♨ الحلقة 107♨
👑 بقلمي ✍: #أناييس_مانو 👑
خلص الغداء وتعدا الوقت فجو باهي الوجوه متبسمة والقلوب صافية فرحانة.. ملمومين فنفس الصالون يتوانسو متوسطتهم طابلة الضيافة قهوة حليب لاتاي.. حلويات ومكسرات بخير كل قدامهم.. النساوين تجمعات تجمعات يتناشو فمواضيع مختلفة.. خليل وحسام فجيهة جبدو جاد فهدرتهم
فالبيرو قاعدين ف4: أسد سليمان جهاد وجمال جبدو سيرة سعيد ولي دارو.. جمال تزير وبدا يبان غشو.. جمع قبضتو يحكي بحدة
جمال: مش درتو وش حبيت علاااه مازالتو تحفرو وتنبشو فلي عملو يااك شديتووه ساايي!
سليمان: جماال تهدن جبنااك تشوف وتسمع بنفسك به ماتحسبناش لفقنالو شي باطل
جمال: ضرب الطابلة بقبضتو يغوث: مااابغيت نسممع مانشووف حتى حاجة يزيييوني راااه تيقرت لوااحد تلمت عليه مالجوايه لكل رح نهبل بغيتو تهبلوني مااكفاكمش وااش صااير فينا بديتو ببابا وتكملو بيااا!
أسد: بهدوء كبير: مابغينا منك والو بزاايد لي صراا.. وتاكد مكش نتا وحدك لي تضريت وتيقرت مالحكاية.. نقر عالطابلة: حنااا لي تقسنا وحنااا لي سااح دمنناا حتى بعدما تكشف بووم بعماايلو تضرينا بحكم الدم لي مابيننا.. حطو حاجة وحدة فراسك: ماانيش اعمى وطول لوقت ماكنتش راڨد ع وذااني مي طفح الكيل خص يتعااقب بووك يززي مافزد وعمل مشاكل.. عمايلو رااح تنهي الهدنة
جهاد: بعيد الشر اللطف ياربي وش الهدرة ذي ا ولدي تهدن مايجيش نحكمو باحكامنا وقت الغش
اسد: مانيش ا خال مي وصلت بيا للعضم وصار الوقت نفضها.. ومدام تلمينا نبلغكم بقراري
سليمان: نشاء الله خير اولدي وشووف لوجه لي ماعندهمش ذنب
جهاد: واثقين فيك مد حكمك
أسد: مانسيحش دم قدما ساح.. رح نسلمو للبوليس وغرقو فالحبوسات بالادلة لي عندي
جمال: ثار هايج: هاللعاار مالقيتي غير الحبس تذلنا بيه! تحبسو تتشمت وتخلي لغير يشمتو فيه! هاالعااار هالظلم آغاا حكيلك كلمة
أسد: وقف معصب يعارك ماعجبوش جمال كي عارضو: واا عندو ولا عندكم من بعد كلمتي.. ورااه تحت يديي ارحم رببك كيما قتلتوش لدرك
جمال: حسابلك عامل مزية اقتتلو احسسن متترزييه الرزيية ذيك آغاا بعرش وعشيرة ماقدها قد يتحبس؟! جاامي صرات رح ترضااو بالبااطل أذا؟!
جهاد: بالعقل اجمال خلينا نتفاهمو بلاما تتعصب
جمال: تعصبت وساايي جرب حكمك وشووف رجال العشيرة كيفاه يثوورو فيك.. حساابلك طحاانيين نرضااو بالذل تااعك.. قحر لأسد دز الطابلة برلو بعدها وخرج صاعر.. سليمان جاا لاحقو حبسو جهاد ومشالو هو
سليمان: من نهار نهار مكلووب كلمة زوز يترون ومايصبرش يسمع للخر
أسد: عجبك منطقو! نقتل بوه نورمال بصح الحبس لا! به يخمم مافهمتش
سليمان: من جيهة عندو الحق.. تطييحة وعاار كبيير لأغاا كبير قدو يتحاسب لحساب اذا
أسد: تعرفني مانحنش وتناسبني نقتلو حتى انا مي حبرتلكم زعما.. ماساهل عندي غير القتيل
هز روحو خرج وراهم وسليمان تبعو مع لحقو للصالون جمدو ع كلامها
الكاملة: من رأيي وكان توافقوني يعني مالأحسن نقربو عرس الولاد.. نعملوه بعد اسبوعين وش قولتو؟!
تصدمو كل وقواا الحس ويتهادرو فرد وقت..لي عجبو الاقتاح لي تخلع ويحاول يأخرو اسبوع ولا زوز به يلحقو يوجدو جهازهم.. لي كوپل طارو مالفرحة من غير آية شدتها اللقوة وجاتها البكية من نهارها خايفة مالعرس ولخبر كمل عليه.. نطقت بزرية ترجف
رحمة: لااه نزربوو بيه.. وبنتي نسيتوها!؟ عندها بااك تلتى بقراياتها ولا بعرسها؟
زهرة: الحاجة بنتي عندها الحق بنتها مازالت صغيرها ماتتحملش الحملين ورا بعض.. خليوه كيما تفاهمنا قبل ورا ماتعڨب الباك خير
مليكة: من ناحية عندكم الحق بصح تنجم وقت تتلهى بقرايتها برك يعني ماديرو والو وتخلينا نقومو باللازم
رحمة: ماتجيش والله ماتجي عيشكم خممو قبل ماتقررو
الكاملة: مديت رأيي برك القرار ليكم لي توافقو علي نعملوه
حورية: سقسيو صحاب الشي بالاك عاجبهم الاقتراح
ضحكو البقية لبنات نزلو روسهم حشمانين.. كل وحدة تخزر لراجلها فلمس يتغامزو ويتفاهمو مابيناتهم
حسام: بحماس: عجبني القرار موافقين عليه
حورية: همست لمهى خذات رأيها: والكوپل الثاني موافق.. خليل آية وش ردكم؟
جاوبو فرد وقت
خليل: نعم/آية: لا.. خزرولهم كل خليل قحر لآية وماعجبوش ردها.. منمن حستها رح تولع وقفت لأسد تحاول فيه به يدخل ويحلها
قوى لغوااث والحس من براا وقفو كل مخلوعين بلوقت دخل ڨارد يجري: آغااا الحقنا مسيو أ.أ قبل مايكملها كان وراه ضربو بالسلاح للراس رهوجو طيحو للرض ودخل صاعر يغوث
أمان: حد فييكم مااا يتححررك اعطوووني مرررتي بلا مشاااكل مهههى وييينك اروااحي لعنديي
أنت تقرأ
أسيرة هوس السادي "18+" (باللهجة الجزائرية)
Romanceبين للتمرد والقسوة وقعت أسيرته... اذاقها العذاب ألوان فتمردت عليه عاندتنه ولم تستسلم... إلا ان حولت قسوته لعشق وعزفت ألحان عشقها على أوتار قلبه... فإنقلب السحر عالساحر وتحول من آسرها لأسيرها هي أسير قلبه العاشق لها... في لحظة... تتقلب بهم لموازين...
