شروط التنزيل : فوط★ + ماكس كمنتار ❤❤
(وأخيرا تحط😤 هرمت معاه بسيف ماتحطلي😤 الحاصول صحة عيدكم حبيباتي كب عام وانتم بألف خير😘 يتعاد عليكم بالصحة والعافية 😘 قراءة ممتعة للبارت❤❤)
♨ الحلقة 148♨
👑 بقلمي ✍: #أناييس_مانو 👑
من جهة خلاف.. أسد وأمنية يتمشاو فوق الطاپي على أقل من مهلهم مسايرها علخر.. دخلو على انغاظ اغنية "عالسلاسة جيتي لالة لعروسة" كانو محط الانظار حتى وصلو لبلاصتهم وقعدو يتفرجو فلي كوپل يدخلو واحد ورا الثاني.. اخرهم جاد ورانيا.. شدو بلايصهم ولي سارفور نصبو طوابل متوسطين قدامهم.. والعجايز بدااو فمراسم الحنة.. حطو الطبڨ الصندوق جنب السينية فوق كل طابلة.. بداية من عند لعرايس الجدد.. شهد لولى تلاحت سهام للحنة تسونها حبستها مليكة
مليكة: حنة ولدي نبلها انا
سهام: ولدك حنى ساايي.. هذي حنت بنتي بعدي
بداو يتهاوشو كل وحدة حالفة تسونها هي.. دخلت زهرة وام مليكة يركحوهم وينعلو فبليس.. لكاملة حسمت لموقف
الكاملة: نمشيو بعاداتنا ا خوتي.. كل ام تبل حنة ولدها او بنتها وقصولنا الحس عييييب والنااس تشووف.. خنزرت فمليكة لي جبدتها امها تهدي فيها وهي تنكر مش عاجبهت لحال
كملت سهيلة خدمتها.. الDj مشى اغنية "صلو على محمد صلى الله عليه" بصزت راضية منال.. هزت مالحنة تحني لشهد لزوز يبكيو.. والكل يدمع معاهم.. تلاحت سهيلة حطتلها ويزة وتربطلها يدها.. تبسمتها سهام بامتنان.. والكاملة محضنينها حفيداتها التوأم مصبرينها.. جات دالة مليكة حناتلها الكف الثاني.. لكل حارزها عالدعسة خايفين تبليها شي بلوة.. مع كملت ربطتلها رحمة وهزت لانجات عطاتها تمسح
رحمة: نظفي يدك لا توسخلك ڨندورتك.. وااعرة ولا طاشاتلك تترزاي بيها
مليكة: والله صح.. مسحت بزربة: عيشك ا ختي كون ما ولهتيني تكلحت
نطرتلها رحمة اللانجات وخباتها مع بقية اللوازم.. مخليتها صاهدة مع جابتها الفيقة ضيعت فرصة لا تعوض به تسود عيشة كنتها (بسحر حنتها) كلبت بقات تحيحط كشما تسرق مالحنة
بداو التبراح بمحزمة دولار من عند سهام.. خاوتها سرباو شي ورق عقود ملكية كل واحد وش عطاها.. الكاملة نصلت مقياسة ذهب خاصة ببات العيلة تراث الجدة لحفيداتها.. لبستهالها وتعانقو دمعة فرحة عالشافر.. وهكا كملو كل وحدة وش حطتلها.. بية تستلم الهدايات من الأقراب والاحباب تشكرهم وتستفهم فوق طابلة حذاهم
دقيقات كملو معاها وتلمو قدام مهى.. تكفلت حورية وسهام حناولها بنفس الطريقة.. تفلقت مهى بالبكاء بالصوت مستفقدة أمها.. حضنتها جدتها معاونتها.. الكل يشحق معاهم امان شاد راسو على شعرة.. حتى تعصب ماحملهاش تبكي.. جبدها من حورية حضنها يسكت فيها بشوي حتى هداتلو.. باركولها كل بالتسلام والطبطيب خففولها وجيعتها.. وكيما سابقتها رشقوها بالذهب والهدايا.. محزمة من بوها.. سراج هداها قد مليكة.. وسمرة باغيغ ديامون.. حورية وسليمان عطاوهم كادو بالتخبية خالاوهم فالوذن..
هداوهم خيورات ربي وزادو لآية لي كانت تتهامس مع خليل.. غير تلمو بيهم سكتو وبداو فالحنة بنفس الطريقة.. تكفلت بيها سهام ورحمة.. كملت حزمتلها بمحزمة دولار على اساس منعند بوها وهو هداهالها خليل.. تفاهم مع رحمة فالسر وفرزوها بلاما يسمعو لكل.. امنية هداتها باغيغ ديايمون.. ياسين مدلها كارت بونكاغ (وجدهالها جمال ومدها لخوها يهديهالها تكبيرة بيهم حفاد ين سالم).. تناوبو لبقية بالهدايا كل واحد وش عطاها
أنت تقرأ
أسيرة هوس السادي "18+" (باللهجة الجزائرية)
Romanceبين للتمرد والقسوة وقعت أسيرته... اذاقها العذاب ألوان فتمردت عليه عاندتنه ولم تستسلم... إلا ان حولت قسوته لعشق وعزفت ألحان عشقها على أوتار قلبه... فإنقلب السحر عالساحر وتحول من آسرها لأسيرها هي أسير قلبه العاشق لها... في لحظة... تتقلب بهم لموازين...
