أسيرة هوس السادي "18+" (باللهجة الجزائرية)

الفصل الثالث: قلوب محترقة (ح115)

شروط التنزيل 40 فوط + 40 كمنتار ❤❤

♨ الحلقة 115♨
👑 بقلمي ✍: #أناييس_مانو 👑
          

مازال كيما دخل محاوطها من حزامها وتايه هايم فيها فيقو صوت لولاد جمع راسو
أسد: احمم نتم وحدكم؟ وين راحو لبقية!
جواد: آية فبيتها تحفظ
سيرين: وعمتي تعبت رقدت
أسد: اممم فهمت.. صرفهم بيدو: زيدو لوين كنتو وكملو وش كنتو ديرو
جواد: برقو عينيه: كشما جبتيلنا سقاطة معاك؟
سيرين: شدت فالفاست تاع أسد تذبلو في عويناتها: كون غير جيبتنا ڨلاص ولا غزل البنات منمن قبيل تشهاتهم وياسين ماكانش وحنا صغار مانجموش نخرجو نشريولها
أسد: حك لحيتو: ماعلاباليش بلي تشهاتهم
جبدتو مالفاست بإلحاح نزل لمستواها كبشت في رقبتو باستو وهمستلو
سيرين: منمن زينة وديما باهية بصح كي كوپيتي عليها راحت تجري لبيتها لبست الغوب اذي وحطت ليبسيتك وبارفان.. خزرتلو: تهووبل يخي.. غمزتو: ديما حلوة تتاكل
ضحكتلو بغنج درعت جواد وساقتو بالسيف تكركر فيه مارضاش يبعد من توالهم
امنية: عينيها قلوب: شفتيهم ما حلوين يتاكلو
أسد: مسح لعرق من جبينو ومروح على وجهو ضربو الصهد ديجا: امم شفت.. تمتم: وانتي أحلى منهم
امنية: هاا!! قلت حاجة؟
اسد: لا احمم.. قربلها: جاوبي دركا
امنية: ناسية: على واه نجاوبك؟ كشما سقسيتيني أصلا!
اسد: قحرلها سخر خطوة وكيلها ملتحت للفوق وعقد حواجبو: من وقتاه عندك الززمر اذي وتلبسي شليڨات كيفها بلاما نشوفك!!
أمنية: لبستها فالدار لقيت راحتي فيها.. ماعنديش بزاف ملي شريتها وحدي
أسد: وقتاه خرجتي حتى شريتي رببهاا
أمنية: كتفت يديها وقحرتلو: فالوقت لي هزيت على راسك يعلم ربي وين هجيت خليتني وراك مش سامع بيا.. مزية لقيت خاوتك وسارة وراجلها خممو فيا وخرجوني معاهم شريت وش ناقصني من قش.. خرجتلو كرشها: على شوفتك ولادك لاقيين راحتهم راقدين بالطول والعرض وسطي وانت لا خبر ودرك جاي تحاسب فيا زمر ما زمر لباس يخي!
أسد: البسي خارجين
أمنية: وين؟
أسد: كي نوصلو تعرفي
أمنية: بتشناف: نهز معايا لولاد ماعنديش مع من نخليهم
خزرهم تنطرو واقفين يذبلولو في عويناتهم وسيرين دموعها تلمو على شعرة تبكي.. تنهد بقلة حيلة
أسد: اوكي يجيو على رواحهم.. بصح جيبلهم قش للبدل
أمنية: مانباتش في بلاصة خلاف معاك
أسد: قحرلها: حتى يبقى الشوار ليك
أمنية: ماحناش رايحين مالا.. روح وحدك
أسد: شوف ماتنوضيليش عزرين لمعزررن تهزي طرمتك تبدلي ولا نبدلك بمعريفتي.. خزرلها بمكر عاض شفتو رعبها عطات لحس لرجليها.. فاتت طول لعند آية خبرتها انها خارجة معاه ووصاتها على أمها.. زادت لبيتها بدلت وخملت قش للولاد فلي ساكودو تاوعهم وخرجت تتكعبر بغوب لونها فالnude قصيرة فوق الركبة مفصلة على صدرها جاتها تهووبل طيرتو شطر عقلو.. دور يدو على حزامها وجبدها ليها بزربة تسطحت مع صدرو نزل لمستواها يتحسس فخدها برقة خلاها ترعش بين يديه
أسد: يهمس: زدت زينتي وحليتي كثر ا زينة قلبي.. خزرتلو حالة فمها وعينيها طاقة تبسم بشقاوة باسها لخدها بالجهد: زيدي لا ترصالنا نديرو في حوايج خلاف قدام لولاد.. غمزها وساقها خارجين يعيط عالولاد: يلا الحقونا لي يتعطل نروحو عليه وما ياكلش لاڨلاص