أسيرة هوس السادي "18+" (باللهجة الجزائرية)

الفصل 3: قلوب محترقة (تنمة ح120)

شروط التنزيل 40 فوط + 40 كمنتار ❤❤

♨ تتمة الحلقة 120♨
👑 بقلمي ✍: #أناييس_مانو 👑
  
عند جاد.. لولاد نحاولو القنطة بحكاياتهم وضحكهم.. وبحضور بنتو حب يلم شمل عايلتو هز تليفونو لي شراهولو خليل وعيط لرانيا يحكيو مكالمة فيديو.. تنطرت سيرين حكات هي لولى
سيرين: مامي توحشتك
رانيا: أميرتي.. كي رااكي وينو باباك
جاد: هاني.. سلام ا حبيبة وش حوالك نتي وولدنا
رانيا: حمد الله متوحشينكم برك
جاد: تأحنا.. ماتصوريش شحال متلهفين لشوفتكم
رانيا سمعت حس كأنو صوت صغير متهاوش مع بنتها سقساتو
رانيا: شكون الصغير لي معاكم؟!
جواد: هاني ا طاطا.. حشا راسو ضدا فسيرين كان تحزز فيه به مايبانش معاهم فالفيديو تحب شمل عيلتهم برك: سلاام صافا
رانيا: لباس ياا روحي وانت صافا
جواد: صافا.. عيشك
رانيا: علاه متناقر مع بنتي
جواد: ماك تعرفينا صغار ونتهاوشو عادي ماتاخذيش فبالك.. وكملي مع عمو
نزل مالسرير ودار للجهة الثانية يتبلى على سيرين.. صبرت صبرت لين كفرها لوحت بوسات لأمها ونزلت للرض تجري وراه وهو هاربلها زي القط والفار
رانيا: سمعت حسهم وضحكاتهم: هههه وش يديرو
جاد: يلعبو.. خليك منهم وركزي معايا.. قوليلي شحال متوحشتني
رانيا: لمت ضحكتها ودموعها تحجرو: بزاف لدرجة لا تقاس.. مهما نهدر ونوصف مايجيش قد لي فقلبي.. تحرقت وتكويت عليك ا جاد.. بلييز ارتاح بالخف وولينا نحب نعوضو لي فات من عمرنا
جاد: هانت ا حياتي.. هانت الغربة لي بعدتنا.. مابقاش بزاف ونولي ونعوضك على لي فات
رانيا: نشاء الله ترجعلنا فأقرب وقت
جاد: آمييين.. وينو السبع تااعي ويماا ماشايفهاش حذاك
رانيا: خليتها مع جود فالغرفة
جاد: وينك نتي مالا؟!
رانيا: حشمت: فالدوش
جاد: عقد حواجبو: علااه؟ مكش لاقية راحتك فالغرفة تحبي تبدليها؟!
رانيا: لا بالعكس.. جيست كي عادو ملمومين كل عندنا مانجمتش ناخذ راحتي معاك
جاد: شكون عندكم؟!
رانيا: يما ويما.. اختك ومرت باباك ومرت عمك
جاد: جاو ليك ولا لمرت جاسر؟
سارة: لينا لزوز.. ماتصورش شحال مهتمين بيا وبجود ويعاملو فيا مليح وما يودوني غير بالحاجة لمليحة كثر خيرهم
جاد: بفضول: عاوديلي بالتفصيل وش دارولك ملول للخر.. حكاتلو كلشي كيف ماطلب بقى متبعها بتركيز كبير مش مصدق لي يسمع فيه.. الشي لي كان متمنيه 36سنة بشوي يتحقق قاعدة تفرج عليه بالحاجة.. قلبو بقى يزدح من كثرة مافرح بكلامها.. وآخيرا رح يحس بمعنى العيلة ويعيش وسطها.. فرحتو بولادو لي رح يتبراو فبيئة ووسط غير لي تربى وكبر فيهم هو طول السنين لي عاشهم

راقدة على سرير الفحص.. الطبيبة قاعدة فوق كرسي حذاها تفحص فيها عملتلها الإيكو ولفتتلها الشاشة تنعتلها فلي بيبي وتشرحلها فحالتهم.. أمنية ملي شافت صور ولادها شردت معاهم عويناتها برقو فرحانة بيهم كلمة تسمعها وعشرة لا.. أسد حالتو مش أقل منهم.. عينيه تحلو على وسعهم بقى مركزهم على ولادو وذاك الصوت الخافت تاع نبضهم يرن في وذانو أسرلو قلبو رجع يضرب بالقاوي رح يخرج من بلاصتو.. شافت طبيبة معاهم لزوز مش مركزين معاها سكتت وخلاتهم مستمتعين باللحظة
دمعة سخونة تسللت من شفارها ونزلت حرقتلها خدها مسحت وجبدت نفس من عروش قلبها
أمنية: طمنيني على ولادي ا دكتورة
طبيبة: نموهم طبيعي ووضعهم مليح
أسد: شحال مازال على ولادتهم؟
طبيبة: حسب مدة وظروف حملهم
أسد: ولمعنى!!
طبيبة: بصفة عامة فـترة الحمـل الطبيعي مُدتهـا تسـع اشـهر وسـبع أيام... أو مـن 38 أسبوعًا حتى 40 أسبوع وتتسحب من تاريـخ آخـر حيض للمرأة كيما حددو طبيبتها الأصلية.. أما موعد الولادة فيكون بداية من الأسبوع 37
أسد: بدا يفد: سقسيتك على مرتي اعطيني هدرة واضحة وخاصة بيها وبحالتها ماعندي مانعمل بالتعميم ت.. منمن كبست يدو سكت
طبيبة: ماكنتش نعمم جيست ماكملتش كلامي
أمنية: كملي ا دكتورة.. الشي لي قلتيه كل صحيح وعارفتو
طبيبة: موعد الولادة قادر يكون فأي يوم بداية من 3اسابيع قبل الموعد لي حددتو الطبيبة.. وهذا راجع لكل حمل ووضع كل حامل.. وفي حالة المدام حاملة ب3 أطفال.. وبما أنها دخلت للثامن من فترة نقولكم انطلاقا من الأسبوع الجاي تحضرو للولادة