أسيرة هوس السادي "18+" (باللهجة الجزائرية)

الفصل الثاني: جارية بتاج ملكة (8)

♣ الحلقة 53♣

سلت روحها من بين يديه.. عطاتو بالظهر وتلكمت على روحها.. الشي لي قاعد تمر بيها صعيب.. تصارع فخوفها منو.. وفنفس الوقت كاره روحها على انصياعها لرغباتو.. احساس بالخمج والعهر تحت مسمى الحلال.. تحت قسم الزواج.. كل ماتتفكر الليلة ذيك تعيف روحها وتكره خضوعها ليه.. لدقايق تكرهو.. وفمعظم الأوقات حاباتو.. حابة عليه.. تناقض دخلها فحيط وعصرها قبلها.. تحس بذاتها تمحات.. تحس فأمنية الأصلية ماتت ونخلقت في بلاصتها وحدة خلاف.. تحس بالضياع وهي أكيد ضاعت.. ضيعها معاه بتعاملو بإهتمامو.. جات تبعد قربها ليه.. وفقربها منو رح تغرق فيه.. غطات خشمها بفدة كااره ريحتو لبنينة لي عباتلها جواجيها.. غمضت عينيها وعطاتها للبكا بالساكت.. حاجة كبر منها.. حزن كبير عاصرلها قابلها.. بين ليل ونهار حست بالتغيير.. بدات تتأقلم معاه.. يومين صرا فيها هكا وبعد اسبوع ولا شهر زيماه تولي.. رااقد على ظهرو حذاها موسد يدو وغالق عينيه.. هايم فذكرياتو معايا.. يسبن فطعم شفافو على تاعو.. مخدر بريحتها لي مزعزعتلو كيانو..حلاوة انوثتها.. ملمسها آهاتها وتحركاتها تحت منو أسيرة هوسو.. تخليه يعشق فكل ثانية يعديها معاها.. يرجع أسيرة لكل ذكرى جمعتو معاها.. فطنو من شرودو صوت شهقاتها لي علاو.. تخلع تقلب على جنبو بعدها شعرها ودورلها وجهو
أسد: شبييك علااه تبكي
أمنية: تقول مستنية سؤالو.. غردت بالصوت تقول ماتلها عزيز.. وصح هي لي ماتت ماثماش ماأصعب من أنك تفقد ذاتك.. من جحيم لجحيم حلفت لا تهنيه.. غص عليه قلبو.. دموعها شهقاتها خلاوه يهبل.. لفتها بكلها ليه يعارك
أسد: نحكي مع ربببكك جااوبيني شبييك
أمنية: غاضتها روحها كثر.. دزاتو تضرب في صدرو: مااتعيطش علياا.. مااعادش تضربني.. مااعادش تمسني.. عفتك عفتيي رووحي عفتت حياتي بلي فيهاا
أسد: هز يدو للسما رح يضربها خافت غطات وجهها وقت تحشات في صدرو تبكي
أمنية: رح تضربني.. ماكافكش الضربة لولة.. ماكافكش كسرتني وكسرتلي ظهري.. شهقت: ملبارح لليوم رجعتني جارية.. ليل مع النهار ماوليتش نحس ببدني من كثرة السطورات.. وجيعة فحزامي وتحتي سكاكين تقطعلي فيهم.. ونتا كل همك تضربني.. جبدت راسها تخزرلو بعينيها التعبانين: تقتل فيا بالعرق.. قاعدة نمووت ا أسد هئ هئ.. ماجات تكمل كلمتها تلقى روحها بين يديه.. جايبها فوقو محضنها بقوة.. يديه يرجفو صدرو يتهز ويتحط.. نفسو لي قوا خرج سخون يضرب ف رقبتها.. من غير ما ينطق.. من غير مايعارك.. بقى مخبيها وسطو وسط دفى جسمو.. يحب يعتذرها بلاما ينطق.. يحبها تفهمو بلا مايشرح.. دقايق فاتو عليهم تقول عوام.. هي تبكي بحرقة.. وهو يتألم بكية.. كواتو ببكاها.. بشكاواها منو ليه.. كيفاه ينصرها وهو بين البينين.. بين كيتو بيها وبين خوفو عليها.. هوس بعشق.. ذنب بندم.. قلب مقيد بوجع خطيئة.. غلطو وقت ماعرفش يخير الزمان والمكان الصحيحين.. مالبداية عاجبتو.. ملبداية شدتو ليها.. أما تسرعو وقلة صبرو خلاوه يملكها بالطريقة ذيك لي رجعت حاجز كبير في علاقتهم.. وحيط يتسطح بيه فكل مرة يقربلها.. تنهد بعمق وقت حسها ترخفت فوق منو.. هزلها راسها بأناملو مسحلها فدموعها.. يخزرها بعينين ذبلانين ياكل فيه الندم.. غالط وعارف غلطو.. وكبرياؤو جااه فالوسط.. كيفاه يفهمها أنو هابل عليها.. أنها رجعت النفس لي يعيش بيها.. أنها النبض لي يجري في عروقو.. صعيب تفهمو بعد عملتو.. صعيب تصدقو فالوقت لي هو مش مصدق وش يصرالو ولي يعيش فيها معاها.. طبع بوسة مرصوصة على جبينها.. رعشت تبسم هزلها ذقنها علا..
أسد: حلي عينيك.. ماردتش.. داعب نيفها بنيفو.. تنخزت حلت عويناتها شافت فيه.. قرب منهم باسهم بالوحدة.. مع كل بوسة الروح تطلع منها.. مع كل بوسة يوصللها إعتذارو لطريقتو الغالطة معاها.. بعد 6 بوسات تملمت مبعدة كبس على حزامها فيكساها
أسد: اششش.. يزي خليييك عندي