أسيرة هوس السادي "18+" (باللهجة الجزائرية)

الفصل الثاني: جارية بتاج ملكة (3)

♣ الحلقة 42♣

🌷رغم كل ما أعانيه احب إبتسامتي التي تحب الظهور ولو للمجاملة...🌷

حل عينيها وشرقتهم فالسقف... خزرة ضايعة لدرك لا استوعبت لي صرا... شافت مع جنابها... شومبرة من ستيل أثاثها باينتها في بلاصة هاي كلاس... فالمدينة اكيد مي وناه منهم يعلم ربي ولخرااا أذااك لي جابني... هك قالت فسرها... هزت يد حطتها على جبينها تمسد فيها... وجيعة راسها  من لبارح عاملة فيها حالة... نزلت يدها لعينيها حكتهم ضوء الشمس لي داخل مالتاقة ديرونجاها فوق الحق... جات توقف كورون ضرب فبدنها لكل خلاها تتكمش متوجعة... مع غمضت عينيها تفكرت لي صرا معاها... صورتو تعدات عليها... كيفاه هد عليهم... كيفاه تحدى لكل على جالها... بصمها بدمو وطلبها بشرعهم وعرفهم... كيفاه تضرب برصاصة وهكاك مابردلوش قلبو حتى هربها منهم.. هربها بففف من وااه بعد.. هربها بليس من عفاريتو طاحت في قباض لروااح... شكون هذا لي خاطفني... علاش جايبني هنا! مش فكني أسد منو؟ زعما به يتزوجني حتى بعد لي عملو اسد؟ رعشت من صبعها لصغير حتى شوشة راسها... بعد ما قالت ماتت رجعلها للحياة من جديد بعملتو عطاها امل انها تمنع من لخزي والعار لي هو بنفسو السبب فيه... كبست على راسها ورغاات هزت حيوط البيت معاها.. مخها تحسو تحرق مالتخمام.. تنهدت بحرقة.. مسحت دموعها لي نزلو بلا سابق إنذار مع الباب لي تحل.. هزت عينيها معاه تلاقاو مع تاعو.. هز حاجبو يستفهم سبب رغيها ما فهم والو.. دخل بجرد سروال سيرفاتمون فالڨري.. شعرو داخل بعضاه حاكم السما.. لحيتو هايجة يحك في عينيه باينتو ثار مالنوم.. رما روحو عالفوتاي مقابلها بلاما يحكي تجبد وغطى عينيه بيدو.. ركزت معاه الشوفة لدقايق.. تسب وتدعي فيه داخلاني.. مخها يبعثلها في افكار اجرامية.. تخيلتو بين يديها وتحت منها باركة فوقو تخنق فيه.. تبسمت بشر وتقعدت.. جات توقف نطق
جاسر: شدييي بلاااصتك
أمنية: علاه؟.. عرا على عينيه تبسم بتقوعير.. تشنفت عليه
جاسر: ماعندك ويين ترووحي سااو ابركي لتم حتى يوصل لوقت؟
أمنية: وقت وش؟
جاسر: التروااح.. تنطرت واقفة راحتلو تحكي بفرحة
أمنية: رااح ترجعنيي صح!!
جاسر: ابتساامة خفيفة تسللت لشفافو وقت راا تبسيمتها.. بسيطة حلوة وتاخذ العقل.. توصف برائتها لي مخبية في شي بلاصة بين الطيرة تعها.. رجع غطى عينيه: اممم فلعشي نروحو
أمنية: قفزت تسوطي وتصفق زي لولاد الصغار حتى ضرت روحها عيطت وطاحت فلرض متوجعة.. قيماتو عسلوج واحد نزل لعندها يتفقد
جاسر: مين مضرورة؟ نديك لطبيب؟!
أمنية: على ذكر الطبيب خافت وجهها تخلخل زغدت راسها: لااا غير ضرتني رجلي برك.. شاف فيها مش مصدق شادة كرشها وتقول رجلها.. فاقت مع روحها هبطت يديها لرجلها تمسد وتتوجع زعم
جاسر: زم شواربو مافاهم حتى### فالبنت أذي.. وقف: اغسلي وانزلي تفطري
أمنية: خافت لا كشما يعمللها فالماكلة: لااا مانيش جيعانة
جاسر: ملي جبتك لبارح ونتي رااقدة زي لكبش بلا ماكلة مديتها غير رقاد وااش ما عندكمش فرااش فداركم ماكنتيش ترقدي!!
أمنية: تمتمت: وااحد حمار نشاء الله ما يكونش قاسني برك.. نفخت على شعرها وقفت تعرش: شووف مااتبدااش تخلط عند جدي فااهم.. مااندري شكوون صرعني بالفرد عالرااس.. تي كي ماامتش من قوة الضربة أني نقعر
جاسر: تايه فيها زيماه تعارك متبسم على جيهة ماسمع حتى كلمة حتى لخرة تمتم: اممم تقعري ماكذبتيش فيها
أمنية: وش قلتي سمعنيي
جاسر: شي ريقلي حالتك واهبطي
أمنية: ضربت لرض فادة: حنا واين؟
جاسر: مش مهم.. جا خارج حبستو
أمنية: نحب نحكي مع ماما
جاسر: كي تفطري تهدري معاها مش درك
أمنية: قتلك ماانااكلش مااتفهمش.. كملت كلمتها هاربة تجري على جيتو قاصدها يعض في شفافها الدخاخين ثايرة منو
جاسر: ظااهرك مااتفهميش بحني حني مااندري زيماه مربااتك عمتي رحمة
أمنية: ربااتني خير من ربااوك.. ااااا.. مااتقربليش ا خراا وااش حااب مني ااا ايمااا..
جاسر: يجري وراها فالبيت زي لقط والفار: ليووم نقصلك لساانك طوييل مش نورمال تعرفي.. بقا لاحقها يخوف فيها وفنفس الوقت يضحك على حالتها داخلاني.. توصل روحها للمشاكل من بعد ترجع سي مسكين وخاطيها.. تجري زي القطوسة.. بفف حاشاها نحلة عورة وهاي.. طييتت.. تخبطت فباب الدوش حلاتو دخلت وقفلاتو وراها تنهج
جاسر: اخرجي هناا ماازال مااقصيتلكش لساانك
أمنية: مااعادش دوور بيااا
جاسر: هههه مهبوولة صح
أمنية: مااندري شكوون لمجنون هناا
جاسر: ضرب الباب برجلو: حليي الزمر.. لا نفرعو
أمنية: ماانحلش افرعو على روحك لمهم أنا مانحلش افف افف خطييني
جاسر: انزلي تفطري به تحكي مع ماماك ساامعة.. قلب الدورة خارج يضحك على تصرفاتها.. حبس فالدروج باهت في روحو.. يضحك! ضحك؟ من وقتااه يضحك ويجري يلعب زي هك.. حك شعرو يتمتم: لبنت هااذي مش نوورماال.. كيما تخرج الشي الخايب فالعبد كيما عملت مع أسد.. تنجم تخرج الشي لمليح فيه كيما عملت معايا.. اممم وااعرة لبنت هااذي رح تخلطنا فبعضاانا كثر.. واااعرة وااعرة...