♨ الحلقة 101♨
👑 بقلمي ✍: #أناييس_مانو 👑
هز راسو مع قزازة السيروم صفار لونها تلفت بزربة ل خالو يستفسر منو.. طفاه وتنطر للقزازة ضربها بظهر يدو فرشخها فلحيط سااح وش فيها وعمل كشاكش غوثت بالوقت
مهى: وش أذااك
جهاد و أمان: سم
مهى: وااشياا.. شهقت غطات فمها وسندت عالحيط ترجف بكلها دور فعينيها بيناتهم وبالها هزها لبعيد كون ماحبسوهاش كون مافاقولهاش كون راه أمان.. صديق طفولتها.. راجلها حبيبها م.م.. خرجت تنهديت من عروش قلبها تفلقت بالبكا وجرات ترمات عليه تحضن وتبوس بلهفة متناسية وجود بوها معاهم كل همها انو راجلها بخير.. لزها لصدرو وهمسلها
أمان: شووت يزيي بكاا
مهى: خليني نبكي اهءاهء كون ما
أمان: اششش ماتبكيش هاني قدامك لبااس
جهاد: نفخ: حمد لله لقتك فالوقت
أمان: حمد الله
جهاد: مي كيفاه فقتيلها
أمان: عيب ا خال كبرنا زعما ونعرفو ماتجيش بنت بوها تحشيهالنا هك.. هزت راسها من صدرو شافت فيه وزادت ل بوها شافو فيه لزوز.. تأوه وهو يتقادى ف قعدتو ناضلو سطر ف كرشو بلاصة لوبيراسيون
جهاد: جراا عاونو مهى ريقاتو لمخدة: صافا دركا
أمان: اممم
مهى: لاا دك نجيب الطبيب يطمنا كثر
أمان: ترصي من حذايا ماتتحركيش
جهاد: سمعتيه ركحي روحك ونتا كمل
أمان: شي ماعجبتنيش ملي دخلت ترعش وحدها وجهها مخطوف نص ساعة وهي متعافرة مع الابرة ماعرفتش تخشيها وزيد.. شاور لرجليها: طالون.. وين شفت فرملية خدامة بالطالون يديوها هبيش ليل مع نهار والطالون مايساعدهمش donc مخي مركا erreur نحيت السيروم من يدي بزربة
جهاد: شاف فيه باعجاب متبسم: مانخافوش عليك ذيب قدها وقدود
أمان: عيب راني ولد القاسي.. وحنا
مهى وجهاد: تميلو وماطيحوش.. ترشقو بالضحك لين ضر روحو سكت عض لسانو وشد كرشو
أمان: وش صرا فلبقية
جهاد: مانعرف.. دك نشوف.. جبد تليفونو خربق فيه
أمان: دنيا عافية لبرا؟
جهاد: اممم سبيطار محمي لحقو يشدوهم قبل مايبداو هجومهم.. دك نجي.. كركر لفرملية لبرا لاحها للڨارد وأمرو يحبسها ودخل فونو ف وذنو عيط لخليل ماردش زاد لأمير لأسد نفس شي ماردوش استغرب
أمان: خير
جهاد: مايردوش
أمان: شكون؟
جهاد: أسد أمير خليل.. نجرب حسام
أمان: استنى نشوف مراد.. عيطلو رد عليه مخطوف
مراد: يااك لباس ماوصلولكمش نتم
أمان: بخوف: لاا ونتو ياك صافا؟
مراد: خووك أسد تصااوب
أمان: شنوااا؟ وين وينكم وين هزيتوه كيفااه حالتو دركا؟
مراد: ف صدرو هزيناه لسبيطار°°°° دخلوه لغرفة العملياات ديراكت خليل معاه ولدرك لا طمنني
أمان: كشما يكون خبرني اوكي
مراد: أوكي.. كوپى عليه وخبط الفوون للرض ورغاا بالجهد معصب خلعهم تنطرو يسيقسيو فيه زفلهم لخبر الخايب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
أسيرة هوس السادي "18+" (باللهجة الجزائرية)
Romanceبين للتمرد والقسوة وقعت أسيرته... اذاقها العذاب ألوان فتمردت عليه عاندتنه ولم تستسلم... إلا ان حولت قسوته لعشق وعزفت ألحان عشقها على أوتار قلبه... فإنقلب السحر عالساحر وتحول من آسرها لأسيرها هي أسير قلبه العاشق لها... في لحظة... تتقلب بهم لموازين...
