أسيرة هوس السادي "18+" (باللهجة الجزائرية)

الفصل الثالث: قلوب محترقة (ح128)

مرسي لكل وحدة😘😘 علقت فالبارت السابق (التوضيح) وشاركتني برأيها وعذرا ماقدرتش نجاوب على كلشي.. لدرك مازلت بمشاكل مع الايميلات لي فاتحة بيهم لي كونت ❤❤

شروط التنزيل : فوط★ + ماكس كمنتار ❤❤

الحلقة 128♨
👑 بقلمي ✍: #أناييس_مانو 👑

قاعد مقابلها جهامة بلا روح.. جسدو حاضر وعقلو غايب يخمم فكلام صاحبو.. سهى زمان وهي تحكي معاه ماجابهاش هزت راسها لقاتو مبهم
رحمة: خير ا ولدي.. كشما بيك؟
خليل: ها!! شي
رحمة: كنت نهدر منين ماجاوبتينيش حسبتك رقدتي بعينيك محلولين
خليل: حشم: فاطن فاطن.. احمم كشما قلتي!
رحمة: شي هدرت برك.. انت لي شبيك ملي جاك اتصال تكبست
خليل: لا عادي.. جيست استغربت مالخبر لي وصلني برك
رحمة: بفضول: شمن خبر؟ لا بغيتي تعاودلي زعما
خليل: خبرين مش واحد
رحمة: غير الخير.. احكي
خليل: أمنية رح ترجع تقرا
رحمة: بصح!! واخيرااا.. رحمتك يااا ربي.. كبدتي رح تنجح وتكمل مشاورها وتوصل وين حابة.. طبيبة نفخر بيها ونحقق وصاية بوها الله يرحمو
خليل: ربي يرحمو.. بصح ا خالتي بحالتها ماتقدرش..نضنها تسرعت بالقرار أذا.. كون بلوكات العام وعادتو خير
رحمة: علاه تبلوكيه وهي قادرة تنجح!!
خليل: نجاحها فالزهر هي ومجهودها.. ومع حملها ووضعها راهي تقمر بروحها وبصغارها برك..كون شاورتني نقنعها بالعكس
رحمة: ضربت صدرها بحسرة: ا كيتي.. يعني صح رح تضر مالشي أذا! قرايتكم فيها تعب بزااف يعرضها هي وولادها للخطر!! ا وخذي عليك ا بنتي وقتاه تولدي تهناي
خليل: برزانة ماحبش يخوفها كثر: ربي معاها ا خالتي وحنا كل معاها ونعاونوها بلي نقدرو عليه.. لازمها ماتفورصيش على روحها وتنفص التعب حتى تولد بلا تعقيدات
رحمة: نشاء الله تفوتها بخير نشاء الله.. هزت كفوفها دعاتلها بالتيسير والحفظ من الله.. مسحت وجهها وشافت فيه بترقب: والخبر الثاني
خليل: تبسم ملطف الجو: نسيبك رح يولي مديير الجامعة تا مرتو
رحمة: هاا!! واشياا!؟
خليل: هههه أسد ا خالتي.. على جال بنتم رح يدخل شريك فالجامعة تعها ههه كون يزيد شوي يقري الطب على جالها

كانت في بيتها تحفظ سمعت حس وتوانيس جاي من برا.. هزت كراس فيدها وخرجت تكرر بالصوت مع وصلت للصالون شافتو مجمع مع أمها شدتها اللقوة مالخلعة طاحلها الكراس بيد هبطت البودي على صرتها وبالثانية تحسست شعرها لمشعشط حاكم السماء طلقتها برغيية طرشهم بيها وجرات لبيتها.. شد ضحكتو بسيف مش حاب يتفرش قدام نسيبتو
رحمة: لمسخووطة ميااات مرة قتلها ماترغييش زي هك كااش نهار تحبسلي القلب
خليل: احمم.. اللطف ربي يحفظك لينا ا خالتي
رحمة: عيشك ا ولدي.. ويييلليي مازال ورايا شلة تا خدمة
خزر لحجرها حاطة كاراكو تاع آية تنڨي فيه مالخيوط الزايدين تاع الخياطة
خليل: لا تحبي معينة نجيبلك لخدامات يعاونوك
رحمة: كثر خيرك ا ولدي.. يما ومنمن فالعشية يتلمو نتحاماو فالجهاز نخملوه نظن نكفيو وحدنا
خليل: براحتك.. مهم لا حتجتو معينة قولولي نبعثلكم الخدامات
رحمة: نشاء الله.. حطت وش في حجرها عالفوتاي: خوذ راحتك ا ولدي نمشي نفقد الغداء عالنار درك نولي
تبسملها حاضيها حتى غابت تهمز رح يوقف بانتلو جاية جيهتو معصبة تمشي بخطوات كبار بزربة وقفت قدامو متحزمة
آية: وش دير هنا؟
خليل: غمزها: جيت على جالك ا الزين
آية: حشمها هربت من شوفاتو ونطقت: ولاه جاي بالسلامة!!
خليل: توحشتك
آية: غرقها فقشها مروحت على وجهها حمر دم: يتوحشك الخير.. ناااري كون تحشم وتجمع فمك وعينيك الدار ليها حرمتها التكحال والتغزال ممنووعين هنا
خليل: هههه لسانك ا فرخة.. طول بزاف هههه
قعدت مقابلتو تشوف فيه تحت شفارها الطوال من عند ربي
تلفها بضحكتو بانلها زيين يهووبل خلاها تسهى فيه حتى كمل ضحكتو هزها وحطها مريڨلة روحها تبسم شطر
خليل: وااش مدي قدور انا.. ماالنا عالحالة لي فجعتينا بيها؟!
مخنوقة مارضاتش يشوفها بالتبهديلة ذيك
آية: كنت مكرفسة مع الحفيظة ماقعدتش به نتلهى براسي
خليل: اممم.. تسمى قدوور عشيري ما لقاا وقتااه يبان غير في حضوري! حشوة وصاافي!
آية: يووه يااا نتاااا.. بالناقص مالقعدة معااك
تنطرت واقفة معصبة زعفانة منو
(جرعة ضحك صغيرة لتخفيف النكد 😂 خالي يا خالي😋)