أسيرة هوس السادي "18+" (باللهجة الجزائرية)

الفصل الثالث: قلوب محترقة (ح98)

♨ الحلقة 98♨
👑 بقلمي ✍: #أناييس_مانو 👑

ف بيت جاسر.. مجبدة عالسرير جاسر عند راسها ومنمن مقابلتها غارسة راصها مع الإيكرون تعمللها فالإيكو.. شافها ترجف شادلها يدها وباسها
جاسر: تكالماي ا حبيبة
سارة: شدني ستراس متلهقة نعرف بنت ولا ولد
أمنية: لاااا.. خلعتهم شافو فيها بخوف.. ضحكت: طلع بومينو جايكم ولد هههه الف مبروك
جاسر: خنزر فيه قطرها السم وحضن سارة لي هزتها بالشهيق دموع فرحة: ألف مبروك علينا ا فراشتي ششووت يزي
سارة: تبكي: طلع ولد هههه ولد رحمتك يااربي
أمنية: يتربا ف عزكم نشاء الله
لزوز: عيشك
أمنية: بعبوس: كون غير جات بنت به يلعبو بناتنا مع بعضاهم
جاسر: زيدي جيبي دك تلقى بنتك مع من تلعب
أمنية: مضيقة عينيها: دبر ع مرتك.. لي هازة يكفيوني.. شدت كرشها وخرجت مخليتهم يتمعشقو براحتهم
جاسر: نزل ع شفافها غطس فيهم شي 10د وبعد: ربي عزني بيك ا عمارة داري
سارة: تخشات فصدرو حشمانة: وبيك عزتي ا تاج ربي ربي يحفظك ليا ولايحرمني منك
جاسر: آمين

انفوا لحقت للصالون دق الباب وقابلها أسد مشا يحلو.. دخلو لزوز ورا بعض هزت حاجبها ووقفت عندهم تكيل فيهم.. مروة مربوثة كابسة ع صاكها بقوة شافت ف شاهين لقاتو ساهي فيها يتبسم ف شي شكل وعينيه يبرقو
أمنية: احمم وش كاين هنا
أسد: وش ديري نتي هنا؟ وش وقفك من بلاصتك!
أمنية: فديت مالقعدة قلت ندور شوي مش مليح ليا ناكل ونتكى لازمني ندير لحركة
أسد: بحدة: وقفتي بزااف زيد لفوتاي
أمنية: تايهة مع شاهين: جيتوو مع بعضاكم؟!
ردو فرد وقت
شاهين: إيه / مروة: لا
أمنية: فرزو رواحكم إيه ولالا! ... ردو تالفين
مروة: إيه / شاهين: لا
أمنية: تكتفت يديها: بديت نتوسوس
أسد: وتوتلها: تزيدي تمڨعدي ولانفرع سمااك هناا
أمنية:😳مشيت سااي.. جبدت مروة وزادو للصالون قعدو يحكيو..
أسد: الحقني للبيرو.. مشا وشاهين وراه.. دخلو وقعدو مقابلين بعض
شاهين: كاين جديد
أسد: ابدا نتا
شاهين: مراد حط شركتو ف مشكلة كبيرة.. وصلتني خبار ماطمنش ماحكيتيش معاه؟
أسد: تاأأ.. توصلني خبارو برك
شاهين: من رأاي تحكي معاه قبل ماتخسرو الشركة.. ديونات كثرت ورح يكون قدامو حلين
أسد: الإفلاس ولا الشراكة
شاهين: وعالأغلب يخير الشراكة.. تعرفو شحال مغزل ومايحبش يطيح ب روحو قدامك
أسد: حماار كون قصدني عاونتو
شاهين: مش عندكم نسبة أسهم معاه؟ علاه ماتسحبش مجلس الإدارة من تحت يديه
أسد: خليه.. وقت يطيح يعقل ومنها يصيدلي أعدائي لمتهلفين به يششفاو فيا
شاهين: مافهمتكش
أسد: مستني عدو متخفي يظهر للساحة ويكشف راسو للعلن.. وسقوط مراد فرصة مناسبة ليه
شاهين: من نيتك قاعد قمر بشركة كبيرة كيف أذيك!
أسد: وحدة من شركاتنا ماهياش كلشي.. ماحناش رح نتضرو ولا نبقاو بالشر لاضيعناها كون متهني
شاهين: انت أدرى

حطت سينية ضيافة جي ڨاطو ديسار وقعدت حاضيتها كيفاه تايهة قفزتها بصوتها
أمنية: إيييه ويينك فاااه سارحة
مروة: هاا! شي أنا هنا وش قلتي؟
أمنية: مدتلها كاس جي: اشربي بللي ريقك.. شدو شرب من ثاني رشفة بلوكاتها: جيتو مع بعضاكم صح؟
مروة: إيه.. لاا.. قصدي .. اففف.. (نفخت ع شعرها تهز رجعتو لتاالي تنهدت بالقاوي وعاوتلها كلشي)
أمنية: فاقت من صدمتها وخنزرت فيها: إيييه وش كان ردك؟
مروة: مارديتش.. شرب مالجي تشتت ف إنتباهي وتهرب بتخمامها
أمنية: شوفي فيا.. العبد أذاك بالذات ماننصحكش تعطيلو وجه
مروة: علاه؟
أمنية: ياختي غير تا تلوهيط مع لبنات مالبارات والسكرات مايخرجش.. اسمعي مني ختك وبغيتلك كل خير.. اقمعيه ب لا وبعدي عليه ع قد ماتقدري تخافي يتفلى عليك ره كازانوفا مذرح
مروة: بصدمة قلبها يضرب فالألف: بصح!!
أمنية: اممم مانزيدكش عليه شفتيه بعينك مع  وحدة اللفعة اول ماتلاقيتو.. تخافي تنڨاجي معاه ف غولاصيون تضلمي راسك يتسغلك ويطيشك
مروة: شردت معاها تخمم ف كلامها دورتو مليح ف مخها ظهرلها منطقي.. وااش تستنى من واحد عينيه زايغين فكل مايلقى فرصة يشلل عينيه ويكحل عالبناويت لايحشم لايخاف.. عبد مالصنف اذا آخر حد تخمم ترتبط بيه.. نحات مونطوها ووقفت كارهة راسها: دخت نمشي نغسل وجهي ونجي
أمنية: اوكي الدوش تعرفيه
جيست دخلت للدوش تنهدت من عروش قلبها.. تركزت ع لافابو تخزر مع روحها فالمراية.. وجهها صفر تاعب ف دقايق كحالت الدنيا ف قدامها فااه كانت تخمم وقت قالتلو عطيني فرصة نخمم! فاه تخمم أصلا كان لازم ترفض تقولو لااا بكل بساطة.. تهزت ع صوت الباب تقفل تلفتت ببطىء جيست شافتو ترعب ووحللها لكلام
مروة: و.وا..اش دد.يير هناا!