♣ الحلقة 64♣
★أسد يحكي:
خرجت مالبيت هايم.. نتخبط فلي جا قدامي ونتعدا.. لا سمعت لا وقفت لحد.. خرجت وماندري ع روحو وين ماشي.. خرجت لفرس ركبت وضربتها مدت بالجري مهربتي من تم.. كأنها حاسة عليا فهمتني وبعدتني عليها.. وجعتها وتوجعت كثر.. بكيتها وقلبي زف دم ع بكاها.. علاه عملتلي هك.. علاه تحب ادخلهم وسطنا.. علاه ماتحبش تتفهمني.. الصغار لاا.. مانحبهمش درك خليها ليا.. خليها ترتاح تهز صحتها وتكبار الصغار ماهمش هاربين مننا.. وصلت لكوخ بالعادة نجيه.. دخلت وديراكت فتت لقزازو الشراب.. نشرب فالنهار ع عڨاب عمري.. كل مانشرب مخي يقلي زيد.. اشرب كشما تنسى.. أشرب بالاك ترقد وتفطن تلقاه حلم خايب.. زيماه تكون حالتها درك.. آااه يا ربي آاااه.. حريڨة قلبي رح نموت فجرة لبنت أذيك..
★أمنية تحكي:
بكيت لين طابو عينيا وبردلي قلبي.. غسلت وخرجت تنهدت براحة كي مالقيتوش.. مانحبش نشوف خليقتو ومادا بيه ما ينعتهاليش ليام هاذو.. مع يطلعو هرموناتي تتخربق نفسيتي نقدر نولي كريمينال نقتلو نورمال.. قعدت عالسرير نخمم وش ندير بعد الحشوة لي تحشاتلي.. طلع@@@ صح.. حاكمني معاه غير لل*** رغييت بغزول وتلحت عالسرير نفركس نرمي فالفراش نعض فالماخيد هبلت جنني بكلامو لي كل ما نتفكرو يجي ف بالي نذبحو نتيري عليه نسممو ونحرقو.. كل أنواع التعذيب ونهايتو وحدة الموت.. موتو يا هربي.. هزو وهنيني منو ولا هزني من حذاه غلبت ع روحي.. حسيت بموس قطعلي كرشي تلكمتت نتوجع ونبكي نسب في زهري الحلوف.. يمكن ولدو من دك في صفو.. نعلبو زهري ونسكت..
... فاتت ساعة وزوز ماحستش بروحها زيماه ولا قداه رقدت.. فطنت ع صوت الباب يندق.. تقعدت تحك ف عينيها.. ردت جاها صوتها
الكاملة: انجم نفوت؟
أمنية: تقعدت مخلوعة تلم فالدنيا مرونة من قبل وكملت عليها هي.. دزت تحت السرير الفوتاي كركرت للدريسنڨ طولت بالردان حلت الباب ودخلت لقاتها مجنجطة بالماخيد
الكاملة: عينيها عالبيت: وش صرا؟
أمنية: شي.. رمات لمخاد تتبسملها بتبهليل.. قربتلها الكاملة
الكاملة: أسد لي دار هكا!
أمنية: نزلت راسها مالقات ماتقول.. جبدتها الكاملة وقعدو عالفوتاي
الكاملة: ماتخافيش عوايدو كي يجن مايشوف حتى حاجة قدامو
أمنية: تفكرت شعرها: حڨاار بصح
الكاملة: ضربت صدرها: نندب؟ ولدي! لايكون ضربك
أمنية: فركت يديها حابة تشكيلها منو وخايفة تجي فصفو.. هزتلها ذقنها
الكاملة: لا كشما دارلك قولي نسلخو قدامك بنتي حتى نتي ماتقوليش ولدها وماتنصفنيش
أمنية: نزلو دموعها مسحتهم: صعيب عليا نوالفو
الكاملة: مع الوقت تفهميه.. وقت تفهميه توالفيه وتوالفي طباعو
أمنية: شدتلها يدها: يمااا
الكاملة: اممم
أمنية: أنا عزيزة عليك؟
الكاملة: ماتحتاجش يهدرو فيها زوز
أمنية: عيشك.. احمم كون مانجمش نوالفو.. كون مانكملوش.. تقدري تقنعيه يطلقني؟
الكاملة: سلت يدها: ماعلاباليش وش صرالكم هو خرج دخاخينو فالسما ونتي تهدريلي فالهدرة ذي.. وش صرا بيناتكم كنتو لباس
أمنية: غطات وجهها وتفلقت بالبكا.. سخفتها جبدتها لصدرها تسكت فيه
الكاملة: يزي مالبكا فال مش مليح ونتي عروسة جديدة بالحق تزهاي مش تبكي.. قوات فالتخرنين حابة تفرغها قلبها وماهيش منجمة.. حابة تفضحو وخايفة ع فضيحتها.. سكتت وخلات دموعها يبردولها قلبها.. فاتو دقايق سكتت وهدات تسمعلها
الكاملة: أسد واعر معاك؟!
أمنية: في سرها: كلب مصعور مش واعر برك
الكاملة: فهمت.. طبطبت ع يدها: الواعر ليه رباطو
أمنية: سلسلة!
الكاملة: اخلاايا مش هكاك هههه.. قصدي ليه كود لازمك تعرفيه به تريڨليه عالشعرة
أمنية: قصدك نمشيه ع كيفي!
الكاملة: حاشا ولاد القاسي مايتساقوش من وذنيهم
أمنية: مالاا مافهمتكش
الكاملة: تفهمني كل حاجة بحاجة فوقتها
أمنية: وش نفهم أول حاجة
الكاملة: لا
أمنية: وش لي لااا.. مش حتعاونيني!!
الكاملة: أي لالا.. قصدت كلمة لا.. الرفض.. الراجل وش يشككو فذاتو وفكلمتو؟ كلمة لاا.. ماتوافقيهش ماتنقاديش.. كل ماتكون عندك شخصية قوية كل ماينجذب ليك كثر
أمنية: وش ندير بإنجذابو؟!
الكاملة: شيطييه.. وصليه للبير وخليه عطشان
أمنية: اوكي دك نشيطو.. بصح الماء قدامو مانصبلوش يشرب وحدو
الكاملة: دوحت راسها: لازمك ليكور نتي
أمنية: هاا!!
الكاملة: وقفت: والو دك نوليلك.. خرجت وخلاتها تاكل ف ضفارها تستنى فنصايحها دقايق ورجعتلها بخدامة وراها.. وقفت ع شوفتها لواش جايبين
الكاملة: شاورت للخدامة حطت لي بواط وزادت.. حلت أول وحدة هزت القفطان ومدتهولها: نحبك تلبسي هذا فالعرس
أمنية: شدتو باهتة.. قفطان حرير فBlanc.. مطرز بخيوط ذهب عالصدر وفتول نازلين ع طولو.. لمعو عينيها بفرحة: يهووبل عيشك علاه عذبتي روحك
الكاملة: تخيطلك فالسعودية ملي عيطلي أسد خبرني بعرسكم وصيت يوجدوهولك تلبسيه بالهنا.. سلمتلها ع راسها
أمنية: عيشك ربي يخليك تاج ع روسنا
الكاملة: آمين.. حلت لي بواط لخرين تنعتلها إكسيسيوارت من ذهب وديامون..: ماعرفتش ذوقك.. جبتلك ونتي خيري لي يجوك ملاح
أمنية: دمعو عويناتها: بزااف هك.. علااه هذو لكل
الكاملة: تزيني وحطي الحطة نحبك أحلى وحدة فالعرس نحبك تخرجيلهم قلوبهم
أمنية: وقلبو.. ضحكت الكاملة وضحكتها معاها
أنت تقرأ
أسيرة هوس السادي "18+" (باللهجة الجزائرية)
Romanceبين للتمرد والقسوة وقعت أسيرته... اذاقها العذاب ألوان فتمردت عليه عاندتنه ولم تستسلم... إلا ان حولت قسوته لعشق وعزفت ألحان عشقها على أوتار قلبه... فإنقلب السحر عالساحر وتحول من آسرها لأسيرها هي أسير قلبه العاشق لها... في لحظة... تتقلب بهم لموازين...
