أسيرة هوس السادي "18+" (باللهجة الجزائرية)

الفصل 3: قلوب محترقة (تتمة ح159)

شروط التنزيل : فوط★ + ماكس كمنتار ❤❤

♨ تتمة الحلقة 159♨
👑 بقلمي ✍: #أناييس_مانو 👑

خليل وصل للباب لقى رحمة واقفة تم شادة فيد آية دخلت وماخلاها تمشي بقات تودع فيها بكلمات مشجعة.. طبطب على ظهرها
خليل: ماتخافيش عليها ا خالتي.. تفوتو بخير
رحمة: نشاء الله من فمك لربي اولدي
خليل: آميين آميين.. يله ارجعي للوطو كشما يكون نعيطلك
رحمة: وانت ماتروحش؟
خليل: تبسم: لا مانيش.. داخل معاها
آية: صدمة على فرحة: بصح؟!
رحمة: منك صح؟ يخلوك تدخل نورمال؟!
خليل: اه مادامني فالسارفيس ميدكال ندخل نورمال.. يله بسلامة ا خالتي
بقات حالة فمها وعينيها مشوكية.. بايعلها شاد الضحكة وزرب دخل جر آية لي تحت الصدمة ومشاو وسط الكونديدا حتى غبرو.. عاد فاقت رجعت للوطو ركبت متبسمة فرحانة.. جبدتها منمن تخالي
أمنية: شبيك؟ شكون شفتي
رحمة: والو.. شكون رح نشوف؟!
أمنية: مانعرف فرحتك فيها إن.. قلت بالاك شفتي عمي جهاد
رحمة: طارت معاها بقرصة لعيتها خلاتها توحوح وعرشتلها مجننة: وش مجيبو لهنا.. مالقيت مانشوف.. ولا شفتو نجن مش نفرح.. بسم اللطيف من خصايلك بلية وفرات تفوو
تم تم ضحكتها ونساتها فوجع القصة حضنتها تمحش وترضي.. بشوي ردتها متبسمة كيما ركبت.. قاطعهم أسد ركب ودور لمفتاح نوض لوطو توله من كرسي حذاه خاوي سقساهم
أسد: وينو خليل؟!
رحمة: فالليسي
أسد وأمنية: واشيا؟!
رحمة: هههه كيما سمعتو.. ظهر تطوع يخدم مع الطبة فالباك ههههه
أمنية: يا سلام.. سعدها ختي بيه ههههه
ميق فيها كشما تجمع راسها والو! تلهات مع أمها تسوست كشما تعاودلها وش هدرو!! تنهد بنفاذ صبر وديمارا راجع للقصر.. متحلف لا غير ماوصلوش يحبسها فالبيت ويعصرها الخل فعينيها!

قطعو مسافة فالساحة وحبسها يهدرو.. لعين عليهم الولاد يعبرو فيها باعجاب.. والبنات يكحلو عليه.. صحاباتها لمحوهم من بعيد تسطاو لشوفتو.. وكثر التوشويش.. وش جابو؟ للدرجة ذي تضرب فيها تبعها لهنا! كيفاه دخل! سير عندهم دراهم كي تراب فرزها بساهل! شي بقى يطلع ويهبط حبو يعرفو كيفاه دخل.. شي عجبتو حطتها حبو يعرفو منين شرات اللبسة ذيك؟! التبركيك والتقرعيج غير هو.. تحلف تقول غير شلة بنات مجمعات في عرس يقرعجو.. نسات التعڨاب الحفيظة وتعبو مخاخهم فتفاهات ماعندهاش معنى وغير تشتتهم وفرات! لمح شوفاتهم ولعب راسو ماشافهمش
خليل: روحي شوفي لاصال تاعك وين
آية: وانت وين رايح درك؟
خليل: لخدمتي.. صونا تليفونو جبدو شاف شكون لقاها شهد.. جاوبها: اهلا.. صباح لخير.. لبس وانت.. حمد الله.. اه معاها.. اوكي.. نزل يدو: شدي بغات تحكي معاك
آية: خطفت تليفون جاوبتها طايرة مالفرحة: يسعد صباحك الزين.. لباس وانت.. حمد الله.. اه موجدة.. كنت مخلوعة وخايفة بصح درك لا.. حمد الله ربي وكلكم معايا دعولي برك.. اممم.. تزنكت: ماعرفتش كيفاه دبرها ودخل معايا.. خدمتو طبيب بيانسير هههه.. آميين عيشك ا حبيبة مرسي بزااف كي تفكرتيني ربي يفرحك.. بيزو.. موااح.. باااي