أسيرة هوس السادي "18+" (باللهجة الجزائرية)

الفصل الثالث: قلوب محترقة (ح81)

♨الحلقة 81♨

هزت ساكودوها ونزلت تزارب وقفت عند الباب تعافر فالمفاتح.. الستراس الغش الجوع تلاقاو عليها بالسيف ماحلت الباب دخلت ورجعتو وراها حط رجلو حبسو بيها.. تلفتت بزربة مخلوعة لقاتو هو جعرت
آية: خير علاه لاحقني
خليل: نتأكد انك دخلتي
آية: وهاك تأكد شمازال دير هنا
خليل: دزها دخل قفل الباب وراه وحط الساشيات فلرض: سربيلنا لعشا راح نطيح مالجوع
آية: بعزة نفس مصطنعة: هز قضيتك وكول وحدك
خليل: ماتحلاليش وحدي
آية: حتى أنا بص.. احمم: مادخلنيش هزهم واخرج عليا.. خلطلها وجهها وبعدها من طريقو قعد عالفوتاي
خليل: جيت ع جالك وشريتهم مالأساس ع جالك.. don تحركي سربيهم لا يبردولك
آية: بصوت أنثوي رقيق: أوكي مرسي تعبتك معايا.. مدت يدها للساشيات كان عندها هزهم قبلها
خليل: نوصلهم للكوزينة ونتي اغسلي وبدلي عاد سربيلنا
آية: هزتلو راسها بإيه وراحت.. وصل الماكلة حطهم وخرج قاصد الدوش.. دخل نحا الفاست علقها ولحقلها التريكو.. شاف مع ذراعو ينز بالدم لدرك لا حبس.. بلل يدو بالماء يمسح فالدم وعينيه يقلبو ع بواط فارماسي وين محطوطة حلت الباب ودخلت هازتها.. رغااات ع منظر دموماتو تقطر.. حصرها مع الباب وقفللها فمها بيدو
خليل: اشش بلا عياط حابة تلمي علينا الجيران
آية: زغدت راسها بلا
خليل: نهز يدي تحبسي رغي اوكي.. رمشت نحا يدو ترشقت
آية: خلايا ذراعك دمك الدم باقي يسيح نزفتي بزااف ا شومي سترك ربي قريب موتي.. شحقت وصرفقت خدودها: تقدر تموت كون تبقى تنزف هك
خليل: يكيل فيها من ساسها لراسها لابسة بيجاما غوز وتاتها جاية مع فورمتها.. شعرها النواغ رطب طويل واصل لحزامها هز راسو معاها ع آخر كلمتها: نفهم أنك خايفة عليا
آية: بلاما تخمم: أكيد أصلا كون كشما صرالك ف جرتي عمري نسامح روحي ولا نعتلق الكلب أذاك ل.. قص عليها حصرها علخر مع الباب وغطس ف شفافها يداعب يتفنن ف رسم بوساتو.. تبسم بفرحة وقت ماتفاعلتش ماجاراتوش رح تبقى ديما فنظرو ألماس خام يشكلو ويصقلو كيما حاب هو.. مازالها صغرونة بريئة ماجربت ماتجرأ واحد قاسها قبلو.. ع قد ماجرب وعرف قبلها يبقى رجل شرقي يشدو الشي الأصيل.. تشدو الأصيلة بنت الحلال لي عمرها خالطت وخلطت مع الرجال.. مش حاسس بيها تتغوصر تتوجع تحتو.. مش حاسس بيها تدزو تقاوم فيه.. ترفع عالعالم غرق يترشف من شهدها خلي نقولو معادلة مصتعصية بالنسبة وتعهد أنو يلقاها حل.. يقربلها ويعرف سر إنجذابو ليها.. صهد دفا صدرو لعريان قدامها مع بوساتو تلفوها خدروها عرفت روحها رح دوخ وترجع فريسة سهلة أي واحد ف مكانو يفترسها.. مالقاتش حل بخلاف جرحو تفطنو بيه.. حطت يدها ع ذراعو وكبست عليه بالقاوي.. توخز توجع فطن وبعد عليها بزربة.. وقفو لزوز يخزرو لبعض ينهجو بالسيف ما سالبين طولهم.. نطقو مع بعض
خليل: آسف
آية: اخرج
خليل: نخرج؟!
آية: آسف!! قرب منها حبستو
خليل: اصبري نفهمك أنا
آية: قلتهالك قبل ماتزيدش تبوسني وااش مااتفهمش نتاا
خليل: قفللها فمها: اشش بلاا قباحة ماتعليش صوتك عليا
آية: نطرتلو يدو.. قباحة! شايفني نرضع ف صبعي ولا ف سوسات تقولي قباحة.. دزاتو لقباحة تالصح تاعك ما تزيدش تحط شنافرك ع شواربي تفهم فيا ولااا نفهمهالك ب بريكا سخونة تكمدهملك
خليل: شادة ضحكتو: نتي ديما فرس زي هك!
آية: فرس ونص و تماق مالفوق
خليل: تماق(👡)!!
آية: يخبطك ويخبط أي واحد حابب يعديها عليا.. ماتقولش صغيرة برهوشة نكلحها ندي منها وش نحب ومادامنا فامي ماتحلش منها تأاا ماتديش مني ظفر وزيد نفضحك ملفوق
خليل: تكالا ع لافابو يحك ف راسو ملتالي: فاه تروي رحمبوك وش من فيلم درامي تكتبي فيه فمخك لي قد اللوزة أذاك
آية: عينيها ع صدرو كتافو الميسكلي وطبليطة الشوكولا: لمهم أني هدرتلك وخلاص
خليل: إجي هنا قوليلي علاماه جرا وراكم الحمار أذاك
آية: يبسل كيفو كيف أي حمار
خليل: عض شفتو قاصدها خوفها حلت الباب وهربت تعيط
آية: داوي ذراعك بالخف راني جيعانة ياتلحق يا ماتلحقش عالشوا هاني نبهتك
ضحك ع هبالها ملي يحصرها دورهالو مجرمة تخوف ولا تهرب تنفذ ب ريشها.. هز لبواط جبد منها حاجتو وشاف خدمتو الجرح ماكبيرش مي يلزم يخيطو كي يروح.. نضفو عقمو غطاه بونسمون وشبح ذراعو ببونداج لبس قشو نضف الدوش من دموماتو غسل وخرج نضملها لطابلة لعشا.. قعد مخرج عينيه فالحالة مرونة كلات من كلشي قريب ما خلاتلوش صح
آية: كول ولا حتى نعرضوك
خليل: ناكل؟ يغفرلك ربي وش خليتيلي حتى ناكلو
آية: صوندويشك تا لفريت مزال بزييو
خليل: كثر خيرك مانعرف زيماه منع منك
آية: خليتو لخر
خليل: خطفو بزربة: ا بنعمي تقول لا تاكلي لا تشوفي
آية: خبطت الطابلة: الناس وقت تاكل تقطع الهدرة مش تاكل وتندب فرد وقت
خليل: يمضغ: كاش نهار نهارك نقتلك ونتفك من ربك
آية: تزغدلو ف حواجبها: حتى نعود سايبة دير رايك فيا يا... خالي.. ضحكت بإنتصار تغزل فيه وكملت تنقرش م الشوا كل مرة منين بردت قلبها وعبات كريشتها