#في_الغرفه_التاسعه

في الغرفه التاسعه ٢٢

وكفت بوسط الهول واستعانت باديها لعرض قهرها
( اگلج شسووى .. رحن نتسوگ .. وچان يشوف امنه اهناك .. غير ساح وذاب وتبخر ..
وراح سلم عليها .. وعلى عبالك اني وياه ..
بس خوش فشل من عرف متزوجه )
(متزوجه شوكت ليش مگالت )

بادرن بالسوال متعجبات وانا جاوبتهن
( بلي حجيات تزوجت واحد من گرايبها سوتله معامله من بلدها )

بعد سماعهن الاخبار ام كرار راحت تهدي نرجس الواصله لقمة غيرتها
( نرجوسه .. اكرم مايريدها لامنه ليش غيرانه )
( منو الغيرانه اني )
ارتبكت وگفت بشموخ
( مو غيرانه .. اغار من هاي الضاربه وجها الف قاط صبغ .. بس هي عاملتني بغيره وسالته
( اليست هذه اخت احمد .. )
ماواجهت الكلام اليه على اساس هي فد مقام عالي .. ونسيب امي يگوله
( نعم هذه نرجس ) وسكت
وماكمل منو نرجس لاگيها بالدرب شني جايبني اشيل علاليگ وياه )

استفزتها ضحكات الحجيات وهي تغلي وتتوعده
( الا القنه درس ماينساه ) اندفعت للغرفه وانا ابرر الگاله
( مايگدر يگول مرتي غير يخاف .. من القانون )
ردت بغليل متصاعد ( واني هم اخاف من القانون و مااروح وياه .. )

شغلنا النقاش بموضوعها .. بينما ام حسين تعبر عن فرحه بحال نرجس المتطور للغيره
( شفتن شلون تغار عليه .. معناه تحبه ومتفاهمه وياه .. بس ماادري هو ليش محاول يگلها على الحجاب .. هسه حتى لو وحده بوحده )

طمنت مخاوفها بوشوشه ام كرار ( اني حاسه هالولد فاهم نرجس ويعرف ماذبت الحجاب للتباهي والغوى انما عقده وراح يعالج هالعقده قبل ميگولها على الحجاب )

تاملن خير .. وسكتن ونرجس تقتحم المطبخ

ومازالت في ردود ساخنه بينه وبين امها ..

وانفتحت الباب ودخل احمد .. سلم على نرجس
( احنيشه اهنا .على گولة اكرم . وصوتها واصل للشارع .، اكيد متعاركه .. الله يساعد صديقي على هالورطه )

كلماته المازحه طمنتني .. ونظرته الاختارت تحط عاى ملامح وجهي سكنت غليان روحي

اما نرجس فصوتها شق مدى الشكوى صفيت وياه ،، قبل متعرف شسووى )
( هسه يجي واساله شسووى )
جاوبها ( ولايهمج هسه يجي واحقق وياه واعرف شسوى )

تركت مكان وجدونا بعصبيه ..

سدينا باب غرفتنا وفتح احمد الشباك ..
واستنشق هواء منعش .. والتفت اليه
( تعالي شوفي الورد الزرعتيه طلع بالوان حلوه )

بجانبه صرت وامتدتت ابصارنا للورد مع تأسف
بعبارتي ( حرامات راح نعوفه ونشيل .. مالحگنا نستمتع بمنظره وريحته )
ابتسم قبل جوابه ( يبقى صدقه جاريه. محفوظه الچ ... مو حرامات ... ابدا ))

اثنيت على كلامه وسألته بتردد ( سيد وشغلة الادويه )
جاوب بانتعاش حقيقي ( الدكتور وقف الوصفه فاتصلت بالعياده وطلبت احجي وياه
ومن جاوب گلي متحتاج ادويه تحاليك بعد العمليه طلعت طبيعيه )