အခန်း (၁၁၃) စွမ်းအင်ငါးဖြာစကြဝဠာ သစ်ပင်ကို ကာကွယ် ဟွားဝူတောက်ကို စောင့်ဆိုင်း
“တမင်တကာ လုပ်တာမဟုတ်ဘူးလား” ကျန်းချူက ငိုမိလုနီးပါးဖြစ်သွား၏။
“ရယ်စရာပဲ။ မိစ္ဆာဘုရား ကျောင်းက ငါ့ရဲ့သမာသမတ်ဂိုဏ်းကို ဖျက်ဆီးဖို့ ကြိုးစားနေတာ”
ဝတ်ရုံစိမ်းဖြင့်ဓားသမားက ပြုံးပြီးပြောလိုက်တော့သည်။ “အဘိုးကြီးက တမင်တကာ လုပ်တယ်လို့တော့ ငါမထင်ဘူး”
“တကယ်လား” ကျန်းချူသည် သူရှက်ဖွယ်ကောင်းသောအခြေနေတွင် ကျရောက်နေမှန်း သဘော ပေါက်သွားသည့်အချိန် သူ၏ဝတ်ရုံကို အမြန်သေသပ်အောင်ပြင်ပြီးနောက် ခြေထောက်ကြွလိုက် တော့၏။
“အင်း” ဝတ်ရုံစိမ်းဓားသမားက ခေါင်းညိမ့်လိုက်သည်။ “ခင်ဗျား စော်ကားခံရတယ်ထင်ရင် သူ့ကိုယ်စား ကျုပ်တောင်းပန်တယ်”
ကျန်းချူ၏မျက်နှာထက်တွင် မျက်မှောင်ကျုံ့သည့် အမူအရာပေါ်လာသည်။ သူက စိတ်တိုတိုဖြင့် ပြောလိုက်၏။
“သူ့ကိုယ်စားတောင်းပန်ရအောင် မင်းတို့က ဘယ်သူတွေလဲ။ မင်းတို့ကိုယ် မင်းတို့ ဘယ်သူလို့ထင်နေတာလဲ”
ဝတ်ရုံစိမ်းဓားသမား၏နောက်ကျောရှိဓားက လှုပ်လာချိန်တွင် ကျန်းချူ၏အသံက ဖျော့သွားသည်။ ဓားက ပြန်ထွက်လာပြီးနောက် မျက်တောင်တစ်ခတ်အတွင်း ဓားအိမ်ထဲသို့ ပြန်ဝင်သွားတော့၏။
အရိပ်ကိုတောင် မြင်နိုင်မှာ မဟုတ်သော်ငြား ကျန်းချူ၏ လက်မကမူ ဒဏ်ရာပြင်းပြင်းထန်ထန်ရ သွားပြီဖြစ်သည်။ ဖြစ်ပျက်သွားတာမြန်ဆန်လွန်းသောကြောင့် သူက နာကျင်မှုကိုတောင် မခံစားရ ပေ။
“ကျုပ်ရဲ့နာမည်က ယွီရှန်းရုံ” ဝတ်ရုံစိမ်းဓားသမားက ဖော်ရွေစွာပြုံးပြီးပြောလိုက်တော့၏။
“ကြောက်နေဖို့မလိုဘူး။ အကြောင်းပြချက်မရှိဘဲ ကျုပ် ဘယ်တော့မှ မသတ်ဘူး”
“...”
“ခင်ဗျားရဲ့ ဧည့်ဝတ်ကျေပွန်မှုကို အနှောင့်အယှက်ပြုမိတဲ့အတွက် ကျူပ်တောင်းပန်ပါတယ်။ ကောင်းကောင်းသွားပါ” ယွီရှန်းရုံက လှည့်ထွက်သွား၏။ သူက မျက်တောင်တခတ်အတွင်း တောအုပ်ထဲတွင် ပျောက်ကွယ်သွားတော့သည်။
ကျန်းချူသည် လက်မကို ဖိမိသည့်အချိန်၌ နာကျင်မှုကို ခံစားလိုက်ရသည်။ တချိန်တည်းတွင် သူ၏ ခြေထောက်ကြားမှ နောက်ထပ် အရည်ပူပူတို့ စီးကျလာလေသည်။
...
လေးနာရီခန့်ကြာသွားပြီးနောက် မိစ္ဆာဝေဟင်မျှော်နန်း၏ မဟာခန်းဆောင်ထဲတွင် ဖြစ်သည်။
တင်းဖန်ချိုးက တုန်တုန်ယင်ယင်ဖြင့် ကြမ်းပြင်ပေါ်ဒူးထောက်နေပေ၏။ သူ၏ ပတ်ဝန်းကျင်ကို ဖျတ်ခနဲ ကြည့်လိုက်သည်။ ခန်းမဆောင်က အလွန်အထင်ကြီးဖွယ်မကောင်းသော်ငြား ယင်းက မိစ္ဆာဝေဟင်မျှော်နန်းအစစ်ဖြစ်သည်။ သူက ကြောက်လန့်လွန်းသောကြောင့် အသက်တောင် ကျယ်ကျယ် မရှူရဲပေ။
တွမ့်မူရှန်းနှင့် မင်ရှစ်ရင်က ဘေးတစ်ဖက်တွင် အသီးသီးရပ်နေကြ၏။
လုကျိုးက တင်းဖန်ချိုးကို ကြည့်လိုက်သည်။ ထိုလူသည် သူ့အယောင်ဆောင်ခဲ့သော်ငြား သူသည် ယွင်ဂိုဏ်းမှ ပွင့်ချပ်ငါးလွှာနတ်ဝိညာဉ်ဝဋ်ကြွေးချေနယ်ပယ် ကျင့်ကြံသူတစ်ဦးဖြစ်၏။ ဟွားဝူတောက်က သွမ့်ရှင်းမှန်းဆထားသကဲ့သို့ ဆောင်ရွက်လာခဲ့မည်ဆိုလျှင် မကြာမီ၌ ဟွားဝူတောက်သည် သူ့ရင်ထဲရှိ အထုံးကို ဖြေရှင်းရန်အတွက် ဤနေရာသို့ ရောက်လာမှာဖြစ်သည်။ ထို့ကြောင့် ယွင်ဂိုဏ်းမှလူတစ်ယောက်အနေဖြင့် တင်းဖန်ချိုးက အသုံးဝင်သေးသည်။ သူက လက်ရမ်းပြလိုက်၏။ “သူ့ကို ချုပ်ထားလိုက်”
“နားလည်ပါပြီ” တွမ့်မူရှန်းက တင်းဖန်ချိုးကို ဆွဲခေါ်ပြီးမဟာခန်းမထဲမှ ထွက်သွားတော့သည်။
“ပြီးတော့ ဟွားဝူတောက်ကို တွေ့ရင် ငါ့ကို လာတွေ့ဖို့ တစ်ခါတည်းပြောလိုက်”
“ဟုတ်ကဲ့ပါ ရှစ်စွင်း”
လုကျိုးသည် ဘေးတွင် ရပ်နေသော လရောင်ဆွတ်မျှော်နန်း၏ အမျိုးသမီးကျင့်ကြံသူကို တစ်ချက် ကြည့်လိုက်သည်။ သူက မုတ်ဆိတ်သပ်လျက် မေးလိုက်တော့၏။ “ဒီရက်တွေမှာ ယဲ့ထျန်းရှင်း ဘယ်လိုလဲ”
အမျိုးသမီးကျင့်ကြံသူက ချက်ချင်းပင် ဒူးထောက်လိုက်တော့သည်။ သူမက ကြောက်လန့်လွန်းသောကြောင့် စကားရှင်းရှင်းလင်းလင်း မပြောနိုင်ဖြစ်နေ၏။
ထိုအရာကို ဖန်ကျုံးမြင်သည့်အချိန်တွင် လက်သီးဆုပ်လျက်ပြောလိုက်တော့သည်။ “မျှော်စင်သခင် ကို ပြန်ဖြေပါတယ်။ အားနည်းနေတာကလွဲရင် သူမက အဆင်ပြေနေတဲ့ပုံပါပဲ”
လုကျိုးက ခေါင်းညိမ့်လိုက်သည်။ ပိုင်လူမျိုးများ၏ တည်ဆောက်ပုံဖြင့် ထိုဖျားနာမှုက ဘာမှ မဟုတ်ပေ။ ယွီလုံရွာ၏ အမှန်တရား မပေါ်ပေါက်ခင် သူက ယဲ့ထျန်းရှင်းကို ဘာမှလုပ်ရန် မစီစဉ်ထားပေ။ နောက်ဆုံးတွင် သူက ပြောလိုက်၏။ “ငါ ပင်ပန်းနေပြီ”
“ကောင်းကောင်းအနားယူပါ သခင်ကြီး”
လုကျိုးက လျှို့ဝှက်ခန်းထဲသို့ ဝင်သွားတော့သည်။ သူသည် ပြီးခဲ့သည့်နှစ်ရက်အတွင်း ကောင်းကင် ကျမ်းစာကို ဖတ်ရှုရန် အချိန်မရခဲ့ပေ။ ယခင်ကနှင့်ယှဉ်လျှင် သူ၏ စိတ်ပိုင်းဆိုင်ရာ အခြေအနေက အနည်းငယ်ဆိုးရွားလာ၏။
နာမည်။ ။ လုကျိုး
မျိုးနွယ်။ ။ လူသား
ကျင့်ကြံဆင့်။ ။ ဗြဟ္မာ့ပင်လယ်ချီသွေးကြောရှစ်ကြောအဆင့်
ကုသိုလ် အမှတ်။ ။ ၆၂၁၂ မှတ်
စိတ်ဝိညာဉ် သဏ္ဍာန်။ ။ ခွန်အားလေးချိုးတစ်ချိုး
ကျန်ရှိသက်တမ်း၊ ။ ၅၈၀၀ရက်
အသုံးပစ္စည်း။ ။ အသေရိုက်ချက် တစ်ကတ်၊ စင်းလုံးချောကတ် နှစ်ကတ်၊ အတိုက်အခိုက် ဒဏ်ပြင်းကာကွယ်ကတ်( အလိုအလျောက်သုံး) ခုနှစ်ကတ်၊ ချုပ်နှောင်ခြင်း လှောင်ချိုင့်ကတ် လေးကတ်၊ မှော်နတ်ခြင်္သေ့၊ ပိအန်း
လက်နက်။ ။ အမည်မဲ့၊ မာယာကျော့ကွင်း (ပိုင်ရှင် - ယဲ့ထျန်းရှင်း။ အသုံးမပြုခင် ပြန်လည်သန့်စင်ရန် လိုအပ်) အသက်ဓားသွား(ပိုင်ရှင်- ကျန့်ချိုးချီ၊ အသုံးပြုရန်အတွက် ပြန်လည်သန့်စင်ရန် လိုအပ်
ကျင့်ကြံခြင်း နည်းစနစ်။ ။ ကောင်းကင်ကျမ်း ပေလွှာသုံးမျိုး
“ခြောက်ထောင်။ ငါ့မှာ တစ်ထောင်လိုသေးတာပဲ” လုကျိုးက မျက်မှောင်ကျုံ့လိုက်သည်။ သူက စိတ်ဝိညာဉ်သဏ္ဌာန် တစ်ခုမတတ်နိုင်သေးချေ။ သူတို့က ဈေးကြီးလွန်းနေ၏။ “ငါ ဒါပြီးရင် ကုသိုလ်မှတ်တွေ ပိုရအောင် နည်းလမ်းတစ်ခု စဉ်းစားရမယ့်ပုံပဲ”
သူသည် ယွီလုံရွာ၏ အဖြစ်အပျက်ကို စစ်ဆေးတာမပြီးဆုံးသောကြောင့် သူ၏ ဆုလာဒ်ကို မရသေးတာ သဘာဝမကျပေ။
“ကံစမ်းမဲ”
“တင်း … ကံစမ်းမဲအတွက် ကုသိုလ်ရမှတ် ငါးဆယ် ကျသင့်ပါတယ်။ ပါဝင်ကံစမ်းပေးတဲ့အတွက် ကျေးဇူးတင်ပါတယ်။ ကံကောင်းမှတ် +၁”
“ငါထပ်ပြီး ကံစမ်းမဲကို ရွေးမိမယ်ဆိုရင် ငါထပ်ပြီးလွဲချော်နေသေးတယ်လို့ မျှော်လင့်ရသေးတာပဲ”
လုကျိုးက နောက်ထပ်ကံစမ်းမဲတစ်ခုကို ဆွဲရန် သူ၏ ကုသိုလ်အမှတ်ကို ဆုံးဖြတ်ချက် ပြတ်သားစွာ သုံးလိုက်၏။
“တင်း ကံစမ်းမဲနှိုက်ရန်အတွက် ကုသိုလ်အမှတ် ငါးဆယ်သုံးလိုက်ပါပြီ။ ကံကောင်းမှုရှစ် စိတ်ဝိညာဉ်သဏ္ဌာန် စွမ်းအင်ငါးဖြာစကြာဝဠာရရှိခြင်း"
“တကယ်လား”
ထိုစိတ်ဝိညာဉ်သဏ္ဌာန်က ကုသိုလ်အမှတ် ရှစ်ထောင်ကျော်တန်ပေ၏။ ထိုသို့တိုင် သူက ကုသိုလ်အမှတ်ငါးဆယ်မျှဖြင့် မည်ကဲ့သို့ ရလာသနည်း။
သို့သော် ငါသာ သိခဲ့ရင် သတ္တမမြောက် ကရားကို သွားရှာမှာပဲ ဟူသော သဘောတရားအတိုင်းပင် ယခင်ကကဲ့သို့ အခြေအနေမျိုးကို မကြုံတွေ့ခဲ့ဖူးလျှင် ယခင်ကများစွာ မသုံးစွဲရလျှင် သူက ထိုကဲ့သို့ ကံကောင်းမှာ မဟုတ်ပေ။
“သုံးမယ်” ခွန်အားလေးချိုးတစ်ချိုးစိတ်ဝိညာဉ်သဏ္ဌာန်တွင် စွမ်းအင်ငါးဖြာ စိတ်ဝိညာဉ်သဏ္ဌာန် ဖြင့် ချက်ချင်းအစားထိုးလိုက်လေ၏။ ယန်နှင့်တု ချီသွေးကြောများကို ဆက်နွယ်ပြီးနောက် သူ၏ စွမ်းအင်ငါးဖြာတို့က စွမ်းအင်ဗဟိုချက်၏ ချီပင်လယ်ဆီသို့ စွမ်းအင်များပြန်ရောက်လာသည့် အခြေအနေဖြစ်သည်။ သို့သော် လုကျိုးသည် ချီသွေးကြောများကို အချိန်အတော်ကြာပြီးကပင် ဆက်နွယ်ခဲ့ပြီးဖြစ်သည်။ ထို့ကြောင့် စကြာဝဠာစိတ်ဝိညာဉ်သဏ္ဌာန်ကို အသုံးပြုသည့်အချိန်တွင် ကနဦးချီများက သူ၏ကိုယ်ထဲသို့ ဒီရေအလားစီးဝင်လာတော့၏။ အင်မတန် သက်သောင့်သက်သာ ဖြစ်မှုကို ခံစားရသည်။
ပြီးနောက် လုကျိုးသည် သူ၏ စိတ်ဝိညာဉ်သဏ္ဌာန်အသစ်ကို အသုံးပြုရန်အတွက် အချိန်တစ်ချို့ သုံးလိုက်ရ၏။ သူ၏ကျင့်ကြံဆင့်က တိုးတက်လာပြီဟု ခံစားမိနေသည်။ သက်ပြင်းချကာ ခြေလှမ်းများကို ဆန့်လိုက်တော့၏။ “ငါ အကြောင်းပြန်လှန်ကတ်တစ်ချို့လိုတယ်”
“ပါဝင်ခြင်းအတွက် ကျေးဇူးတင်ပါတယ်။ ဟူသည်က သူ၏ ယခင်ကံစမ်းမဲနှိုက်မှ အသုံးပစ္စည်းတစ်ခုရသည်ထက် ပါဝင်ခြင်းအတွက် ကျေးဇူးတင်ပါတယ်။ ဟူသည်ကို ပိုရနေသည်က အမှန်တရားပင်ဖြစ်သည်။ သို့သော် တွက်ကြည့်လျှင် သူအမြတ်ထွက်သေးသည်ဟု ဆိုနိုင်ပေ၏။
“ကံစမ်းမဲ”
“တင်း … ကံစမ်းမဲအတွက် ကုသိုလ်ရမှတ် ငါးဆယ် ကျသင့်ပါတယ်။ ပါဝင်ကံစမ်းပေးတဲ့အတွက် ကျေးဇူးတင်ပါတယ်။ ကံကောင်းမှတ် +၁”
သူသည် ငါးကြိမ်ဆက်တိုက်နှိုက်ခဲ့ရာ ရလဒ်က တူညီနေပေ၏။
စွမ်းအင်ငါးဖြာစိတ်ဝိညာဉ်သဏ္ဌာန်ကို ရရှိပြီးနောက် လုကျိုးသည် ကျရှုံးမှုငါးခုဖြင့် မသက်ရောက် ခံရတော့ပေ။ မည်သည့်နည်းနှင့်မဆို သူ၏ ကုသိုလ်မှတ်က တိုးလာနိုင်သည်။ အသုံးမဝင်သည့် အသုံးပစ္စည်း မဟုတ်သရွေ့ သူ မည်သည့်အရာကို မဆိုလက်ခံနိုင်သည်။
လုကျိုးက ကံစမ်းမဲ မနှိုက်တော့ချေ။ ထိုအစား အသုံးပစ္စည်း၏ ကော်လံကို ဖွင့်လိုက်၏။ အသုံးပစ္စည်းကတ်ထဲတွင် အသစ်ရောက်ရနိုင်သည့်အရာရှိလား ဆိုတာကို မြင်ချင်နေသည်။
“ဒါဘာလဲ” စာရင်း၏အောက်နားတွင် လုကျိုးက အသုံးပစ္စည်းကတ်တစ်ခုကို မြင်ရန် မျှော်လင့်ထားသည့်နေရာတွင် ခရမ်းရောင်သေတ္တာတစ်လုံးကို သတိပြုမိလိုက်သည်။
ထိုနေရာတွင် ဆန်းကြယ်သေတ္တာဟူသော မှတ်စုတစ်ခုရှိနေလေ၏။
ဆန်းကြယ်သေတ္တာလား။
“တန်ကြေးကုသိုလ်အမှတ်နှစ်ထောင်။ တစ်ရက်တာအတွက်သာ အသုံးပြုနိုင်သည်”
“အချိန်အကန့်အသတ်နဲ့လား” လုကျိုးက မျက်မှောင်ကျုံ့လိုက်၏။ ယင်းက မြေကမ္ဘာပေါ်ရှိ ဂိမ်းများအကြောင်း သူ့ကို သတိရသွားစေသည်။ ယင်းက ကျင့်ဝတ်မရှိသော ကုန်သည်များ၏ ဗျူဟာပင်ဖြစ်သည်။ သို့သော် စနစ်က ထိုကဲ့သို့ အဓိပ္ပာယ်မဲ့ခြင်းရှိသည်လော။
လုကျိုးစိတ်ထဲ ဆန်းကြယ်သော သေတ္တာထဲတွင် တန်ဖိုးကြီးသည့် တစ်စုံတစ်ခုရှိရမည်ဟု ပြောနေသည်။
“ဝယ်မယ်”
အလင်းတန်းက ဖျတ်ခနဲပေါ်လာပြီးနောက် လျှို့ဝှက်အခန်းထဲ၏ အလယ်တွင် သေတ္တာတစ်လုံးပေါ် လာတော့၏။ သေတ္တာ၏အလယ်က စနစ်မျက်နှာပြင်ပေါ်တွင် ပြသထားသော ပုံနှင့် တစ်ထပ်တည်း တူပေ၏။
အချိန်အတော်ကြာအောင်လေ့လာပြီးနောက် သေတ္တာကို ဖွင့်ရန် နည်းလမ်းမရှိကြောင်း လုကျိုး သဘောပေါက်သွားသည်။ အပြည့်အဝချိတ်ပိတ်ထားတာပဲဖြစ်သည်။
ဘန်း
လုကျိုးက သူ၏လက်ကို သာမန်ကာလျှံကာဆွဲရမ်းလိုက်၏။ စွမ်းအင်လှိုင်းက သေတ္တာကို ထိသွားပြီး ဘာမှဖြစ်မလာခဲ့ပေ။
ဘန်း ဘန်း ဘန်း
လုကျိုးသည် သူ၏လက်ကို ဆက်လက်ဝှေ့ယမ်းနေပြီးနောက် ဆန်းကြယ်သေတ္တာကို ဆက်တိုက် တိုက်ခိုက်နေသည်။
လျှို့ဝှက်အခန်းအပြင်ဖက်တွင် ရှောင်ယွမ်အာနှင့် မင်ရှစ်ရင်က လျှို့ဝှက်ခန်းထဲမှ အသံများကို ကြားနေရသည်။
“မသွားနဲ့။ ရှစ်စွင်းက ယွီလုံရွာက အဖြစ်အပျက်ကို စိတ်မကျေနပ်သေးဘူး။ သူအခု ဒေါသထွက် နေတာ” မင်ရှစ်ရင်သည် လျှို့ဝှက်အခန်းထဲဝင်တော့မည့် ရှောင်ယွမ်အာကို အမြန်တားလိုက်လေ၏။
“ဪ”
“ရှစ်မေ့ မင်းအားလား”
“ဘာကြောင့်လဲ"
“ငါနဲ့လက်ရည်ချင်းယှဉ်။ ငါ့ရဲ့ ခွဲခွာချိတ်ကောက်နဲ့ ဓားအိမ်ကို ကြည့်ဦး။ ရှစ်စွင်းပေးထားတာလေ။ အား ရှစ်မေ့ ဘာကြောင့်ငိုနေတာလဲ” မင်ရှစ်ရင်က လက်မြှောက်ပြီးနောက် လေထဲတွင် ခွဲခွာချိတ်ကောက်နှင့် ဓားအိမ်ကို ပစ်တင်လိုက်ပြီး သူ့လက်ထဲ ဖြည်းဖြည်းချင်းကျလာတော့၏။
မင်ရှစ်ရင်က မေးမြန်းတာမပြီးသေးခင် တွမ့်မူရှန်းအသံက ခန်းဆောင်အပြင်ဖက်ကနေ ထွက်ပေါ် လာသည်။
“လောင်စစ် ငါသတင်းကောင်းကြားထားတယ်။ ရှစ်စွင်းက မင်းကို လက်နက်ကောင်းတစ်ခု ပေးထားတယ်မလား။ အခု လာ လာ ဒီကိုလာ ငါစောင့်နိုင်တယ်။ ငါ စောင့်နေတာလေ။ မင်းမှာ လက်နက်ကောင်းရှိနေပြီဆိုတော့ အရင်ကထက်ပိုကြာကြာခံမယ်ဆိုတာ သေချာတယ်။ မြန်မြန်” တွမ့်မူရှန်းက သူ၏ဘယ်လက်တွင် နယ်ရှင်လှံကို ကိုင်ထားလျက် သူက မင်ရှစ်ရင်ကို ညာလက်ဖြင့် ခန်းမထဲကနေ ဆွဲထုတ်သွားတော့၏။
မင်ရှစ်ရင်က ဆွံ့အသွားလေသည်။
ရှောင်ယွမ်အာက နှာခေါင်းရှုံ့လိုက်၏။ “ညီမကို ရွေးတာအတွက် ခံသင့်တယ်”
...
Zawgyi
အခန္း (၁၁၃) စြမ္းအင္ငါးျဖာစၾကဝဠာ သစ္ပင္ကို ကာကြယ္ ဟြားဝူေတာက္ကို ေစာင့္ဆိုင္း
တမင္တကာ လုပ္တာမဟုတ္ဘူးလား က်န္းခ်ဴက ငိုမိလုနီးပါးျဖစ္သြား၏။
ရယ္စရာပဲ။ မိစ္ဆာဘုရား ေက်ာင္းက ငါ့ရဲ႕သမာသမတ္ဂိုဏ္းကို ဖ်က္ဆီးဖို႔ ႀကိဳးစားေနတာ
ဝတ္႐ုံစိမ္းျဖင့္ဓားသမားက ၿပဳံးၿပီးေျပာလိုက္ေတာ့သည္။ အဘိုးႀကီးက တမင္တကာ လုပ္တယ္လို႔ေတာ့ ငါမထင္ဘူး
တကယ္လား က်န္းခ်ဴသည္ သူရွက္ဖြယ္ေကာင္းေသာအေျခေနတြင္ က်ေရာက္ေနမွန္း သေဘာ ေပါက္သြားသည့္အခ်ိန္ သူ၏ဝတ္႐ုံကို အျမန္ေသသပ္ေအာင္ျပင္ၿပီးေနာက္ ေျခေထာက္ႂကြလိုက္ ေတာ့၏။
အင္း ဝတ္႐ုံစိမ္းဓားသမားက ေခါင္းညိမ့္လိုက္သည္။ ခင္ဗ်ား ေစာ္ကားခံရတယ္ထင္ရင္ သူ႕ကိုယ္စား က်ဳပ္ေတာင္းပန္တယ္
က်န္းခ်ဴ၏မ်က္ႏွာထက္တြင္ မ်က္ေမွာင္က်ဳံ႕သည့္ အမူအရာေပၚလာသည္။ သူက စိတ္တိုတိုျဖင့္ ေျပာလိုက္၏။
သူ႕ကိုယ္စားေတာင္းပန္ရေအာင္ မင္းတို႔က ဘယ္သူေတြလဲ။ မင္းတို႔ကိုယ္ မင္းတို႔ ဘယ္သူလို႔ထင္ေနတာလဲ
ဝတ္႐ုံစိမ္းဓားသမား၏ေနာက္ေက်ာရွိဓားက လႈပ္လာခ်ိန္တြင္ က်န္းခ်ဴ၏အသံက ေဖ်ာ့သြားသည္။ ဓားက ျပန္ထြက္လာၿပီးေနာက္ မ်က္ေတာင္တစ္ခတ္အတြင္း ဓားအိမ္ထဲသို႔ ျပန္ဝင္သြားေတာ့၏။
အရိပ္ကိုေတာင္ ျမင္နိုင္မွာ မဟုတ္ေသာ္ျငား က်န္းခ်ဴ၏ လက္မကမူ ဒဏ္ရာျပင္းျပင္းထန္ထန္ရ သြားၿပီျဖစ္သည္။ ျဖစ္ပ်က္သြားတာျမန္ဆန္လြန္းေသာေၾကာင့္ သူက နာက်င္မႈကိုေတာင္ မခံစားရ ေပ။
က်ဳပ္ရဲ႕နာမည္က ယြီရွန္း႐ုံ ဝတ္႐ုံစိမ္းဓားသမားက ေဖာ္ေ႐ြစြာၿပဳံးၿပီးေျပာလိုက္ေတာ့၏။
ေၾကာက္ေနဖို႔မလိုဘူး။ အေၾကာင္းျပခ်က္မရွိဘဲ က်ဳပ္ ဘယ္ေတာ့မွ မသတ္ဘူး
...
ခင္ဗ်ားရဲ႕ ဧည့္ဝတ္ေက်ပြန္မႈကို အႏွောင့္အယွက္ျပဳမိတဲ့အတြက္ က်ဴပ္ေတာင္းပန္ပါတယ္။ ေကာင္းေကာင္းသြားပါ ယြီရွန္း႐ုံက လွည့္ထြက္သြား၏။ သူက မ်က္ေတာင္တခတ္အတြင္း ေတာအုပ္ထဲတြင္ ေပ်ာက္ကြယ္သြားေတာ့သည္။
က်န္းခ်ဴသည္ လက္မကို ဖိမိသည့္အခ်ိန္၌ နာက်င္မႈကို ခံစားလိုက္ရသည္။ တခ်ိန္တည္းတြင္ သူ၏ ေျခေထာက္ၾကားမွ ေနာက္ထပ္ အရည္ပူပူတို႔ စီးက်လာေလသည္။
...
ေလးနာရီခန႔္ၾကာသြားၿပီးေနာက္ မိစ္ဆာေဝဟင္ေမွ်ာ္နန္း၏ မဟာခန္းေဆာင္ထဲတြင္ ျဖစ္သည္။
တင္းဖန္ခ်ိဳးက တုန္တုန္ယင္ယင္ျဖင့္ ၾကမ္းျပင္ေပၚဒူးေထာက္ေနေပ၏။ သူ၏ ပတ္ဝန္းက်င္ကို ဖ်တ္ခနဲ ၾကည့္လိုက္သည္။ ခန္းမေဆာင္က အလြန္အထင္ႀကီးဖြယ္မေကာင္းေသာ္ျငား ယင္းက မိစ္ဆာေဝဟင္ေမွ်ာ္နန္းအစစ္ျဖစ္သည္။ သူက ေၾကာက္လန႔္လြန္းေသာေၾကာင့္ အသက္ေတာင္ က်ယ္က်ယ္ မရႉရဲေပ။
တြမ့္မူရွန္းႏွင့္ မင္ရွစ္ရင္က ေဘးတစ္ဖက္တြင္ အသီးသီးရပ္ေနၾက၏။
လုက်ိဳးက တင္းဖန္ခ်ိဳးကို ၾကည့္လိုက္သည္။ ထိုလူသည္ သူ႕အေယာင္ေဆာင္ခဲ့ေသာ္ျငား သူသည္ ယြင္ဂိုဏ္းမွ ပြင့္ခ်ပ္ငါးလႊာနတ္ဝိညာဥ္ဝဋ္ေႂကြးေခ်နယ္ပယ္ က်င့္ႀကံသူတစ္ဦးျဖစ္၏။ ဟြားဝူေတာက္က သြမ့္ရွင္းမွန္းဆထားသကဲ့သို႔ ေဆာင္႐ြက္လာခဲ့မည္ဆိုလွ်င္ မၾကာမီ၌ ဟြားဝူေတာက္သည္ သူ႕ရင္ထဲရွိ အထုံးကို ေျဖရွင္းရန္အတြက္ ဤေနရာသို႔ ေရာက္လာမွာျဖစ္သည္။ ထို႔ေၾကာင့္ ယြင္ဂိုဏ္းမွလူတစ္ေယာက္အေနျဖင့္ တင္းဖန္ခ်ိဳးက အသုံးဝင္ေသးသည္။ သူက လက္ရမ္းျပလိုက္၏။ သူ႕ကို ခ်ဳပ္ထားလိုက္
နားလည္ပါၿပီ တြမ့္မူရွန္းက တင္းဖန္ခ်ိဳးကို ဆြဲေခၚၿပီးမဟာခန္းမထဲမွ ထြက္သြားေတာ့သည္။
ၿပီးေတာ့ ဟြားဝူေတာက္ကို ေတြ႕ရင္ ငါ့ကို လာေတြ႕ဖို႔ တစ္ခါတည္းေျပာလိုက္
ဟုတ္ကဲ့ပါ ရွစ္စြင္း
လုက်ိဳးသည္ ေဘးတြင္ ရပ္ေနေသာ လေရာင္ဆြတ္ေမွ်ာ္နန္း၏ အမ်ိဳးသမီးက်င့္ႀကံသူကို တစ္ခ်က္ ၾကည့္လိုက္သည္။ သူက မုတ္ဆိတ္သပ္လ်က္ ေမးလိုက္ေတာ့၏။ ဒီရက္ေတြမွာ ယဲ့ထ်န္းရွင္း ဘယ္လိုလဲ
အမ်ိဳးသမီးက်င့္ႀကံသူက ခ်က္ခ်င္းပင္ ဒူးေထာက္လိုက္ေတာ့သည္။ သူမက ေၾကာက္လန႔္လြန္းေသာေၾကာင့္ စကားရွင္းရွင္းလင္းလင္း မေျပာနိုင္ျဖစ္ေန၏။
ထိုအရာကို ဖန္က်ဳံးျမင္သည့္အခ်ိန္တြင္ လက္သီးဆုပ္လ်က္ေျပာလိုက္ေတာ့သည္။ ေမွ်ာ္စင္သခင္ ကို ျပန္ေျဖပါတယ္။ အားနည္းေနတာကလြဲရင္ သူမက အဆင္ေျပေနတဲ့ပုံပါပဲ
လုက်ိဳးက ေခါင္းညိမ့္လိုက္သည္။ ပိုင္လူမ်ိဳးမ်ား၏ တည္ေဆာက္ပုံျဖင့္ ထိုဖ်ားနာမႈက ဘာမွ မဟုတ္ေပ။ ယြီလုံ႐ြာ၏ အမွန္တရား မေပၚေပါက္ခင္ သူက ယဲ့ထ်န္းရွင္းကို ဘာမွလုပ္ရန္ မစီစဥ္ထားေပ။ ေနာက္ဆုံးတြင္ သူက ေျပာလိုက္၏။ ငါ ပင္ပန္းေနၿပီ
ေကာင္းေကာင္းအနားယူပါ သခင္ႀကီး
လုက်ိဳးက လွ်ို႔ဝွက္ခန္းထဲသို႔ ဝင္သြားေတာ့သည္။ သူသည္ ၿပီးခဲ့သည့္ႏွစ္ရက္အတြင္း ေကာင္းကင္ က်မ္းစာကို ဖတ္ရႈရန္ အခ်ိန္မရခဲ့ေပ။ ယခင္ကႏွင့္ယွဥ္လွ်င္ သူ၏ စိတ္ပိုင္းဆိုင္ရာ အေျခအေနက အနည္းငယ္ဆိုး႐ြားလာ၏။
နာမည္။ ။ လုက်ိဳး
မ်ိဳးႏြယ္။ ။ လူသား
က်င့္ႀကံဆင့္။ ။ ျဗဟၼာ့ပင္လယ္ခ်ီေသြးေၾကာရွစ္ေၾကာအဆင့္
ကုသိုလ္ အမွတ္။ ။ ၆၂၁၂ မွတ္
စိတ္ဝိညာဥ္ သ႑ာန္။ ။ ခြန္အားေလးခ်ိဳးတစ္ခ်ိဳး
က်န္ရွိသက္တမ္း၊ ။ ၅၈၀၀ရက္
အသုံးပစၥည္း။ ။ အေသရိုက္ခ်က္ တစ္ကတ္၊ စင္းလုံးေခ်ာကတ္ ႏွစ္ကတ္၊ အတိုက္အခိုက္ ဒဏ္ျပင္းကာကြယ္ကတ္( အလိုအေလ်ာက္သုံး) ခုႏွစ္ကတ္၊ ခ်ဳပ္ႏွောင္ျခင္း ေလွာင္ခ်ိဳင့္ကတ္ ေလးကတ္၊ ေမွာ္နတ္ျခေသၤ့၊ ပိအန္း
လက္နက္။ ။ အမည္မဲ့၊ မာယာေက်ာ့ကြင္း (ပိုင္ရွင္ - ယဲ့ထ်န္းရွင္း။ အသုံးမျပဳခင္ ျပန္လည္သန႔္စင္ရန္ လိုအပ္) အသက္ဓားသြား(ပိုင္ရွင္- က်န႔္ခ်ိဳးခ်ီ၊ အသုံးျပဳရန္အတြက္ ျပန္လည္သန႔္စင္ရန္ လိုအပ္
က်င့္ႀကံျခင္း နည္းစနစ္။ ။ ေကာင္းကင္က်မ္း ေပလႊာသုံးမ်ိဳး
ေျခာက္ေထာင္။ ငါ့မွာ တစ္ေထာင္လိုေသးတာပဲ လုက်ိဳးက မ်က္ေမွာင္က်ဳံ႕လိုက္သည္။ သူက စိတ္ဝိညာဥ္သဏၭာန္ တစ္ခုမတတ္နိုင္ေသးေခ်။ သူတို႔က ေဈးႀကီးလြန္းေန၏။ ငါ ဒါၿပီးရင္ ကုသိုလ္မွတ္ေတြ ပိုရေအာင္ နည္းလမ္းတစ္ခု စဥ္းစားရမယ့္ပုံပဲ
သူသည္ ယြီလုံ႐ြာ၏ အျဖစ္အပ်က္ကို စစ္ေဆးတာမၿပီးဆုံးေသာေၾကာင့္ သူ၏ ဆုလာဒ္ကို မရေသးတာ သဘာဝမက်ေပ။
ကံစမ္းမဲ
တင္း ကံစမ္းမဲအတြက္ ကုသိုလ္ရမွတ္ ငါးဆယ္ က်သင့္ပါတယ္။ ပါဝင္ကံစမ္းေပးတဲ့အတြက္ ေက်းဇူးတင္ပါတယ္။ ကံေကာင္းမွတ္ +၁
ငါထပ္ၿပီး ကံစမ္းမဲကို ေ႐ြးမိမယ္ဆိုရင္ ငါထပ္ၿပီးလြဲေခ်ာ္ေနေသးတယ္လို႔ ေမွ်ာ္လင့္ရေသးတာပဲ
လုက်ိဳးက ေနာက္ထပ္ကံစမ္းမဲတစ္ခုကို ဆြဲရန္ သူ၏ ကုသိုလ္အမွတ္ကို ဆုံးျဖတ္ခ်က္ ျပတ္သားစြာ သုံးလိုက္၏။
တင္း ကံစမ္းမဲႏွိုက္ရန္အတြက္ ကုသိုလ္အမွတ္ ငါးဆယ္သုံးလိုက္ပါၿပီ။ ကံေကာင္းမႈရွစ္ စိတ္ဝိညာဥ္သဏၭာန္ စြမ္းအင္ငါးျဖာစၾကာဝဠာရရွိျခင္း"
တကယ္လား
ထိုစိတ္ဝိညာဥ္သဏၭာန္က ကုသိုလ္အမွတ္ ရွစ္ေထာင္ေက်ာ္တန္ေပ၏။ ထိုသို႔တိုင္ သူက ကုသိုလ္အမွတ္ငါးဆယ္မွ်ျဖင့္ မည္ကဲ့သို႔ ရလာသနည္း။
သို႔ေသာ္ ငါသာ သိခဲ့ရင္ သတၱမေျမာက္ ကရားကို သြားရွာမွာပဲ ဟူေသာ သေဘာတရားအတိုင္းပင္ ယခင္ကကဲ့သို႔ အေျခအေနမ်ိဳးကို မႀကဳံေတြ႕ခဲ့ဖူးလွ်င္ ယခင္ကမ်ားစြာ မသုံးစြဲရလွ်င္ သူက ထိုကဲ့သို႔ ကံေကာင္းမွာ မဟုတ္ေပ။
သုံးမယ္ ခြန္အားေလးခ်ိဳးတစ္ခ်ိဳးစိတ္ဝိညာဥ္သဏၭာန္တြင္ စြမ္းအင္ငါးျဖာ စိတ္ဝိညာဥ္သဏၭာန္ ျဖင့္ ခ်က္ခ်င္းအစားထိုးလိုက္ေလ၏။ ယန္ႏွင့္တု ခ်ီေသြးေၾကာမ်ားကို ဆက္ႏြယ္ၿပီးေနာက္ သူ၏ စြမ္းအင္ငါးျဖာတို႔က စြမ္းအင္ဗဟိုခ်က္၏ ခ်ီပင္လယ္ဆီသို႔ စြမ္းအင္မ်ားျပန္ေရာက္လာသည့္ အေျခအေနျဖစ္သည္။ သို႔ေသာ္ လုက်ိဳးသည္ ခ်ီေသြးေၾကာမ်ားကို အခ်ိန္အေတာ္ၾကာၿပီးကပင္ ဆက္ႏြယ္ခဲ့ၿပီးျဖစ္သည္။ ထို႔ေၾကာင့္ စၾကာဝဠာစိတ္ဝိညာဥ္သဏၭာန္ကို အသုံးျပဳသည့္အခ်ိန္တြင္ ကနဦးခ်ီမ်ားက သူ၏ကိုယ္ထဲသို႔ ဒီေရအလားစီးဝင္လာေတာ့၏။ အင္မတန္ သက္ေသာင့္သက္သာ ျဖစ္မႈကို ခံစားရသည္။
ၿပီးေနာက္ လုက်ိဳးသည္ သူ၏ စိတ္ဝိညာဥ္သဏၭာန္အသစ္ကို အသုံးျပဳရန္အတြက္ အခ်ိန္တစ္ခ်ိဳ႕ သုံးလိုက္ရ၏။ သူ၏က်င့္ႀကံဆင့္က တိုးတက္လာၿပီဟု ခံစားမိေနသည္။ သက္ျပင္းခ်ကာ ေျခလွမ္းမ်ားကို ဆန႔္လိုက္ေတာ့၏။ ငါ အေၾကာင္းျပန္လွန္ကတ္တစ္ခ်ိဳ႕လိုတယ္
ပါဝင္ျခင္းအတြက္ ေက်းဇူးတင္ပါတယ္။ ဟူသည္က သူ၏ ယခင္ကံစမ္းမဲႏွိုက္မွ အသုံးပစၥည္းတစ္ခုရသည္ထက္ ပါဝင္ျခင္းအတြက္ ေက်းဇူးတင္ပါတယ္။ ဟူသည္ကို ပိုရေနသည္က အမွန္တရားပင္ျဖစ္သည္။ သို႔ေသာ္ တြက္ၾကည့္လွ်င္ သူအျမတ္ထြက္ေသးသည္ဟု ဆိုနိုင္ေပ၏။
ကံစမ္းမဲ
တင္း ကံစမ္းမဲအတြက္ ကုသိုလ္ရမွတ္ ငါးဆယ္ က်သင့္ပါတယ္။ ပါဝင္ကံစမ္းေပးတဲ့အတြက္ ေက်းဇူးတင္ပါတယ္။ ကံေကာင္းမွတ္ +၁
သူသည္ ငါးႀကိမ္ဆက္တိုက္ႏွိုက္ခဲ့ရာ ရလဒ္က တူညီေနေပ၏။
စြမ္းအင္ငါးျဖာစိတ္ဝိညာဥ္သဏၭာန္ကို ရရွိၿပီးေနာက္ လုက်ိဳးသည္ က်ရႈံးမႈငါးခုျဖင့္ မသက္ေရာက္ ခံရေတာ့ေပ။ မည္သည့္နည္းႏွင့္မဆို သူ၏ ကုသိုလ္မွတ္က တိုးလာနိုင္သည္။ အသုံးမဝင္သည့္ အသုံးပစၥည္း မဟုတ္သေ႐ြ႕ သူ မည္သည့္အရာကို မဆိုလက္ခံနိုင္သည္။
လုက်ိဳးက ကံစမ္းမဲ မႏွိုက္ေတာ့ေခ်။ ထိုအစား အသုံးပစၥည္း၏ ေကာ္လံကို ဖြင့္လိုက္၏။ အသုံးပစၥည္းကတ္ထဲတြင္ အသစ္ေရာက္ရနိုင္သည့္အရာရွိလား ဆိုတာကို ျမင္ခ်င္ေနသည္။
ဒါဘာလဲ စာရင္း၏ေအာက္နားတြင္ လုက်ိဳးက အသုံးပစၥည္းကတ္တစ္ခုကို ျမင္ရန္ ေမွ်ာ္လင့္ထားသည့္ေနရာတြင္ ခရမ္းေရာင္ေသတၱာတစ္လုံးကို သတိျပဳမိလိုက္သည္။
ထိုေနရာတြင္ ဆန္းၾကယ္ေသတၱာဟူေသာ မွတ္စုတစ္ခုရွိေနေလ၏။
ဆန္းၾကယ္ေသတၱာလား။
တန္ေၾကးကုသိုလ္အမွတ္ႏွစ္ေထာင္။ တစ္ရက္တာအတြက္သာ အသုံးျပဳနိုင္သည္
အခ်ိန္အကန႔္အသတ္နဲ႕လား လုက်ိဳးက မ်က္ေမွာင္က်ဳံ႕လိုက္၏။ ယင္းက ေျမကမၻာေပၚရွိ ဂိမ္းမ်ားအေၾကာင္း သူ႕ကို သတိရသြားေစသည္။ ယင္းက က်င့္ဝတ္မရွိေသာ ကုန္သည္မ်ား၏ ဗ်ဴဟာပင္ျဖစ္သည္။ သို႔ေသာ္ စနစ္က ထိုကဲ့သို႔ အဓိပၸာယ္မဲ့ျခင္းရွိသည္ေလာ။
လုက်ိဳးစိတ္ထဲ ဆန္းၾကယ္ေသာ ေသတၱာထဲတြင္ တန္ဖိုးႀကီးသည့္ တစ္စုံတစ္ခုရွိရမည္ဟု ေျပာေနသည္။
ဝယ္မယ္
အလင္းတန္းက ဖ်တ္ခနဲေပၚလာၿပီးေနာက္ လွ်ို႔ဝွက္အခန္းထဲ၏ အလယ္တြင္ ေသတၱာတစ္လုံးေပၚ လာေတာ့၏။ ေသတၱာ၏အလယ္က စနစ္မ်က္ႏွာျပင္ေပၚတြင္ ျပသထားေသာ ပုံႏွင့္ တစ္ထပ္တည္း တူေပ၏။
အခ်ိန္အေတာ္ၾကာေအာင္ေလ့လာၿပီးေနာက္ ေသတၱာကို ဖြင့္ရန္ နည္းလမ္းမရွိေၾကာင္း လုက်ိဳး သေဘာေပါက္သြားသည္။ အျပည့္အဝခ်ိတ္ပိတ္ထားတာပဲျဖစ္သည္။
ဘန္း
လုက်ိဳးက သူ၏လက္ကို သာမန္ကာလွ်ံကာဆြဲရမ္းလိုက္၏။ စြမ္းအင္လွိုင္းက ေသတၱာကို ထိသြားၿပီး ဘာမွျဖစ္မလာခဲ့ေပ။
ဘန္း ဘန္း ဘန္း
လုက်ိဳးသည္ သူ၏လက္ကို ဆက္လက္ေဝွ႕ယမ္းေနၿပီးေနာက္ ဆန္းၾကယ္ေသတၱာကို ဆက္တိုက္ တိုက္ခိုက္ေနသည္။
လွ်ို႔ဝွက္အခန္းအျပင္ဖက္တြင္ ေရွာင္ယြမ္အာႏွင့္ မင္ရွစ္ရင္က လွ်ို႔ဝွက္ခန္းထဲမွ အသံမ်ားကို ၾကားေနရသည္။
မသြားနဲ႕။ ရွစ္စြင္းက ယြီလုံ႐ြာက အျဖစ္အပ်က္ကို စိတ္မေက်နပ္ေသးဘူး။ သူအခု ေဒါသထြက္ ေနတာ မင္ရွစ္ရင္သည္ လွ်ို႔ဝွက္အခန္းထဲဝင္ေတာ့မည့္ ေရွာင္ယြမ္အာကို အျမန္တားလိုက္ေလ၏။
ဪ
ရွစ္ေမ့ မင္းအားလား
ဘာေၾကာင့္လဲ"
ငါနဲ႕လက္ရည္ခ်င္းယွဥ္။ ငါ့ရဲ႕ ခြဲခြာခ်ိတ္ေကာက္နဲ႕ ဓားအိမ္ကို ၾကည့္ဦး။ ရွစ္စြင္းေပးထားတာေလ။ အား ရွစ္ေမ့ ဘာေၾကာင့္ငိုေနတာလဲ မင္ရွစ္ရင္က လက္ျမႇောက္ၿပီးေနာက္ ေလထဲတြင္ ခြဲခြာခ်ိတ္ေကာက္ႏွင့္ ဓားအိမ္ကို ပစ္တင္လိုက္ၿပီး သူ႕လက္ထဲ ျဖည္းျဖည္းခ်င္းက်လာေတာ့၏။
မင္ရွစ္ရင္က ေမးျမန္းတာမၿပီးေသးခင္ တြမ့္မူရွန္းအသံက ခန္းေဆာင္အျပင္ဖက္ကေန ထြက္ေပၚ လာသည္။
ေလာင္စစ္ ငါသတင္းေကာင္းၾကားထားတယ္။ ရွစ္စြင္းက မင္းကို လက္နက္ေကာင္းတစ္ခု ေပးထားတယ္မလား။ အခု လာ လာ ဒီကိုလာ ငါေစာင့္နိုင္တယ္။ ငါ ေစာင့္ေနတာေလ။ မင္းမွာ လက္နက္ေကာင္းရွိေနၿပီဆိုေတာ့ အရင္ကထက္ပိုၾကာၾကာခံမယ္ဆိုတာ ေသခ်ာတယ္။ ျမန္ျမန္ တြမ့္မူရွန္းက သူ၏ဘယ္လက္တြင္ နယ္ရွင္လွံကို ကိုင္ထားလ်က္ သူက မင္ရွစ္ရင္ကို ညာလက္ျဖင့္ ခန္းမထဲကေန ဆြဲထုတ္သြားေတာ့၏။
မင္ရွစ္ရင္က ဆြံ႕အသြားေလသည္။
ေရွာင္ယြမ္အာက ႏွာေခါင္းရႈံ႕လိုက္၏။ ညီမကို ေ႐ြးတာအတြက္ ခံသင့္တယ္
...