أسيرة هوس السادي "18+" (باللهجة الجزائرية)

الفصل الثاني: جارية بتاج ملكة (11)

♣ الحلقة 58♣

دخل لبيروه حل الpc خربق فيه ثواني وخرجولو تسجيلات كاميرات المراقبة.. تكا ظهرو عالكرسي جبد الpc ليه وشرد يتفرج في فيديوهات الصباح بالذات.. كل مايراها يتبسم.. كل ماتضحك يرفرف قلبو.. حط يدو عالpc يمسح ع خدودها لحمر سخنو من دفى الكوزينة.. يشوف فيها تنكز تجري هنا ولهيه توجد فالغدا فرحانة رغم تعبها وغلبتها.. كبس ملامحو كي تفكر بكاها وتشخنينها عندو.. تعبها تخصر شكون مولاها شكون.. فوت دقايق فالفيديو يدعي في سرو ماتكونش هي.. مع دخلت تسلت تخزر مع جنابها جن رغاا وخبط البيرو.. قلب لكرسي ورااه وقف ثاير يكسر فالدنيا صوت عياطو مالي الدنيا.. سمعتو جاتو تجري
سهام: أسد شبييك علاا...سكتها برغيتو
أسد: يمااااا.. فرع كلشي قدامو راحلها جبدها من ذراعها خلخلو حستو ملص رغات متوجعة.. قفللها فمها مكرز نزل ع وذنها يهمس: علااااش عملتي هك.. فركست رح تتخنق جبد يدو
سهام: وش درت!!
أسد: جيت نفهمك دخت.. جيت نعذرك مالقيتلكش عذر
سهام: بلعت ريقها إحساسها قايللها تكشفتي.. جات تشدلو يدو سخر
أسد: مااتقيسيينيش ردي بالك تمسيني
سهام: علااه تعااملني هك علااه.. كلو منها هي.. حبت تبعدك عليا وظاهرها نجحت
أسد: تعمليها قد راسك وتحطي اللومة على غيرك
سهام: اعرف مااتهدر أمك راني
أسد: علابالي مع شكون نهدر.. وكون جيتي وحدة خلاف تشوفي مني شي خلاف
سهام: نزلو دموعها: وقتااه تفهم هم حابين يبعدوك عليا
أسد: نتي بعمايلك تبعدي فيا عليك.. ماتحطيش اللوم ع غيرك
سهام: خلاص سكووت يزييني من كلاامك
أسد: نسكت حتى يوصلك ردي القاوي
سهام: هذا ما يجينك منك ا ولد كرشي!!.. دزها عالبيرو لفتلها الpc ومشا الفيدو.. مع شافت روحها تفضحت شهقت تلفتتلو تبكي
سهام: خليني نفهمك
أسد: مااعندك ماتفهميني بان كلشي
سهام: ترمات عالكرسي تبكي بالصوت شايفتو مكرز مشمئز منها.. غاضتها روحها كي تفضحت بالشكل اذا.. تستطعف فيه بدموعها وتحاول فيه يسامحها.. نفضلها يدها بغش
أسد: مش انا لي نسامحك اطلبيه من صاحبتو
سهام: حاببني نتذل يعني.. رح تحاسب أمك ع جال لي تزوجتها من 3 أيام
أسد: قعد قفازي قدامها عصرلها كتافها: يمااا لآخر مرة نقلهالك.. مااتبعدنيش عليك بعماايلك.. ماتزيديش دوريلي بمرتي
سهام: تبكي دم: تحبها للدرجة ذي
أسد: جمدتو بسؤالها.. رجفو يديه جبدهم ووقف عاطيها بالظهر: تعرفيني من بكري محزاز ع حاجتي
سهام: لفتاتو ليها: مااتحبهااش.. ماتحرقش روحك بيها.. البنت بنت أمها موصيبة كيفها ولا كثر
أسد: جمع بونيتو غشو لحق للطوپ..: كلمة مانعاودهاش.. مرتي لالا ا يما.. افهميها زيما تحبي ونقولها.. البنت عششلي فروحي.. وسكنتلي عقلي.. وكل ماهي لباس نولي لباس
سهام: ضربت فخاذها: سحرتك اللفعة
أسد: يماااا.. رعبها بلعت لسانها.. قحرلها: تقول لا هدرت لاندبت.. هز روحو وخرج هج من القصر ولقرية كلها.. ركب فسيارتو ساق حارق الطريق ساعة مالزمان كان قدام الفيلا تاعو الجديدة.. دخل لقاهم يجهزو فيها.. هالموبيليا.. هالديكورات.. لفراشات لي ليستر كل حاجة تنطق بروحها تقول راني بعراام درااهم ومن ارقى الماركات.. ترخفت ملامحو عاجبتو خدمتهم شاور للمسؤول جاه يجري
أسد: ع قداه تكملو!
م: قصدك ع ليوم؟!
أسد: اممم.. كملوها ليوم.. جا يهدر سكتو: جيبي خدامين خلاف لاشتا 50 واحد لمهم نولي نلقاها واجدة
م: امرك اسيدي
أسد: مليح تنجم تروح.. خلاه وزاد هو زار الفيلا شبر بشبر.. ولههم لحاجات يريقلوها.. طلب تجهيز خلااف غالب عليه الغوز في حالة ماعجبهاش لي تحط.. خلاهم وخرج ركب ورجع منين جا