شروط التنزيل : فوط★ + ماكس كمنتار ❤❤
♨ تتمة الحلقة 158♨
👑 بقلمي ✍: #أناييس_مانو 👑
عند أمنية.. بعدما دوشت وقضات صلاتها.. تجبدت فوق السرير تريح عضامها من نهار خلاف متعب بزااف بالنسبة.. بدات تثقال خافت تنعس والرڨدة بين العصر والمغرب خايبة ومضرة لبنادم مابالك فحالتها ب3 رواح وروحها الرابعة.. ماتغامرش بيهم جملة هزت تليفونها تبقشش فيه كشما جاها رد من روزا.. والو.. ماوصلها شي! تحيرت وكلاها قلبها عيطت لسيلا لوحيدة لي علابالها وتقدر تسقسيها.. جاوبها بالخف ملهوفة من كلمة زوز لوحلتها خبر قفزها
أمنية: كيفااه عرف! شكوون قالو؟ انطططقي
سيلا بخوف عاودتلها وش صرا بتفصيل.. منمن سمعتلها حتى ضرها خاطرها لامتها
أمنية: علاه كااذبة عليه كذبة مكشوفة وعلااه حاكيتلو مالاساس.. كون غير سكتتي ولا قلبتيه فبااالك رح يغفل بعد وش قلتيلو! شغل ماعاشرتيهم سنين وعارف طبعو ينبش ورا الصغيرة قبل الكبيرة
سيلا: ماعرفتش نتصرف.. خفت منو وعليه.. ماخلاوليش عقل قلت وش جا فبالي وقتها.. مهم هدنتو فوت نهارو كيف أي عريس.. ومنبعد يعرف يدير وش حب من حقو يطربق الدنيااا.. زوز مننا ضاعيين مش وحدة
أمنية: وديفا وين مشات هي لوخرى!
سيلا: مانعرف.. مابقيت عارفة والو عليهم
أمنية: اففف عالمحاين كي تجي تجي ورا بعض ا ربي.. نشاء الله يكونو بخير برك
سيلا: بغصة: نشاء الله
أمنية: وروزا وين مالفة تكونو بالعادة؟! كشما بلاصة محددة تنعزل فيها؟؟
سيلا: كل مرة كيفاه.. مي ولا مرة طولت هك ولا باتت لبرا.. مانيش مرتاحة لغبرتها ذي
أمنية: تأنا.. على ماه ناوي نشوف مابيدي نعاونكم
سيلا: لحد الساعة مازدت جبدت سيرتهم قدام البوووص.. نطڨس خبار من جماعتنا كشما وصلهم خبر نبلغك اول بأول
أمنية: ديري مزية فيا.. كشما يكون بيناتنا التليفون.. بقيتك بالسلامة ا ختي يله باااي
قطعت.. وشردت مع تليفون فيدها تخمم فروزا ووش فات عليها لبارح.. مافاقتش بيه وقتاه وكيفاه دخل ولا وش دار! حتى لقاتو قاعد قدامها بقش الدار ينشف شعرو.. دوش وهاهو مقابلها وقتاه صرا هذا كل مافاقتش!
جمعت راسها تعبرو بشوفات خاطفة متبسمة
أمنية: بصحتك.. قرب نشفلك
أسد: نتي لي تجيني مش لعكس
أمنية: والضد علاه!! نجيك متبسمة وعاجبني الحال عال عال مش راجلي وحبيبي
تبسم شطر ومدلها يدو حكمت فيها جبدها لصقها فيه.. هزت المنشفة تمسحلو فراسو.. عجبو الحال سيبلها روحو وتلهى يتحسس فكرشها مستمتع بقربو من ولادو.. ماتحركوش حيروه شاف فيها عاقد حواجبو
أسد: شبيهم؟!
أمنية: والو
أسد: كيفاه والو.. مالهم راكحين بزااف على غير العادة!
أمنية: يكونو ناعسيين.. قبيل برك تحركو عادي
أسد: بشك: لا يكون كشما بيكم ومخبية!
أمنية: على من؟ عليك! علاه نخبي عليك!!
أسد: به مانرعدش علييك.. عارفة راسك يوم كامل ماهدنتي ماخليتهم هدنو! بياانسير كشما وقعلهم مانحسابك غير نتي.. بويسك هازتهم وطايرة مع الطيووور فالسماء
أمنية:سيبت المنشفة معصبة: رح تبداني بعد! مادرت والو ا ربي علاه سخون عليا هك!
أسد: مانسخنش عليك هك.. غمزها حشمها.. سخرت رجعها: نهدر ليوم وغدوة لاماهدرتش عليك وعلى ولادي.. على من نهدر.. هممم.. بجاه ربي ديري كلامي حلقة فوذنك.. ثقالي وحظي راسك منا وجااي جهدك تولديهملي معافية بيك بيهم.. لفترة ذي حساسة مانجيش نقريك وانت قارية وفاهمة بزاااف
أمنية: اه عارفة.. خلاص ندير وش قلت نثقل ونحظي راسي.. حتى نولدهم بخير
أسد: شدلها فكها صهدها ليه: مليح.. وحظيلي راسك ديما مش على جالهم وحتى تولدي.. ماعندش منك عشرة ا زينة قلبي
أنت تقرأ
أسيرة هوس السادي "18+" (باللهجة الجزائرية)
Romanceبين للتمرد والقسوة وقعت أسيرته... اذاقها العذاب ألوان فتمردت عليه عاندتنه ولم تستسلم... إلا ان حولت قسوته لعشق وعزفت ألحان عشقها على أوتار قلبه... فإنقلب السحر عالساحر وتحول من آسرها لأسيرها هي أسير قلبه العاشق لها... في لحظة... تتقلب بهم لموازين...
