أسيرة هوس السادي "18+" (باللهجة الجزائرية)

الفصل الثالث: قلوب محترقة (ح76)

♨الحلقة 76♨

يوم جديد.. فات صباح مكهرب عالكل.. أمنية مكرزة من أسد ومش حاملة شوفتو بايتة ليلة كاملة عساسة عليه وقتاه يروح ماباتش فالدار جا مع طلوع الضو.. ولا سارة لي تكابر ع روحها به ماتعيطش ل مهى وتسقسي ع راجلها.. فالصالون قاعدة عالفوتاي بالPc ع حجرها تتفقد ف الإيميلات لي وصلولها قطع عليها تليفونها صونا مالتاتش بقات متلهية.. رجع دق مرة وزوز و3 هزت بلا تشوف شكون
سارة: وي
جاسر: توحشتك.. كلمتو سهم وعلم ع قلبها دق بالقاوي وسط ضلوعها خزرت فالتليفون تثبت ف أسمو هو ماهيش غالطة ردتو لوذنها
سارة: وش تسحق
جاسر: نتي.. محتاجك نتي
سارة: لاحاكمك حمار الڨايلة مانيش فارغتلك
جاسر: شبيه رببك نهدر معاك ونتي تقول مش مرتي غلطت ف رقمك
سارة: هاك عرفتيها وحدك راك غالط ف الرقم ا خويا
جاسر: شوفي مااتبداايش تقلبيلي###
سارة: مانيش نق.. شافتهم جايين عندها قصتها: وش كاين ملخر
جاسر: كيفاه صبحتي بلا بيا
سارة: روعة
جاسر: ***### ### @@@ م$$$
سارة: معيط به تسمعني كلام زي هك!
جاسر: ونتي خليتي ###الواحد يعرف يهدر ***الدعوة ببسالتك
سارة: تهمس: مانيش وحدي باي.. كوپات ورماتو حذاها نفخت ع شعرها بالقاوي تهز بان وجهها مش ف نورمال.. قعدو مقابلها
الكاملة: مع من كونتي تهدري؟
سلوى: ماعيطلكش راجلك
سارة: عيط كنت نهدر معاه
سلوى: لاتكوني بدلتي رايك وراجعتلو.. طفاتها
سهام: هاا! وش هدرتو؟
سارة: مليحة لخرى ذي تا وش هدرتو
سهام: تنبزت: علاه وش فيها كي سقسيتك
سارة: شغل متهمة بيا وبيه ونتي البارح ماخليتي ماقلتي فيه
سلوى: سارة يزيي
سهام: ماتسكتيهاش مش قدامنا تلعبيها عاقلة ووقت تبقاو الراس للراس تحارشيها
سارة: تحارشني!
سلوى: نندب هذا وين وصلتك فهامتك
سهام: اعرفي مااتهدري ماتخلينيش نفز نريشك
الكاملة: خلاص اسكتي نتي وياها
سهام: ماسمعتيهاش ماتهدر هي وبنتها
سلوى: بنتها ولات بنتي بعدما كنتي تحسبيها زي بنتك شهد
سهام: عندي بنت وحدة متبدايش تخلطي
سارة: مين تتلمو تتعاركو تعييو جيت نرتاح مرضت معاكم.. هزت الpc وجات طالعة تلاقاتها نازلة هزتها وحطتها
سارة: خارجة؟
أمنية: اممم
سارة: استناي نلبس ونجي معاك
امنية: رايحة لدارنا
سارة: تغضبي عندهم!!
أمنية: لاا نطل برك ونولي
سارة: اوكي روحي وحدك مالا به تبقاو ع راحتكم.. كملت طلعت وأمنية كملت طريقها فاتت عليهم فالصالون شعلت فيها سهام
سهام: لابسة وخارجة وين نايحة؟
الكاملة: سهااام.. سكتتها.. وكملت: وين رايحة ا بنتي
أمنية: لدارنا
الكاملة: قلتي لراجلك؟
أمنية: علاه نقلو خطوة هنا عند يما مانيش هاربة
سهام: بزايد قليلة تربية الصواب ماتعرفيلوش طريق.. خزرت فيها وعطات الحس لرجليها بعد ثقبتها هربت من رد الكاملة.. شاورتلها راحتلها جيست قعدت حذاها حطت يدها ع كرشها مسحت عليها
الكاملة: وش حوال حفيدي الغالي
أمنية: بدموع ف عينيها: لباس أمو لي مش مليحة
الكاملة: ماتهزيش ف بالك ا بنتي وتلهاي بروحك وبولدك
أمنية: وبووه!
الكاملة: شبييه
أمنية: وش مابيهش بعد الشي لي صرا
الكاملة: إنسي ارمي كلشي وراك
أمنية: وش ننسى ا ماني حالة جواد.. دعوات سمرة ع ولدي.. ولا كلامو ومعاملتو ليا
الكاملة: تكشطت هزت عينيها مع سلوى تترشف فالقهوة ومبورنشية معاهم.. طبطبت ع ركبتها: ربي يهدي سركم ويبعد عليكم المشاكل هذا مانقول
أمنية: أمين.. سلمت عليها همستلها الكاملة
الكاملة: سرك نتي وراجلك ماتخرجيهش قدام مين ماكان.. فهمتها هزتلها راسها بإيه باست ظهر يدها وخرجت وقف عليها واحد ملي ڨارد
ڨ: مدام وين رايحة؟
امنية: نعمم تحكي معايا! تنشع الڨارد حمار وجهو زغد راسو بإيه ونزل عينيه للرض
ڨ: قصدي خليني نوصلك وين ما تحبي
أمنية: رايحة لدارنا نروح وحدي ماتعبش روحك.. جات فايتة حبسها بيدو
ڨ: اوامر الآغا نوصلوك وقت تحبي تخرجي
أمنية: روح تت.. قصتها وقف عليهم
أسد: وش كاين..طفاتو
ڨ: المدام رايحة لدارهم كنت نقلها تخليني نوصلها.. شاورلو راح
أسد: أركبي.. بلاما يستناها ترد فات ركب رفس لرض تسب فيه وتعاود بردت ملامحها ولحقتو ركبت ماستناش ديمارا يسوق مجهد