم احجي ويا من دخلت كلهة گامت ناصر ما رايح باقي بس قاسم راح
- عزام : هلة بوية بيك وين چنت دورة عليك ما لگيناك ؟
- حمد : چان عندي كم شغله انت بوية شلونك يمة شلونچ قاسم راح ؟
- ام حمد : بخير دامك بخير ليش يمه شلوعتني عليك تشلوع !
- حمد : منصور وين ؟
- عزام: هم انت تريد تكتل اخوك؟
- حمد : بوية لازم يجي خل يسمع الحجي الي راح يصير وماكو كتل ولا دم انشاء الله.
- عزام: رحت لسلطان؟
- حمد : اي بوية مساع رديت منه حجيت ويا گتلة انه اجيبلك منصور لعندك ويراضيك .
- وعزام : شي اكيد ما قبل ؟
- حمد : يقبل هوة مالة حق على بلقيس بلقيس مرتي ومن انهانت انهانت بيتي والمشكلة بيني وبين منصور گتله انتم ما تدخلون .
- ام حمد : وانت شناوي اسوي وية منصور.
- حمد: ما اسويلة شي .
- عزام : حمد هذا حچيك ايخوفني شلون راح تقنعهم.
- حمد : بوية انه قررت اطلع من العمارة مالي گعدة بيهة لو انه لو منصور فأخلي الكم احسن مني وانت بكل الاشكال ما تردون بلقيس يمكم امي ما طاقتهة من اول ما اجت .
- ام حمد : حميد انت شجاي تمسلت .
- حمد : يمه انتي وابوي وحته اخوتي من البداية تعرفون بسلوب منصور وية بلقيس ومحد چان يگلي ولا يردة ومن دريت انه سمعتچ شنو رديتي عليهة وهذا ناصر وسألي مو هية الي گالتي چنه واگفين واحد وصلنه السالفة ..
بعد الحچي ما يفيد
- عزام : بوية شلون تعوفني انت ايدي ورجلي وچبيري .
- حمد : بوية انت مو حسبالكم انه مغثوث بس على بلقيس لا هذا تصرفي حتلو وية خولة منصور ما احترمني ولا قدر الخوة الي بينه وانه مهضوم منكم كلكم مو بس منه
- ام حمد : وخولة ولدك .
- حمد : يمه كلنه راح نروح مو بس بلقيس.
- ام حمد : وتاخذهم يم اهلهة بالبصرة.
- حمد : وين ما عند الله گاع .
ام حمد : يمه تحرمني منك ومن وليداتك .
- ناصر : من رخصتك بوية ومن رخصت امي اذا تقبلون احچي .
- عزام : گول ناصر.
- ناصر : بوية ما مفروض حمد الي يطلع الغلطان المفروض يطلع مو حمد وبعدين منو يصير شيخ منصور تريد اطشر العشيرة انتم تعرفون هاي العشيرة محد لامهة بس حمد وهوة وجهيته الحلوة گبال الكل تطلعة وتخلي منصور الي ما يعرف يلضم ابرة .. برايي تخلي منصور يروح بمزارعنه بالكوت هناك يدير الشغل ووهناك تعرسولة ويستقر .
- ام حمد : وليداتي تطشر ..
- ناصر : يمه اخوتي مالهم گعدة بيت واحد .
- عزام : هذا انسب حل انه ما اگدر بلة حمد ما اضحي بچبيري علمود واحد ارعن بوية حمد ترضة بهذا الحل ؟
- حمد : بوية منصور ليوم الدين ما يوگف على جنازتي ولا اوگفلة على جنازة وانه بري منه والمكان الي اشوفه بي اكتله خلاص وصلولة هذا الشي يعني موش بعد كم سنه تلوموني لان امنعة من الجية هنا انه ردت اطلع عبن اعرف مالي ردة .
- عزام : مثل ما تريد بوية .
- حمد : بوية باچر نمر على عمي سلطان علمود نحل هل موضوع.
- عزام : اودي مراسيل لشيوخ العمارة يجون ويانه ...
- حمد : ما يحتاج بوية احنه ولد عم ما ندخل غريب نروح انه وياك وناصر وعمام النه
- عزام : احسن شور .
- حمد : من رخصتكم بوية اروح انام تعبان.
- ام حمد : يمه ما تاكل لگمه ؟
- حمد : لا يمه ما اشتهي .
- وين راح تنام
- بيتي من رخصتكم .
حمد : حمد لو الي صار وية بلقيس صاير وية خولة هم نفس رد الفعل راح صيرلك لو هاي لان بلقيس
رحت على چربايتهة وصافن على حالي سويت بروحي چنت مرتاح يا حمد وما عندك هم رحت عرست ومن يوم الي عرست وحالك يوم عن يوم بالنازل .
هسة صار هيج تفكيرك بعد ما عرفت بيهة تريدك انت تحملتهة من جانت ما تريدك من رادتك تحسفت على عرسك منهة ..وانت من شوفتهة انگلب حالك مو من زواجك ومن هية ما موجودة اكره حته الهوة .
باجر يجي منصور شلون اوجهة شلون اتحمل اباوع بوجهة الي يذكرني باليوم الاسود من رادت بلقيس تموت بين ادي بتي الي تمنيتهة من الله كتلهة حمد وحال بلقيس اليوم الي يكسر الخاطر
صفنه تاخذني وصفنه تجيبني الى ان اذن اذان الفجر گمت صليت وبعدهة بدلت وطلعت اتمشة للديوان مابي بس الگهوچي گدلة صبلي گهوة
- شيخ تامر امر.
شربت گهوة واشوي واجة ابوي گعد جاري وگل للگهوجي يخبر بيت محسن اشوي ونجيهم .
انه ساكت
- شبيك بوية ؟
- مهضوم مهضوم حيل .
- من منصور؟
- اي بوية ما اعرف اذا السويته صح لو غلط بس ما اگدر اواجه.
- بوية حقك انت بالي سويته بس لا تضك علي مثل الغريب تراه اخيك .
- بوية ما كاسر ضهري شي بس لان اخوي .
- اذا صفت مرتك ترجع وياك ؟
- لا اخليهة ترتاح يم اهلة احسن وانه هم يصفة بالي .
- مو هاي الي موتت روحك عليهة .
- بوية مريضة وما اگدر اگعد يمهة من الصبح لليل
- بوية انت ما لك دخل بالي صار لهة ليش تلوم بروحك.
- شلون مو انه السبب كله من وراي بلقيس صار بيهة الي صار انه السبب انه الي تعهدت ما اخلي احد يأذيهة فرضت عليهة حياتي جبر زواجي من بلقيس اكبر غلطة دمرته بيهة بلقيس ما ارتاحت وياي يوم واحد .
- بوية هية هسة لو ما تريدك چان گالت ما اريدك لچن هية تريد ترد الك.
- الله كريم
- منصور وصل وراد يجي يعتذر منك.
- بوية سد الموضوع لو ما خاطرك وفشلة من الوادم چا خليتكم ترحون بحدكم ومن يروح الحكم.
- الله يهديكم ويصافيكم انتم ثنينكم وليداتي بوية ماكل شارب ؟
- اي بوية ماكل وشارب .
- على راحتك
طلعنه ويانه عمامنه ورحنه لبيت عمي سلطان چنت گاعد واستمع للحجي مال عمي سلطان اول شي رحبو بينه وبعدهة بدة عمي سلطان يحچي
- شيخ عزام انه بنتي نهانت وبيتك ونطگت وهم بيتك وطرحت ابنهة وبيتك شلون تريدني اامن وارجعة انه سامحت مرة مرتين بس هواي منصور تمادة ولا واحد بيكم ردة وگف بوجهة ... يگلة فرعون منهو الي فرعنك يرد ما لگيت احد يردني.
- عزام: حقك ابو وسام ومنصور ما يعيدة واذا عادة كتله على ايدي وانه اشهد الحاضرين ومستعد افصلكم بالشي التطلبو غير الدم والطلاگ .
- سلطان : خوية احنه ما بينه فصور بس كل الي اريدة حق بتي يرجعلهة وگبال الكل .
- عزام : منصوربرة يريد يعتذر منكم ومن بتك گبال الكل ويستسمح من الكل وهوة نادم على الشي الي سوى وياخوي هوة هم ابنك و انه يا ابو وسام هاي السالفة كسرت ضهري عبن فرقت الاخوة وبقيت محتار بين الاثنين و حته لو ابني اعوج اخلي اخو يكتلة الله لا يخلي عبد مسلم بهيج موقف .
- سلطان : وتصفة بأعتذار حمد هذا حلك ؟
- حمد : من رخصت الحاضرين عمي گتلك انه من البارحة انه الي انهنت ومن اخوي وانه واخوي ..
- عزام : ابو وسام خوية حمد يقصد انو حقة عند منصور ياخذة بس ما يريد احد يعرفة بس يا بعد ابوك ماكو غريب وعمامك اول وتالي يعرفون بالنسبة الك يا بو وسام مامش خوف على بتك من منصور عبن راح يسكن بالكوت هناك بساتينه يدرهة وما يگعد بمكان بي بنيتك وهذا حقهة .
- سلطان : هذا خوش حجي بتي المكان الي هية بي ما يخطلية منصور وبالنسبة لعتذارة ما لازمني .
- عزام : خلة بس يعنذر من مرت اخو عاد.
- سلطان : بتي مريضة وتعبانه وما تگدر تگوم گلولة اعتذارك واصل .
- عزام : مثل ما تريد خوية يعني انحلت انشاء الله.
- سلطان اي شيخ بس بلقيس مريضة ومثل ما تعرف هنا محد يخدمهة فراح تبقة امهة يمهة وانة والولد نرد الدكتور گال ما يصح ترجع للبصرة من الطريق.
- عزام: كل الهلة بام وسام تشرفنه وتنورنه بكل وقت واذا ما تشيلهة بيوتنه انشيلة بعيونه .
حمد : صح انه ردت بلقيس تروح وية اهلة بس گلبي ارتاح من عرفت بيهة راح تبقة يمي لحفيت چكارة وطلعت برة ادخن لحگني ناصر اشر على منصور يروح للبيت
- حمد خوية وضعك ما عاجبني جسمك ضعفان وجهك اصفر ومبين ما نايم .
- ناصر الوضع گبالك هين عليك تطرد اخوك احس دست علي .
- انشاء الله تعدة المشاكل ويرجع الوضع مثل قبل .
- لا ما يرجع .
- والله ياخوي مدري شگلك حالك مو احسن من حالي رديت علمود اخطب البت الي رادهة گلبي منصور ما قصر وياي حرمني منهة وما اتوقع بعد ينطوني اياهة ولا اتوقع ابوي يقبل يخطبهة الي .
- خوية هسة النفوس مشحونه من تهدة يحلهة الف حلال .
- الله كريم احتمال ارجع باجر لبغداد انه .
- ها ليش؟
- لازم ارجع للدوام الدوام عندي بادي قبل يومين بس ما ردت ارجع قبل لا تنحل المشكلة.
- ناصر انه چنت مستصغرك واگول بعدة صغير لچن انت صدگ عجبتني هل مرة غطيت مكاني .
- افه عليك چا مو اخوك واجبي اوگف بضهرك ..خوية كل إنسان عندة نقطت ضعف وانت نقطت ضعفك مريتك چنت اگول بلقيس ما تستاهل حب حمد بس الي شفته مالت الله بلقيس تحبك يا حمد تعرف جماعتي بالمستشفى شنو گالولي .
- شنو؟!
- گال بلقيس اول شي نطقته من صحت اسمك گالت حمد وما بطلت من السؤال عليك وحته وضعهة تخربط وانطوهة مهدأت لان ما شافتك .
- هاي لوعتي الكل گال ما صيرلك ومراح تحبك اله انه بقيت معاند تعبت بالبداية بس ربك كريم .
- ادعيلي اخذ الي اريدهة.
علي بن محسن: عمي حمد يردوكم لان صبو غدة .
دخلنه انه گاعد على الاكل بس ما اشتهي كلش احس معتي انسدت الكل انتبهلي اشوي وگمت طلعت اغسل ورجعت چنت بس الف الجگارة واطلع ادخن برة لحد ما طلعو ابو گال بوية انت ابقة هنا علمود تاخذ مريتك واحنه نرد وحدنه
وناصر يجيبلك السيارة .
- على راحتكم.
طلعو وانه بقيت برة لحد ما صاحلي عمي محسن بوية ادخل ليش بحدك برة
دخلت جوة گالي بوية روح لمرتك موتتنه ما تاكل وعنادهة ازيد من عنادك .
دخلت شفت للبيت شفت انسام الواضح جايبهة واحد من اخوانهة اجة بالي ناصر سلمت ودخلت للغرفة .
عمتي يمهة وما والصينية اگبالهة من شافتني ضحكت
- عمتي : حمد رحمة لاهلك خلصني منهة عدهة فقر دم وما تقبل تاكل والله مرمرتني
عافتنة وگامت
—————————-