أسيرة هوس السادي "18+" (باللهجة الجزائرية)

الفصل الثالث: قلوب محترقة (ح127)

شروط التنزيل 40 فوط + 40 كمنتار ❤❤

♨ الحلقة 127♨
👑 بقلمي ✍: #أناييس_مانو 👑

                  🌺 صباح جديد 🌺
قاعدة عالفوتاي ترغي فالتليفون تحكي مع مروة صاحبتها خبرتها خبار مش مليحة خسرولها مورالها عالصباح.. مع شافتو خرج مالدريسنڨ روم لابس وضارب الحطة راحلتو تدحدح وقفت حذاه قدام الكوافوز حاضيتو يريڨل فالسوت فالمراية
أسد: ازرعي ينبت
أمنية: ضارب الحطة خارج؟!
أسد: امممم.. علاه
أمنية: هزني معاك
أسد: رايح للشركة وين نهزك معايا!
أمنية: عليها نحوس تأنا.. مادامك رايح رايح وصلني في طريقك للجامعة وكمل لشركتك
أسد: وش عندك فالجامعة؟ وعلاه ماعلاباليش حتى لدرك؟! درك وين مبشرتني بيها!!
أمنية: بعبوس: تأنا درك وين سمعت.. خبرتني مروة بلي إدارة الجامعة رح يبلوكيولي العام بويسك لي برووف تشكاو من غياباتي.. رجليها فشلو قعدت على كرسي وعاودتو كلشي دار بينها وبين مروة الحرف دموعها على شوي يطيحو
أسد: مااال رررببهم هاااذو كللبو.. بغااو يجهلو رربي نووض نحرقلهم ### جامعتهم بيها بلي فيها
أمنية: أنا فااه وانت فااه.. كلو منك حابسني فالدار ذي مانروح مانجي والخرجة معاك بحقها
أسد: وطيي صووتك ماتصعرينيش عالصباح مانعقلش عليك.. مالك حالفة تحطي الحق عليا فكلش.. وااش انا لي قلتلهم يباوكيولك العاام.. اه!!؟
أمنية: قرايتي الحاجة لوحيد لي بقاتلي وانت حالف تمنعها علياا حااب دمرلي مسقبلي بالحبس تاااعك أذاا
أسد: بديينا ب### الهدرة تا###ي أذي.. غشك منهم تفرغيه فيا.. نفوتلك ونعذرك مي ماديريش ڨرون وتركبي فووقي
أمنية: تشحق: علاه تحكي معايا هك هءهء حس بيا ا عبد ربي.. نحب نكمل قرايتي وننجح مانحبش تعب سنين يضييع فرمشة عين هءهء
أسد: قعد قفازي قدامها يمسحلها دموعها: اششش ماتبكييش حاس بيك ومانيش ضدك علاه معصبة مني.. هممم
أمنية: عاونني عيشك.. ياك تحبي وتحبلي الخيير.. تصرف شوف وش تعمل معاهم نحب نكمل العام ومانعاودوش
أسد: تنهد من عروش قلبو: ولاه تتعبي وانت ماعارفاش وش جاي الطريق.. رح تولدي وفكل الحالات ماتنجميش تلحقي للكلشي
أمنية: تشحق: نلحق.. والله نلحق.. نشرك روحي بين ولادي والحفيظة ونفوت العام بلي كان
أسد: راك ماعملتيش سطاج خلاه؟ كيفاه رح تنجحي! هممم.. برأي ماتفرصيش على روحك بلوكي العام أذا وعاوديه بالمرتاح وتفوقي
أمنية: نزلتلو يديه بحسرة: ماحسبكش زي هك.. قولهالي ملول مانحبكش تقرااي ارشااي الدار بزرطي ولاد وكبيرهم زي البقرة نفهمك علاااه مخليني نحلم ونتمنى
أسد: شووف للهدرة العوجة!! للدرجة ذي تخمامك خااسر جهتي؟!
أمنية: خاسر ومنممم ملفووق.. بعد عليا وماتزييد دور بيا ولا تهدر معايا.. رح نهبل بلا قرايتي نهبببلل.. عييش مع مهبوولة
تنطرت واقفة وتمشات بشوي تعارك.. مسح وجهو ووقف حبسها بكلامو
أسد: امشي تلبسي والحقيني ا مهبولة
أمنية: تلفتت دموع فرحة عالشافر: تديني للجامعة؟
أسد: قاصدها: اممم
أمنية: وتفرزها معاهم؟!
أسد: وقف قدامها شدلها وجهها وباس جبينها:  ونفرزها معاهم
أمنية: وكون مايقبلوش؟
أسد: يقبلو بلا دينمهم.. ولا عاندو نحرقلهم الجامعة فوق روسهم
أمنية: نحكي صح مانيش نتمسخر
أسد: حلها عندي ماتخمييش.. ماكانش ماتتحلش في حضور الملاين
أمنية: مانحبش الرشوى
أسد: ماشي رشوى.. ندخل شريك فالخلا المخلي تعهم وكلمتي من كلمتهم ونفرزها مع لي برووف بطريقة او بأخرى.. باهي هكا؟
حركتلو راسها بايه مذبلتلو عويناتها نزل على شفافها باسهم
أسد: تكالماي ويزززيني مالخلعاات.. نحبك مرتاحة ولي تطلبيه يكون عندك.. أمري وأنا نفذ.. هممم
أمنية: عيشك ربي يخليك ليا
كبشت فجنابو وبادرت في تقبيلو.. عجبتو مبادرتها غطس فشفافها يتفنن فبوساتو محاو بيهم اي أثر للزعاف بيناتهم