Unicode
ရှန်ယွီကထိတ်လန့်ပြီးပျာယာခတ်နေခဲ့သည်။ဓာတ်လှေကားထဲရောက်တော့သူကသူ့ရဲ့တုန်ယင်နေတဲ့လက်တွေနဲ့အောက်ထပ်ကိုသွားတဲ့ခလုတ်ကိုနှိပ်လိုက်သည်။ဒီလိုမျိုးပြင်းပြင်းထန်ထန်စိတ်ပူမိတာဒီနှစ်ဝက်အတွင်းပထမဆုံးဖြစ်သည်။သူထန်လီကိုချီပြီးအောက်ထပ်ကိုဆင်းကာဆေးရုံကိုပြေးသွားချင်မိသည်။
ဒါပေမဲ့ကံမကောင်းစွာပဲသူအဲ့လိုမလုပ်နိုင်ဘူး။သူ့ရဲ့မသန်စွမ်းတဲ့ခြေထောက်တွေကြောင့်သူထန်လီကိုစိုးရိမ်စွာနဲ့ပဲဖက်ထားနိုင်ပြီးဦးလေးကျန်းစောင့်နေတဲ့ကားပါကင်ဆီကိုစိတ်ပျက်စရာကောင်းတဲ့အမြန်နှုန်းနဲ့သွားနေရုံပဲတတ်နိုင်သည်။တော်သေးလို့ဦးလေးကျန်းကရှန်ယွီဆီကိုခဏအတွင်းရောက်လာခဲ့သည်။
ဦးလေးကျန်းကရှန်ယွီရဲ့အင်္ကျီတွေကြားထဲခေါင်းမြုပ်နေတဲ့ထန်လီကိုတစ်ချက်ကြည့်လိုက်သည်။သူကစက္ကန့်ဝက်လောက်အံ့ဩသွားပြီးနောက်သူကရှန်ယွီဆီကိုလာကာဝှီးချဲကိုတွန်းဖို့အဆင်သင့်ဖြစ်နေခဲ့သည်။
"ခဏနေဦး"
ရှန်ယွီကအော်လိုက်သည်။
"ဦးလေးကျန်း သစ်အယ်သီးလေးကိုကားဆီအရင်ခေါ်သွားလိုက်။"
ဦးလေးကျန်းကဘာမှပြန်မပြောခဲ့ဘူး။သူကခါးကိုင်းလိုက်ပြီးလက်ကိုဆန့်ကာရှန်ယွီရဲ့ရင်ခွင်ထဲကထန်လီကိုချီဖို့ကြိုးစားလိုက်သည်။ဒါပေမဲ့အဲဒီအချိန်မှာပဲထန်လီကရှန်ယွီရဲ့ခါးကိုပိုတင်းတင်းကျပ်ကျပ်ဖက်လိုက်ပြီးသူ့ခေါင်းကိုရှန်ယွီရင်ခွင်ထဲပိုတိုးသွားလိုက်တာကိုဦးလေးကျန်းတွေ့လိုက်ရသည်။
"မသွားချင်ဘူး"
ထန်လီရဲ့အသံလေးကဖယောင်းသားလိုနူးညံ့ပျော့ပျောင်းနေသည်။သူ့အသံလေးကသနားစရာအားနည်းပြီးအကူအညီမဲ့နေပုံပေါ်သည်။ရှန်ယွီကမျက်မှောင်ကျုံ့လိုက်ပြီးနည်းနည်းဒေါသထွက်ကာဘာလုပ်ရမှန်းမသိဖြစ်သွားသည်။သူကထန်လီရဲ့ကျောကိုဖြည်းဖြည်းလေးပုတ်ပေးလိုက်ပြီးနူးညံ့တဲ့အသံလေးနဲ့ပြောလိုက်သည်။
"သစ်အယ်သီးလေး ပြောစကားနားထောင်လေ။ဦးလေးကျန်းနဲ့ကားဆီအရင်သွားနှင့်။ကိုယ်ချက်ချင်းနောက်ကလိုက်လာခဲ့မှာ။ပြီးရင်ဆေးရုံကိုသွားပြီးဘာဖြစ်တာလဲစစ်ဆေးကြည့်ကြမယ်။"
JE LEEST
ဗီလိန်လေးအားမွေးစားခြင်း
RomantiekOriginal author - Sweet And Greasy Millet Porridge English title - After Being Transported into a Book,I Adopted the Villain Original publisher - jjwxc Type - Web Novel This story is not mine...
