Unicode
လုပ်ဖော်ကိုင်ဖက်?
သူမှားပြီးကြားမိတာလို့ရှန်ယွီကထင်ခဲ့မိသည်။သူကကားထဲမဝင်ခင်ခဏရပ်လိုက်သည်။ရှန်ယွီကကျိုးချဲရဲ့မျက်လုံးတွေကိုကြည့်ပြီးမေးလိုက်သည်။
"ဒီလုပ်ဖော်ကိုင်ဖက်ဆိုတာကဘယ်လိုဖြစ်လာတာလဲ။"
ကျိုးချဲကကြောင်အသွားသည်။လုပ်ဖော်ကိုင်ဖက်ဆိုမှတော့လုပ်ဖော်ကိုင်ဖက်ပေါ့။
သူ့မေးခွန်းကဘာကြီးလဲ 'ဒီလုပ်ဖော်ကိုင်ဖက်ဆိုတာဘယ်လိုဖြစ်လာတာလဲ။'တဲ့
ကျိုးချဲကရှင်းပြဖို့အခက်တွေ့နေတဲ့အချိန်မှာပဲကားထဲမှာ Bluetooth ခေါ်ဆိုမှုတစ်ခုနဲ့ချိတ်ဆက်သွားခဲ့ပြီးထန်လီရဲ့အေးစက်နေတဲ့အသံက စတီရီယိုထဲကထွက်ပေါ်လာခဲ့သည်။
"ရှန်ယွီ?"
"သစ်အယ်သီးလေး"
ရှန်ယွီကအံ့သြဝမ်းသာသွားပြီးစိတ်လှုပ်ရှားနေတာကြောင့်သူ့လေသံတောင်ပြောင်းသွားခဲ့သည်။
"အခုဘယ်မှာလဲ။"
"ကျွန်တော်ကအိမ်မှာ"
ထန်လီကပြောလိုက်သည်။
"ဘယ်အိမ်လဲ"
ရှန်ယွီကနည်းနည်းကြောင်သွားသည်။ထန်လီဘာကိုဆိုလိုတာလဲဆိုတာကိုသူနားမလည်ခဲ့ဘူး။
"ကိုယ်မင်းကိုအိမ်မှာမတွေ့မိပါဘူး။"
"အဲ့ဒါကရှန်မိသားစုအိမ်မဟုတ်ဘူး..."
ထန်လီကရှန်ယွီနဲ့ဒီအကြောင်းကိုမပြောချင်တဲ့ပုံစံမျိုးနဲ့မရေမရာပြောလိုက်သည်။သူကခဏနေတော့မျက်တောင်တစ်ချက်တောင်မခတ်ပဲခေါင်းစဥ်ပြောင်းပြောလိုက်သည်။
"ကျိုးချဲနောက်ကိုသာလိုက်လာခဲ့ပါ။သူကခင်ဗျားကိုကျွန်တော်နဲ့တွေ့ဖို့ခေါ်လာပေးလိမ့်မယ်။"
ကျိုးချဲကသူ့ကိုယ်သူကပျာကယာလက်ညှိုးထိုးရင်းပြောလိုက်သည်။
"ကျွန်တော်က ကျိုးချဲပါ။"
"Oh ဟုတ်ပါပြီ..."
ရှန်ယွီကခြောက်ကပ်စွာပြောလိုက်သည်။
ဖုန်းချပြီးသွားတဲ့အချိန်မှာတော့ရှန်ယွီကကားထဲဝင်ထိုင်လိုက်ပြီးစကားတစ်ခွန်းမှမပြောပဲလုံခြုံရေးခါးပတ်ကိုပတ်လိုက်သည်။
![](https://img.wattpad.com/cover/236825929-288-k1505.jpg)
YOU ARE READING
ဗီလိန်လေးအားမွေးစားခြင်း
RomanceOriginal author - Sweet And Greasy Millet Porridge English title - After Being Transported into a Book,I Adopted the Villain Original publisher - jjwxc Type - Web Novel This story is not mine...