"အစ်ကိုယွီ ပါမလား?"
"ပါမှာ. ."
ကိုယ်တိုင်ပုန်းရှောင်လို့မရမှတော့လည်း တစ်ယောက်ကိုပါ သူနှင့်အတူအပါခေါ်ကိုခေါ်ရမည်လေ ၊ ဟယ့်ကျောင်းသည် ရှဲ့ယွီအစားဖြေလိုက်ပါသည်။
"သူပါမှာ။"
ကစားသူက စုစုပေါင်း(၄)ယောက်။
အခြားသူများကတော့ ဘေးတွင်ရပ်ကာကြည့်လို့နေကြသည်။
ယောက်ျားတစ်ပိုင်း မိန်းမကြမ်းဖြစ်တဲ့ ရွှီချင်ချင်ကတော့ ပေါင်ကိုတစ်ချက်ရိုက်လိုက်ပြီး 'မေးခွန်းမေးတဲ့သူ' လုပ်မည်ဟုဆိုလာခဲ့သည်။
"ငါမေးမယ်!"
သူမက ပြောပြီးနောက် ခဲတံကိုကောက်ကိုင်လိုက်သည်။
ဝမ့်သာသည် ရွှီချင်ချင်၏လက်အပေါ်၌ သူ့လက်ကိုထပ်လိုက်ပြီး ငြင်းဆိုခြင်းမပြု။
"ကောင်းပြီ ၊ နင်မေး။"
ဟယ့်ကျောင်းမှာ နဂိုကတည်းကိုကမပါဝင်ချင်ခဲ့ ၊ သို့တိုင် ဝမ့်သာသည်ကား မမှိတ်မသုန်သူ့အားစိုက်ကြည့်လို့နေသည်။ သိသာလှပေ၏ ၊ ဝမ့်သာတစ်ယောက် ရှဲ့ယွီရဲ့လက်ကိုမထိရဲနေခြင်း ၊ ဤအတွက်ဟယ့်ကျောင်းကိုမြန်မြန်သူ့အပေါ် လက်လာတင်ခိုင်းနေခြင်းသာဖြစ်သည်။
ရှဲ့ယွီသည်ကား အလွန်မှခပ်တန်းတန်းနေတတ်တဲ့သူ။
သူဘာမှမလုပ်ပါဘဲ ငြိမ်ငြိမ်ဆိမ်ဆိမ်မှောက်အိပ်နေလျှင်တောင်မှ လူအပေါင်းကို ခပ်တန်းတန်းနေစေသည့် အဓိပ္ပာယ်မျိုးဆောင်သည်။ အတန်းထဲ၌ ဟယ့်ကျောင်းတစ်ယောက်သာလျှင် သူနဲ့ကရယ်ရယ်မောမောပြောဆိုဆက်ဆံရဲပြီး အခုချိန်ထိတိုင်ကြံ့ကြံ့ခံအသက်ရှင်နေသေးတာဆိုလို့ ဟယ့်ကျောင်းတစ်ယောက်သာ။
ရှဲ့ယွီက နောက်ဆုံးပေ။
သူသည် လက်ကိုမြောက်ကာ ဟယ့်ကျောင်း၏လက်ဖမိုးထက်တင်လိုက်လေသည်။ နွေရာသီကြီးဖြစ်နေတာတောင်မှ ရှဲ့ယွီ၏လက်ထိပ်လေးတွေက အေးစက်နေသယောင် ဟယ့်ကျောင်းခံစားမိလိုက်ရသည်။
ထိုအေးစက်မှုက သူ့လက်ဖမိုးထက်၌မူလောင်မြိုက်လို့နေ၏။
ထိုခံစားချက်က တကယ်ပဲဘယ်လိုဆိုသည်ကိုဖြင့် သူလည်းသေချာမပြောတတ်ချေ။ အတွေးတို့က ရုတ်တရက်ကြီး ယောက်ယက်ခတ်လို့သွား၏။ အစကတော့ ဒီအစုတ်အပြတ်ကစားနည်းကို စိတ်ပူနေတာဖြစ်ပေမယ့် ရုတ်တရက်အတွင်းမှာပဲ ဦးနှောက်အတွင်းဘာကိုမှမတွေးမိတော့။
VOCÊ ESTÁ LENDO
ဝေကျွမ်းရွှယ်ကျား (ဘာသာပြန်)
Ficção AdolescenteAuthor - 木瓜黄 (Mu Gua Huang). He Zhao x Xie Yu 贺朝 x 谢俞 Original title - 伪装学渣 / Wei Zhuang Xue Zha (ကျောင်းသားဆိုး အယောင်ဆောင်) / (ကြောငျးသားဆိုး အယောငျဆောငျ) Eng title - Fake Bad Students / Slackers ♦️|Myanmar Translation| Source - jjwxc
အခန်း(၂၂)
Começar do início
