♣ الحلقة 16♣
🌷أتعلمين يا أمـي... نحن حمقى لدرجة أن ظننا الحب في قلب غير قلبك...🌷
★أمنية تحكي:
فطنت على ريحة بنية دخلت لجواجيا... ريحة عمري ننساها ولا تغيبلي... إيه هي... هذا صوتها عند وذاني... تهمسلي بصوت مبحاح فيه غصة بكاا وتدعيلي... كيف عادتها وعوايدها... تغرقني بعطفها وحنانتها... هذا صدر أمي... هذا وطني وملجئي... وأخيرا الصدر لي محتاجتو لقيتو... غرست راسي نشم فريحتها... مستحلية لمسة يدها على شعري وراسي... كبست روحي وغمضت عينيا بالقوة مانحبش نبكي... مانحبااش تحس عليا... مانجمش نقاابلها... مابقاليش لوجه لي نشوف بيه معاها... أنا خسرت حالي وضعيتلها أمانيها فيا... ضيعت تعبها وسهراتها عليا فجرة غلطة... فجرة غبائي وتسرعي... أنا بيدي وصلت روحي لهنا... دموعي خانوني نزلو سخونين يحرقو فخدودي... تحسرت على شرفي... على فرحة وعزة أمي بيا... كنت بنتها... أمنيتها... ومن بعد لي صرا رح تخليني وتبعد عليا كيف مابعدو كلهم... تخضيت على يدها تمسحلي فالدموع... من لي كنت نبكي بالساكت شهقت وشهقاتي علاو... حاوطتني بيديها الزوز وكبست عليا خايفة من نسمة لهواا لا توقف بيني وبينها... عطاتها للبكا... تواسي فيا همي من همها... وجيعتي من وجيعتها... للزوز نغردو بالصوت... من غير أنيننا وغراداتنت... تنفسنا بقوة ودقات قلوبنا لي تضرب فال100... أمي ثم أمي ثم أمي... هذي أمي... هذي رحمتي... رحمة ربي ليا... فاتو دقايق مانعرفش قداه علينا... حتى ترخفت وهديت بين يديها... هزتلي راسي تحكي
رحمة: حلي عينيك نحب نشوف لونهم
أنا:....
رحمة: نحب نشوف لمعتهم... نحب نتأكد من أنها لدااخل وعمرها تفارقهم
أنا: حليت عينيا مضبابين مغرغرين بالدموع بالسيف مانرا فيها صورتها مشوشة... وكلمتي خرجت مخلطة بدموعي: سااميحيني يا أمي
رحمة: تبكي: اششش مساامحتك دنيا وآخرة
أنا: نزلت على يدها نبوس: ساامحيني لغلطة غلطتني... أناا جبتها لرووحي... هزيت راسي على سحبة يدها نشوف في وجها صفاار...
رحمة: يعني لي صرال...
أنا: شديتلها يدها: والله افترااء انا مظلومة ايما هئ هئ مااكانش بطووعيي هو خطفنيي وغتصبني هئ هئ ماسلمتووش رووحي بإرادتي... شفت مع عينيها يخزرولي بإنكسار... شديتلها خدها نحكي: أنا بنتك تربيتك... عمري عملتها ولا نعملها... عمري نوطيلك راسك على مين ماكان يكوون... ملامحها تكبسو عينيها حمارو مالغش
رحمة: شكوون هو؟ شكوون لحيوان لي (تبكي وتبوسلي فوجهي) بكالي كبدتي... شكوون لي قطفلي وردتي... شكون لي خطفلي أمنيتي
أنا: حضنتها وتفلقت بالبكا: مانعرفوش هئ هئ تحلف فيا كي ضربتو قداامو رجاالو وقت جيت الصبااح
رحمة: احكيلي ابنتي احكي
أنا: (عاودتلها وش صرا معايا الصباح فالمزرعة وكيفاه هددني ونفذ تهديدو وخطفني)
نفضتها بعدت من صدرها وقفت من حذاها وخرجت تجري لبرا... مع شافوها جراولها
آية: فطنت أمنية؟
ياسين: شحوالها ا يماا؟ حكاتلك وش صرالها؟
رحمة: بحدة: هز أختك وروحو للدار
آية: نروحو!! ونتي؟
ياسين: مانيش مروح حتى نشوفها
رحمة: عيطت: روحوو قتلك اختك رااقدة ولدرك لا فطنت
آية: يماا علاش متقلقة وتع...
رحمة: اشش كلمة زيادة لااا تحركوو للدار
آية: خافت منها شدت فذراع خوها ومشاو مروحين
رحمة: ما تتحركوش مالدار حتى نجي... تبعتهم حتى ادرڨو عاد عملة ثنيتها بين عينيها... راحتلها ناوية على خلاها... سقسات على بيروها دلوها عليه هدت عليها قفزتها من بلاصتها مخلوعة
رحمة: شكوون لي جاا بنتي هناا انطقي
رانيا: م. مم.. مانعرفوش شكو... قبل ما تكمل كلمتها شنقت عليها تخنق...
أنت تقرأ
أسيرة هوس السادي "18+" (باللهجة الجزائرية)
Romanceبين للتمرد والقسوة وقعت أسيرته... اذاقها العذاب ألوان فتمردت عليه عاندتنه ولم تستسلم... إلا ان حولت قسوته لعشق وعزفت ألحان عشقها على أوتار قلبه... فإنقلب السحر عالساحر وتحول من آسرها لأسيرها هي أسير قلبه العاشق لها... في لحظة... تتقلب بهم لموازين...
