شروط التنزيل 40 فوط + 40 كمنتار ❤❤
(بربي ماتتسوروش شحااال توحشتكم موااااح😘 فاانات ولاااااادي بلييييز تفاعلو مع لي بارت به تعرف انكم مازال معايا ونكمملكم هنا ❤❤❤)
♨ تتمة الحلقة 125♨
👑 بقلمي ✍: #أناييس_مانو 👑
شادها من كتافها يخض رعبها علخر شدتها اللقوة ولات تروي برك
مروة: نعرفووش.. منين نعرفو.. والله مانعرفو.. انت تعرفو؟ شكوون يعرفو!؟ حد فيكم يعرفو! وش جابو هنا؟ علااه خرج فوجهي.. اهءاهء
تفلقت بالبكاء خايفة منو لا يغلطها كيف هذاك.. دموعها وشهقاتها فيقوه رجعو شاهد لعقل شاف مع لي دايرين بيه شي خايف شي يتهامس شي يلوم فيه وشي عاطيه الحق.. خزر للجهامة لي مطيشة فلرض عض شفتو مكرز مافاقش براسو كيفاه عمل فيه هكاك.. كون زاد شوي قتلو صح مسح وجهو بفدة جبد تليفونو طلب لي ڨارد مالشركة ووصاهم يتكفلو بيه يهزوه لسبيطار.. شد من ذراعها يكركر فيها للوطو لاحها بغش ركب جا يديماري حلت الباب رغا فيها
شاهين: اررركحي اررربك لا نكمل عليك هنااا
مازادت تحركت يبست في بلاصتها ترجف وبسيف تتنفس صرفق الباب قفلو وديمارا مايضويش
نص ساعة شد فران عالكورنيش.. سيب الفولون وفوت كفوفو على وجهو مسحو.. جبد نفس قاوي ونطق بلاما يشوف فيها
شاهين: شكونو!
سكتت ماجاوبتوش بقات تايهة مع مواج البحر غايضتها روحها
شاهين: بصوت حرش: سقسيتك..جاوبي
مروة: بغصة: وين نعرف عزرينو!!
شاهين: نفهم أنك ماتعرفيهش؟
مروة: ايه.. مانعرفوش
شاهين: جامي شفتيه من قبل!
مروة: جامي شفتو من قبل
شاهين: شعل يعارك: وكي ماتعرفيهش ا###.. علاه واقفة معاه؟ علااه لاصقة في ربو!! همممم
مروة: فهمت قصدو شعلت فيه: فاه تروي.. كنت ماشية مش شايفة قدامي دخلنا في بعضانا بالغالط قريب طحت منعني
شاهين: اممم منك.. شفت زيماه كان حاكمك
مروة: زيمااه كان حاكمني!! كنت رح نطييح ا عبد ربي افههم
شاهين: ماتناقشيش رررببي.. شفتو بعينيا مستمتع بقربك على شوي باسك وفراها معاك سير پلاص
مروة: شاااااهين.. الزاام حدك.. مانسمحلكش فاااهم!
شاهين: لا.. يااا ختي.. تسمحي ولا ماتسمحييش.. انت تاااعي وغير أنا لي عندي الحق نقربك ونلصق فيك بالشكل أذاك.. فااااهمة!
مروة: الظاهر الهدرة ماتفدش معاك
قحرتلو تقطر فالسم وفرمشة عين حلت الباب ونزلت تعارك مبعدة عليه.. عرف روحو خسرها معاها نزل يجري وراها لحقها دورها تسطحت معاه شعلت فيه تعارك وتضرب شدلها يديها وضاڨ
شاهين: خلااااص.. احبسييي بلا هبال
مروة: الهباال هو نتا.. انت بحد ذاااتك.. سيبني.. بعددد ماتزيدش تدور بيا.. واحد حمااار غبببي ما
قاطعها دور وجهو من ومن طريق خالية ماكانش عباد خلاف غيرهم.. بزربة تلاح على شفافها خلطهم ببوسة جامحة.. زربها تبلوكات ماعرفتش وش دير لحظتها.. عجبتو ربثتها تبسم شطر دور يديه زوز ورا ظهرها وغطس في شفافها كثر.. يبوس ويحلف عمرو باس وذاق بحلاوتهم.. ماصدقش أنو رجع تمتع بيهم من جديد ملي شدهم حلف لا يسيبهم مخليها تتبربص بين يديه رح تتخنق مع مش موالفة تبوس.. كملت عليها الزربة مع قلة الخبرة ذوبها وسخفها بين يديه.. ترخفت رح تدوخ حس بيها زيرها عندو وطلڨ شفافها ينهج
شاهين: وشبيك!!
مروة: تنهج: ر.ح ن.ن.د.وووخ
شاهين: شد ضحكتو: بوسة عملت فيك هكا!
مروة: شادة راسها: رح ند.وو.خ ياا ه.م
شاهين: اممم.. وكي نوصلو للي يجي منبعد البوسة كيفاه مالا!!
مروة: مكبشة في شوميز: مانوصلوش.. والله ماوصلنا.. هزني سخفت ساايي
وبالفعل ترخفت فحضنو دايخة صح شي مالضغط لي طلعلها شي من نقص الهواء لي قطعو عليها.. وشي من تأثير بوساتو زايدين الجرعة.. تبسم على منظرها وتحنى هزها وجرا بيها للوطو ركبها جبد قرعة ماء صب شوي فيدو ورشو على وجهها غسلهولها فيقها ناضت قافزة
مروة: وش صرااا؟!
شاهين: داعب نيفها: شي.. وحد الأميرة داخت من شوي
مروة: شكون أنا!
شاهين: غمزها وبوز شفافو: اممم فيقتها ببوسة
مروة: شهقت وغطات فمها ترمرم: بوستني!!
شاهين: امممم.. البوسة تاعك حلوة عسل
مروة: ااااععع.. يااا خامج.. هجمت على شعرو تريش وتحبج على وجهو تعض تتمغزز.. غلبتو تفرفش بالضحك بقا متعافر يفك في روحو ويقهقه عاجبو اللعب معاها
أنت تقرأ
أسيرة هوس السادي "18+" (باللهجة الجزائرية)
Romanceبين للتمرد والقسوة وقعت أسيرته... اذاقها العذاب ألوان فتمردت عليه عاندتنه ولم تستسلم... إلا ان حولت قسوته لعشق وعزفت ألحان عشقها على أوتار قلبه... فإنقلب السحر عالساحر وتحول من آسرها لأسيرها هي أسير قلبه العاشق لها... في لحظة... تتقلب بهم لموازين...
