♨ الحلقة 109♨
👑 بقلمي ✍: #أناييس_مانو 👑
خرج يزرب ينفخ يلم في غشو.. امو وراه تجري تتعوج بالطالون قريب طيح حابة تحبسو خايفة يبهدلهم قدام الضياف مالحقتوش.. هد عليهم فالصالون مع دخل بانتلو الصفروطية قاعدة على الفوتاي فالنص.. صحابتها حذاها من جيهة وامها مالجهة الثانية.. بانولو بحال الساحرة الشمطاء وحباباتها زاد جن كثر وكمل عليه صاحب بوه وقف حذاه طبطبلو على كتفو
صاحب بوه: اهلا ا ولدي.. جيت فوقتك به تلبسو الخواتم
شاهين: نفضلو يدو يغوث: شمن خواتم تاع###ي لي تحكي عليهم
شهقو الضياف نساء ورجال تصدمو عالكلمة لي قالها.. معروفين بمستواهم العالي والسبان مايدورش فقاموسهم
جبدو بوه وزير على ذراعو
باباه: اسكووت وش كنت نوصي فيك
شاهين: وااش وصيت واااش!؟ شمازالك ماتهدر!
صاحب بوه: عيب لي قاعد يصير احكي مع ولدك وافرز حكايتو بلاما تفضحونا
باباه: جبدو: ماتسودليش وجهي احكي بأدب مع الراجل وخلي الخطبة تفوت على خير منبعد نهدرو
شاهين: نفضلو يدو: انت بالذات مادورش في ساحتي لا ننسى انك بابا ونبدا بيك انت لول
فات فيهم وراح للبنت (ليديا) نوضها يخض ويعارك
شاهين: وااش بااغية من قساامي.. يااك وصلتلك ميسااج قتلك مانديكش كون تقعدي نتي اخر بنت فالدنيا مانديكش والله ماديتك
ليديا: نطرتلو يدو: وااش الهمجية تاعك اذي والأسلوب لي تحكي بيه.. دزتو: اعرف ماتهدر تأنا مش سامعة بيك.. ولا ميتة به نزوج بيك
شاهين: كي عدتي مكش ميتة عليا علاه حاطة الحطة وجااية تنعتيلي في خليقتك بيك بعيلتك بالهجلاات حباباتك
ليديا: حد هنا مانسمحلكش.. علابالك بيها صفقة بيع وشراء من عند والدينا نسيت! نفكرك؟.. بابا اقترح على بوك لي رضخ وباذلال وافق على كل الشروط كأنو باع.. قص عليها ضااڨ
شاهين: خلااص بللعييي.. شرع يدو وضربها بكف لا يقرا ولا يكتب جابها فلرض.. وتلاح عليها ينوض مالشعر ويخض.. دارو بيه من الجهات كل باباه بوها امها وصحاباتها الكل يفكو.. وهو هاج رجع مايضويش يدز فيهم بالواحد يعارك قيم حرب صوتو رعب الضياف نوضو الحس والهرج.. بداو فالتمنشير والتقطاع عملو حالة
شد فراان بالقاوي رجالو نفس الشي.. عملو صوت زلزال خلعو لي فالفيلا كثر ماهم مخلونين.. حل الباب رح ينزل
اسد: خليكم هنا دك نجي.. نزل نزلو وراهم وحدة ماداتها فيه تعصب: وش هدرت مع ربكم؟
طفاتو تحبج وراه لباب الفيلا بانلها الغاشي ضارب الحطة عوجت فمها
أمنية: متكونش غلطت فالفيلا.. هذي كأنها فيه فرح شوف العالم لي فيها
خزرو كل للباب شافو ماشافت مافهمو والو.. وصلها خبر فشكل وحالة الدار بلي فيها فشكل مغاير تماما!!
مروة: عيشكم خلينا ندخلو بالي بقى عند شاهين
اسد: خليكم قراب مني..ماديرو حتى حاجة.. ونتي (مروة) سنديها عاونيها تمشي
زربو دخلو بالشوي يوصلهم صوت العراك وهدرة مش مفهومة.. توسوس وحب ياخذ احتياطاتو كلم رجالو فالearpods طلب مجموعة منهم تلحقو ويتأهبو لأي طارئ.. دخلو فالناس يدفعو لين لحقو للنص.. تصدمو من هول المشهد.. مروة مركزة مع شاهين يتضارب مع جماعة دايرين بيه.. منمن وأسد يربطو فالخيوط بداو يفهمو وش راه صاير
أسد: تعصب من قوة الهرج زأر بأعلى صوت: سكااااااااااات.. زعزع الفيلا بلي فيها تقطع الحس ضربة وحدة.. دفعهم بالواحد وجبد شاهين حذاه.. كلامو مع بوه وصاحبو: وش صااير علااه متحااميين فيه كل
باباه: موضوع عاائلي حااجة ماتخصكش
أسد: عائلي؟ قلتلي عائلي! متقابض مع ولدك على جال صاحبك قدام لي يسوى ومايسواش وتقول عائلي! اصلا كون مش على جال ولدك وخبر انك فالموت تطلع فالروح ماتشوفش وجهي هنا
امو جرات لأسد تهدي عارفة وين مصلحتهم.. اسد مش شريك ولدهم برك.. شحال من مرة عاونهم فصفقات وشراكات بفضلو زادو علاو وغناو كثر
امو: بترجي: اسد اهدى ماتغشش عمك ماقصدوش والله ماقصدو وش فهمت
أسد: سخر عليها: قصد ولا الله لاقصد.. الكلمة عندي وجه بارود لاخرج مايرجع ومايخيبش.. وش ولد القاسي لي يتحكى معاه زي هك
شاهين: تكالما اصاحبي ماتمرضش روحك بمشكلتي خليني ندبر راسي معاهم
سي منير (صاحب بوه): كي ظهرت فحل وبكلمتك اوفي بكلمة بوك لي مدهالي واقبل بالزواج من بنتي
شاهين: صهدلو: يخي بڨااع ولابلا ڨاع انت ويااه؟ مالتو تندبو برك.. ياو قلتها وعاودها الف مرة بنت الملهط لي ماخلات حتى نقش لعبت معاه ماانديهاش ماتناسبنييش
شهقو كل مالكلام لي قالو
سي ناصر (باباه): شاااهيين.. منير هز يدو رح يضربو بقاتلو مهزوزة فالسماء
أنت تقرأ
أسيرة هوس السادي "18+" (باللهجة الجزائرية)
Romanceبين للتمرد والقسوة وقعت أسيرته... اذاقها العذاب ألوان فتمردت عليه عاندتنه ولم تستسلم... إلا ان حولت قسوته لعشق وعزفت ألحان عشقها على أوتار قلبه... فإنقلب السحر عالساحر وتحول من آسرها لأسيرها هي أسير قلبه العاشق لها... في لحظة... تتقلب بهم لموازين...
