قلب اعينه بيأس من ولده يردف بهدوء:
-راحت فرح؟!
رفع نيروز اعينه لبرهه من الوقت يحاول استيعاب ما قاله ليرفع حاجبه الأيسر يغمغم ساخرًا:
- في إيه.. هو من أمتي الأفراح بقت الساعه 9 الصبح إيه الافراح المودرن ديه و أنت مروحتش ليه معاها
إرجع مراد ظهره للخلف بوضعيه أكثر راحه يغمغم بسخريه:
-ده خطوبه بنت خالتك يا عم الرايق.. سارين و المفروض كنت تروح و تخلي عندك دم.. عشان لا أنت شوفت العريس و لا تعرفه حتي..
لوي نيروز فمه بنفاذ صبر يغمغم ساخرًا:
-يا عم كبر دماغك قال أروح قال.. و بعدين روحت أو مروحتش الفرح في الحالتين هيتعمل... و أنا أصلا مش بحب خالتي و أمي عارفه... كل ما تشوفني
ليقبض تعابير وجهه يبدأ في تقليد خالته يغمغم بصوت ساخرًا:
-إلا صحيح يا نيروز مش هتتجوز بقي... إلا صحيح يا نيروز فهد كله ده مش متجوز... ده أنا و جوزي في سنكم كان معايا ولدين..
بينما مراد يتابع حركات ولده و هو يحاول كبت ضحكاته ليجد نيروز يجذب قهوته يتحدث بسخريه:
- اللي قاهر قلبها بسبب أن فارس أبو جنه ﷲ يرحمه مرضاش يتجوزها و هي عارفه ده و لما معرفتش تاخده حاطه عيونها علي
جنه لابنها بس علي مين... عليا النعمه لو فهد عرف ليقتلها هي و ابنها و الا سارين بنت *** توقف نجم في النادي و تقوله أنها بتحبه تتخيل منظري لما نجم بيقولي قول لبنت خالتك تحترم سنها عشان أنا ماليش في الشمال و أنها قد يم عيب اللي بتعمله ده
ليفتح اعينه بذهول يردف بعدم تصديق:
- بنت ***** راحه لولد قد عمرها و أكبر منه ب 13 سنه و تقوله بحبك و البجحه اعترفت أنها قالت و يتبجح بتقولي أيوا بحبه الحب ميعرفش سن فاكره نفسها سعاد حسني في فيلم صغيره علي الحب بنت *****
و قال إيه سعاد هانم تزعل عشان رفعت أيدي علي بنتها و بتقولي أنا لسه عايشه ما موتش عشان تضربها ما هو لو في رجل عندهم كانت اتربت بنت **** حارقه دمي
ضحك مراد يغمغم بيأس:
- يا أبني اتقي ﷲ ديه بنت خالتك برضو و كفايه شتيمه فيها
رد عليه نيروز بغضب يغمغم بحده:
- بقولك إيه يا مراد بلا بنت خالتي بلا بنت بتاع أنا ماليش علاقه مع الست ديه هي و عيالها بس يمين بالله لو عملت حركه مش علي مزاجي لجيب بنتها مش شعرها مش هستني لما نتفضح بسبب تربيه الكلاس تبع اخت مراتك و دنيا زعلانه أوي عشان مش بتعامل معاها.. مش فاهم السبب مش ديه اللي لما اتجوزت أمي قطعت علاقتها معاها عشان أنت بالنسبه ليهم ماكنتش قد مستوي العيله العظيمه بتاعت دنيا القاسمي رغم إنك مكنتش فقير... و لما جوزها وقع في ازمه ماديه احتاجت ليك و لا أنا غلطان... و بعدين تخاف علي واحده محترمه مش علي واحده خلت بنتها اتجوزت مرتين و اطلقت مره لأنها لا تطاق و الثانيه اترملت و برضو مافيش فايده لا راحه تجوز بنتها للمره الثالثه تحت شعار أنها لسه صغيره طب تخليها تحترم سنها الثلاثين و تجوزها علي طول مش بنت خامسه و عشرين سنه هي بس يلا خليها تتجوز احسن ما نتفضح ده أنا لحد دلوقتي محرج من نجم و كفاية لما مرضاش يقول لحد من اخواته ساعتها الواد ده كبر في نظري... و لا حتي قال لابوه علي اللي حصل...
أنت تقرأ
جُ1 بحر النسيان جُ2 قَيصر قَصرها
Romanceالماضي هل يُمحى؟! سؤال يعرف إجابته الجميع فـليته كان يُمحى لما وصلنا إلى ما نحن عليه الآن كُلًا منا يريد العودة بالزمن ليصلح أخطاء فعلها و ندم عليها و نتمنى مع كل لحظة فرصة محوها من صفحات حياتنا و لكن حتى إن أتت تلك الفرصة يبقى للماضي أثر على صف...
«الجزء الثاني / الفصل الثاني عشر»
ابدأ من البداية
