أسيرة هوس السادي "18+" (باللهجة الجزائرية)

الفصل الثالث: قلوب محترقة (ح89)

♨ الحلقة 89♨

سليمان: واش تهدرو فهمونا.. دليلة.. سهام انطقوو
دليلة: عينيها ع سهام رح تنطق سبقتها: ماكاين والو
سهام: إيه حكايات زمان فاتو وماتو أحكيو ع تا ذرك.. خليل تكبس من ردة فعل أمو سخر مصدوم منها.. ما لفرس تعنا دخلت وسط الكل متحلفة
آية: لاا فااتت لاا ماتت حاجة ماتنسات.. ولا نتم قربتو تموتو مش معناها تموت عملتكم معاكم
رحمة: آيية
الكاملة: خليها تهدر
آية: هاذوك الزوز سحرو ماما من سنين مرضوها شافت الويل بسبتهم.. كيما سحرو خالي جهااد كرهوه ف يما وخلاوه يحب دليلة غير بسحرهم
شهقو كل مصدومين.. دليلة تسب تعارك تتهم ف سهام لي تبكي وتنفي دوك الإتهامات.. ترونت الدنيا هذا يحصل ف هذا.. سبان ومعيور وفعايل شر تطاير ولي مخبي تجبد وسط الكل وتفضح المستور
رحمة: تبكي: وااا عملتوها عملتوها صح.. حد ماتبلا عليكم.. سحرتوني كييما سحرتو جهااد و قاسم.. نتو الزوز سحارات الله ياخذ فيكم الحق
سهام: تبكي ترجف مالعصب: بسبتك نتي.. الله لاتربحك ا لموصيببة الله لايشوفك ف خير من ديماا سااحرة الكل بشوية البراءة تااعك ونتي حراايمية أناا لي عارفتك أناا
دليلة: شوو شكون يحكي.. اللفعة بحد ذااتها.. اللع لا تربحك نتي لي وسوستيلي ندير هكاك.. تلفتت ل جهاد تحاول: حبيت هذا ذنبي حبيت من أول ماشفتك مرضت وقريب متت وقت دريت بحكاية التار تاعكم.. وقتها هي لي جاتني به نعاونها.. أنا ماكنتش نعرف حتى حاجة عالسحور والله
سهام: كذاابة شكوون لي دلني ع بركاهم السحارة شكوون
رحمة: هاااكم اعترفتوو ربي يخرج فيكم حقي بالثاني ولمثل
سهام: اسكتي اسكتتي يسكت حسك ا كللبة.. جات قاصدتها وقف ف طريقها أسد معرض صدرو من غير مايهدر عاقد حواجبو ومهدن ع قد مايقدر
سهام: بعد بعد من طريقي بعدد
آية: جبدتها: يماا مااتوصليلهاش تلقااني ف وجهك قبل.. جات تجبدها أمنية تنطرت منها تلفتت لسهام بالوقت صرفقها بكف
خليل: جن جبد يماه: يماااا وااش درتي
خليل: شفتيها هي جاات ف طريقي هي لي عاركتني.. وأصلا علااه ترغي فيا كي ضربتها هيه نضربها ونضرب حتى لي جابتها
أسد: بصوت زعزع لقصر: يمااااا.. كلشي ضرب السكات دموع وفرات لي نازلة.. قربت منو أمنية شادة فكرشها واجعتها علخر مع شدت فذراعو نطرلها يدها
أسد: قيييلوو ربيي الليلة ذيي نصيفهم بلوحدة.. مع نطرها بقوة جابها عالفوتاي رغاات وشدت فكرشها.. فطنتو من حالتو جرالها مخلوع.. نزل ع ركايبو قدامها يمس ف كرشها وكلشي مخلوع عليها
أسد: سامحيني وجعتك منين وجعتك منين متوجعة اهدري
أمنية: كرشي بكلها هءهء خليك معايا أاااي
أسد: تلفتلهم: وربي ورب الرب العالي وعزتها عندي تصراالها حاجة تعلقك نتي ويااها فحبل المشنقة ونوكلكم للكلاب
سهام: شهقت بالقاوي: عليا ا ولي هءهء عجالها   هي نقتلني
أسد: اسكتيي علياا اسكتيي مانسمعش حسك
دليلة: دارو علينا هءهء ولادنا دااوهم من بين يدينا دوك لحرايمييات
سارة: حد ماداهم منكم نتو لي بعدتوهم.. شدت ف جهاد: حق الرب اربي العزيز حاطتلنا حاجة ولا كشما داارت سقسيو الخدامة تقرلكم بكلشي
جهاد: جاااسرر.. فهمو خرج يجري
دليلة: وجهها تخلخل بدات تشوف مع جنابها وتدعي فقلبها تكون مشات.. دز الباب ودخل يجري سمرة وراه تعارك
سمرة: جووااد هاات الزمر هنااا واش هذاك فيدك
جواد: يجري: مانمدش نمدو ل طاطا سوسو لقيتو ف بيتها.. لحق عند رجلين جهاد تعثر طاح تفرش قدامهم وترما الحرز فلرض وسط لكل.. شافو فيه وف داك الشي.. سارة هزتو مقربتو ل جهاد
سارة: ف بيتي لقااه ف بيتي.. نزلت لمستوى جواد: ويين لقيتيه
جواد: قشعتو سمرة هزتو معصبة خاف رجع يرجف: ف .ف بي
سمرة: وش أذاك؟ وين لقيتيه أنطق
جواد: مغبي وجهو بيديه: فبيت خالي وطاطا ماتضرينيش ا ماما بلييز والله مابقيت نعاودها
سهام: حرز هذاك حرز مازال مابطلتي ذوك الطو.. تلفتت ليها: وين راحت.. شافو ف بلاصتها كل مالقاوش ريحتها كانت هربت سايي
جهاد: خرج يجري يعارك متحلف: ليووم نقتل رببها ليووم نقلتلها.. ركب ف سيارتو شاور للي ڨارد ركبو فسياراتهم ولحقو ورا سيارتها
جبد روحو ع جيهة مستغل سهوة الكل لاتي بأمنية.. جبد تليفونو بعث ميساج ل جعفر عطاه تعليمات يصفيو لي خرجو.. دليلة لفعة ف جرة وش دارت ف بنتو.. وحتى جهاد مايسالش يروح فالرجلين